wingishangry's Profile

【柯士甸隱世文青cafe】今日同朋友經過柯士甸 見到一間以木🪵為元素嘅cafe 文青得黎又有情調 日系得黎又chil 所以決定入去坐下 cafe仲係寵物🐾友善 得閒仲可以帶埋毛孩🐶🐱黎打卡 而店員都好友善 d檯大大張 坐落幾舒服 入面裝潢闊落 又油曬石屎顏色 帶小小工業風～*Matchaccino $46d抹茶🍵好濃郁 又creamy 飲落唔甜 都唔覺得濟 又要靚靚拉花 值得推薦 ！*Chocolate $48上面有棉花糖☁️可以浸住黎食 不過有d甜 d朱古力🍫唔係好甜 不過整體口感有d漏 配埋其他野食 反而如果無棉花糖 個人會鍾意多d 因人而異 *Toast with Scrambled Egg,Tempura Soft-shell Crab $88呢個好好食 d多士唔會烘得好硬 好干 相反 又軟又香 配埋滑蛋 d蛋🥚煮到半熟 一咬落 d蛋汁漏曬出黎 溫度適中 唔會炒老左或者太生 火候岩岩好 上面撒滿黑椒同七味粉 口感豐富 *Tiramisu Croffle Pops $68表面灑滿可可粉 再配埋一支迷你expresso 可以擠埋落去 有埋咖啡☕️味道 攞刀🔪一切之後 d 汁流曬出黎 好creamy 有層好濃郁嘅牛乳🐮原本以為係d好甜嘅朱古力 結果唔係 係好濃郁嘅黑朱古力🍫 Croffle食落酥脆 外脆內裡煙煙韌韌 有嚼勁 食落口感豐富*Duo Cheese Honey Garlic Panini $78個Panini烘得好好 唔會好硬 外層好香脆 入面夠曬軟熟 食之前要倒d蜂蜜🍯上去 咬落仲有好重蒜🧄嘅香味 同加左好多芝士🧀️ 多到甚至可以拉絲 令人食完仲想食 簡直停唔到口 ⭐️評分：⭐️⭐️⭐️⭐️⭐️⭐️味道：⭐️⭐️⭐️⭐️⭐️⭐️環境：⭐️⭐️⭐️⭐️⭐️服務：⭐️⭐️⭐️⭐️⭐️衛生：⭐️⭐️⭐️⭐️⭐️⭐️抵食：⭐️⭐️⭐️⭐️📍地址：GOOF (佐敦)佐敦文匯街32號文景樓地舖 （港鐵柯士甸站A出口 步行約4分鐘）…Read More

【聖誕薄餅大餐🎄✨】今年聖誕想食大餐 於是同屋企人決定食位於銅鑼灣好出名嘅Jacomax（事關舊年聖誕同朋友食過 真係好好食 服務又好好 今次決定帶埋屋企人一齊食好西🤣）由於無得book位 所以我地晚上7點半就到左 果然真係好多人 隊郁都無點郁 我地排3人以上隊伍 對面2人隊好多人 排到好後 等左40分鐘 到8點搭2 終於到我地 嗌餐果陣 店員仲好好記性 唔洗攞手寫 就咁用個腦記 就知我地叫左咩 好犀利！正值聖誕 成間鋪頭都好應節 掛曬各種燈飾 聖誕樹🎄遍佈周圍 好不熱鬧 店員安排我地坐係角落嘅一張檯 唔好以為會好細好屈質 其實d檯張張都好大張 d凳都係 坐落闊落又舒服 第一印象幾好*藍芝士蘋果薄餅🧀️🍎🍕 $178呢個係招牌pizza 個個黎都會食 開頭聞落真係覺得有d臭 但食落會發現呢個組合好得意 同埋排隊果陣 見到店員製作薄餅 係即嗌即整 賣點 誠意十足 夠曬新鮮 藍芝士有好濃郁嘅芝士味 有小小臭 配埋削成薄片嘅蘋果 擺落口會有種好refresh嘅感覺 口感唔會覺得好濟 令人停唔落口 *炸魷魚🦑 $88呢個都好多人推薦 魷魚大大舊 炸得酥脆 個人好鍾意食 不過屋企人可能食唔慣 感覺食落比較多生粉 有粉嘅味道 不過我又食唔出 仲覺得好有飽腹感 *香烤黑椒雞翼 🐔 $58屋企人好鍾意食佢地嘅雞翼 覺得好新鮮 肉質很嫩滑 咬落煙煙韌韌 有嚼勁 唔會覺得似冰鮮或者唔新鮮嘅雞翼 甚至覺得係食過最好嘅雞翼 黑椒嘅存在都唔會完全蓋住雞嘅味道 值得推薦！*義大利媽媽教落煮嘅青醬汁配大蝦車厘茄粗意粉🦐🍝 $158 呢個係我食過最好食嘅意粉 本身份人好怕濟 但呢個完全唔會 就算有好濃郁嘅青醬汁 同埋個名好得意 真係好長 但你會記得 d蝦大大舊 咬落爽口又彈牙 車厘茄都大大粒 配埋充滿青醬汁加濃郁芝士嘅粗意粉 酸酸甜甜 又令人唇齒留香 食完仲想食！ ⭐️味道：⭐️⭐️⭐️⭐️⭐️⭐️環境：⭐️⭐️⭐️⭐️⭐️⭐️服務：⭐️⭐️⭐️⭐️⭐️⭐️衛生：⭐️⭐️⭐️⭐️⭐️⭐️抵食：⭐️⭐️⭐️⭐️📍地址：Jacomax (銅鑼灣)銅鑼灣渣甸街50號渣甸中心地鋪（港鐵銅鑼灣站F1出口）…Read More

