回到正題，小弟長久以來已有選擇困難症。今日就試下茄蓉吉列豬扒石鍋飯，個賣相都唔錯既。香濃既茄蓉配上熱辣辣既石鍋飯，味道又真的不錯。茄蓉唔會太酸，其實仲有啲肉醬。感覺都幾惹味，食到最尾，竟有少許飯焦。可算係石鍋飯既精粹，而且感覺有點似食煲仔飯，真係唔錯。另外，吉列豬扒相當juicy。而且都算幾厚身，絕對唔係市面既薄切豬扒。所配既沙律醬應該係BB牌(丘比)沙律醬，配上吉豬，真的惹味啊。:)…查看更多
喺呢度食米線，始終係麻辣湯底最吸引到我。因為我鍾意個湯辣得黎又有種令舌頭麻痹既過隱，因為呢種感覺似乎係三哥既譚仔先搵到。試過喺非三哥既譚仔食一樣既湯底，係得種死辣既感覺，絕對係痛不欲生。因為得個辣字，就唔係麻辣啦。配料方面，都係食開雞肉同腩肉，呢兩種係最大路既選擇。三哥既腩肉係肥瘦均勻既，而且無種韌既hard feeling。反而食過得瘦肉既腩肉，唔通呢啲係腩肉走腩，得番舊肉。><而雞肉就比較嫩滑，容易入口既。雖然非三哥既雞肉同呢度無乜分別，不過啲餸既份量就比較少，無咁抵食。:(三哥既米線會比較好食，硬度適中。我試過食啲好稔既米線，個感覺真係好難受。 ><整體上，我覺得米線、湯底同配料，都係三哥好食啲。食完個噴火既米線，唔小得杯凍奶茶解辣既。:)唔係賣花讚花香，呢度既凍奶茶算係數一數二中好飲。之前聽人講，話呢度既凍奶茶係用豆奶沖既。所以有呢種特別既味道，可能係呢種第二道飲唔到既味道，令我愛上左凍奶茶啦。因為奶裡面有油分，所以當你feel到好辣好辣既時候，飲凍奶菜會比飲冰水有效得多。:)食完呢餐令我頗滿足既午餐，個感覺真係好得多。相信仲有翻兜既機會，因為食物都算唔錯。而服務都ok啦，如果呀姐可以多啲笑容就好啦。得閒再食碗噴火米線同飲杯凍奶茶，絕對係人生一大快事。…查看更多
仲有一個沙律，見到啲材料唔太新鮮同泛濫既沙律醬，見到都唔想食。:(送上前菜、餐湯後，就係主菜時間。我既漢堡煎蛋飯端上我的枱面。其實，漢堡都唔太差既。都係正常既一塊漢堡扒。無乜特別既comment，而煎蛋更加唔使特別講既。不過個餐既份量少，我食完真係唔知飽既定義是甚麼？呢個餐實在教我失望，我相信一個男人食完都唔覺飽架。:(而朋友既非洲燒雞就唔錯，不過佢唔知非洲燒雞既定義是甚麼。食完那麼樣既主菜後，便是甜品時間。呢日既甜品係草莓奶凍，草莓味比奶味為重。而且唔夠creamy，結果我要加上凍啡所附加的牛奶調味。調味後既味道又唔錯。我最欣賞既唔係杯奶凍，而係個幾得意既奶凍杯。
食物相當教人失望，感覺有點似俾錢買位。因為新都會既午市係得呢間少人啲，可以坐得舒服一點。此外，呢度係無服務態度架。有個較年輕既侍應相當無禮，每次落主菜同收野，都係以"硬著陸"既方式處理。相當擾民。:(而當我個朋友想加牛奶落奶凍時，果個侍應問都唔問就收左個牛奶。呢啲服務質素還比茶記差一點，完全係不知所謂。:(我相信我都唔會再黎，除非我傻左啦。…查看更多
