SoJohn712的个人专页

難得公司請食飯, 大佬唔得閒就唯有得我呢d細既勉為其難頂上, 食呢餐相信都近千既正宗法國菜.我自問成世仔都未試過, 亦唔會捨得去食呢d貴族級佳餚,所以我完全無視左成班老細自顧自咁幫所以野食影寫真舖頭門面當晚既setting (我就坐喺中間比成班老細s夾住)老細s係門口位食完ham同cheese, 拿住紅酒白酒chill完一大輪終於埋位.Waitor亦好細心咁由starter一路介紹到dessert, 我低頭望一望張menu, 水蛇春咁長, 佢仲要見到有鬼佬就席, 於是之後足足十五分鐘都係用英文介紹. 長長既menu用既字好多我都聽唔明就隨便點了先泥左3隻好fresh既生蠔, 配著白酒食有著濃濃既海水味, 鮮甜但唔會太膩又夠足量同質感之後就係Appetizer既吉品鮑, 配住兩種唔同既sauce食, 但呢個真係食精緻, 太細份食完都唔記得左咩名然後湯我仲叫左個魚湯, 個微微既魚腥加上唔熱唔凍既水溫, 實在唔太習慣, 後悔住咁望住隔離幾個都勁開心咁飲緊個蘑菇湯之後又等一輪終於上main dish既rib eye steak, 煮得岩岩好個texture超好食肉味又夠濃, 成功將塊扒既質素發揮曬出泥.最後上埋甜品成set就岩岩好, earl grey味既雪糕好好食, 係個cheese cake真係有d太膩總括泥講呢餐正宗法國菜係好好食, 亦都好岩傾住計食, 我隔離d老細都由一開始無視我到最後講到話要約出泥.食物精緻唔在講, 望落靚食落都開心d, 再加埋餐酒同環境, 其實好岩兩個人慢慢享受,食完呢餐就會明咩叫燭光晚餐係真係好有feel…查看更多

路過呢間旺角地舖, 見約左朋友時間尚早, 又有少少肚餓,就去搵返間粉麵食順手坐下等朋友,見到呢間門面咁靚, 門口又貼住有午市優惠就走入去試試.一入去見到右手邊排曬大大張梳化卡位, 左邊就有一大幅好sharp醒既壁畫,成個氣氛營造得好高檔, 坐得亦都好舒服.睇左陣餐廳又特級牛又和牛咁好似好西利咁, 我就簡簡單單叫左個生熟牛河試試佢手藝先 (迷之聲: 貪平就貪平la)等左都成15分鐘終於上到碗Pho, 但waitor要問先比配料我, 之後湯底唔夠熱整返熟d生牛肉, 熟牛展又唔夠腍不過河粉夠滑身, 湯頭同牛展牛味夠出都追得返d分睇在佢環境唔錯份上下次可以再泥試下其他野.…查看更多

一路都知佐敦多好野食, 試左十幾間餐廳終於試到呢間家座小店.呢間舖處於內街街角, 全店以落地玻璃裝潢, 光猛舒服, 入面簡潔通爽茶餐廳設計, 店員顧客熟到會吹水傾閒偈.坐低望下隔離幾枱都食左鵝瀨, 咁我第一次入泥都入鄉隨俗叫左碗泥試下上瀨粉時跟埋碗例水, 湯頭味精味偏重, 瀨粉都有d散同難夾,但個鵝同菜就好好味, 鵝味好香鹵汁餘蘊又長, 配住瀨粉又夾得泥,呢個價錢真係唔錯, 係份量唔太夠, 女仔食就岩岩好…查看更多

