Peter CK的个人专页

經介紹同朋友一齊搵路搵左一段時間先搵到呢間位置有少少偏僻既慢煮工業,成間野黑媽媽唔睇名真係以為係酒吧.上左樓梯我地見到有D空位,有個侍應都幾惡地問左我地一句:"有冇book位架" 我地答冇,之後佢就冇理我地,睇泥D位應該係reserved.之後D侍應個個都繼續行泥行去各自做各自既野,上菜既上菜執台既執台,什至有D侍應得閒到企係度傾計,但就係冇人理我地,咁見到D侍應咁既服務態度我同我朋友都已經興興地,但諗住搵路搵左咁耐又聽講幾好食,就忍下加等下你.點知一等就等左15分鐘,見到D空位逐漸比D BOOK左位既人坐滿,我地先知應該係full booking,我地要食既話有排等,加上D侍應咁既服務態度,我同我朋友憤而離去.我覺得你full booking的話可以同我地講聲,免得我地白等.唔通有book既就係客人,walk in既就唔係客人?咁既服務態度就算D野再好食都冇用.…查看更多

上星期同幾個friends一齊去呢間所謂既米飯主題餐廳試下佢地既主打蛋包飯,但除左味道一般之外,佢地其中一個女侍應既服務態度仲要奇差.我地幾個人入到去坐低,有個女侍應本來比左我地一人一本menu,點知我地睇左幾秒佢突然攞走左我地一本menu然後拋低一句: 唔夠menu呀,你地兩個睇一份啦. 咁雖然我地已經興興地,但最後都揀好食咩落左單. 過左一陣,我突然feel到塊面隔離有陣熱風,原來係個女侍應攞住塊熱到出煙既鐵板係離我塊面3CM遠既距離上菜,由於佢係我身後上菜,如果唔知情既我當時突然擰轉頭既話我一定會燒傷+入醫院. 到平安上完菜,我地發覺少左隻匙於是問個女侍應拎,咁我平時出街都prefer洗一洗D餐具先用,正常餐廳都係放低D餐具係台面比客,但個女侍應竟然攞左隻匙過泥然後直接插入我地飯度. 成個服務過程實在令我無語.至於味道方面,蛋入面包住既飯基本上係冇咩汁既白飯,所以都幾DRY,水平一般.咁既服務態度但又唔係特別好味,真係唔會再去.…查看更多