Rachelchan~*的个人专页

呢間野食左都好幾次，但每況愈下！差差差！以前幫襯完都會有生果送，但近幾次都已經冇送，侍應話送晒，都算數，今天終於知道真相啦，原來係d侍應留返俾熟客，就同我地講送晒，求其應我地，就算我地呢dBook 左位既都冇，咁結果咪係冇下次囉!我地唔會再幫襯!…查看更多

火滾~~~今日同老公出去灣仔拎粽返屋企食應節，一早商量去呢間咁鬼出名既檀島食下野嘆下奶茶、咖啡啦，唉，點知就食到一肚火~~話說我地明明叫左焗豬扒飯，但來了焗魚飯:(，我地開頭又冇為意，食左一啖見唔對路喎，先發現原來係魚黎既= ='"咁咪同個付應講囉，話黎錯左，點知個半光頭呀叔侍應超級態度差咁話 " 咁點呀?你都食左咯! "嘩，我即時火都黎埋!我話有冇搞錯呀?點知佢仲要唔理我，走開去!真係離譜!!你好聲好氣話黎錯左say 句sorry都冇咁嬲，我地又唔係旨在你換過，成件事都唔係我地既問題，係你拎錯黎，道歉都冇仲要惡人先告狀，都唔知咩人黎架!好彩，跟住我地再同另一個侍應反映，係佢地有人將兩枱既食物搞錯左，(但佢都係冇意識同你換返)佢都有say sorry，我地先冇咁嬲!另外，我食左菜遠海鮮炒麵，呢個都ok好味啦，普普通通over all，係佢杯咖啡真係好飲，同埋蛋撻真係好好食。但真係唔知係因為呢d舊式茶餐廳既伙計每日不停手做到冇晒心機?定係個心態係唔憂做,點都係咁多人幫襯架啦，所以佢地d面口都係乸口乸面咁!!…查看更多

星期6返半日，1點半鐘放工，本來約左老公返西環食果間聞名已久既hotdog，不過老公話佢個friend想佢陪佢去睇禮服，於是我地惟有改變主意啦~估唔到咁樣反而有驚喜o係女人街行呀行呀行呀...就行到呢間鋪門口，初時見佢呢個鐘數都好似冇咩人幫襯咁，有d覺得麻麻地既感覺啦~~~後尾都係入左去坐低~~~睇左佢地個餐牌，有下午茶餐(原來已經2點喇@@~)，又好似幾抵咁，我叫左 : 卡邦尼意粉 : 開頭我地o係度討論，呢個意粉係咪冇料既呢~我淨係知道卡邦尼應該係d芝士汁同埋有煙肉咁既"醬"，我又唔想咁dry好似冇d肉咬下咁...呢個時候，佢有個肥肥地既侍應走埋黎，態度殷勤咁向我地解釋個意粉都會有d雞肉咁話:) haha我幾欣賞佢呢種服務態度~講返個意粉先 整體我覺得好味架，不過老公話如果個意粉彈牙d會仲好d喎~老公就叫左個 日式燒雞扒飯 : 我偷左佢一舊雞扒食 個燒汁味好重，我諗拌埋d飯食會好好多~~老公話佢d飯好"煙un"正~總括黎講，佢價錢都算平呀，d食物又ok唔差，我諗都可以列為開飯既首選既~~ 同埋又唔太多人，坐得好舒服~~…查看更多

我地一行4人，前一日已經打電話book定位，hehe~~同埋知道佢有一個點心set係$148有6個點心，打電話果時已經講定要呢個喇~~本來諗住book晏晝，點知佢地話要朝早11點就有位，仲限我地12點要交枱，唉，都算啦，因為我地晨d都仲有地方去食野，咁呢度食d點心，1粒鐘應該夠既，於是都ok啦。點知黎到門口，佢話男士要著長褲 本來weekend想relax d嘛，bf著左條短褲去，haha，好彩~~~佢地有長褲提供既 咁我地都入得去喇~~~叫左 : 蝦餃皇 : 蝦餃呢樣野係去飲茶一定要叫黎食既 呢度有5粒架，haha，超好味!! 上素乾坤袋 : 呢個冇影相呀~~其實佢係將d料，好似有竹筍果d啦，剁碎切粒咁袋入個腐皮袋咁，然後淋個好似鮮竹卷果d既獻上去，都幾好味，黎到既時候仲要入面係超熱@@~我差d俾佢"辣"到條脷~~~ 叉燒腸 : 呢個就唔係咁驚喜咋~~普通，同埋d叉燒比較肥~.~ 炸蝦角 : 雲吞皮包住好多蝦正~~ 鮮竹卷 : 呢個我地一致話係最難食:( 好似魚肉春卷咋= =完全唔係我地食慣既鮮竹卷黎... 帶子餃 : 帶子好鮮味，做法特別goodgood~~ 燒賣 : 正常4粒，唔係特別好味 叉燒包 : 之前叉燒腸果d叉燒就肥d，但呢個叉包d叉燒反而係瘦d既= = 不過個人係鍾情瘦叉既~~總括黎講，呢度d出品係好食既不過d點心既size真係迷你左d囉...如果"正常"size就真係勁滿足喇~~~…查看更多

