yukicyy的个人专页

尖沙咀新裝修 地方企理 坐落都算舒服嘢食方面相當有特色！有雞煲 豬手煲同鴨煲可以揀；而湯底亦都都多選擇今次試咗冬蔭冬湯底，味道相對平時食過嘅偏淡，要煲到少水啲先會夠濃味，如果平時鍾意超濃湯底嘅可能未必鍾意但以邊爐嚟講覺得可以接受呢度雞煲試過好好味 雞肉好嫩滑而豬手煲嘅黑椒味好濃郁！望落好大煲但因為啲骨都多 食落唔算超級飽打邊爐配料冇乜特別 都係普通邊爐料肥牛同青口都ok 其他食落唔算太特別飲品嚟講呢度都算好齊茶同可樂等都有齊總結嚟講打邊爐都令人滿意特別推薦可以試下雞煲同黑椒豬手煲！…查看更多

34蚊 一個咁既豬扒包 值唔值得大家自己判斷下我叫左走醬 但個包出黎似俾人食剰咁應有既蕃茄同生菜都無埋塊豬扒係又薄又油又韌 真係頹既極點絕對會納入黑名單 以後都唔再幫襯！ …查看更多

環境：店面幾大 無精緻的裝修 旺角創興好就腳服務：基本上係自助 無咩服務可言  食物：1. 冷盤沙律泡菜意外中低價位任食竟然有海鮮冷盤雖然質素一般 但都叫有沙律泡菜款式多 蔬果新鮮 泡菜夠味食得多用可以用嚟解膩食物質素：7/102. 熱食炸物熱食出奇地多款 推薦豬手牛尾同炸雞翼其他炸物粉漿太厚同埋淋哂煎餅可以再薄身同多料啲否則似食粉漿😂食物質素：6.5/103. 供燒烤食材食材好豐富 豬牛羊雞鴨海鮮一應俱全個人偏好牛仔骨 豬梅肉片 牛脷 牛羊肉片食材唔高級 勝在醃得多入味得黎仲食到肉味另外推薦燒落價錢：～/10食物質素：7/104. 甜品飲品有很多常見的小甜品 e.g. 奶凍 小蛋糕比較吸引同少有既係任加topping雪糕、迷你芒果椰汁糯米飯同豆腐花3款都味道都唔錯👍🏻飲品就係一般中低價位放題常見既汽水茶豆漿價錢：～/10食物質素：6.5/10以晚市任食$228 我係覺得諗唔到食咩既話可以一試韓牛韓式燒烤 (旺角)地址：旺角彌敦道601號創興廣場1樓…查看更多

環境：店面好細 裝修簡單 旺角地鐵站出往創興方向直行好快到服務：侍應上菜收碟幫手蒸海鮮都爽手 難得任食係上齊單  食物：1. 海鮮拼盤海鮮意外地相當新鮮彈牙特別係鮑魚唔韌 貝殼無沙鮮甜唔使擔心蒸過龍 店員會幫手蒸海鮮價錢：～/10食物質素：8/102. 自選八寶蒸飯可選材料好多 臘味 肉類 蔬菜等一應俱全上枱睇落普通 但撈完食落好有驚喜仲好食過出面啲200幾一籠既荷葉飯價錢：～/10食物質素：7.5/103. 肥牛片一盤火鍋店肥牛片 食落有牛味好在脂肪比例唔算太高 唔會膩價錢：～/10食物質素：7/104. 包點甜品有12款點心任食 我估應該係攞貨但真心高質過好多酒樓 以下幾款係必試：- 補腦合桃包 好似係潮州嘢 出面好少見 內餡係甜甜煉奶+合桃粒咬落有爆漿感- 宮廷棗皇糕有明顯紅棗香甜但又唔會過甜 食落清爽老人小朋友都啱食- 黑糖蜂巢糕似馬拉糕但黑糖味突出 比馬拉糕彈牙有咬口另外2款流沙包同冰粉都好食 包點幾乎無伏價錢：～/10食物質素：9.5/10以晚市130分鐘 $268有79折（8:15前離座）我係覺得值得❤️…查看更多