因為佢都想向Chocolate Thunder朝聖，見識佢既蘆山真面目。廢話小講，呢度既午市套餐既價格相當大眾化，58元起便可享用一個set lunch。而且已包括麥包、餐湯、主菜及餐飲。呢個價格絕對係合理，相當抵食。首先奉上麥包，睇完艾晨既食評後。才曉得呢個係麥包，而非黑糖包。隨包附上牛油，為免影響麥包既味道，我只會加上少許牛油伴包。麵包保持微暖，鬆軟可口。之後奉上沙律，沙律既菜都幾新鮮。而沙律既醬汁係意大利汁，帶有幾分清新。而且無左千島醬既油膩，相當健康。再來既係露荀西芹湯，呢個餐湯雖然無乜特別。但呢個湯加上份量十足既忌廉，creamy度十足。不過要喺健康度扣一點分，始終忌廉味太重都唔係太好。:)之後到了主菜既環節，我點了的愛麗絲坪燒雞胸已端上到餐枱了。本來是配雞味飯，不過我還想以薯條作伴菜。慶幸經理可處理小弟麻煩既要求。而雞胸既味道可算是預期之外，雞既肉質嫩滑相當，食不到一點粗鞋的感覺。而面頭伴上芝士、煙肉等配料。可算是錦上添花的功夫。而伴碟既粗薯條惹味相當，只需要加一點鹽便可突顯其美味。呢道主菜真係俾到我一種久違的美味，估唔到簡單既食材都可以製作得那麼美味。最後當然係大家最期待既甜品啦，Chocolate Thunder可算係Outback既招牌菜。可能廚房要處理繁忙既午餐，因此我地既甜品都延遲左上枱。不過，等待總是令人期待既，所以都唔太在意。當Chocolate Thunder上枱時，我俾佢既霸氣嚇到。因為真係好有氣勢，其實佢有三層。最上層係鮮忌廉，中間則係雲呢拿雪糕，而底層係熱果仁朱古力軟餅。個人認為，應該將三層一齊食，咁樣可以一次過食到三種既滋味。:)而奉上既朱古力醬也不客氣，絕對有點水浸既感覺。雖然吃罷這甜品有十足的罪惡感，但為了此刻的快樂也是值得既。:)食完呢個午餐，真係有相當既滿足感。食品既質素無容置疑，服務亦都值得一讚。當我地吃了主菜後，經理會問我們對這頓午餐的意見。雖然呢個環節可有可無，不過為了令服務做到最好，這環節是不可忽視的。:)只要有美味既Chocolate Thunder同有禮的服務，Outback係可以無限次既翻兜。現在，應期待下次既Chocolate Thunder。…查看更多
雖然呢間意粉屋唔算太大，但都算坐得舒服。當服務生問我地要凍定暖水之後，我地就睇menu叫野食啦。其實，都係有湯、小食、主菜同甜品等等啦。小食、餐湯
首先係蒜蓉包，四片左右既份量係啱啱好。蒜蓉同牛油味都好夠，而且香而不膩。最重要既係新鮮出爐，食過啲凍得黎又硬既蒜蓉包，絕對不是味兒。:(我地仲order左南方雞翼，都而家都唔係好明點解叫南方雞翼。我覺得只係普通既炸雞翼再加上蕃茄汁既雞翼。不過呢個平凡既配搭都幾好食，食落又幾夾。之後就有酥皮周打海皇湯，對於係酥皮fans既我。就一定唔會錯過，因為呢度既酥皮湯真係有料到既。不過，呢次轉飲海皇湯。值得一讚既係，海皇湯相當足料。有蝦、青口、帶子、魚、蜆肉等既海鮮。整體上都唔錯，特別係個酥皮。因為真係好鬆化，同個湯真係幾夾架。]主菜