一落船食完申燒就即刻飛過黎呢度，睇左OR 上黎開POST D人的評語，果然冇介紹錯啦~真係超正!!!木糠布甸 : 真係好滑榴槤雪糕 : 本身都超鍾意食榴槤，呢個雪糕榴槤味好重，好好味 男朋友本來唔食榴槤既，俾我度緊佢升仙，而家都食了，哈哈~~~下次黎澳門，都一定再黎呢度食!:)…查看更多

繼續寫我既馬交之旅飲飲食食篇~~~:)果日一早去完永利軒飲茶，之後就黎左呢度食翅~~到既時候大約1點零鐘啦，間鋪好細= =，黎到等左大約5-10分鐘，我地4個就可以入去喇~~我地幾條友，O係門口果陣已經商量一陣食乜 睇勻都係叫一鍋一齊食好~~於是我地就叫左 : 海蔘魚肚翅 : 一大鍋，夠4位食，每人都可以裝多一碗既~ 佢D料都幾多，同埋都煲得好膠，但係D海蔘個樣有D古怪@@~我自己就有食到一"梳"翅，不過BF話佢食唔到有翅~.~ 慘~~~最後，我覺得係黎到馬交，都不妨試下既~:) 今次淨係試左一種翅，都唔知推介D咩....第時如果再黎既話，我會再寫上黎~~~…查看更多

剛過去既weekend，過左大海，飲飲食食~~賭兩手,haha準備過去之前，就梗係上OR做晒功課啦，搵定有咩要食 開頭睇到呢間祥記招牌主打係蝦子麵，但係最近D POST都話唔OK= =" 反而果個灼魚皮就多人讚，咁就MARK低左啦，同D FD講，食灼魚皮好喇，蝦子麵都係食第2間.......點知，原先想去果間因為路程都幾遠下，就放棄左啦，冇去到，於是乎就黎左呢度食左以下呢D，反而咁樣有驚喜囉~~ 蝦子撈 : 呢個真係比想象之中好味，只係嫌佢D蝦子少左D囉.... 個麵都好爽，同劉X記差唔多~~ 薑蔥灼魚皮 : 呢個就真係俾D POST呃晒:( 佢好"淋"又凍左DD....真係唔係咁好味.....但我BF話，佢有另一種既好味既@@~~~~ 金沙鯪魚球 : 呢個都算係推介，我見幾乎枱枱都有叫，呢個係幾特別既，其實D"金沙"即係米通黎既，幾得意囉!!同埋佢配既蜆介醬好正呀!!!:)總括黎講，都係好味既~~~同埋好彩我地黎既時候(下晏2點幾)，都唔算好多人，唔係好駛等位咋，如果唔係....真係大熱天時，O係出面企等位，真係會死= ="…查看更多

hehe,三文魚真係推介!去到一定要點呀~~新鮮熱辣,豈豈食完返黎就即刻上OR寫呢篇食評喇頭先6點半落到去,可能比平時晚飯時間早左D啦,都唔係好多人姐,我同BF去到就即刻有位坐喇,超正:)我地點左 : 三文魚壽司 : 好好彩呀!!佢俾左魚腩果個位我地,真係好彩:) 同埋真係好新鮮呀,完全同出面果D壽司鋪好唔同,食完之後仲有"朕"魚香o係口裡面!!好正 海膽壽司 : 佢原來有分加拿大海膽同埋普通既海膽,咁加拿大果隻就貴D既~自問又冇必要食到咁貴,所以就叫左個普通既,不過食落都好鮮甜呀,又係正!! 牡丹蝦壽司 : 呢個同板X果個一樣咁好味 不過呢度,佢地會收左你食完既蝦頭返入去,將佢整D天婦羅果D粉,再炸到脆卜卜,再拎黎俾你架,我都係第一次試過咁咋我咬左少少蝦頭D膏,之後俾左BF食喇~haha 鹽燒雞翼 : 呢個都算係我既必食推介呀!!咸得黎都係岩岩好~~ 日式大餃子 : 算係Basic野啦 黑豚金菇卷 : 嗯,呢個個燒汁嫌佢未夠惹味姐~~~:(總括黎講呢,呢度既野真係好新鮮同埋好好味呀~ D侍應姐姐既態度都幾好,又會不時斟茶,唔錯唔錯~~我諗我以後想食日本野既時候,呢間必定係首選!!:)…查看更多

