為食阿豬媽的个人专页

之前都幫襯過幾次好想知四眼收銀姐姐係未老闆娘落單慢，收錢慢重點係講嘢大大聲聲冇禮貌1號食客想要收據大大聲話唔會俾收據2號食客想買崩沙牛腩3份例牌加咖喱汁(例牌$128)自己唔知加汁價錢問個男職員男職員話加咖喱汁加10蚊2號食客冇問題預咗你要加收銀姐姐大大聲聲又話10蚊唔得邊有咁平好喇收銀姐姐同男職員講完一輪冇結果2號食客唯有轉餐今次直接要咖喱崩沙腩飯3個(餐牌係有，價錢$60一個)2號食客唔想浪費d飯就話走飯，淨係俾餸就得點知個收銀姐姐又話唔得唔可以咁樣要收例牌價錢個男職員都問收銀姐姐點解唔得人哋餸少咗唔要飯冇問題咖收銀姐姐又嘈一輪之後話唔識咁樣落單叫個男職員落(手寫單你都唔識落就唔好再企收銀啦)個男職員落完單就同廚房師傅講咗俾餸就得唔使俾飯點之呢個收銀姐姐行去同廚房師傅講俾少啲腩見到呢個收銀姐姐咁樣搞到我最後都冇胃口再食坦白講如果收銀姐姐你係老闆娘我會同你講我唔會再嚟幫襯你講真生意難做我明但唔係好似你咁做囉做到你咁真係好有問題其實啟田附近唔止你一間粉麵舖你而家係趕客唔係留客…查看更多

屋企人住喺附近之前都嚟試過呢間嘢,味道覺得唔錯所以今日入去探佢哋時就嚟試下星期六下午茶時間唔使等位出奇呀入到去客人唔多環境乾淨,光猛都算舒服豬扒包跟粗薯條+野菜沙律餐豬扒包同野菜沙律份量👌都算大份薯條唔多得3條不過$31跟熱飲抵食凍青檸茶青檸唔酸冇青檸味泰式炒海鮮金邊粉金邊粉乾身雖然口感有點似吃橡筋不過總好過濕淋淋其他食物不過不失啦最伏嘅係份西貢厚多士西貢厚多士個名字好特別但嚟到之後覺得非常伏西貢厚多士只是一塊普通的麵包烘底何解要用呢個名呢既冇西貢特色麵包又唔厚希望貴餐廳出品食物時多加留意隔離間大X樂叫份多士餐便宜過你哋起碼多士厚d花生醬都有花生粒…查看更多

未食已經嬲嬲地13個大人竟然安排張8人圓枱俾我哋仲話加櫈坐問個職員點坐態度勁差話""俾埋隔離張4人枱你哋囉""唔好玩啦張4人枱已經坐咗兩個食客人哋食緊嘢咖***(我明而家生意難做，老闆想每張枱多做幾轉生意，但你都冇理由要我哋13個大人，迫落張8人枱坐，就算坐到，咁又點食嘢呢，有時做嘢，都過得人，過得自己，唔好咁過份啦)***最終分咗3張枱坐但明顯有面色睇囉算 我忍我哋咁大班人已經好識做諗好晒食咩先叫人一次過落單但好明顯d四五十歲嘅女職員好似睇你唔到囉叫佢寫嘢一個應都唔應你就行咗去一個應完等等就行咗去幾尺遠囉等咗一陣終於有個後生d嘅女職員過嚟落單串燒燒豬頸肉千層糕咖喱雞扒飯菠蘿炒飯海南雞飯海鮮湯粉泰式炒金邊粉泰式豬肉炒河(濕炒)泰式牛肉炒河(濕炒)總括嚟講如果住喺附近，唔想出到九龍城食泰國菜，你可以接受到冇人理你，接受到職員無禮貌，接受到職員俾面色你睇，你可以考慮試下呢間…查看更多