上一次同朋友食完，覺得好好食。星期五黎到仲要排隊等位呢。⭐️第一次叫卡邦尼意粉，十分有驚喜，估唔到串燒店嘅意粉咁好食，一啖接住一啖！私心最愛🫶🏻⭐日式汁燒魷魚筒，好特別，醬汁甜甜地，魷魚爽口彈牙，處理得十分乾淨。⭐蒜蓉包，滿滿嘅自家製蒜蓉醬，食完口入面超濃蒜蓉味，麵包燒到好脆。⭐安格斯牛小排，估唔到串燒店都有牛扒食，呢個牛小排真係好高質，完美嘅食材只需要簡單嘅調味，食到好濃嘅牛味。十分推薦👍🏻⭐呢個鹽燒油甘魚鮫，魚皮燒到十分脆口，魚肉十分嫩滑，滿滿嘅骨膠原，原來唔係成日有的！真係好運氣，推薦大家！⭐芝士雞肉薄餅，每一下拉起都會拉絲，雞肉勁多，滿嗮出來嘅餡料，仲有三色椒嘅調味！⭐串燒仲有好少見嘅日式芝士年糕，咬落去軟綿綿，裏面爆開芝士醬，值得每人一個分享。⭐司華力腸估唔到比想像中好食，燒到皮脆卜卜，我本身好鍾意食司華力腸。⭐豬頸肉一定要叫，燒得十分香口，油脂感滿分，咬落去肉汁爆嗮出黎。👍🏻👍🏻私心最愛嘅串燒⭐魷魚鬚都十分之好味。我每次黎到都必叫。私心推薦…查看更多