【長沙灣韓國料理🇰🇷】好耐無見啦咁多位 呢排懶 好耐無出post 今日同朋友去行荔枝角D2 Place 順便去左隔一個站嘅長沙灣 一間裝潢好靚 充滿工業塗鴉風嘅韓國餐廳 餐廳入面有好多打卡位 有配合聖誕氣氛嘅閃燈聖誕樹🎄 同塗鴉油成 遍佈成間鋪嘅特色塗鴉 當中有舊年好出名魷魚遊戲🦑嘅公仔娃娃🪆鋪頭仲播左bigbang d歌 令本身係佢地fans 嘅朋友開心到不得了 簡直係90後回憶🤣 *芝士岩漿炒飯🧀️ $98最鐘意就係食呢個飯 入面d芝士好濃郁 包住曬d飯 好好食 令人愛不釋手 粒粒飯都有芝士嘅味道 配埋洋蔥🧅（就連本身唔鐘意食洋蔥嘅我 都唔排斥 係咁添飯就知有幾好食）仲有豬腩肉 真係超好送飯 係我食過最好食嘅炒飯 口感好似risotto咁 但又唔會好濕或者太鹹 味道剛剛好 值得翻黎幫襯！*韓國特色蛋卷🇰🇷 $88我算係第一次食韓式蛋卷 由紫菜包住 份量充足 好香 食嘅時候都係熱氣騰騰 每舊都好熱 感覺好似去左韓國咁 仲要係冬天食 氛圍感十足加取暖一流 d蛋煮嘅程度岩岩好 全部都好嫩滑 唔會覺得好老 令人忍唔住食完一啖又一啖 （不過始終係蛋卷 怕濟嘅朋友都係少食為妙）*紫菜粉絲卷 $28呢個係我朋友嘅最愛 因為佢本身都好鐘意食煎炸嘢（真係好邪惡啊🤣）咬落鬆脆 kwakwa聲 入面竟然係粉絲 食嘅時候熱氣騰騰 入面溫度岩岩好 硬跟軟嘅結合 我都係第一次食 由紫菜包住炸好嘅粉絲卷 又香又有驚喜 鐘意食熱氣嘅嘢朋友唔好錯過！*蜂蜜檸檬茶🍋 $26普通檸檬茶 不過不失 應該唔係蜂蜜係檸檬茶 唔係好飲到蜂蜜味 📍地點：SUN HARU (長沙灣)長沙灣順寧道65號地舖（港鐵長沙灣站A2出口 步行約4分鐘） …Read More