唔知由幾時開始 同男朋友兩個都鍾意左印度野但因為對印度食物真係唔熟 所以每次都淨係識去重慶大廈食差唔多既菜式最近見到有人promo呢間食印度自助餐即刻book位同男朋友試下鋪頭唔難搵 係某知名all day breakfast 店樓上餐廳雖唔算大 估唔到星期六中午一點上到去已經坐滿左2/3 大部分都係外國/印度家庭星期六日有brunch buffet 168+10%又或者散叫都可以 揀好之後侍應會自動上四款小菜啲小菜係好少見 基本上係唔會識自己點而且有幾款小菜係有專人即整自助區有乳酪、沙律、胡椒薄餅、各款咖喱仲有兩三款從來無試過既印度糕點甜品非常建議印度菜愛好者上黎一試附近返工既話 平日lunch buffet係128+10%🥰…查看更多

難得同屋企人食野 就嚟試下最近好多人介紹既尖沙咀半價炒蟹小菜服務態度：侍應有禮貌 上菜快 沖茶落單都快手環境：有量體溫 卡位多 之間有隔板 6點去左都有兩三枱客 去到7半就滿哂要等位 每枱卡位既窗邊都放左隻蟹公仔 可愛又吸睛食物（全部有半價‼️）：招牌避風塘炒蟹 原價：298上枱有個好顯眼既宮庭風紅色托盤 大大隻肉蟹上面有滿滿既炸蒜蟹肉係新鮮彈牙而且好飽滿隻蟹炸得夠透 基本上蟹腳蟹身可以連殼食原本以為蟹殼無野食點知蟹殼都有少量蟹膏😍最欣賞係佢既避風塘炸蒜首先辣度適中 夠香口惹味得黎 完全無燶味！好食到想打包返去撈粉麵😆潮式酸菜魚 原價：168同經常食到既酸菜魚唔同湯底酸味唔算明顯 辣係辣口唔辣喉魚肉厚實又足料 魚皮位爽滑可以當一個魚湯飲😋蜜桃咕嚕肉 原價：98份量食落比想像中多特別鍾意佢細細舊 炸過既外皮沾滿左酸甜醬肉又唔會柴 一啖一舊啱啱好特別食法係用沾滿醬既咕嚕肉撈炸蒜食👍🏻🤤話梅涼瓜 原價：68餐廳見到覺得好新奇 從來無試過入口先係話梅同檸檬既酸 然後有微微涼瓜的苦同一股莫名的清甜越食越好食 而且juicy既醃涼瓜啱啱好可以解辣解渴🤤…查看更多

我想食邊爐 朋友想食雞煲所以揀咗呢間 平平地兩樣都有 但結果我哋食咗鴨煲地方唔算好大 但坐位安排都唔會迫 又唔會好大油煙 呢樣非常appreciate!!揀鴨煲其實係貪新鮮 但估唔到幾好食鴨肉好入味 唔係靠表面個醬 炒過之後鴨皮既油香更豐富最鍾意啲支竹 索哂鴨肉同醬料 味道一流邊爐都唔錯 唔係用返鴨煲加湯相對黎講就無咁油膩任食既海鮮同肉片都夠高質有肉味亦夠新鮮 午餐肉同菜個啲正正常常放係自助區 因為本身都唔係想食呢啲 所以就無咩攞…查看更多

地點：佐敦地鐵站C出口行2分鐘就到 方便就腳 係地鋪且招牌清晰顯眼 好易搵到衛生：入座要量體溫 枱與枱之間有隔板 地方乾淨 餐具無污漬性價比：中上 300蚊兩個人可以食到好飽 食物水準同份量都公道食物：三樣食物都好推薦 特別係金邊粉同燒春雞金邊粉可能因為落左甜椒 所以有種甜辣甜辣 加埋花生碎 香口惹味 豬頸肉脆口得黎好有油香味 份量都相當可觀香草燒春雞就食得多 香茅燒春雞隻味真係好少有 整體調味好好 真係食到香茅味 肉質嫩滑 徒手撕雞肉 係會有雞汁滴出黎 大人細路都啱食 肉骨茶都相當出色 藥材味飲得出 但唔算濃 一碗有4大件排骨 啲肉吸到湯味又唔會柴 一啖湯一啖肉 秋冬暖下胃一流飲品真係物有所值 兼且圖文相符強烈推薦椰汁紅豆冰👍🏻 鍾意牛油果的朋友 牛油果沙冰都正😋…查看更多

