Matthew_TC的個人專頁

座銀集團新開嘅旗下分店，主打蠔拉麵店內主要提供三款拉麵，今日去只提供白湯，係我最想試同最出名嗰款😍店內環境高質 潔淨 有Omakase feel 環境係全港數一數二 師傅係日本人 但亦有香港人侍應 🍜牡蠣白湯 $158+10%點講好呢 只可以用屈機形容 我都係半個拉麵達人 全港大部份拉麵都食過 呢間絕對可以入我心目中頭二名 擺盤亦非常精美蠔🦪 從圖中可見 比我想像中大隻好多 食落鮮味十足 口感綿滑 有少少海水味 完全唔腥 豬肉🍖 有少少燒肉嘅味 食落唔起渣 合格以上 面質🍜 比較幼細嘅麵條 食到有小麥粒 口感煙韌 非常合我口味牡蠣湯🍜湯底係最重要嘅評分標準 呢個湯非常無敵 非常突出且濃郁嘅蠔鮮味 最大點豚骨湯嘅味道 真係好出色 鍾意食蠔嘅朋友肯定有驚喜 湯中紫洋蔥粒可以平衡味蕾 碗湯真係非常特別 擁有一個高檔嘅感覺 由於比較濃郁 食到一半嘅時候將青檸汁混合到湯入邊 更可提升一個層次 食落清新帶鮮味 又再引起食慾 真係只可以講無敵🥚煙燻糖心蛋 $15+10%糖心蛋帶有煙熏味 蛋黃濃郁 可能用蘭王級別 值得一試總結 價錢相當進取 結帳人均$180 但係拉麵非常高質 可以顛覆對拉麵嘅想像 食完絕對物有所值 在我這個拉麵狂人心中位居第二🏅 如果拉麵是包含煙燻蛋會加好多分 …查看更多

最近喺通菜街搵食經過呢間都見到有唔少人排隊 於是今日就去睇吓有乜嘢咁巴閉 望一望餐牌 當堂O晒嘴😵‍💫 $98竟然食到威靈頓牛柳 仲要包餐湯嘢飲冇加一 諗都唔諗即刻入去試我哋叫咗威靈頓牛柳🥩（$98）+棒棒溫泉蛋伴龍蝦汁闊蛋麵（$68） 另外加咗$15轉fruit punch 🍹同$3轉凍飲利賓納🍷 威靈頓牛柳 5成熟佢唔係正宗嗰隻有蘑菇有Parma Ham 佢只係有一層酥皮 但係酥皮非常香脆 而牛柳嘅質素大大超乎我想像 非常完美嘅五成熟 牛味香濃 肉質細嫩 口感嫩滑 焗嘅火候相當完美 $98有咁嘅質素 雖然唔係正宗 但絕對超值👍🏻 而跟餐嘅薯條香脆 過咗好耐都唔會淋 棒棒溫泉蛋伴龍蝦汁闊蛋麵賣相靚😍 龍蝦味突出 份量多 呢個龍蝦汁闊蛋麵$68嚟講真係冇得彈 $68有咁嘅質素 very nice🤤 另外仲有四條蟹柳俾你 同埋隻水波蛋 肯定翻撻餐湯 🥘忌廉湯 有啲素翅 蟹柳絲 食落去唔係得忌廉味 唔係得忌廉味已經很好 係一碗正嘅忌廉湯 以低過$100嘅餐黎講飲品fruit bunch 🍹賣相靚 套餐加$15就飲到 味道正常 下次會想試吓mojito 凍利賓納🍷凍飲+$3 味道不過不失 …查看更多