黎過兩次,我都唔記得上黎幫佢寫下食評@@~果次經過,見佢新開張,心諗要搵日黎幫襯下,睇下好唔好味~ 第2日就同埋老公、聰舅父、mabel黎試下喇~~果次叫左4個小菜 : 咕嚕脆魚柳 - 我覺得好好食,用料好新鮮,d魚肉唔會係爛晒一pat咁~~ 欖菜肉鬆炒四季豆 同埋 豉汁蒸烏頭 - 冇乜特別,都係好食既~~ 美極煎海中蝦 - 呢個菜,餐牌係冇既~~ 原本我地想叫茄汁海中蝦,不過我地諗諗下又係咕嚕果d汁,後尾我地就叫左個侍應亞姐埋黎問下佢可唔可以轉做美極海中蝦,佢問一問廚房,好彩佢出黎同返我地講可以 hehe~ 咁就食到咁美味既美極煎海中蝦喇~~~同埋要講下,佢真係用海中蝦,而唔係用基圍蝦胡混過關就算,呢樣要讚!!:)星期6晚,我就同老公兩條友黎食飯,果晚叫左 : 排骨滑雞煲仔飯加臘腸 - haha,呢個飯都超級好味~~最愛佢d飯焦 細個果時,媽咪唔俾食飯焦架~佢話食得多飯焦=頑皮 ╮╯﹏╰╭ 蒜茸蒸勝瓜 - 有我最愛既蒜茸~~正呀!!!總括黎講,佢呢間野d小菜真係讚~~今日同個同事講開,佢都話呢間野d野好食,Good Good~~~^^…查看更多

尋晚,bb既舊同事Ivan補請返佢食生日飯,原本想去"人妖餐廳"食泰國野,後尾Ivan話佢fd介紹佢有間打邊爐都唔錯,咁我地就去左試試佢咩料子喇~~去到,都幾爆場,有個好似老細既人問我地有冇訂位,咁緊係冇啦,好彩~~~原來佢樓上都仲有好多張枱既~ 坐低之後,有個侍應走埋黎sale下佢d海鮮咁,d態度都幾好,好nice,抵讚~~我地叫左 : 鮮茄豬骨湯底 : 都真係幾唔錯,不過我覺得個煲再大d會好d,因為d豬骨好大舊@@~ 開頭冇咩位淥野:( 花甲 : 呢個真係超正~~~勁勁勁鮮甜 秘制墨魚丸 : 幾彈牙,有墨魚鮮味,食得出同一般唔同 黑豚肉片 : 薄薄一片捲埋咁,都幾好味,即使係豬肉要熟晒先食得,但因為佢呢個唔係太厚所以都唔駛淥得太耐 牛展 : 呢個我冇食到~.~因為我唔食牛,但bb同埋Ivan都話好好味@w@ Ivan仲話佢fd同佢講呢個都book先有...其他叫左 : 芝士腸、金菇、唐生菜、果d都冇乜特別~~另外想講,成晚最不滿就係隔離枱班友仔,成班既情緒都極度高漲 飲左兩杯就係度猜枚、尖叫,嘈喧巴閉!!又唔知嘈到人,黑人憎~~~…查看更多

之前睇左好多openrice既食評都讚呢間野d野食點好、點好...星期日晚終於同男友親身去試下~得到既結論係 "名氣大...冇貨賣":(仲食到有d勞氣添呀,d呀姐真係見到熟人就勁好招呼,真係完全唔掂呀!!!食一次就夠了~果晚食左幾樣野 :蝦餃 -- 普通貨色燒賣 -- 呢個幾好食酥皮蜜汁叉燒包 -- 唔係佢傳說中咁好味囉,略嫌甜膩山葵白汁咸水角 -- 呢個簡直覺得係呀茂整餅,冇啦啦咸水角又要整d wasabi落去,不知所謂食完埋單閃人,男友拋下一句名過於實,即時覺得係金句…查看更多

初次接觸到呢間食肆都已經係8月頭既事，去到住低既感覺係間鋪頭雖然細細咁，但係又住得幾舒服，個設計都ok丫，旺角區黎講都算係唔錯喇~侍應既服務都好好，只係有個別既可能係新入行o掛，講野唔夠靈活、圓滑，變相會得失客人。食食下野，餐廳經理都會主動埋黎同你social，問下你d食品好唔好食呀，又會介紹你叫d咩食好，咁殷切既服務、氣氛都抵晒啦。食物既賣相都算係幾吸引丫，講真，佢都係主打食米線+小食咁，十幾廿蚊既價錢買到食物、氣氛，都算係咁啦。至現時為止，我去過呢間鋪頭食野3-4次，水準都keep得幾好，我每次都會食雞絲粉皮<--呢個真係正,大家如果去食一定要試^^ 同埋五香肉條兩樣，另外都推介大家試下黑白椰子氣鍋雞，d湯真係非常之甜，好味!…查看更多