B媽的个人专页

極難Book的話題High Tea Pier 1929$598 + 10% for 2，我哋一家三口去加多$299 +10%。食物⭐️⭐️⭐️⭐️有少部份可以無限refill，甜點有檸檬撻同scone，鹹點有三文魚撻、Parma ham多士同雞肉批都可以refill，佢會推架餐車過嚟問你有冇需要添食物，你亦都可以去出面Candy table自行添食，嗰度仲有幾款軟糖同棉花糖俾你任夾，小朋友實好鍾意，帶埋男士們去都一定夠飽，飲品包左兩杯，第一杯係Welcome drinks無記錯係Rose sparkling，第二杯係coffee or tea。大部份都係好食嘅，尤其係鹹點例如三文魚撻同埋雞肉批都好好食，甜點我好欣賞佢個柚子魚子橙花水奶凍，酸酸甜甜好清新同都幾有特色，仲有就係佢個Rose cream cake，呢一樣唔係個tea set架上面，食到咁上下佢會分好晒一件件拎過嚟俾你食，其他甜點都OK唔會難食但唔算太特別。環境⭐️⭐️⭐️⭐️⭐️個景觀真係冇得輸，對正維港無敵海景，我book嘅時間係5:30-8 pm，香港而家夏天日照時間長呢個session睇晒幾個唔同moment，由陽光充沛嘅下午，慢慢就開始日落嘅magic moment，之後就係夜晚嘅維港景，餐廳嘅燈光仲會跟着唔同時間調節，俾你欣賞到唔同時間嘅景色。裝修方面樓底極高，空間感好寬闊，枱與枱之間有好多空間一啲都唔侷促，餐廳內部座位就係藍白色為主，裝修風格同埋擺設有啲維多利亞宮廷feel，絕對另一眾女士們心心眼。服務⭐️⭐️⭐️⭐️半真心講服務真係一流，佢好樂意幫你影相，仲要唔係好Hea咁求其幫你影一張，又幫你打燈又幫你預角度，另外其實你淨係坐喺度都唔需要行出去夾食物，佢會見你個Tea set架上邊嘅食物食得7788就會推架餐車埋你問你有冇食物需要refill，仲有啲detail位我都覺得佢哋好細心嘅，例如會根據唔同時間調節燈光，同埋知道我個女生日我哋食嘢時同走嗰陣都同佢講Happy Birthday，tea set上枱時仲有們朱古力牌俾佢，雖然串錯字但係我都冇特別叫佢再改，我哋食完離開嗰陣佢都問我哋俾意見等佢哋可以有改善，好關心客人嘅感受。扣咗半粒星嘅原因係入座時都等咗10幾分鐘安排座位，而等位嘅reception位置都比較熱同埋冇足夠嘅座位俾人坐住等，相信因為啱啱運作嘅原故成個過程未算係好smooth。價錢⭐️⭐️⭐️⭐️⭐️真心食物不錯，環境又靚又舒服，部份食物仲有得refill性價比極高， Service都真係好唔錯好貼心，又樂意聽客人嘅意見，見我老公呢啲對high tea只會覺得係港女恩物唔會食得飽嘅人都覺得呢個Tea set好抵，景觀仲要係一流。我知道佢個tea好難book，同埋其實佢一開始只係做六月份，之後見大家群情洶湧先開放7月份同埋另外8月1號，我問咗佢哋點解唔開長啲日子，佢哋話其實仲未有打算呢個tea set會做幾耐，所以先好似唧牙膏咁慢慢開放至日子俾大家。我訂嗰陣其實2:30個session已經full晒，可能大家都覺得2:30呢個時間先係食Tea正常時間，但係我真心覺得5:30呢個session更加好，因為可以睇晒唔同時間嘅景色變化，仲要食到8點又可以refill，真心可以慳返個晚餐😂，如果book到的話絕對會去多次，不過下次都係想同閨蜜/姊妹去🥰…查看更多

