Geoffreytwy的个人专页

Geo條👅評分：⭐️⭐️⭐️⭐️(5⭐️最高）牛繁豪華盛合 $899+ $18 日本特選雞盛合+ $145 蔥燒牛舌盛合Asahi 500ml @$78早幾日母親節同屋企人去咗牛繁食燒烤慶祝吓，嚟咗尖沙咀牛繁😛牛繁豪華盛合都幾多牛肉，肉質都唔錯，我已經唔係好記得咩嘢牛肉部位😂🤣好似有牛肋條、牛小排、牛五花、一大塊牛同牛舌，啖啖肉同牛味幾正，總之幾好食！最有印象係佢哋個厚切牛舌，爽口彈牙，正！我另外仲加咗個雞盛合，燒完嘅雞肉又唔會太肥同癡牙，又係啖啖肉，啱晒食肉獸😂但佢個雞皮，我就不敢恭維😛怕食得太多肉，呢個餐仲包咗4盤菜菜子😛和風生菜、和風波菜、蟹柳沙律同元氣卷心菜，俾你balance返😛冇咁有罪惡感😂仲叫叫咗3杯Asahi啤啤佢😛😛不過佢哋抽風做得好啲會更好，都幾大煙🤪…查看更多

Geo條👅評分：⭐️⭐️⭐️⭐️⭐️(5⭐️最高）香芹芫荽豬肉餃子湯麵 $44+ 豆腐1枝 $6甜記嘅餃子真心世一，見喺太子開咗新舖即刻入去食😂新舖裝修好闊落，好舒服，有文青feel 😛 叫咗芫荽餃子湯麵，番茄薯仔🍅🥔湯底🤤呢個湯底真係冇得輸，好香甜嘅番茄薯仔湯，真係可以湯咁飲晒🎂芫荽餃子喺旺角舖成日賣晒，今次可以食到喇😛淡淡芫荽味配上啖啖肉嘅豬肉，仲有餃子絕對唔細粒，一啖咬落去滿足晒！再加上個麵真係飽到上心口😂大家一定要配麻個辣蘿蔔配菜食，好爽口加上個辣味，會上癮！唔知有冇得買呢😂🤣…查看更多

Geo條👅評分：⭐️⭐️⭐️⭐️(5⭐️最高）日式五品料理 $128 * 3份香港奶茶獅子山 $98昭和紅日富士山牛乳布丁 $68蘋果kambucha +$28百利甜酒鮮奶咖啡 +$26蜜樹香桃綠茶 +$19上個星期同屋企人一齊去high個afternoon tea ☕️ 就去咗呢間婆婆咖啡屋，相信大家都唔陌生，大家如果想去一定要記得book呀😛我哋早到咗，去到等咗陣，職員好好見到我哋有小朋友就安排咗張booth seat俾我哋😊叫咗3份日式5品料理，3份都有唔一樣嘅料理！我自己果份有雞扒，炸番薯條，鮮蝦福袋包，拌菠菜同富士山三文魚飯團🤘🏻雞扒肉質軟淋淋醬汁甜甜哋超易入口，炸番薯條我外甥女食唔停🤣外脆內軟幾正，鮮蝦福袋都幾正，最正係個湯底👍🏻菠菜冷盤做前菜一流，富士山三文魚無論打卡同味道都very good，入面都幾多三文魚，正🤤屋企人果兩份另外有流心芝士薯餅，金平辣牛肉，蘋果薯仔沙律同醬油五目，賣相同味道都幾正！飲品方面，我飲咗百利甜酒咖啡，好飲，好耐冇飲過baileys😛屋企人飲kambucha，呢樣嘢喺外國素食主義者好鍾意飲，我第一次飲又覺得幾好飲，酸酸哋有啲蘋果味咁👍🏻我哋仲叫咗2個甜品，紅日富士山布丁，呢個奶味濃郁，好好食，外甥女同我都超鍾意！獅子山奶茶都幾特別，奶茶雪糕配上戚風蛋糕同cream，不錯不錯…查看更多