呢間餐廳經過左好幾次都係排曬長龍, 難得今次早左無咩人就入去試下.見佢大大個招牌寫住叫飯意, 諗住都係食下意粉Risotto ge je,點知見到斜到面枱有個waitress埋到面前即炒鐵板飯咁我緊係唔執輸即刻叫返個la,佢寫到明叫招牌熔岩芝士蛋炒飯, 仲要先56蚊,平到咁唔使諗就呢個la你知la, 出到去你要叫人泥你面前唔好話炒個飯, 煎個蛋都隨時成舊水先落到樓ga ma等左大概15分鐘, 見到佢將個飯包到成個pepper lunch咁送上泥,係我面前落蛋再落芝士逐樣逐樣炒,d香味谷曬出泥迫到我個胃打曬鼓咁一見佢撈完就即刻一啖送入口.雖然只係正常泡菜飯味, 配埋芝士同蛋香幾樣加起泥都夾味, 無話好驚喜,但勝左炒飯熱辣辣又有香味視覺效果, 係抵佢有咁多人排隊btw, 叫呢個餐記得記得要配個特飲, 普通野飲要加7蚊而特飲先9蚊,真係完全無理由要叫個熱飲咁傻豬, 佢個紅豆冰都唔錯ga…查看更多

同朋友食完飯就提議去食甜品, 行過後街見到有間老字號專賣燉蛋白,就入左去人頭叫左一碗泥食.一入去就好舊式家族小店, 後面廚房用捲簾半掩,淡淡的燈光充滿著香甜的蛋白味.老闆走出泥就好proud of咁sell佢地d燉蛋一滴水都無加, 成間舖心機就淨係放喺燉蛋白一味甜品,於是就好簡單咁問我地想食熱定凍, 熱就香濃, 凍就清香.我地3個都食完飯飽飽地就叫左個凍既清清地墊底,一挖落去面頭有一層比較膠質的蛋凝層, 之後就係滿滿滑溜的蛋白.我自己就唔係好慣面個層, 於是就同朋友傾計傾起,點知老闆即刻搭訕話面果層先係精華, 熱食係唔會有,叫我認真呷真佢不過我都係鐘意下面果個清香蛋白多d…查看更多

喺佐敦剪完髮肚髮, stylist就推介我去試一間叫肥龍既餐廳,我心諗咁既名應該都係間茶餐廳泥je,點知去到門口先發現係專營上海菜好奇心驅使於是餐牌未睇就走左入去,店面一眼望過去光鮮闊落得泥又有d家庭feel.坐低嘆左陣茶就叫左個火腿津白泥食雖然津白唔夠嫰口有少少渣, 但已經比好多自號正宗既好食.而佢煮法亦夠正統, 勾芡有淡淡奶油味又唔會太濃稠.如果津白同芡可以再多d金華火腿既香味就無得輸.但都係果句, 呢個價位有呢個水準就已經非常好…查看更多

每次經過荃灣都會好掛住呢間肉餅哥, 雖然佢個短置比較偏離鬧區, 但食過一次就一定會上癮心思思想走返泥佢叫得做肉餅哥, 當然最拿手就係整肉餅la,但絕對唔係叻一道菜咁簡單, 而係叻到成版menu都係肉餅,唔同口味, 你諗到定諗唔到都會有, 仲要好好食係揀緊野食果時佢已經serve左碗湯比你飲住先,唔好睇佢只係碗例湯, 呢個世代你要飲到碗足料又無味精都已經要打曬貞節牌坊掛喺門口.而肉餅哥就係咁低調, 淨係會叫你苦惱揀咩肉餅好呢度肉餅大致分煎同蒸兩種, 咁我上次叫左老干媽蒸肉餅, 今次就叫左個流心芝士煎肉餅泥試下.我個人比較鍾意食菜飯, 感覺健康d, 唔係可以白飯白粥油飯都ok.佢個肉餅除左面頭有厚厚一塊芝士, 中間夾層仲另外有一塊, 保證你啖啖都食到濃濃芝士味, 芝士仲同煎既肉餅特別夾, 香脆富肉味又夾住可以拉得出絲既芝士, 撈住菜飯食的確係人生一大快事…查看更多

