candicebb的个人专页

之前食過覺得幾好食，經過再食多次。今次叫咗蟹肉沾麵。D料好足， 個汁入面係啖啖肉，炸蟹熱辣辣,另外再配埋蟹膏。真係落足料，真係飽到嘔。不過我自己唔係好食得慣沾麵。今次食完先知原來d麵係佢哋自己整。…查看更多

K11 Musea 分店有露天位，平時想hea 下曬下太陽chill 下都唔錯。平時weekend 多數都冇咩位，是日平日食個早lunch 都8 , 9 成滿。員工服務良好。是日叫左Tuna Poke 同埋Mango Iced Tea份量夠飽。Tuna Poke 好味4.5/5 分Mango Iced Tea 中等3/5 分…查看更多

每次經過都唔會知道佢有位坐，今次經過見到有人坐咗喺度先知原來有位坐之後行去睇吓有咩選擇，當然我叫咗招牌嘅抹茶拿鐵。你可以見到落完order之後服務員即刻喺度攪個抹茶，之後我特登埋去影相，好好啊知道我想影相，專登整近啲俾我影。個抹茶拿鐵味道好濃郁好滑，得閒經過飲杯嘢坐下都幾好。…查看更多

成日經過見到好多人排隊，心諗應該唔會太差，就揾日試試。是日公眾假期我比較早去所以唔洗排隊，，入到去原諒裏面卡位勁高私隱度好正。食物高質同埋全部都熱辣辣奉上。冇攤凍晒嫁。醬油拉麵 9/10炸雞 9/10 煎餃子9/10 鰻魚定食 9/10蜜瓜波子汽水 桃梳打汽水…查看更多

藝術咖啡可以選擇餐廳牆裏的畫，又或者可以用自己相片send俾餐廳。餐廳裏面都有好多唔同藝術品，可以購買。三文魚煎得好香， 好好食，整體上都唔錯都唔錯餐廳員工服務好。…查看更多

Avobar Cobb Salad 沙律超多，原來唔洗擔心唔飽，有蝦， 芝士，煙肉，生菜，牛油果，粟米，蛋，仲有車厘茄。全部都好新鮮，好食,食到好飽。Avo Bun Lobster 呢個我覺得抵食，啖啖肉，佢聲稱有辣椒仔喺入邊，不過就唔係好辣， 我唔食得辣嘅都食到。仲有一個唔記得叫咩名，不過就有hummus 同紅菜頭加牛油果。呢三樣嘢都係我最愛。不過我相信唔係個個都鍾意，個人來講就好鍾意，味道唔錯又整得好靚。真係食得開心，睇又開心。服務員態度非常好，親切，笑容滿面。 全部感覺非常好。…查看更多

雜莓草莓丹麥酥😍，行過好多人買，埋去睇吓有咩食，最終揀咗雜妹草莓丹麥酥，味道就一般般啦冇咩驚喜，個酥皮麻麻哋好林。我見牛角包係最多人買的， 下次要試吓買牛角包。…查看更多

法國尼斯沙律：呑拿魚煮到半熟唔錯，不過d醋落多左d。係咁呷醋酸死。 Sengana Strawberry and white peach : 法國有名果汁，非常creamy 濃郁。非常推介。…查看更多

Le Sunrise Crepe 唔錯，好多唔同嘅料，原本以為唔飽但係都係都好飽，入面有牛油果， 芝士，蛋，煙肉， 菠菜，蛋黃醬，全部野夾埋都好夾。9/10 分Golden Frappuccino 即係黃金牛奶沙冰，我個人就鍾意，不過朋友就覺得一般。8/10分Cafe Crepe Breakfast 朋友話ok 唔錯。7/10分Fresh Strawberry and Banana 朋友好鍾意，話好好味，好快食哂。9/10分待應服務態度好好，笑容滿面…查看更多