環境坐位闊落舒服 裝修簡單乾淨唔近粉嶺站 但都算易搵食物1. 車仔麵本身係38蚊3餸 但因為好多餸都好吸引所以加左18蚊加多2個餸 其中最推薦：滷水腩肉食落好似日式拉麵的厚切叉燒滷得入味又軟熟 輕輕一咬就化開瑞士雞翼簡單常見的餸 但難得整到色香味俱全 雞腎厚肉夠味又唔韌沙嗲湯沙嗲汁本身夠香 但溶左落湯之後就略嫌唔夠味好彩有免費的辣菜甫大大羹撈麵 夠哂惹味2. 小食 20蚊一款炸南瓜薯餅炸得夠脆 南瓜蓉甜甜地 好味配泰式辣醬都唔錯 不過如果配沙律醬可能更好食滷水大腸厚切的滷水大腸好味有咬口3. 炸墨魚卷墨魚味夠 配泰式辣醬好味…查看更多

Urban Cafe開咗係觀塘 非常近當然要試一試環境比旺角寬敞舒適 枱與枱之間有足夠距離依然有好多可愛的貓店員消毒 量體溫都做足食物1. 金莎鹹蛋黃芝士厚多士上枱賣相吸引 食落有啲鹹鹹甜甜 幾惹味不過鹹蛋味可以再重啲或者加啲醬會無咁乾2. 金莎雞翼明顯係即叫即炸 上枱非常熱辣香脆雞肉仲有juicy肉汁3. 蟹籽軟殼蟹水牛芝士pizzaPizza上有原隻軟殼蟹同滿滿蟹籽食落口感好豐富加上水牛芝士的鹹香 好有驚喜4. 西班牙燒烤醬豬腩肉全晚最驚豔！ 豬腩肉份量相當大份肥瘦均允 肥肉滲出油香 瘦肉唔會鞋口配上燒烤醬 完全唔會膩可以話必點！…查看更多

新出既晚市放題有128任食炸雞 and 138任食壽司、芝士蛋卷、芝士雞而138放題+20就可以有埋炸雞任食Menu既飲品仲係宜家仲係買一送一❤️❤️❤️一、環境 地點旺角站行一陣就到 都算方便餐廳裝修唔算好新 用色、燈光都有啲懷舊蔇感覺 都幾有特色 而整體都十分企理、舒服，一啲都唔迫二、嘢食嘢食方面就真係好滿意先講前菜，最欣賞係泡菜 好似係餐廳自己醃，好好食又唔會太辣，夠哂開胃#芝士雞 一上碟鐵板夠哂熱夠哂拉絲！邪惡到不得了！芝士味道濃厚 而且極其闊佬 份量大到咩都用嚟點都未食得哂 好適合啲重口味嘅人而雞肉都幾滑 同芝士搭埋一齊好夾好好食#芝士蛋卷蛋卷嚟講 呢個都相當有心思除咗份量夠哂大份 入面夾住大量芝士 外面嘅醬料都落得好足兩個人食絕對夠哂 味道都係冇得挑剔！#牛肉壽司個人較少食韓國壽司，食落都有唔少驚喜除咗麻油香之外 整體食落感覺清新 較為爽口 而且味道偏甜 但又能夠帶出牛肉嘅味道 唔會俾其他配料搶咗 都相當值得推薦#炸雞 炸雞嚟講 稱唔上食過最好食嘅炸雞，但幾隻味道都值得推薦 係個人幾鍾意嘅佢唔係出面食到嘅無骨炸雞 感覺似係鋪頭自己買雞返嚟斬完攞去炸 所以會有連埋雞翼尖嘅成隻雞翼味道嚟講 佢有五隻味：薑蒽味；甜辣味；芝士味；蜜糖味；秘製醬油味個人最鍾意甜辣味同蜜糖味而薑蔥味同秘製醬油味都唔錯 不過不失三、服務服務都相當之好 上菜速度理想除咗炸雞可能要即炸相對會耐小小之外其他都上得幾快…查看更多