試新野麻辣小聚@油麻地難忘酸菜魚（細盤小辣）$258有海鱸魚同桂花魚揀，海鱸魚$238 ，我哋揀咗桂花魚貪佢滑啲，份量都唔算少魚肉夠滑同新鮮唔會好散，叫咗小辣湯底不錯唔會過油過鹹，佢係屬於入口無乜料到但係後來就食到辣味，略嫌唔夠辣同唔夠酸，配料有萵筍豆芽同酸菜但係無薯粉，我好怕酸菜魚個湯底好油同好鹹，呢間湯底做得唔錯，如果酸番啲呢個酸菜魚會幾高分🐟⭐️⭐️⭐️⭐️滕椒手撕雞（半隻小辣）$168呢個手撕雞認真出色，佢小辣都好夠辣，仲要係好香滕椒味，份量合理，又香又辣夾埋啲洋蔥同青瓜食簡直一絕，呢一個餸真心推介🐔⭐️⭐️⭐️⭐️⭐️酸辣土豆絲 $88呢個味道都唔錯，酸味夠但可以辣多少少，土豆絲唔會炒得過熟口感剛剛好，亦都唔算好油，清爽酸辣口感齊晒🥔⭐️⭐️⭐️⭐️剁椒蒸大蟶子 $18.8/隻呢個特價餸，蟶子蒸得over咗，味道係酸多個辣，同埋覺得剁椒配蟶子唔算好夾，都係蒜蓉粉絲蒸或者豉汁蒸會好味啲🐚⭐️⭐️螞蟻上樹 $88炒得夠乾身唔油膩，仲幾大碟下亦都夠辣送飯一流，如果肉碎多番少少會更加好🐜⭐️⭐️⭐️⭐️黑糖冰粉（免費）飯後餐廳送咗一人一碗冰粉，味道都OK啦話晒免費要求冇咁高，食完辣野解辣都唔錯🥣⭐️⭐️⭐️滿分⭐️⭐️⭐️⭐️⭐️OR訂位埋單有九折，加咗一個白飯同汽水三個人食咗$679價錢合理唔算貴，我覺得呢餐館間最出色唔算係酸菜魚，廚師做其麻辣菜式比較出色，手勢正宗同我啱口味，每碟餸份量都唔算細對得住個價錢，係地方細咗啲但4人枱唔算迫，都值得再encore試埋其他麻辣菜式😋…查看更多

被吹虛得太厲害了，其實味道只係平平，外層尚算脆口，入面層次ok，但實在欠缺牛油香，連排隊等候時有2盤牛角包出爐都聞唔到香味，對於賣到17,8蚊一個所謂出名嘅牛角包，未免有啲失望😞家有小孩子，為咗迎合佢嘅口味大部份都揀同朱古力相關的，另加一個明太子口味。果然不出所料，咬落去係無乜牛油香味，朱古力亦只係普通貨式，明太子薄薄一層，有點咸香係算比較新鮮，但略嫌層晚太子真係太薄了，而我亦睇唔出何來炙燒每人只限買6個，每款口味只可買1個，好彩只排10分鐘同埋揀4個啫，但老實說回頭機率跟性價比都不高…查看更多

一日之內幫襯媽咪 & 叔叔，忽然覺得自己好尊重長輩啊自從後到車軚人推介後，第候時間不斷增加，由當初10分鐘內，變為宜家嘅30分鐘以上，食好西總要付出代價吧！ 有小朋友關係，基本上朱古力粒粒雞蛋仔($19)已經成為膽了，今次膽拖了想試好耐嘅紫番薯雞蛋仔($22)，單據上寫的是大番薯，是想取笑我嗎？ 店員同我講要等大概30分鐘，實際係等咗足足40分鐘，好彩可以周圍行下返嚟再拎，想食嘅就早啲order定再去行街，計好時間去拎咁等候時間就好容易過了。朱古力味可以隱約見到啡色嘅朱古力粒，而紫薯外觀上反而睇唔到紫色嘅踪影...... 原來內藏乾坤，一搣開就見到好多紫薯粒粒了，全部係真•紫薯，並唔係用食用食素去扮嘢，雞蛋仔外脆內軟，可能入面有紫薯關係食落質感好似蛋糕仔，唔太甜仲好香，味道洽到好處，比起朱古力我更愛大番薯朱古力呢底比起紫薯更脆，外面口感似足蛋卷一樣，朱古力粒已經溶晒了，每粒雞蛋仔都有唔少分佈平均，對我來說口感頗甜，但絕對係小朋友或者愛朱古力人士恩物阿女係魚蛋狂熱份子，見到媽咪有大魚蛋賣已經雙眼發光，$10有兩粒，有bb拳頭咁大粒，個汁唔錯好香，魚蛋都好爽口彈牙，魚味就唔太突出，重點係唔駛等，可以再encore…查看更多