飲完湯，食完小食就進入主菜既環節。首先上枱既係田園炸雞籃，呢個經典菜式都食過好幾次。個雞籃有雞胸、雞槌、雞全翼，鍾意食邊part就食邊part。雖然只係普通既炸雞，不過雞既肉質鮮嫩，而且醃味適中。好食過KFC多多聲。而且伴籃既仲有薯條，點埋茄汁更添美味。第二道係煙三文魚海鮮pizza，雖然呢道既pizza只有薄批。不過又焗得幾好食，最重要既係個pizza真係幾足料。當然有煙三文魚，仲有魷魚、蝦、蟹肉、蟹子。呢個配搭都算可算係海鮮雜錦pizza，如果pizza可以配千島醬就更美味啦。呢個pizza批焗得鬆脆可口，食落有啲似餅乾既感覺。估唔到，呢個pizza係我成日食既。下一道追加既係焗三文魚帶子牛油果飯，呢道菜係第一次食。呢個飯既三文魚份量頗多，再加上牛油果及蘑菇。配上忌廉汁及芝士焗製，個飯既質地比較黏。不過食落又幾好食，同平時食飯既感覺係兩回事。唔知係唔係意大利飯既緣故呢？甜品、飲品食完咁多美食，點都要有甜品作結既。:)首先端上君度香橙班戟配雪糕，呢個甜品又幾特別。好有橙香既味道，而且不乏牛油味。呢個pancake雖然好簡單，不過加上雪糕，可以食到冰火相交既感覺。:)另一道甜品係馬天尼朱古力焗香蕉金寶配雪糕，呢個甜品好少有得食，今次可算是頭一回。其實係將香蕉蓉混入朱古力再加上果仁焗製，味道都幾特別，而且又唔會太甜。整體上，香蕉味好夠而且同朱古力既味都幾夾。唔少得面頭既一球雪糕，都可以做到冰火相交既效果。真係到最後啦，最後係意式濃情飲品。味道都幾特別，不過我一啲Tiramisu既味道都搵唔到。只係似朱古力咖啡既特飲，可能我唔太識欣賞啦。呢餐都幾精彩，有經典既產品，亦都有啲季節性既產品。雖然大家各有特色，但大家crossover得黎又幾夾。而且呢間意粉屋既服務都唔錯，成日都幫我地加水同收野，真係難得一見。有機會會再翻兜。…查看更多
呢個Froyo既奶味偏重，酸味略嫌不足。:(不過呢個配搭唔錯既，我鍾意奶味重小小既Froyo，咁會好食啲。:)而配料就揀左Oreo同玉米片，糖漿就要左焦糖味。呢個配搭係我食過算幾match既，食落好脆口，再搭上一啖一啖冰涼既Froyo。實在係人生一大快事，雖然呢個價位可以食其他食物，不過我覺得咁食都唔錯既。整體上，有機會都會翻兜既。配料都算幾啱我心水，不過我都係睇住銀包著想，都係慳啲使好啲。:(…查看更多
睇哂咁多個午餐，覺得個焗芝士蘑菇豬扒天使麵會好食啲。雖然等既時間比較長，不過都無令我失望。因為個天使麵既份量都幾多，都算係大件夾好食既。天使麵既麵質雖然唔可以同意式餐廳比較，不過無整到成pat漿就已經唔錯啦。因為天使麵既麵質比較難控制，整得唔好真係可以整到pat漿咁架。好彩，我仲未試過呢啲"漿麵"。講完天使麵，就講番個豬扒。醃味都唔錯既，而且又唔算太多骨，啱哂我呢啲懶人食。:)而個汁同普通既茶餐廳白汁分別不大，只不過加上芝士就變得好食啲。整體上都唔差既，食完真係好飽。而餐後既凍奶茶大大杯，茶味濃已經可為呢餐午餐劃上完美既句號。喺一個好hea既星期日，享受一餐難得休閒既午餐。望住班維園呀伯為時事話題針鋒相對，而謝志峰就話你既發言時間夠啦....。講真，如果大家可以relax一下，就唔使個個禮拜都"上電視"啦。雖然呢度既電視有畫無聲，不過咁睇班維園呀伯又幾得意架。…查看更多