Geo條👅評分：⭐️⭐️⭐️⭐️(5⭐️最高）印尼雞湯粉 $69印尼曼特寧滴漏咖啡 +$18一個人去咗西貢chill吓，揀咗呢間黃店印尼餐廳，其實之前都同朋友食過，今次就獨自chill吓😛叫咗招牌印尼雞湯粉，湯底幾濃郁，味道有啲似馬來西亞喇沙湯麵嗰個喇沙湯底，雞肉係我鍾意嗰啲唔肥嘅雞肉，但一啲都唔癡牙同埋吸晒個湯底，正！個麵底唔似出面普遍嘅麵，但我又唔識講，淡黃色質地軟身，唔會太淋，幾好食👍🏻今次我又扮吓嘢叫杯咖啡☕️chill吓😂大家都知我唔係太識品嚐咖啡，但呢杯滴漏咖啡又幾好飲，佢本身可以加煉奶，我驚肥所以走煉奶，本身都驚會比較苦，不過又唔會啵，澀又唔會啵，仲飲到濃濃嘅咖啡味，唔錯唔錯，我自己幾鍾意！同埋我叫咗凍咖啡，佢會將咖啡同冰分開，咁樣飲果時就唔會減淡咗咖啡本身嘅味道👍🏻…查看更多

Geo條👅評分：⭐️⭐️⭐️⭐️(5⭐️最高）早餐：豬潤麵配丹麥多士煙肉磨菇奄列 $42沙嗲牛肉麵配丹麥多士黑松露炒滑蛋 $39常餐：豬潤麵配丹麥多士煙肉磨菇奄列 $52燒豬頸肉撈公仔麵配丹麥多士煙肉磨菇奄列 $58前幾日同朋友喺上水踩單車就揀咗喺荳子冰室嘆番個出發前嘅早餐😊因爲朋友遲咗，所以有早餐同常餐嘅分別😂🤣我自己食沙嗲牛肉麵，沙嗲味都幾濃郁，牛肉都有幾大塊同個麵底都okay，唔會太淋👍🏻丹麥多士同奄列就不過不失，都唔錯嘅😛反而朋友食豬潤麵，呢個真係幾正，薑湯底同埋豬潤一啲都唔腥，仲有咬口，味道配埋薑嘅味道，正👍🏻另一個朋友食豬頸肉撈公仔麵，賣相唔錯，但就冇試，下次試吓先😛以上早餐同常餐都包嘢飲，普通嘅咖啡，奶茶同檸茶咁就唔多寫😂…查看更多

Geo條👅評分：⭐️⭐️⭐️⭐️(5⭐️最高）全日套餐 $111田園雙菇雞粒飯黨蔘天麻川弓燉魚頭湯蝦餃蟹籽燒賣皇 $26蜜汁叉燒包 $18茶芥 $4位今日同媽咪2個人去咗石門食點心，去咗蒸廬🤤我哋叫咗幾樣嘢，已經飽到夜晚都食唔落😂全日套餐有雞粒飯，燉湯同蝦餃2粒！個魚頭燉湯好甜，入面仲有魚頭開邊半個，食魚頭呢啲嘢都係俾阿媽啦😂田園雞粒飯係用荷葉包住蒸，啲雞粒，菇同飯都有陣陣荷葉嘅香味👍🏻蝦餃燒賣啲蝦都幾彈牙，幾大隻，同埋記得問佢拎辣椒油，個辣椒油幾好味用嚟點蝦餃燒賣都perfect！蜜汁叉燒包都軟熟同熱辣辣，味道就同普遍嘅差唔多😛咁多嘢加埋都係$160幾，茶芥$4呢個point又幾吸引😂🤣…查看更多

Geo條👅評分：⭐️⭐️⭐️⭐️💫 (5⭐️最高）Both All day breakfast $148Fish n Chips $138Garfield Milkshake +$37Carmel Latte +$25Texas burger荃灣呢間第一次食，比旺角朗豪坊果間大，環境幾舒適同嘢食都多咗選擇！今次叫咗all day breakfast 同fish n chips🤤All day breakfast 比我想像中多嘢食，好鬼豐富，有煙肉、炒蛋、2條林肯腸、窩夫🧇、薯餅同一堆蔬菜，值得一提佢哋嘅煙肉幾好食，比起普通餐廳嘅煙肉厚身同幾香口，食落又唔太油，感覺有啲似食燒肉咁🤤仲有窩夫🧇(餐牌上寫yogurt toast)，入面有yogurt外脆內軟，呢個好食😋仲有仲有佢個dried tomato 🍅 超正，一咬落去爆汁，一枱都係😂🤣😂🤣第2個Fish n chips嚟啦，首先個魚炸得幾脆，炸魚切開都唔會話得返好少魚肉，個炸皮厚度適中，但我自己食fish n chips通常都唔會食晒啲炸皮，因為驚月巴😂🤣炸魚嘅味道不錯，但又未至於好鬼好食😂同埋薯條用幼薯條，我覺得係敗筆嘅地方🤪好彩有個citrus slaw加返少少分😂飲品飲Garfield milkshake，有啖啖嘅earl grey👍🏻正呀！因為我超鍾意earl grey 😂🤣…查看更多

