tnmen的个人专页

我地三個大加一個bb,俾左張大枱，空間好充足，又係角落位，唔驚bb喊，坐得超舒服！員工非常友善，超級幫忙，啲菜式好靚又好味！價錢合理，份量又夠，個人覺得好抵食！仲有甜品寫birthday msg，真係好貼心！最驚喜係有張超級無敵靚嘅生日卡，不過幫佢地戴定頭盔先，果日平日唔算繁忙，驚佢冇俾其他人會俾人話，但我地係超驚喜，以為蛋糕寫字就算！可能個天補償返我地前幾日係mega box食左間超差嘅燒肉放題，真係好唔同，天堂與地獄嘅分別🤣🤣好多謝beans嘅廚師同員工，令我地有個超愉快嘅晚上，兩個壽星超滿足！我一定會再返黎食！…查看更多

不知所謂的放題，第一次食lunch食到一肚氣，聲稱$99放題食75分鐘，今日難得放假，想試下，加上megabox燒肉放題真係得佢一間，第一次去試吓，點知就係惡夢嘅開始，破壞哂一日咁美好嘅假期！首先講下啲嘢食，$99係只包肉同少量嘅蔬菜。而飲品、飯，就算連換燒網都係要加錢！！！啲肉更加唔洗講，街市最cheap果隻$59質素都好過佢，有根又鞋橡筋咁，仲要薄過0.01。再講下個爐，迷你到以為用左縮小電筒縮細左，重點係張枱勁大，可以坐到4人，但個爐一個人燒都嫌細，其實冇心做可以唔好做放題，我唔介意俾貴啲但食得舒服啲！再講吓啲人嘅服務態度，係超無質素，明明用app落到單，又話15分鐘前截單，我哋21分鐘前落左啲單冇黎，佢淨係俾左4條腸仔我地，我哋追左幾次，佢淨係話你哋食唔食得晒？仲有15分鐘就交枱，但都冇俾到我地，最後8分鐘再問佢，佢話唔俾我地，話我地唔會燒得切，食唔到，我話食唔切係因為你地一直冇俾我地，我地可以係app落到就係未截單，最尾佢用啲極差嘅語氣：「咁俾少少你哋，你地要係7分鐘內食哂，唔係要收返錢！」跟著30秒都唔洗就俾左8塊豬8塊牛，好似施捨俾乞兒咁，最尾我地炒牛肉豬肉咁鯨吞咗，真係食到一肚氣，每人都食左$148，lunch黎講都唔算平，但咁嘅質素同態度，請我都唔會再黎，未見過放題做到咁，冇心又驚蝕就唔好出放題啦！！真係好肉酸！！…查看更多

魚片頭好香又彈牙我最意淡口味 所以湯底好岩我加埋佢個超正辣椒油岩岩好我都另外買左樽辣椒油$80真係好好味河粉同湯量充足乾淨又熱辣辣三餸外賣$48真係性價比好高！值得去食呀…查看更多

食左雲吞牛腩河啲粉唔靚有陣怪味啲雲吞又細粒啲菜有沙有啲黑色一點點唔知咩黎好唔乾淨又唔好味個湯底清到滾水咁腩汁勁少啲牛腩又普通收$54根本唔合理性價比低到一個點可以講係我食過最難食嘅粉麵店真係唔會再幫襯…查看更多

好咸同好腥 飲左5分1已經頂唔順😢米線勁少 得兩啖之前食過好多次都係牛肚 牛腩 魚蛋 墨丸 好好味！河粉好多，但今次試吓啲未食過嘅嘢就好失望⋯⋯⋯但我都會繼續幫襯🙂食返啲大路嘢…查看更多

食物款式有很多選擇，不論熱或冷盤，味道都很好，量亦足夠，算係我心目中頭幾位嘅自助餐，但熱盤的食物再熱一點就更好。甜品款式都好多，未能全部試哂，覺得最好味嘅係榴連奶凍及榴連醬，椰子雪糕同Godiva 雪糕普通，都係果啲味。整體黎講都算唔錯，但性價比唔高，因為我星期日去食午餐，一個人加埋一都要5百幾六百蚊，有啲貴，但成家人食得好滿足同開心，所以都值嘅。可能因為疫情關係先易啲book到位，之前想book都成日話full booking ，間唔中一次都可以嘅，但值唔值要等咁耐同呢個價位就見人見智喇⋯重點一提，全場較為值得食嘅係榴連，所以唔鍾意食榴連嘅人可以考慮去其他餐廳會值啲…查看更多

薄到好似糧尾個銀包咁，紙咁薄都算，勁甜，一啲topping 都冇，$79得一塊自己係屋企都煎到嘅pancake加pat醬!!!!?!杯shakes 勁甜，唔好飲，66蚊一杯？去Godiva 飲都冇咁嬲！個人覺得好難食，一啲都唔抵食！！好耐冇打個OpenRice食評，呢個真係差到忍唔住想打多幾篇！未黎食嘅可以唔洗抱咁大期望，唔怪得星期日都唔洗等位！！好奇想知啲好評點黎？？真心覺得好搵笨，完全唔抵又唔好食？好失望！！…查看更多

經同事介紹去左試呢間車仔麵⋯中午食飯時間約十二點幾去，好多人排隊買既方式都係傳統車仔麵叫餸咁⋯但呢度令我好緊張，因為後面條隊千軍萬馬咁，車仔姐姐已經擺出一副十秒夾完一碗麵既預備姿態出黎，所以排隊時就要諗定食咩，再用急口令方式叫出餸名，到我時我真係以急口令式叫出「蘿蔔、牛腩、豬腸、甜酸齋、魷魚」，連高效率摩打手既姐姐都聽唔切，俾漏左魷魚我⋯仲有佢冇問我要唔要辣，我又唔記得叫⋯所以今日係食得異常清淡。結論係聽日要再去食多次，誓要食到魷魚同辣醬！食飽飽好滿足，甜酸齋好味！如果豬腸再清乾淨點就更好（不過我都知清洗豬腸係好花時間同手力）總而言之呢間係一間中上級數既車仔麵檔！…查看更多

話說我同女朋友晚上去試吓呢間沾面，平時經過會見到好多人喺門口等位，排晒隊咁，所以今晚決定去試一試，點知賴嘢🤮🤮🤮🤮🤮🤮🤮🤮我哋叫咗兩碗沾麵，個樣好靚, 跟住我夾起第一啖面, 就見到有條頭髮🤷🏾‍♂️好失望，之後我同啲店員講,佢就話換碗新嘅比我, 其實心諗頭髮姐大排檔都成日食到㗎啦冇嘢嘅,(自我安慰)好快第二碗新嘅面又來到啦，點知呢碗有 發泡膠粒，究竟係我黑仔定佢哋廚師製作過程唔乾淨。湯底唔夠熱，舊肉唔夠熱 佢哋會用Grill爐，grill 一grill舊肉，但係grill 到成舊肉都係全部炭屎，證明個爐好污糟，舊肉食落去苦嘅！全間野最好係杯茶。我唔會再去。…查看更多

真係好抵食⋯服務好好⋯可能我本身都好客氣有禮貌⋯兩個人食左好多野⋯抵食⋯環境幾好⋯食物質素好好⋯冇漏單任食黎講算唔錯！菜苗餃有蝦既好似蝦餃咁⋯個叉燒飯幾好味⋯真心唔錯⋯抵食⋯…查看更多