Seanbat88的个人专页

同屋企人去澳門旅遊，見之前街市遊樂團啊介紹過呢度就去睇下啦。 店面不算古色古香，但的確幾有味道，幾懷舊，親民嘅感覺。坐低見到價錢就嚇親人啦，無論係咩點心，30蚊一籠。即係你個樣好親民，但係入邊嘅價錢一啲都唔親民，咁嘅感覺係咪叫唔熟唔食啊？ 唔緊要，呢啲我當前菜，我哋嘅目的其實過嚟食個隻雞嘅。坐低拿咗4籠點心，之後老細就親自過嚟問我地要咩，介紹左兩樣野，一樣係雞，另一樣我唔記得係咩。然後我哋就叫咗半隻雞，等左10-15分鐘都未有，我哋又出去拿多3籠點心，食緊之際，點知突然隔離枱遲我地5分鐘左右點餐嘅枱個半隻雞就到左，咁我就出去問老細話個半隻雞未到啦，點知個老細同我講話: 下，有咩，我唔記得喎，咁你等陣啦，我再整過俾你啦。其實如果佢同我講唔好意思，佢唔記得咗我都冇嘢，佢完全唔覺得自己有問題，一啲歉意都無，算啦，我係遊客，可能我唔識澳門嘅規矩，我再等一等，等多差唔多半個鐘，都冇見到隻雞，老細就淨係行嚟行去招呼其他客人。我再問一次老細隻雞得未，佢答我哎呀，未浸好。 我只好解釋我地係遊客，實在無時間再等啦，只好取消埋單。然而呢個老細仍然收我$30一籠點心，則係$210。老實講食野俾錢好合理，但係4個人食咗$210，幾乎係仲肚餓嘅情況下，佢仲要俾氣我受。我諗無人會認為210係合理。其實人一定有可能做錯事或者唔記得啲嘢，但起碼你態度好啲，同埋真係去跟進下啊，佢完全係覺得佢本身係做街坊熟客生意，我地呢啲遊客唔需要理，因為無回頭。所以我完全唔推薦遊客去食。…查看更多

同老婆行完銅鑼灣，晚飯就openrice下有咩好食啦，見到一間新開嘅 古今premium一於試下佢之前都食過觀塘個間，但呢間一上到嚟就感覺好唔同，感覺似居酒屋，而且位置好寬敞，舒服。不過當時已經有其他客人就無影環境啦。首先經理帶位已經好有笑容好親切，另外因爲餐牌上無寫材料，服務生都會為我地講解，態度好好，值得加分！點左4樣 首先登場係 蜘蛛同倫敦橋正所謂重質不重量 呢兩樣份量唔多，但入口嘅滿足感真係不得了蜘蛛嘅入面軟殼蟹同牛油果都好新鮮好有味而且夾倫敦橋我望住佢直頭嘩一聲，海膽嘅份量真係唔少，亦都好新鮮之後再嚟 火山同鰻魚Pizza火山 一個要焗嘅卷物 個感覺有啲似火炙壽司，但佢個口感又豐富過壽司鰻魚Pizza 個汁好好食 鰻魚都好大塊 個底係薯餅，唔會太油膩，不過唔建議兩個人食，因為薯餅都幾飽整體而言好值得一試，因為係銅鑼灣你要搵一間環境寬敞，靜，服務勁好而價錢屬於中等嘅食肆真係唔易最後去Toilet 發現都好乾淨 啲嘢都好整齊！都係一個加分位…查看更多