dominicj33的个人专页

居高臨下嘅餐廳大地在我腳下嘅感覺😎 享受一餐高級嘅午餐先呢一段滑溜蝦腸腸粉好滑蝦好爽口跟住叫一個炸嘅好似香芋咁嘅嘢好香口好好味不過唔識點形容聽朝叫粒高級燒賣食下上面有一隻鮑魚珍珠雞味道剛剛好大小適中跟住叫一個鮑魚咁嘅蛋撻再叫咗煲雞煲雞起咗骨食得好高級最後要講就係個廁所餐廳嘅廁所其實係好緊要因為個廁所好容易影響食客嘅心情呢度個廁所十分清潔唔需要講而且居高臨下一望無際 去都去得舒暢啲享受咗高尚嘅一餐😎…查看更多

正宗台灣風味嘅小店先叫一個燙青菜最原始嘅食法燙熟佢落少少豉油熟油一層一層金絲出嚟食清甜好味跟住叫個花枝丸煙韌度一流 炸得啱啱好再配埋佢個醬汁酸酸辣辣好醒胃跟住再來兩碗麵先講個紅燒牛肉麵牛展炆得好冧 亦好入味跟住叫個三寶麵牛筋牛肚牛肉 全部都好入味炆得夠淋 但係都算有咬口面底亦都爽口彈牙最後要講嘅就係吸引咗入呢間小店嘅美食麻辣鴨血鮮甜嘅鴨血 再加上麻辣簡直絕配佢嘅麻辣麻得嚟唔算太辣所以唔太食得辣嘅人都可以食鴨血咬落去 同台灣嘅味道一樣今年冇得去台灣嚟呢度食台灣菜 頂住先整體嚟計我會為咗呢碗鴨血再嚟多次…查看更多

疫情期間仁安醫院食堂不切堂食方圓幾個山頭只搵到一間餐廳好唔好食都要入去試 首先叫個乾炒牛河🐃口感超油膩 成個口都係油牛肉亦都醃得太耐 食唔到牛肉味只食到醃料未呢個牛河應該改名叫做乾炒油河食咗幾啖冇心機食 但又未飽肚所以叫隻雞髀咬下唔叫由自可一叫把幾火😤點解可以塊皮完全唔脆 啲肉又鬼死咁韌唯一可能性就係佢哋賣淨啲貨返炸再翻叮叫咗三樣嘢最高水準都係罐可樂記住係一罐可樂埋單嘅時候見到張單 寫住歡迎再次光臨睇嚟真係好難再次光臨😓…查看更多

週末揸住架車四圍去搵個靜靜地嘅地方食個下午茶剛好經過馬鞍山鞍山茶座佢哋仲有免費泊車我就馬上停低架車入去試下順便休息下如果以環境嚟計外面有個海旁容易停到車 附近亦都冇乜嘢 幾寧靜坐低消磨時間幾好不過食物就有好大嘅進步空間我叫咗個豉油王炒蝦燒炒麵得一個字鹹除咗鹹我食唔到任何嘅味道之後叫咗個西多普通嘅西多 賣相一般味道一般整體來說呢個地方食物有無限嘅進步空間但係如果去到郊外用嚟消磨時間叫罐可樂坐下 不失為一個好地方…查看更多

星期六下午抗疫疲勞落街搵嘢食，所有餐廳都迫爆😱同一商場三間餐廳全部撳曬飛邊間最先有位入邊間最後元氣壽司跑出人多流量特別新鮮我已急不及待胡亂點餐海膽墨魚好味貝殼類極之新鮮每件壽司都泛起立立令嘅油光吞拿魚亦都呈現好新鮮嘅紅色連啲蝦壽司都特別弹牙軟殼蟹手捲脆卜卜嘅紫菜包住好軟嘅飯再包住脆卜卜嘅軟殼蟹 好味 跟住再叫兩個烏冬嚟飽肚湯底好味烏冬亦都好滑最後再叫一個泡芙做甜品整體來說食物好新鮮忠告大家 想食新鮮嘅壽司就越多人排隊嗰間就食嗰間…查看更多

