or#Tm65930146's Profile

第一次幫趁，叫咗個海老濃湯叉燒拉麵同燒賣Combo，三粒燒賣意外地好食😋 拉麵湯底蝦味濃郁，但偏鹹，麵底比較腍，似超市買到嘅麵煮過龍咁，整體嚟講，以呢個價錢呢個質素，我覺得合格。 環境方面，新店乾淨，不過坐到好迫。落單喺個網站俾埋錢，cashless, 後生可能冇問題，不過坐我隔離個阿叔俾錢時就好困惑咁。…Read More

今日好趕時間，得15分鐘俾我食嘢，咁啱喺Moropain附近就啱晒，於是走入去買個開心果酥皮撻醫肚。點知買完之後行去張枱度發現棟咗張卡寫住「請勿在此飲食」🤦🏻‍♀️咁冇辦法啦，唯有「7街食」個撻好好味，開心果醬味道濃郁，個酥皮鬆脆，不油膩👍🏻 之前試過佢啲麵包都幾出色，濕度、軟熟度都做得好好，不過就細件咗啲，價錢都唔平，撻好似抵食啲😂…Read More

第一次試呢間拉麵，睇過其他分店食評好壞參半，我都係想親自試吓。今次叫雞白湯拉麵，湯底ok, 麵質都OK唔錯，叉燒夠嫩滑，唯獨是個炸牛蒡絲最敗筆，炸完擺咗好耐咁，一啲都唔脆，而且唔夠乾身，有啲油。以$148一碗呢個質素嚟講有啲貴⋯ …Read More

銀座篝香港開店前已非常期待，因為話說喺日本第一次食雞白湯拉麵就係幫趁佢，初嚐時還記得感覺非常驚艷，一直記住呢個味道。後來試到好多唔同拉麵店嘅雞白湯拉麵，我都係鍾意呢間多啲。講返香港店開咗一星期左右就去幫趁吓，一人會比較快有位（我排咗10分鐘左右），如是者我都係叫最basic果款，味道同我喺日本食嘅係一模一樣，雞肉好軟熟同滑，叉燒好淰，湯底好香雞味😋不過個湯都超級熱吓⋯希望繼續keep住水準，我會再幫趁👍🏻…Read More

好耐冇食過南記，可能間間分店唔同人煮，質素唔同，唔知點解覺得呢間啲配料比較少，同埋個湯底比較淡⋯ 叫咗個小窩米線少辣，魚蛋有陣水喉水味，牛丸ok, 最愛都係春卷，好好味。…Read More

星期六下午去食lunch,見有jellycat主題all day breakfast就叫個嚟試試⋯如果純為打咭就算啦，如果為食物質素，我奉勸大家都係叫其他嘢食好啲。成碟嘢，個包有牛油香，但硬過飛機餐，菠菜淡而無味，雞胸超嚡兼無味，牛油果加蟹肉蓉啲牛油果好苦⋯ 啲菇，牛蒡，三文魚粒，松露炒蛋，就普通水準⋯ 去呢度都係食返佢啲waffle穩陣啲。飲品叫咗espresso tonic, ok…Read More

第一次幫趁，果日係星期五晚上6:30，我入座後陸續有客入嚟。QR code落單、俾錢（link入面完成埋付款）似乎唔收現金。 店員似乎只得一位，就係煮麵師傅，佢cool cool哋，語氣帶”堀”，但你主動好禮貌唔該佢，佢語氣又會溫和啲。講返食乜先，果日我叫咗個海老味噌沾麵，個麵份量幾多吓，幾有咬口，唔錯，沾麵汁蝦味濃郁，不過食多兩啖就發覺好咸⋯ 而且太杰，好似打咗芡咁杰⋯整體而言我自己就一般般，可能食開重口味會鍾意。…Read More

近期成日睇IG見人講呢間波蘿包漢堡店，賣相吸引，所以專程由新界出城嚟中環試吓佢🤓Menu有5款餐，你亦可以揀自由配搭嘅burger，同其他單點食物、飲品。今日我揀咗高蛋白餐，個餐包括黑醋蛋雞堡+炸鱈魚燒賣+凍Bolo菠蘿茶黑醋蛋雞堡個蛋好滑，雞扒好大塊厚身，多汁嫩滑，主角係個波蘿包，波蘿皮甜度剛好，夠脆，一口咬落去出奇冇散開，好正😋👍🏻炸鱈魚燒賣都意外地好食，同平時啲魚肉燒賣比較，呢個會爽身少少，但最正係佢個沙嗲汁，好好味，又同個燒賣好夾👍🏻最後係凍Bolo菠蘿茶，有片乾波蘿做裝飾，飲落甜度剛好👍🏻店員好有禮貌，其中一位唔知係咪老闆，主動問我啲食物覺得點，係點樣知道佢哋呢間舖，仲傾咗陣計，好有心😊…Read More