今日晏晝搵唔到嘢食 經過呢度本來諗住食鰻魚飯 點知比我見到隔離枱食緊意粉好似好好食 就睇吓有乜咁巴閉煙三文魚帶子意粉 58$煙三文魚同帶子都好好食 帶子肉質肥美豐滿 雖然得一隻但係都好大隻 煙三文魚佢浸煙熏味特別大 比普通超市買嗰啲好食 再來主角意粉 呢個意粉佢落咗好多忌廉 不過都食得出有啲鹹芝士嘅味 不過真係太多忌廉 通常唔識煮意粉嘅先落咁多忌廉 不過亞洲人同稱白汁 頭幾啖食落去都不錯 可能因為肚餓 有少少芝士嘅鹹味 不過越食越感覺上太多忌廉 都幾唔健康 如果平時有食開深奧啲嘅意粉 呢個就唔推薦你嚟食 因為呢個係人都識整 不過佢啲配料真係好唔錯 仲有凍飲+2$ 凍檸茶 冇乜嘢講…查看更多

我係睇完有碗話碗個廣告先過嚟食呢排主打二人龍蝦套餐 338$仲要加一佢賣嘅廣告應該唔會難食得去邊個套餐包含二杯指定飲品 龍蝦湯龍蝦pizza龍蝦汁大通粉如果你係佢觀眾 仲可以送一份羽衣甘藍沙律首先龍蝦湯 個碗好似茶餐廳嗰啲湯碗 但係龍蝦湯味幾濃郁 有小小龍蝦絲 好少嗰隻 呢個湯幾好飲 可能係成餐飯最好食嗰樣龍蝦pizza&菠蘿梳打菠蘿梳打冇乜特別 龍蝦pizza冇驚喜 唔知係咪因為我食過更好食嘅Pizza 呢個真係冇乜特別 佢上枱嘅時候係暖唔係熱 餅皮有啲硬 佢上面嘅配料就好普通嘅芝士同埋洋蔥嗰啲 有啲龍蝦肉 就好普通嘅Pizza 個龍蝦入邊係冇肉嘅 龍蝦殼入面係芝士焗蘑菇蕃茄蝦仁 又係好普通 成個最大賣點係佢擺得幾靚 喺上枱嘅時候會落啲火落去燒住隻龍蝦 不過啲火好弱同埋1秒之後就冇晒羽衣甘藍沙律又係普通 呢個沙律好睇橄欖油香唔香 夠唔夠果醋 但係佢呢個冇乜橄欖油香 不過有酸酸地嘅感覺 但係唔係果醋嘅香味 佢仲有配啲南瓜同埋茄子 不過就係普通 可以有更大嘅進步 我之前食過一啲羽衣甘藍沙律係食到停唔到口都係意大利餐廳 呢個就食唔食都無所謂龍蝦汁通粉佢中間有個龍蝦鉗 啲肉又係好普通 呢個通粉主要係撈龍蝦汁 仲有水牛芝士 龍蝦汁唔算好濃郁 佢呢個通粉係好普通咁都撈啲龍蝦汁同埋芝士食 食頭幾啖都OK 食到後邊覺得好普通 感覺上呢個通粉冇乜技巧可言 啲通粉如果掂唔到汁嘅話就完全冇任何味 不過唔係話差嘅 唔好期望咁高姐總括嚟講 一次就好 338 加一 都370幾 唔係話平呢個價錢絕對可以喺其他地方食到更好食嘅Pizza同意粉 呢次體驗就真係普通咗啲 不過環境同服務態度都好OK 對食有啲要求嘅人就唔推薦 比較推薦啲鍾意打卡嘅人…查看更多

有時學校放lunch去嗰度食 嗰度幾偏僻比較少人 所以老闆成日叫我地分享出去叫人去幫襯。店員幾nice 服務一般 食物包裝的幾靚 但味道真係麻麻 野飲個人認為ok 吾夠飽可以添飯or麵 但係通常都會飽唔需要添 個人認為性價比底 加價得離譜 有次食百幾蚊個鰻魚飯覺得好普通 環境有外國鄉feel 可以話舒服休閒 總括嚟講嗰度環境包裝得靚食物包裝得靚 但味道跟不上美貌 比盡三個星期去一次 唔記得講 唔記得逢星期幾佢會送甜品 當然唔係貴嘅甜品啦…查看更多