深水埗出名多小食茶餐廳今次就必樹一格黎食西餐😆食肉獸點左一牛一鴨既晚餐宜家有防疫優惠自動升級有齊餐湯飲品甜品首先係澳洲肉眼扒配大蝦上枱既份量有驚喜除咗牛扒同眼 就有一份薯蓉同沙律菜薯蓉重牛油香甜味好綿密牛扒大概5成熟 有肉味唔多油花不過勝在唔會太多筋大蝦好出色 有牛油同蒜味 蝦肉唔會梅如果有多一隻就更好🤣另一道係鴨脾配藍芝士忌廉汁以前無食過鴨脾 一試真係食過番尋味煎過既鴨脾外皮既油脂滲入肉內個陣鴨既油脂香 肉香係雞無既個藍芝士忌廉汁唔會太濃 配上鴨脾更惹味又解膩！…查看更多

難得有間就腳 價錢又親民既黃店cafe當然要幫襯下😚2個人叫左1個pizza 1個主菜 2個小食最推薦既係挪威煙三文魚水牛芝士pizzaPizza上枱唔大 大概6/8吋 2個人分食啱啱好 唔會太飽或者唔夠Pizza面有滿滿既芝士混合千島醬醬既甜加上芝士同煙三文魚既鹹香好食到唔捨得食完兩款小食都同樣擊中要害😍水牛城雞翼係睇相已經覺得吸引上枱好有驚喜 58蚊5隻大大隻每一隻雞翼既炸皮都有滿滿既醬汁包裹住個汁就唔算太辣 偏重香料味同茄汁既酸甜食落相當惹味！另一款係黑松露芝士薯角開頭以為會用芝士醬 點知係真芝士！！薯角炸得夠脆 黑松露同芝士味濃郁實在太好味啦❤️反而係主菜西冷牛扒就一般黑松露燒汁好味 但塊扒本身就無咩牛味勝在薯菜都好多 塊扒又大 就抵食…查看更多

呢間越南fusion餐廳真係我係銅鑼灣既all time favourite 🥰之前疫情嚴重有一排無黎 原來呢到轉左裝修風格 連menu都唔同左😳不過食物依然好高質！首先最推介既當然係特色火車牛魔粉佢大碗既程度係普通女仔一個人食唔哂個湯底飲落好順口 無味精既感覺好似飲緊牛肉湯咁材料好豐富 牛筋 牛坑腩 牛丸 生牛肉片 牛腩邊 牛柏葉🤩🤩🤩最啱鍾意食牛又選擇困難既人呢到既牛係用安格斯 食落有牛味又唔會羶☺️之後就係香茅牛油雞翼58蚊有4隻 雞肉嫩滑有汁外皮好脆身 直情想錄返段ASMR🤣食落有香甜既牛油味 加上有少少蒜蓉好食唔會膩反而香茅味就唔係好出之後就到我男朋友食到停唔到既椒鹽軟殼蟹118有3大隻好貼心咁已經分開左蟹蓋同兩邊蟹身唔使成隻啪入口咁呢hea軟殼蟹炸得夠脆 略嫌有少少油 不過配埋個千島醬就啱啱好😚最後就係咸蛋黃薯條🍟呢個都係我男朋友點既28蚊唔貴 上枱感覺唔多但原來都幾襟食薯條係偏幼 不過又未去到老麥個種以為都係用咸蛋黃醬 點知竟然用真咸蛋黃😳可能係咁 食落無咁死咸重口味👍🏻飲品呢 就叫左女仔必點既牛油果奶昔其實本身我對牛油果無咩好感點知呢杯有驚喜🤩飲落有淡淡牛油果既香同甘配埋牛奶既順滑中和左我最怕既油膩感有一少片裝飾既薄荷紙加埋落去既話即時又多種清新最啱食咁多炸嘢之後用嚟解膩！…查看更多

男朋友抽起條根好想食印度咖喱同烤餅唯有陪佢去食啦😂呢間新德里好耐之前都已經聽聞過不過總係覺得 啲太出名既店都係食名氣多過食物 通常貴夾唔好食奈何網上介紹來來去去都有呢間咁就一於試下啦點知睇左menu先發現 其實新德里真係唔貴甚至對比幾年前 啲食物都只係加左一兩蚊😳對於cheese naan, garlic naan同butter chicken都好滿意！兩款Naan都好有麵粉香 cheese既識拉絲 garlic既相當香脆Butter chicken更加係無得彈😍有濃濃的蕃茄味之餘 相當creamy 再陪上烤雞就咁食 配飯 配naan都好出色！之於個雜菜乳酪就因人而異我鍾意乳酪 所以覺得幾解膩我男朋友就一啖都冇興趣😂…查看更多