Bookmark咗呢間拉麵店好耐，終於經開附近去試。通常第一次幫趁，我都會試咗佢主打果款睇吓伏唔伏先😂叫咗特級白湯拉麵，上枱好大盆，先試啖湯，濃度，厚度都好平均，唔錯，但又唔算好驚艷。麵係粗麵條，幾有咬口。叉燒有三大塊，以慢煮處理，幾腍身，有啲黑胡椒喺叉燒外圍，幾好食😋溏心蛋好靚，不過可能味醂有啲重，對我嚟講唔算太鐘意。個人口味嚟講，覺得好食嘅程度未去到要刻意再幫趁，但經開都會去食嘅。環境方面，我一個人夜晚時間去食，星期五晚冇乜人，被安排坐吧枱角位，空間有啲窄嘅感覺，可能碗麵太大，但張枱細，加上坐通道旁，多員工出入，而置物籃又大，我要拉入啲怕kick到人，而另我要斜少少身坐，所以坐得得唔舒服。…Read More

我覺得好食嘅，批底好鬆軟但如果你只會食薄批的話就唔係咁啱你。冬甩有驚喜，個人認爲比較鐘意呢間多過Mister乜乜⋯😂呢個一人餐有一個迷你批，一個冬甩加一款飲品，$118，一個人想食pizza時，呢度啱晒👍🏻…Read More

今日晏咗食lunch, 去到唔洗排隊，但都多人食。第一次食日本過江龍嘅台式撈麵。叫咗個近期喺日本比較多人食嘅芝士撈麵同綠茶梳打。粗麵，彈牙，芝士味道唔係好濃，質地拉到絲，撈埋有少少辣嘅汁同肉碎，幾好食，下次再去想試吓佢招牌果款撈麵😊綠茶梳打正常，微甜。因為今日著白色tee, 有位男店員好好人，話怕我撈麵時會彈到件衫，所以拎咗條圍巾俾我，非常貼心服務，讚👍🏻…Read More

第三次幫趁，食物高質，店員好有禮貌，會繼續支持👍🏻 今次食日式咖哩猴頭菇野菜定食，包括兩款漬物同甜品蕨餅，個猴頭菇包咗好薄嘅粉炸過，食落似素排骨，好味😋 仲叫咗黑芝麻燕麥奶latte，唔會好杰身，幾好飲👍🏻…Read More

叫咗個開心果latte($50), 幾好飲但都好細杯吓，不過個伯爵茶黑糖麻糬牛角包就好難食😓 相中果幾粒啡色方形物體原來就係麻糬⋯ 真係食唔出咩質感，個伯爵茶cream失敗，牛角包好似便利店啲又凍又淋嘅包咁（$32）同其他連鎖咖啡店一樣，叫完嘢食，自己搵位。啲坐椅攝滿麵包碎，啲枱椅有啲混亂咁⋯…Read More

今日唔係咁肚餓，又唔想去Stxxbucks 果啲咁頹，碌吓open rice見到Mooo! 有light meal set lunch就走去試吓。 $8x 有湯，沙律同飲品（平過stxxbucks喎😱），加$20可配多個甜品。 今日係蘑菇湯，味道濃郁，有水準😋 蝦沙律新鮮，蝦鮮甜彈牙👍🏻 巴斯克蛋糕我覺得比較似new York cheese cake多啲，但好味嘅👍🏻 咖啡正常唔錯嘅👌🏻另外值得一讚係由入到店到埋單，全程啲店員都好有禮貌，我用餐係坐戶外，店員不時都會留意住坐戶外位置嘅客人有咩嘢需要。話說我食食吓突然吹大風落大雨，雖然戶外都有蓋頂，但店員都好貼心即刻出嚟問洗唔洗幫手移返入室內，真係抵讚👍🏻…Read More

話說天氣涼涼哋，想食啲熱嘢，於是就去咗山本屋食鍋燒烏冬。一入座，左右兩張枱都係大陸客，當我用餐嘅時候，侍應走去我左手邊嗰枱問客人有冇用緊大眾點評，跟住就同客人講你分享點讚就會有甜品送，如是者再同我右手邊嗰枱問返同一堆說話，又係送甜品，身為香港客嘅我感覺有啲奇怪同埋不良好，雖然我唔志在啲甜品，但好似餐廳唔多重視本地客咁囉⋯⋯ 為免尷尬，都真係未必會再成日幫趁😅…Read More