【Pizza Hut 藍芝士蘋果】話說有日係屋企好肚餓 好想食pizza🍕就叫左pizzahut 見到有個新款pizza 叫藍芝士蘋果🍎 馬上果斷落單～*藍芝士🧀️蘋果🍎pizza $164一打開 就聞到好濃郁嘅芝士味 我鍾意食厚批 叫左芝厚批 蘋果切成片鋪排係上面 有淡淡蘋果嘅清香 咬落一啖 哇 係拉絲嘅芝士！！！平時都怕食芝士會好濟 但今次有蘋果嘅出現 中和翻 味道岩岩好 令人愛不釋手 大力推薦👍🏻🤤評分味道：⭐️⭐️⭐️⭐️抵食：⭐️⭐️⭐️地址：必勝客 (九龍灣)九龍灣牛頭角道77號淘大商場二期1樓173-187號舖 …Read More

【灣仔高質泰國菜】話說前排朋友結婚 未去登記前 同朋友約左係金鐘等 我話想食泰國野 於是佢就帶我地黎左一間叫「食飯」嘅泰國餐廳*泰北咖哩湯麵 $78開頭以為好辣 好似喇沙 辣辣地湯地夠曬濃郁 有少少椰子味 咖喱湯底配上蛋麵同雞肉 我都係第一次食蛋麵 扁身未浸之前 好似餅咁 好爽脆 之後浸入去 粗身索晒啲咖喱汁 仲有隻大雞髀喺入邊 果然真係「筷子一夾就散開的雞髀肉」好抵食又有包腹感 仲要d雞肉嫩滑 一d都唔老 *Milk Tea 少甜少冰好後悔唔應該揀少甜少冰 因為佢所有嘅份量都fixed左 下次一定要返去再試多次佢個Milk Tea朋友話茶包同出邊都係唔同㗎 好多人都慕名黎飲評分味道：⭐️⭐️⭐️⭐️環境：⭐️⭐️⭐️服務：⭐️⭐️⭐️⭐️衛生：⭐️⭐️⭐️⭐️抵食：⭐️⭐️⭐️⭐️地址：食飯 (灣仔)灣仔大王東街3號大旺樓地舖 …Read More

【調景嶺譚仔三哥🤤】話說有日收工 好肚餓 又覺得好耐無食譚仔 走左去調景嶺食 想試下個麻辣湯底 入到去真係好多人 店員有d顧及唔黎 叫左好多次 都落唔到單 實在太忙*腩肉竹笙酸菜 麻辣5小 少米線 $47啲腩肉大大嚿 又唔騷 配埋我最鍾意食嘅竹笙 好有嚼勁 加埋酸味特別重 咬落清脆 爽嘅酸菜 正 個麻辣5小都唔係好辣 同酸辣湯底差唔多辣度*麻辣涼拌汁皮蛋 $22呢個好好食 有麻辣汁 同芫荽 皮蛋組成 咬落入口即溶 而且好開胃 麻麻辣辣*凍檸茶 少甜少冰 $10正常檸檬茶水準 不過不失評分味道：⭐️⭐️⭐️⭐️環境：⭐️⭐️⭐️⭐️服務：⭐️⭐️⭐️衛生：⭐️⭐️⭐️⭐️抵食 : ⭐️⭐️⭐️⭐️地點：譚仔三哥米線 將軍澳調景嶺景嶺路8號都會駅2樓L2-035號舖…Read More

【尖沙嘴高質炸雞🍗】朋友成日話好想食炸雞 果日我地就去左尖沙嘴韓國🇰🇷街 呢間好出名食炸雞嘅舖頭～由於好多人 我地係出面等左陣 入到去 職員都好有禮貌 有d仲係韓國真oppa 添～ 餐廳雖然唔大 但位置闊落 坐落舒服～*蜜糖牛油炸雞🐝🧈🍗$195呢個真係好好食 炸得好酥脆 咬落kuakua聲 d蜜糖嘅甜 配埋牛油嘅香 炸雞無骨架仲入口即溶 令人咬完一啖仲想食多啖 根本停唔落口 底部仲配埋薯條🍟 吸收左蜜糖同牛油 第一次食又甜又香嘅薯條 口感好特別～*魚糕湯🐟🥣 $180呢個好新鮮 個湯底又清 適合唔係好想食辣但又想食韓國嘢嘅朋友 有年糕 白蘿蔔 紅蘿蔔🥕切絲 配埋d魚糕 飲落好鮮甜 岩曬秋冬天食蘿蔔 d魚糕都好足料 咬落大大舊 口感爽口 又有飽腹感 健康又好味～⭐️味道：5/5⭐️環境：5/5⭐️服務：5/5⭐️衛生：5/5⭐️抵食：4/5📍地址：OPPA Coffee Bar Restaurant 尖沙咀金巴利街1號F地鋪…Read More