限聚令底下座位減少等咗一小時三十分鐘終於可以入到去小朋友要等到不耐煩先做一個兒童餐畀佢兒童餐顏色豐富色彩繽紛小朋友最鍾意大人就叫個酥皮湯做頭盤酥皮好香牛油味再叫一個洋蔥圈做小食炸到脆卜卜之餘又唔會覺得揸得太燶跟住叫咗個意粉味道正常不過最特別嘅係我叫佢加啲芝士粉畀我佢充滿誠意搵條友揸住嚿芝士喺我面前刨最後就叫咗個墨汁海鮮意大利飯唔知係咪意大利飯都係要煮硬飯海鮮味好香不過真係好硬咬落去好似食生米咁意大利飯我食親都係有呢個感覺究竟係佢煮得硬定係真係一個傳統🤔整體都係坐得好舒服味道亦都唔差賣相亦都唔差…查看更多

行街行到攰攰哋再加上畀個口罩焗到我頭暈剛好喺呢間超市見到有張枱 有蠔食我馬上點選一份高級街頭小食順便可以脫下口罩休息一下98蚊四隻號其實真係好抵食佢仲要即開即煮新鮮程度極高先講講佢嘅味道佢嘅蠔好新鮮好鮮甜加上佢個酸辣汁青檸味好香亦都夠辣好好味不過有個好大嘅問題如果食生蠔佢一定係好新鮮好鮮甜但係如果食燒蠔燒得就唔係好夠乾 水份太多煙肉同生蠔亦都不能溶為一體兩個味太獨立生蠔好味燒蠔好味半生熟蠔就唔好味又可以引用食神史提芬週嘅對話好好地一粒咖哩魚蛋畀你搞到冇咖哩味亦都冇魚味下次再嚟食嘅時候我一定淨係食生蠔點佢個辣汁千祈唔好同我煮…查看更多

疫情底下沒有晚市 明白到餐廳準備材料會遇上困難今天午餐嚟到尖沙咀想食小籠包面對品種繁多嘅餐牌 可惜大量菜色都沒有供應只能簡單叫幾個基本餸先叫一個魯肉飯滷肉飯啲肉真係比較老味道都一般跟住叫一個紅燒牛肉麵味道可以 份量適中之後叫咗客金牌小籠包個皮好軟但係夾起嘅時候又冇穿到技術好好味道唔算標青但係都好味跟住叫一個辣椒皮蛋我唔知道正宗嘅食法係點如果將我嘅感覺寫落去皮蛋唔夠糖心 辣椒味亦都入唔到皮蛋度味覺上兩種味係分開 辣椒同皮蛋互相搶味整體來說味道一般不過遇上這個環境 大家也不想的希望將來好景嘅時候可做返一種高水準嘅台灣菜…查看更多

昨日食下午茶嘅時候見到隔離枱叫一隻外賣雞🐓我就想買一隻返去加餸😏點知原來要早一天預訂😫既然近期晚上都冇得出街食飯所以我昨日都訂一隻今晚加餸🍗🍖🥩佢個包裝好精緻不過始終味到先係最實際佢隻雞好香雞味 而且好嫩滑嫩到雞胸都唔覺得韌佢個薑蓉同個汁亦都好好味佢嗰個汁酸酸甜甜辣辣好似有啲食泰國餐嗰啲味👍不過除咗外賣 其實今日我同個朋友都有嚟堂食佢個餐牌好趣緻好古怪呢幾樣不過我哋冇叫我哋都係叫番啲正常嘢食我個朋友叫咗咖哩豬扒飯佢話好好味不過講唔到點樣好味但係我冇試到所以味道唔作評價但係賣相都幾好我就叫咗佢個是日推介韓式拌飯味道好有韓國風味近期天氣咁鬼熱 冇乜胃口食呢啲比較醒胃😋最後要講就係佢個餐廳環境好闊落好舒服佢哋亦都做曬間板食得都幾放心整體嚟講好味 環境寬敞 餐廳好乾淨大家都經歷咗好耐嘅抗疫時間希望疫情盡快過去，大家可以繼續四處去食好嘢！…查看更多

真係每間駐場嘅廚師都唔同之前去過同一品牌嘅餐廳食到我都唔算太高興不過今日又真係幾好味首先叫咗個 海鮮拉麵湯味濃沃 面底夠彈牙海鮮味亦都好鮮甜跟住叫咗個自由配搭嘅通粉通粉底都好爽口彈牙不太林亦不太硬湯底亦都好清甜之後叫咗個玉子牛肉飯牛肉個汁好好味加埋個玉子撈埋碗飯簡直係無械可擊最後啲杯飲品 真係值得一讚佢用鮮檸檬 再加利賓納利賓納本來好甜 但係加咗好酸嘅檸檬肉加檸檬汁大熱天時剛好有解渴清新嘅感覺整體而言食物唔係好特別不過勝在所有味道都配搭得好好所以都有下次…查看更多