是日去開中環又冇野做等朋友去左Foxglove happy hour, 呢度係一間好有英倫紳士風的酒吧中菜館+雨遮舖。呢度令我想起”Kingsman”套戲。野飲唔記得影，但我叫左杯white wine,都ok 的。呢度嘅遮係出自Fox Umbrella 全人手製作仲可以買嫁，而且終身保用。記得有address code :Smart Casual (Shorts, sleeveless tops, sandals and open shoes, and hats are not permitted) …查看更多

今次叫左個三餸飯48蚊送餐湯，三餸飯有清炒青瓜，咖喱雜菜，金菇x菜。餐湯: 南瓜佢好清甜係咖哩比較辣少少，其他都冇咩野，都唔差的。最後有個甜品紅石榴蛋糕 紫薯蛋糕 兩個都是用果仁整出嚟的，佢口感有9成似食芝士蛋糕咁都係好食既下次會再嚟試其他的…查看更多

新界人入嚟做完運動想食素，附近又唔知有咩素食，立刻openrice一下!!!揾到距離運動場2分鐘路程既隱世小店，小店門外擺放着色彩繽紛既生果襯托住柔和的燈光感覺份外寧靜。今次我們叫了一個黑松露炒意粉，雜菌松子仁意粉。黑松露炒意粉: 8分雜菌松子仁意粉 8分這兩款都不差，兩款都配合得不錯套餐有湯，有沙律，果汁，而果汁我加大了!沙律好清新番茄湯都很香很濃，但又唔係咸果種，我就所有野清哂紅菜頭汁可能因為有蘋果加左，所以唔係好有紅菜頭果種青味…查看更多

今晚是星期六去了南丫島hea下，今晚南丫島出奇地少人，少人到今晚我在這包了埸，不過我喜歡這種寧靜，和朋友談談天，說說地。今晚在農舍都頗滿意，我叫了菠菜芝士千層麵，磨菇紅菜頭意大利粉，跟餐有紅菜頭沙律，南瓜湯，飲品永遠保持青春美麗。菠菜芝士千層麵 :非常香濃芝士香味，配搭埋菠菜非常夾。9分磨菇紅菜頭意大利粉:店員介紹紅菜頭意大利粉係自己手做，而且我是超級鐘意食紅菜頭，所以要一試。非常新穎好q彈，而且有少許辣辣的。9分南瓜湯好香濃，好creamy，好好味9分紅菜頭沙律這是配黑醋汁的，頗清新，不過紅菜頭可以多番少少。7分永遠保持青春美麗有士多啤梨，藍莓，黑莓，車厘子，豆漿唔酸，但又飲到好香豆味同生果味道，又幾夾wor，估佢唔到最後要讚一讚今晚既男店員，非常細心，服務態勢非常好，我們既需要，佢都非常清楚。…查看更多

終於可以試到呢間既素食，今次我試7色超級藜麥碗。是日7點都未夠已經8成滿，我 order既時候，服務員已經提醒了我7色超級藜麥碗是凍食的，非常好。我完全冇諗過凍食都竟然會夾，因為佢個底仲有d紅米飯，幾得意，有咬口，仲配埋味道有點似柚子蜜既汁，完全係一個新嘗試另外佢有素食既食品賣，果邊既sales都服務態度幾好，非常有熱誠…查看更多

一到食飯時間超級肚餓又唔知食咩好又想唔好咁肥又想多d菜咁就揀左呢間快靚正!我就揀左1人套餐，有沙律+前菜+主食，我就叫左煙鴨胸沙律，白汁西蘭花，豬胸骨。煙鴨胸沙律 :清清地酸酸甜甜咁幾開胃，不過沙律份量可以多番d，唔多夠食白汁西蘭花前菜又係太少了，其實可以俾多少少囉，得幾粒仔，呢個煮得幾淋幾入味豬肋骨如果係熱會好好多，佢太細舊而且冇乜肉…查看更多