Geo條👅評分：⭐️⭐️⭐️ ⭐️💫 (5⭐️最高）奶黃不奶共（鹹蛋黃流沙奶黃）$60之前阿強俾人攪(其實隻公仔好似冇咗一段時間)，經過葵芳一定要去support吓！今次叫咗奶黃不奶共，上面有金箔🤩但最緊要果焦糖燒到脆脆哋，同埋果鹹蛋黃味幾出啵，加上熱辣辣軟綿綿嘅pancake同凍冰冰嘅雪糕，冰火嘅感覺🤣😂🤣你懂的😏…查看更多

Geo條👅評分：⭐️⭐️⭐️ ⭐️ (5⭐️最高）角切魚生丼 $74洋風燒三文魚丼 $88送紙包飲品😛禁堂食搵嘢食，就去咗觀塘買丼丼食😛橫濱水手嘅丼飯真係幾好食，所以要再嚟食🤤今次買咗兩個丼，我就食燒三文魚果個，其實我都幾鍾意食燒嘅三文魚，會有多一份燒出嚟嘅油脂同陣香味，呢個飯做得到，不錯不錯，加埋佢個酸酸甜甜嘅洋風醬汁，正呀！朋友食角切魚生，我見佢個丼飯都幾多三文魚，吞拿魚，扇貝同蟹籽🤤🤤睇到都好似好正，仲要有啲菜，感覺幾fresh，幾健康😂同埋兩個丼飯都有兩大塊卜脆脆嘅紫菜，撈埋啲飯食都正🤤每個飯都送包紙包飲品👍🏻我下次想食洋風燒三文魚帆立貝丼，我已經諗好😂🤣😂…查看更多

Geo條👅評分：⭐️⭐️⭐️⭐️⭐️(5⭐️最高）臘味煲仔飯 $70好耐冇食過煲仔飯，喺荃灣去光榮買咗個外賣臘味煲仔飯，如果連煲外賣就加$12，但因為唔會點用個煲，所以唔加lu！雖然有煲好似原汁原味啲，但其實唔加煲一樣超好食，個飯加上啲煲仔飯專用嘅甜豉油，剩係個飯已經超正，仲要有飯蕉🤤好香脆卜卜🤤豉油味道啱啱好，唔太甜唔太鹹👍🏻講埋啲臘味，有臘鴨，臘腸，臘肉同潤腸，臘鴨同臘肉唔會太乾身，味道亦都幾出色，幾惹味，特別係個臘肉，我唔知點形容，總之好食😂臘腸味道都幾甘香同咬落去啲汁都咇出嚟👍🏻潤腸真係唔係我杯茶，我自己就不了😂🤣因爲佢係生米煮嘅煲仔飯，所以想食嘅朋友仔半個鐘前就打電話叫定喇😊…查看更多

Geo條👅評分：⭐️⭐️⭐️⭐️(5⭐️最高）馳名港狗 $43+ 細薯條同飲品 $12喺屋企附近買個熱狗🌭️食吓先，今次食德國熱狗嘅馳名港狗，呢個又幾正，有腸，有蛋，有煙肉再加少少沙律醬，呢個熱狗啲料雖然簡簡單單，但夾埋一齊又幾好食💛可能因爲我係港仔😂加咗細薯條同可樂，一個人細薯條已經好夠，個姐姐俾咗好多我😂…查看更多