聽髮型師講附近有間係小儀投資既車仔麵店值得去試下, 於是剪完髮就過去la~剪完都係大概九點鬆少少,已經見佢舖頭吉到好似就收咁, 問左佢又未閂就照入去食,但一入到去就問到有陣霉味唔理la, 肚餓照就叫左個車仔麵同一杯紫背天葵泥食,車仔麵有呢樣飲其實又幾驚喜既, 同埋佢仲有好多幾特別既餸可以揀.等無幾耐佢就上菜la~一見到佢個時菜竟然係椰菜我真係呆左兩秒,再放入口果下又再呆多兩秒, 竟然真係無汆水成陣臭青味, 好似碟頭飯配菜咁,大佬我有比8蚊叫你加ga wo,再食豬心就有內臟爽脆感, 但就完全無味.淨低牛腩同湯底就唔差ge, 但已經拉唔返分.之後食食下我就想加辣食, 佢個辣油出乎意料好好食wo.再當我想再加個樓面居然夠薑過泥收, 話要入返箱,我再抬頭一望, 大佬r, 你唔係櫈都收埋之後趕人走下ma.當我話我仲要個辣油佢仲唔心息話拿支羹叫我拿夠佢就收埋,得la, 你咁講其實都無咩原因要再返泥食.…查看更多

約朋友食飯講起想食burger,即刻諗都唔使諗就帶左佢地泥呢間食唔好睇呢間舖收左喺內街唔係點起眼,但其實只係老闆將心思慳左喺Dec靚店面同做好野食我自己就叫左每次必食既BLT Burger, 朋友就試新野叫左推介既華盛頓總統堡.我食呢個Burger唔會話貴但絕對拍得住出面百幾蚊一個果d.個麵包脆口, 漢堡扒夠牛味又Juicy,最重要係佢d汁full到出曬野, 夾埋佢d sauce成件事岩岩好.做呢個包果時又有考慮埋層次口感, 唔同layer食落口都仲可以分得清,絕對高水準, 搞到我次次經過都會好想再食朋友就叫左呢個Washington Favourite,成個Burger以黑松露醬為中心, 再以芝士既重口味再衝擊味蕾,朋友都話好好食, 但我個人唔太偏好巴馬火腿配喺Burger入面啫.朱古力奶昔朋友就話口感同味道都好似溶左既雲呢拿雪糕, 一聽到我即刻無左意慾試所以評價唔到佢如果有勇士試過可以下面留個言幫呢杯野洗底最後要提埋薯條因為係即叫即炸, 要有心理準備等, 但亦好值得等…查看更多

午飯時間約了朋友陪我去吃這家在朗屏還小有名氣的西餐廳.餐廳裝潢偏向典型英式Bistro, 坐位不多, 可能稍嫌迫隘, 而且店面只一個女侍應.但中午透入的陽光保持著一種溫暖慵懶的舒服.不過想用餐就要早少少泥, 因為呢度Brunch/Lunch真係好平, 3種價錢, $45, $78, $88, 豐儉由人但食物質素絕對有保證.我點左最貴既澳洲和牛藍芝士漢堡, 朋友就叫左平既蜆肉意粉.等左大概15分鐘終於上菜, 我即刻忍唔住拿上手咬左落去,肉汁同芝士同時係口腔噴發, 濃濃牛肉味鎖在舌尖, 滿足感爆燈.麵包又夠酥脆, 唯一可惜係薯條食落好似無鹽既m記薯條, 無岩岩炸起既薯香, 反而仲有少少隔夜既感覺.再望望隔離幾枱個個都係配沙律就知自己蠢左.下次如果再泥要試埋平d果款burger配沙律, 不過今次呢個burger已經好唔錯, 絕對滿足到burger控.…查看更多