個包主要係用左爽口既雜菜絲同玉米包代替以往既芝麻包。而雞腿就無乜特別既改變。個包個outlook比之前既好睇好多，唔理佢好唔好食。個樣比之前既colourful好多，而且味道都唔錯既。啲配菜都算幾爽口，食落索索聲。而個雞腿同之前既分別不太大彌。雞腿既肉質都幾嫩滑，不過就太多油啦，唔係太健康。:(而呢個特級脆辣雞腿包加左蕃茄及煙肉，不過我覺得有點畫蛇添足。基本上，煙肉同蕃茄可有可無，唔知點解會加左落去個包。但整體上都唔錯既。特別係個玉米包，食落個口感都幾得意架。個包個口感唔錯，好鬆軟而且同個包幾夾。呢個包算改得唔錯既，如果雞腿可以小啲油就更加好。期望有更多改良既產品啦。:)…查看更多
我叫左個芝士漢堡定食，首先有前菜既沙律。對於菜同菜既沙律，小弟對佢無乜特別既興趣。首先，芝麻醬既份量太少，結果要齋食啲菜。雖然啲菜係幾新鮮，不過無左芝麻醬既點綴，始終都係爭咁啲野。:)我地仲叫左兩個小食share :)明太子芝士豆腐個外表都幾吸引，不過明太子既份量真係少得可憐。其實呢度菜既主角係豆腐，慶幸既係芝士豆腐呢個配搭點都唔會難食得去邊既。豆腐都係普通既貨色，但味道又唔差既。不過索價三十七又真係唔太抵既。:(另一個係明太子香薯pizzaPizza既批底係特薄既，食落有啲似食緊梳打餅既口感。配料都分得幾平均，特別係啲薯仔既味道都唔錯。雖然呢個pizza唔可以同其他pizza專門店比較，不過個pizza都可以拉到一絲絲既芝士，好cheesy。食下食下，芝士漢堡定食上枱啦。個餐仲有個麵豉湯，味道依舊。而個定食既份量都唔錯，當然有個噸位十足既漢堡扒。同都頗大碗既飯啦。首先，個漢堡扒肉質都算幾稔。但又唔會一夾就散既，而且個漢堡扒既醬汁幾惹味。我無估錯既應該用左漢堡扒汁，估唔到既仲有啲芝士好似溶岩咁流出黎。好難得做到流心既效果。餐飲就叫左蜂蜜梅蜜梳打，味道都幾特別既。加上梅蜜，味道又幾特別。啖啖梅香，飲落去真係啖啖清新。作飯後飲品真係最好不過。整體上，呢度既lunch真係幾抵食。和民既食物質素都唔會太差，而且服務既態度都幾好。只不過，飲品上可以有更多既選擇就好啦。…查看更多
廢話小講，估唔到嘉頓對面會有間意大利菜餐廳。我差啲搵唔到間餐廳。而餐廳樓底頗高，好有空間感。而且有大量油畫作裝飾，很有格調。報到之後，便奉上了餐包及黑醋。不過，個凍冰冰既麵包一啲都吸引唔到我。而且要將佢分開一半，要用盡九牛二虎之力才行。而麵包並不是脆卜卜，只是普通麵包帶一種"韌"的感覺。而黑醋橄欖油的份量並不平均，我只感到黑醋的味道。味道也頗特別，不過那容器的深度不足，點麵包時有點不便。:(之後，便由Oliva的大廚為這晚餐作介紹。這頓晚餐的菜式主要是較受食客歡迎的，而且每人會有一份完整的試菜單。:)而這餐廳為了讓平民也可用合理的價格品嚐意大利菜，因此食材上不可與貴價餐廳作比較。而且，食物也為了迎合港人口味，烹調方法會有所不同。首先，頭盆-----煙三文魚柚子沙律、忌廉汁焗蠔登場。