自助山嘅旋轉餐廳首要就係欣賞個境同埋餐廳旋轉嘅特色一坐低嘅時候就感覺到舒舒服服享受一個午餐淨係睇個景都抵而且佢嘅食物多元化款式亦都好多 所以都算係一個意外嘅驚喜佢嘅魚生得四款選擇唔算太多不過就好新鮮凍海鮮方面唯一失色就係午餐冇生蠔食如果唔鍾意食冷盤熱食亦都好多選擇我最鍾意就係佢個燒味檔同埋天婦羅甜品亦都好多選擇有雪糕 有糖果夾餅 同蛋糕 仲有我最討厭食既馬卡龍添行到另一邊熱食枱仲有一籠籠蒸點心不過由於人數眾多每次只可以排隊攞兩籠整體而言享受咗一個舒適嘅午餐環境食物嘅多元化亦都算係有意外嘅驚喜…查看更多

飲茶對我嚟講係極度嘥時間帶住小朋友小朋友亦都極不耐煩首先等位已經超過一個鐘頭終於入到去面對住花多眼亂嘅點心又再加上極度肚餓所以我就嚟個瘋狂亂點先叫咗幾個炸嘢炸雲吞炸蝦 手工好精細而且味道亦都唔會揸得太油膩味道非常之好跟住叫咗一個煎糯米雞外脆內軟黏黏地好好味而且入面嘅餡料亦都好嘢味鮑汁鳳爪亦都好好味炆得好林又唔硬又唔怕好咸 蝦餃就包到好似隻水餃咁手工精緻最重要係小朋友嘅點心整得唔靚佢就肯定唔肯同我坐咁耐一隻豬仔同一隻兔仔都吸引到佢乖乖哋慢慢食整體來說好好味都坐得好舒服下次經過如果唔使等咁耐仲好…查看更多

食牛肉放題火鍋牛肉其實間間都差唔多所以今次講呢間肉質都唔算太特別今日又一行三人 叫個中上價錢嘅牛肉放題先講佢嘅配料全部醬汁都好似係現成一啲特別都冇最大鑊係食火鍋點可以冇生辣椒佢哋嘅配料全部都係倒出嚟嘅醬汁要食辣豉油要用乾辣椒粉自助檯嘅食物亦都冇乜特別驚喜都係菜同埋啲肉丸肉嘅質素就見仁見智海鮮就喺冰箱攞出嚟要等好耐先至溶到冰全部都係冰嚟總括嚟講今餐放題就係食飽個肚一啲驚喜都冇 而且仲冇生辣椒醬料極度冇誠意唔會選擇食多一次…查看更多

見到餐牌好有越南感覺入到去既時候店員好友善而且仲有一個加分位佢見我小朋友唔夠高 專登加個墊畀我哋食越南嘢當然係佢個河粉 先可試出到佢嘅功力所以首先叫個生牛肉湯河湯底好清甜 河粉亦都好滑牛肉亦都好鮮甜跟住叫咗一碟海南雞碟雞略嫌佢個雞胸唔夠滑比較硬同埋醬汁唔夠味之後做咗四串沙嗲燒得都好香 個沙嗲汁都好好味而且啲肉又唔會燒到好乾肉汁依然保持喺入面最後就叫咗個炒飯飯粒水份比例炒得好好味道亦都剛剛好 唔會唔夠味亦都唔會太鹹總結店員服務態度一流食物大致上好味有下次…查看更多

人口密集嘅美孚新村只要你開餐廳就算幾難食都要排隊今日嘅午餐真係都幾一般先嚟一個三寶米線 魚蛋同魚腐都有就好大陣腥味😨跟住再叫咗一個極度油淋淋嘅乾炒牛河牛河唔夠甜味亦都唔夠鹹味只係得個油味整體嘅味道就叫做唔好味跟住叫咗個唔知咩米粉茶餐午餐肉好淋好粉又係一啲唔好食嘅午餐肉個米粉有啲醃肉 好大陣雪櫃未唔知佢係地係咪擺咗好多日最大鑊係杯雪碧我本來想飲罐裝點知佢哋冇佢哋話得杯裝一沒氣透明嘅糖水現在我眼前兩個字形容 惡劣整體來說 好難有下一次…查看更多