Geo條👅評分：⭐️⭐️⭐️ ⭐️ (5⭐️最高）雪菜肉絲米配芝士火腿奄列 $43凍鴛鴦 +$3尖椒炒腩肉片飯 $52凍奶茶 +$3唔講大家唔知(nobody cares😂🤣)其實我喺上水粉嶺大，所以見到呢間黃到金嘅良之冰室就嚟結業(做到2月🥲)，當然要特登入去支持吓💛我叫咗個雪菜肉絲米，呢個雪菜肉加咗指天椒，辣辣哋又幾鬼惹味，仲要幾多雪菜肉絲，每啖米粉都有雪菜肉絲🤤奄列不過不失，個鴛鴦幾好飲咖啡同茶嘅比例都啱啱好👍🏻朋友食尖椒腩肉片飯，有尖椒炒勁惹味，腩肉片唔算太過肥👍🏻👍🏻同埋好似小菜咁上，$50幾蚊食到小菜嘅質素，又幾抵食😛…查看更多

Geo條👅評分：⭐️⭐️⭐️ ⭐️ (5⭐️最高）基隆1人盆菜 $128之前阿大口雪踩到基隆啲盆菜咁，我就即係同cat姐訂返個啦😛仲要光榮咁幫手荃灣店有得拎，點可以唔整返個👍🏻盆菜方面，味道唔差架，有鮑魚、蝦、鴨、雞、海參、魚蛋、蘿蔔、腩肉、腐竹、最緊要同埋有髮菜啦😂個湯底味道唔錯，濃郁但又唔會太過鹽！我阿媽食隻蝦話睇吓霉唔霉先，阿媽表示冇嘢啵正常啵😂🤣原來我阿媽都跟得幾貼😂🤣仲話$128算係咁啦，樣樣都有啲😆味道中規中矩啦，但有時食嘢係食人情味，回憶，甚至係良知💛希望大家多啲支持良心餐廳同零售啦！…查看更多

Geo條👅評分：⭐️⭐️⭐️⭐️ ⭐️(5⭐️最高）芫荽豬肉餃麵番茄湯 $42加洛神花茶 $4甜記嘅番茄湯底真心超好食同飲，今次叫芫荽豬肉餃，芫荽味唔算太濃，對一般朋友仔嚟講都易入口，同埋佢哋嘅餃子🥟隻隻都幾大粒同埋唔會好厚皮！最緊要個番茄湯，真係可以飲，真係煲出嚟嘅番茄薯仔湯，次次都飲晒，個湯底好甜👍🏻同一啲都唔油，幾正🤤如果鍾意食辣，一定要加菜脯，好爽口，辣辣哋配埋餃子食，真心正🤤…查看更多

Geo條👅評分：⭐️⭐️⭐️⭐️ 💫(5⭐️最高）香煎深海石斑魚柳拼日本帶子番茄莎莎 $208香煎美國1855牛肉眼拼法國鵝肝 $248即製梳乎厘班戟 $88好耐冇食呢間足球迷餐廳，早前聖誕放假果幾日去咗食吓，真係仲係咁正🤤同朋友仔一齊去叫咗個香煎石斑魚柳同牛排🥩，好似好耐冇食過西餐😂呢兩個都係套餐，抵食麻🤣餐前有個南瓜藜麥沙律，一個樽仔裝住再配醋醬，酸酸甜甜咁好開胃，仲有個南瓜湯同蒜蓉包🤤第一個主菜係香煎石斑魚柳拼帶子，唔知點解我好鍾意食佢哋嘅魚柳，可能真係煎得好好食，外脆內軟，真呀，因為佢哋嘅魚柳係用有魚皮，煎得個皮脆脆哋同時個魚柳又保持到肉汁，調味又啱啱好，真心世一👍🏻帶子都幾新鮮彈牙，唔錯！同埋一定要食佢哋嘅配菜同薯蓉，最鍾意個番茄🍅🤤第二個主菜就係牛扒，叫咗medium，呢間真係煎到啱啱好medium，切落去已經聞到牛扒嘅香味，肉質真心鮮嫩同有肉汁，但又唔會咇血，塊牛排🥩依家打緊食評都想再食多次😂🤣鵝肝我就唔係太識食，因為平時唔多好，但呢個食落口又幾香口！鍾意食大啖大啖肉嘅朋友仔，呢個牛扒都一定要試🤤我哋仲叫咗個梳乎厘pancake，呢個pancake即製，所以主菜食到咁上下時可以叫咗先！個pancake都幾好多人叫，pancake口感好鬆軟，好creamy，唔太甜！仲配咗吉士醬同cream俾你點👍🏻但如果講返呢間餐廳嘅甜品，我都係鍾意朱古力心太軟😂🤣…查看更多