煙三文魚柚子沙律--煙三文魚切成條狀，帶點煙燻的味道。當然，唔可以與貴價既作比較。整體上都唔錯。而加上柚子的沙律，帶點清新的口感，令我有種煥然一新的感覺。忌廉汁焗蠔 -- 有吸引的外表，帶殼的蠔肉配上惹味芝士忌廉汁。而且更加上菠菜中和芝士忌廉的味道，沒有那肥膩感。而蠔肉也頗新鮮，與芝士忌廉汁有種相襯的感覺。:)品嚐過頭盆後，便是忌廉雜菌湯。帶了港式白湯的影子，菌味不太濃。而且那湯不太杰，有點水汪汪的感覺。其實，可以加上少許調味料作裝飾。那湯可以煮得杰一點，增加口感。等等等了一段時間，便端上第一道主菜。這可以理解的，因為要廚房在短時間製作二十份一式一樣的菜式，實在有一點難度。因此，有一些會放涼了。:(雜菌意大利飯--味道也不錯，有陣香濃的蘑菇及忌廉味。不過要挑剔既係，意大利飯既軟硬度不一。據說為了迎合港人口味，把飯煮稔一點，不會有種食生米既感覺。墨汁海鮮意粉--呢個mains既味道不俗，不過墨魚汁可以濃一點。但整體上都唔錯既。煙三文魚南瓜忌廉蝴蝶粉--呢個係三個之中最好食既，用料雖然不多。不過南瓜忌廉汁好香好濃，這已經拿了不少分數。但有個疑問，點解要把煙三文魚放在粉的下面而不舖上面。舖上面會有更吸引的外表。之後，便端上兩款特色薄餅--菠蘿雞薄餅及菠蘿火腿薄餅。菠蘿雞pizza會較惹味，因為用上了咖喱味雞粒，而且較多爽口的洋蔥。薄餅也弄得頗脆口。另一款味道就普通一點，但也可以接受的。整體上，兩個薄餅的配料也適中。當然，可以熱食就更好。等了等了一段時間，才端上另一道mains。始終，肉食既處理和烹調，需要多一點的功夫和時間。不過，見到自已喜愛既食物，等一會也無所謂啦。什果仁配焗海鱸魚我對鱸魚無乜特別感覺，但我覺得不太新鮮，而且有點腥的。雖然上面有點果仁碎和香草，但也不能力挽狂瀾。:(之後試既係大蝦，肉質偏稔。勝在蒜蓉味搭救，否則也不算特別。再來既係保雲酥焗羊架--呢個真係有料到，面頭加上麵包糠和芥茉。味道比較突出，而且羊架質感嫩滑之中又帶點肉汁。實算是佳作。最後是燒牛柳，味道不太好。因為欠缺了肉味，而且肉質也不太好，所以有點失望。伴碟既焗薯及酸忌廉、粟米、小棠菜，味道也不俗。食完主菜後，最令我期待既甜品...分別係意大利芝士餅及藍莓芝士蛋糕。首先品嚐芝士蛋糕，但卻令我很失望。因為質感及味道也不是cheese cake應有的。而且藍莓醬太甜了，這1/2份甜品令我太失望了。現在只可期望Tiramisu。味道果然不錯，那層cream真的很軟滑。食下不會有太甜和太膩的感覺。味道算是大路，雖然沒有突出之處。但只要令我接受到就已足夠。這總比那燒魚及雜菌湯正常一點。整體上，這頓晚餐也不錯。讓我們品嚐到意大利菜的基本concept，雖然這裡談不上正宗。但我認為，不可以為了多數人的口味而放棄應有的傳統味道。最後要多謝Oliva讓我來品嚐這晚餐。能夠與素未謀面的食家作飲食上的交流，實在是難得的機會。:)…查看更多
如果體驗懷舊冰室，呢間都算唔錯既選擇。不過食物就一般般，只有凍奶茶及奄列令我滿意，其他不吃也罷。:(…查看更多