其實呢間上個月佢試業既時候已經食過覺得驚為天人, 於是我趁著年初四無出去拜年就走左去食,第一次經過門口見到呢間車仔麵檔門口用A4紙貼住自家熬製泰國鱷魚湯, 老實講我喺泰國都未飲過.於是就同朋友入去食, 先發現原來鱷魚湯唔單止可以煲雪梨止咳, 拿泥煮車仔麵都無得彈.(推介呢個湯微辣就好, 少少辣帶到湯底鮮甜又唔會搶左湯味)今次返轉頭再食本來想再叫返手工河粉同金錢肚,貪佢河粉新鮮造有淡淡米漿味同湯底比較夾.不過可惜太夜泥已經賣曬就唯有轉叫豬大腸, 今次湯頭keep到水準, 入面本身包左紅棗片, 杞子同本菇, 但另外點既蘿蔔就煮得唔夠入味, 米線亦無河粉咁驚喜.豬大腸就因為係推介有手指公就完全無問題, 鹵味夠又有咬口.上次試左特飲Virgin Mojito(其實係叫薄荷青檬梳打, 但真係Virgin Mojito咁既味)呢次就飲返正常凍奶茶, 奶味茶味都balance到, 交足功課無問題.加埋底成餐飯先$43絕對超值有餘.…查看更多

爬完成日石, 見夜就約左住附近既同事出泥食飯,佢就推介左粉嶺聯和墟附近呢間大排檔食飯,好耐無去過呢d餐廳, 我緊係即刻話好啦.一去到開左茶, 洗緊野都未睇菜單就已經送左1大鍋湯比我.我心諗我仲未叫餸wo, 點知d侍應同我講送ga, 唔收錢,之後我見佢個老火湯好飲話想加仲真係有得加添.同事點左招牌既金沙南瓜鮮魷同北菇扒生菜,金沙鹹蛋黃炸南瓜同鮮魷一肉一素配起上泥balance返鹹蛋黃既鹽味, 無諗到配埋南瓜件事可以差咁遠,而北菇扒生菜入面d菇煮得夠腍又入味, 勾埋個芡剛剛好送飯一流.聽講呢間d奶茶都好出面, 不過要等下次泥先可以再試lo…查看更多

呢個牌子Ms. Hot其實喺元朗朗屏呢區已經開左3個店面, 間間都有唔同主打.而呢間本身就主力sell麻辣燙, 不過自己同埋朋友因為唔習慣佢點餐既竅門, 結果第一次佢新開張果次無食飽就唔忿氣自己再去多左次,然後一食就返唔到轉頭.返正題先, 呢間店其實開左唔算耐, 店面乾淨企理又光猛, 望下附近d人都點左呢碗酸菜桂花魚米線又跟住點左碗 (仲望到有個tvb綠葉artist喺度食添)等左唔算耐, 大概10分鐘就送左上泥,米線望落份量夠大, 酸菜又多, 即刻就飲返啖湯頭先,酸菜因為落得勁多所以好夠味, 不過鍾意清淡既可能會嫌會有d鹹可以半價叫多杯特調飲.湯頭仲有用一兩隻泡椒煮, 所以雖然無辣度但又不失四川風味.但嗜辣既我就自己再加左辣椒油食.而桂花魚就起曬骨, 夠曬厚肉又夠魚鮮味, 唔會話湯頭太濃就無曬味.所以雖然話佢要成72蚊一碗都係會想返泥再食.…查看更多

第一次入鳳群街搵野食，見到呢間咁大膽食住手打安格斯牛肉burger連野飲做到47蚊，即刻走入去試下一入去環境有d迫，偏向茶餐廳格局，侍應有d handle唔泥既感覺叫左burger等左好一陣上到菜，影左幾張相就忍唔住即刻食以呢個價位burger其實已經交到貨，如果可以keep到肉汁再加d cheese其實會好好多。餡肉有d乾身，但麵包夠脆口，薯條亦炸得唔錯下次可以泥試埋個意粉，撇除唔cafe之外以低價位餐廳泥講完全夠做…查看更多