【觀塘工廈隱世日本嘢🇯🇵】今日好肚餓 想食日本嘢 朋友話觀塘有間做卷物做到出神入化 起名都好有意思嘅日本🇯🇵餐廳 決定黎拜訪下～～地址算好搵 觀塘站D3出口 往右就見到 大大隻子寫左觀塘工業中心第四期 往樓梯上一層 入去就見到 之前一諗到去工廈 就感覺好難搵 今次又唔會～入到黎坐 位置寬敞又舒適 裝潢氣派 門口擺左嘅遊戲機 好有復古情懷～*火山🌋 $128呢個真係打卡必備 店員負責點火 我地當然拍片po story 用海鹽燃燒火 🔥十分有看頭 熊熊烈火 包圍住舊卷物 上面係切成絲嘅蟹柳 🦀️蟹籽 帶子 牛油果 🥑 底層係青瓜🥒蟹柳同小型壽司🍣*龍卷風沙律 🌪️🥗 $76好大份 夠兩個人食 由海藻 脆片 蟹柳🦀️蟹籽 生菜🥬中華沙律撈沙律醬🥗組成 入口仲有有d辣辣地 生菜🥬勁多 健康得黎又有包腹感 又抵食 減肥岩曬！*三文魚牛油果卷🍣🥑 $42呢個比較細份 擺盤好靚 個碟又好襯 咬落d三文魚🍣同牛油果🥑配埋醬油同山葵入口即溶 好食！*古今日式餃子🥟 $56試左呢個餃子 煎到岩岩好 d皮唔厚 咬落有d肉汁爆出黎 配埋醬油 停唔落口～⭐️整體評分： 5/5📍地址：古今二 (官塘工業中心) 觀塘觀塘道436-446號官塘工業中心4期1樓B室…Read More

【尖沙嘴高質泰菜🇹🇭】前排同朋友一齊補慶祝中秋飯 大家決定食泰菜 所以就去左尖沙嘴呢間好出名嘅泰國餐廳 好好食又令人難忘～一入到去 好多人 裝修好靚 豪華 好大 坐落闊落 我地坐卡位 員工好好人又friendly 問佢地攞wifi密碼 佢地仲叫我地估🤣 我地估12345678 最後原來係電話號碼 仲要一開頭仲以為員工係泰國人同佢講英文 原來識講廣東話 好多驚喜🤣～*泰國椰青🥥 $45呢個真係好飲 第一次係泰國餐廳飲椰青 飲落清甜 飲完之後可以攞匙羹 挖d椰子肉🥥出黎 大大啖果肉好好食～*肉碎生菜包 🥬 $78呢個有小小辣 但好食 d肉炒成肉碎 好爽口 配埋生菜一齊食 根本停唔落黎 咬落feel到d蔬菜bip啲汁出嚟 好有飽腹感～*泰式蝦炒金邊粉 $108d蝦🦐大大舊 配埋金邊粉 有小小汁 濕濕地 配埋番茄醬 係好食嘅 ～*拼盤 $218有春捲 同其他好似丸子 加肉碎組成嘅拼盤 可以再食生菜包 都好有飽腹感 好食～*大冬蔭功 $138呢個係我最愛 有d辣 陪埋d蝦🦐大大舊 有菇🍄 菌類煮成 個湯🥣好鮮甜 令人想飲完再飲 唇齒留香～*泰式生蝦 $98呢個好食 d蝦🦐好新鮮 配埋酸加辣椒🌶️ 一次過送入口 辣～～～但係爽嘅！⭐️整體評分：4/5📍地址：新泰東南亞餐廳 尖沙咀加拿分道25-31號國際商業信貸銀行大廈地下1A舖及地庫…Read More

