abc_8765的個人專頁

第一次留食評，因為食到好嬲。預訂時打電話問過可唔可以預留bb凳及俾張少人出入嘅枱俾我地，因為我地有6個大人2個bb，驚太逼出餐上菜會整到bb，接電話嘅侍應話無問題，會俾張近bar枱嘅枱我地，嗰度係餐廳埋邊，會少d人出入。但去到餐廳，以上所有request都無cater到，話張枱俾左人，俾左張最近廚房出菜嘅枱我地，bb凳亦俾唔到我地，只有一張booster。其實miss左我地嘅request唔係咩大件事，但serve我地個位肥哥哥侍應一句唔好意思都無講過，而且全程一副不耐煩嘅態度，完全不情願幫我地。搞左一輪我地自己終於settle左bb 坐位問題，侍應就催我地落order，因為用餐時間只得90分鐘，做生意要翻枱，明嘅..但佢地俾我地嘅感覺係我地阻住佢做生意…不過都算啦，都入左來，咪照落order囉。跟住該為肥哥哥侍應上餐時，剛巧嗰2份餐都係坐最埋嘅朋友嘅，我地坐開邊嘅人因爲抱住bb唔放便幫手傳餐，就指指埋邊，話：「呢2個餐係佢地嘅」，示意佢行埋去上菜。肥哥哥一貫不滿嘅表情，免爲其難咁行過去，明顯係覺得我地應該自己傳嗰2份餐埋去。到嗌餐飲時，問肥哥哥可否重複講多次有咩選擇，肥哥哥面口又再黑d，然後又趕住落單唔耐煩聽清楚我地嘅order。食到咁上下，另一位貌似senior d嘅侍應就攞張單過來話夠90分鐘要交枱，然後係無問過我地食完未，就9秒9咁清我地張枱。咁心急趕我地走，以爲好多人等緊啦，但埋完單行出餐廳同朋友企係餐廳外邊吹左一陣水，眼見無人排隊，亦都唔見有人行入餐廳。（定係農曆七月佢地餐廳員工睇到d我地睇唔到嘅嘢？）平心而論，食物嘅質素係高嘅，分量亦唔少，但佢價錢係荃灣來講唔算平，而嗰位肥哥哥侍應嘅服務真心差（另外位後生仔侍應係ok的）老實講，如果咁唔情願幫客落單，不如考慮QR code 落單，又如果咁唔鍾意serve客上菜，不如轉做自助餐吖。不過其實都唔重要，我同我朋友們都一定唔會回頭再幫襯。…查看更多