【譚仔三哥米線】今日經過三哥 好肚餓 感覺好耐無食過米線 所以決定入去～*酸菜 竹笙 雞肉🐔普通酸辣湯底米線🍜（少米線）$45唔知係咪我肚餓 感覺好好食 好食過三哥酸辣湯底 似綠色譚仔嘅酸辣湯底 夠酸 微辣 適合我呢d想食辣 但唔係好食得辣嘅人 米線配埋個湯 送上黎果陣 溫度岩岩好 熱辣辣💨💨💨碗米線又有好多芽菜 韭菜 平時感覺d雞肉咬落有d老 縮水 或者唔係好嫩滑 但今次d雞肉好唔同 新鮮 熱氣騰騰 🌬🌬又好嫩滑 咬落香滑 配埋好酸嘅酸菜（我份人鍾意食d鹹鹹答答嘅嘢）同咬落煙韌 又滑嘅竹笙 米線又唔會好多（嗌咗少米）適合下就食tea嘅份量 又唔會太飽 或者好似平時d米線太多 食無耐就發漲曬 呢個係我最愛嘅譚仔三哥組合🤣😚凍檸檬茶🥤（少甜少冰）+$10埋完單先發現嘢飲竟然唔係加$2/3蚊 而係加$10蚊 好貴啊！呢杯檸檬茶 感覺係正常茶餐廳水平 有足夠檸檬🍋片可以篤 配埋紅茶 夠晒澀 正常發揮 但真係貴…整體評分⭐️： 4/5 地址📍：譚仔三哥米線 （牛頭角牛頭角道3號得寶花園商場地下A3及A5號舖）…Read More

【下午茶摯愛🤤】呢排疫情開始嚴重 都唔係好夠膽食咁多堂食 好想食肉 諗起敏華嘅黯然銷魂飯同咖吔多士 拿拿臨叫外賣🥡～*三叔公馬來🇲🇾咖吔多士 $29試過百份百 其他茶餐廳 峇峇娘惹嘅咖吔 都係敏華最好食嘅 多士烘得適中 中間有牛油同埋咖吔醬 咬落入口即溶 又唔會太甜 好邪惡啊～*敏華黯然銷魂飯 $88呢個真係好食！最緊要係個叉燒 我試過食佢地堂食同外賣 都係堂食好食d 因為送上檯果陣 夠曬熱辣辣 又唔會凍左 d叉燒燒得適中（外賣會等耐左 同埋d肉無咁熱 同嫩）配埋佢地個雙煎荷包蛋 兩個都係半熟 可以一次過食 亦可以整爛佢 等d蛋汁留係飯到 配埋d秘製醬汁 撈飯一齊食 簡直令人回味 （感覺都係堂食好食d 同埋平d 可以配埋個套餐有油菜 葷素搭配 無咁濟～）*凍檸茶🥤+$3 正常茶餐廳檸茶 幾好飲（起碼唔會好似三哥咁 加$10蚊🥲）*外賣 +$1 整體評分⭐️： 5/5地址📍：敏華冰廳 （九龍灣偉業街33號德福廣場一期1樓F28號舖）…Read More

【西九文化區台灣菜🇹🇼】今日去左位於西九嘅故宮文化博物館 睇完之後覺得好肚餓 係附近見到有珍珠奶茶🧋嘅餐廳 拿拿臨攞飛排隊～*原汁紅燒酸菜牛肉🐮細麵 $128有粗幼麵選擇 我揀左幼麵 餐廳放左好多蔥同蒜 （唔鍾意嘅朋友可以係落單前叫走蔥 所以好香 感覺太多 早知叫走蔥）酸菜另外攞個碟裝住 可以分開食 或者可以好似我咁擺入去撈埋一齊食 酸酸甜甜 再配牛腩 煙煙韌韌 咬落彈牙 又有嚼勁 同埋d麵好夾唔會容易斷 食落爽口 適合喜歡清淡口味嘅朋友 （我本身口味邊重）*金玡居清燉牛肉🐮麵 $108呢個都好清淡 可能因為係清燉牛肉麵 有好多肥牛片 可以點黑醋醬汁一齊食 好爽口又惹味 不過湯汁同埋整體口感偏淡 揀左粗麵 無原汁紅燒酸菜牛肉麵好食 都係有好多蔥同蒜 唔記得走曬佢地 *黑糖珍珠奶茶 🧋（凍 少甜）$38呢個真係無咁甜 奶味唔係好重 茶味都係 似d冰🧊 係入面融化之後 溝水同奶茶嘅感覺 勝在珍珠夠q彈 煙煙韌韌 有d失望 唔值呢個價 奈何係景點區 所以偏貴*黑糖珍珠奶茶 （熱）🧋 $36呢個我地無叫少冰 所以奶味重 茶味都係 混合一齊香滑濃厚 配埋珍珠🧋 可能要叫正常糖先好飲 吸取教訓⭐️整體評分： 3/5📍地址：金玡居（尖沙咀西九文化區博物館道8號香港故宮文化博物館地下低層Museum Cafe 2） …Read More

【Gulugulu咕嚕咕嚕🤤】成日黎尖沙嘴飲嘢一定會揀Gulugulu 咕嚕咕嚕 首先係因為個裝修好岩我心水 好多霓虹燈燈牌 好chill又有味道 遍佈曬bar檯 洗手間🚻 其次係個logo 設計 好有風情 性感嘅紅唇👄入面有個gulugulu加中文字咕嚕字樣 令人眼前一亮 一眼記住 餐牌嘅設計都別具特色 酒嘅餐牌用紅色嘅圍繞 恆常產品就用藍色嘅花包圍住gulugulu嘅logo 讓人印象深刻 同埋我地入去果陣咁岩happy hour 平左 好感度upupupup⬆️⬆️⬆️！*串燒組合 $178-燒刺身帶子（一粒）呢個好食 半生熟 燒到好香 -羊肋串🐑d羊肉唔騷 有埋孜然 好食-日本🇯🇵黑豚腩肉🐷呢個好有肉味 唔騷 正-雞中翼🐔燒得火侯好岩 好食-牛舌芯🐮呢個煙煙韌韌 有嚼勁 好食*黑松露野菌意大利飯 $90飯有d硬 但成個飯好香 搭配汁黎吃 煙煙韌韌*炸雞鎚🍗（5件) $78呢個超好食！係我食過最好食嘅雞鎚 好酥脆 香同有嚼勁 咬落大大舊 令人愛不釋手～*Mojito(House Rum, Sugar Syrup, Lime Wedges, Mint Leaves, Soda) $78(hh)好飲 酒精味有d重 清香薄荷味*Apple Tree(Giffard Mango Syrup, Apple Juice, Lemon Juice,Soda) $35 呢個好飲 酸酸甜甜 清爽 有清新蘋果香氣📍地址：咕嚕咕嚕 (尖沙咀)尖沙咀諾士佛臺10號騰龍閣4樓…Read More

【九龍灣馬來菜🇲🇾】經過九龍灣 又係好想食多士嘅下午 見到峇峇娘惹呢間餐廳 即刻諗起咖央 於是入左去*斑蘭咖央 西多士 $30唔知係咪我呢幾日都有食西多 感覺麻麻地 可能係入面個斑蘭醬 感覺敏華 百份百整得好食d 呢個配煉奶 感覺好甜*濱城百香果（熱）+$4呢個好好聞 好香 有粒話梅 飲落酸酸甜甜 又開胃好評 值得推薦👍🏻*手撕雞雞湯河粉🐔 $34 呢個好食 雖然細份 但適合下午茶份量 d手撕雞落左胡椒粉 好香 同埋 呢間鋪頭嘅河粉係唔會斷 攞筷子🥢夾起 呢個好勁 讚👍🏻*凍青桔仔茶🍊 +$3第一次試青桔仔茶 感覺好得意 酸酸甜甜 又開胃 鍾意飲檸檬茶嘅朋友唔好錯過 有驚喜👍🏻📍 地址：峇峇娘惹 (淘大商場) 九龍灣牛頭角道77號淘大商場二期地下G234-237號舖…Read More

【下午茶邊少得西多🍞🤤】今日經過觀塘 好肚餓 全日未食過野 又好想食西多 呢排唔知點解成日想食煎炸嘢 於是去左百份百食tea～*五香雞翼🐔配金條西多士 $37 呢個好食 d雞翼炸得好鬆脆 咬落crunchy crunchy 配埋個西多 入面係花生🥜餡 又香又滑 搽埋牛油 之後點蜜糖食 咬落大大嚿 又好似即口融化 幸福感滿滿 下午茶點可以少得過西多士呢～*咖哩魚蛋 +$7呢個雖然細份 但好好食 主要係個咖哩汁 配埋辣魚蛋 煙煙韌韌 好有嚼勁 讚👍🏻*凍檸茶🥤少甜少冰 +$3呢個凍檸茶竟然無完全檸檬🍋片 得d檸檬碎 感覺有d失望 少左檸檬同紅茶碰撞帶黎嘅苦澀味 差d意思📍 百份百餐廳 (翠屏北邨) 觀塘翠屏道19號翠屏北邨翠柳樓地下3號舖…Read More