叔叔喺九龍區開舖，梗係要Day 1就賀一賀佢啦首日運作有少許混亂，可能店員未熟悉收錢system同流程，比錢出單時有少許阻濟，但可以接受的。人龍亦比想像中短，我以為要排一小時以上，結果40分鐘左右已可以離開Day 1本來有specia set Signature Cheescake ($59) + Angel's Gat Shaped Cheesecake ($59)=$100蚊，可惜我下午5點幾到達天使帽已賣完了先講一講購買流程，收銀嗰邊開始沿住條街排隊，為咗控制人流，佢哋會根據出爐情況一批批咁購買，例如嗰批會有20個出爐，賣完廿個會停一停，再有新一批出爐又會再賣飛，而買完嘅顧客要喺店舖左邊再排隊等候店員將出爐蛋糕包裝好再跟次序領取(需時約10分鐘) 做唔到天使，只好幫襯叔叔的招牌cheesecake，由於一人限購一個，我哋堂然唔執輸買兩個啦 叔叔到手了 回家才切開品嘗，經過45分鐘車程，蛋糕仲keep住微暖，口感頗濕潤，質感輕軟好似棉花糖咁有空氣感，基本上可以唔駛點咀嚼就可以呑落肚，淡淡芝士味食多件都唔漏。店家建議如果喺12小時內食晒係可以唔需要放雪櫃，如果食唔晒放雪櫃可以保存三天，我為咗可以試埋凍食口感雪咗一晚第二朝早餐再食，凍食蛋糕質感creamy啲，有啲似雪糕好軟滑無咗熱食時濕潤感覺，空氣感都無感重，芝士味反而更突出，比起熱食我更愛雪凍嚟食呢其實呢款即焗cheesecake並唔係咩新鮮事，n年前嘅伊籐家都掀起過熱潮，口感大致上差唔多，大概芝士味有啲分別吧，宜家天氣仲涼排40分鐘可以接受，排隊前我先去後面街角order定米芝蓮推介小食(又是半個鐘以上嘅等待)，買完過嚟排叔叔剛剛好，40分鐘就有齊兩款旺角街頭人氣小食，除開都算合理…查看更多

一路都知金鍾3寶(conrad, island shangri-la, marriot) o既buffet都唔差, 但個人主義關係我食o黎食去都係Marriot (因為已經夠好味, 唔想轉). 偶然一次公司請客, 就揀o左Conrad食lunch buffet, 好夥! 唔洗錢有得食, o岩晒我心意啦!lunch buffet食物總類唔算好多, 但貴精不貴多, 有凍龍蝦(任食, 冇人會爭食), 即開生蠔好新鮮, 呢次o既蠔比較細, 但都好新鮮, 不過我都係鍾意食肥大肉厚果隻type, parma ham, 燒牛肉, 燒羊架, 魚生, 壽司, 燒味, 蒸魚(斑).....全部都有水準, 好味!!埋單3xx一個人...以lunch buffet o黎講有dd貴, 但唔洗自己比就話之佢啦!下次去金鐘食buffet唔洗食死一間喇, Conrad都係好好o既choice!…查看更多

見公司附近終於有間粥店, 真係好開心呀因為cwb要搵間好食o既傳統粥品真係好困難! 以為佢開o左以後就唔洗走咁遠都有粥食啦, 但係呢間粥店真係好難食囉...連咁簡單o既皮蛋瘦肉粥都整得好差, 又重味精, 粥底好希....炸兩即整, 我等o左3個字, 真係好耐! 點知油炸鬼又淋又un, 出面腸粉皮完全冇味....炒麵都好唔得, 睇見佢好淺色都知唔方有味得去邊, 果然冇味, 仲好油...鬼咩, 午市油炸鬼流量應該好多o既時間都未曾見過佢炸油炸鬼, 連搓粉都冇, 就知佢一早炸定好多, 邊會新鮮!白粥同事話唔得...我冇食過呢餐我食唔飽, 因為每樣都食兩啖就冇食到.....我唔會再幫襯囉!…查看更多

本來我都唔想唱衰你地, 但我已經好睇唔過眼!首先食物已經越o黎越唔ok...d餃子皮好厚, 好在涵料夠鮮味, 不過同總店比始終都差d. 尤其係涼拌青瓜, 叫幾次只係一次夠凍...失望~今晚無煮飯, 老公落order叫此店外賣, 都唔係第一次叫以往都係40蚊以上都送, 今晚真係令我好火滾.一開始我已經問幾錢先送外賣上o黎(其實都唔係第一次叫不過禮貌上諗住問多次), 接電話o既阿姐話2碗至3碗麵就送. ok! 咁我就叫o左一個淨餃雙拼($23)同一個捧捧雞絲$18 or $19), 點知佢好冇禮貌咁話咁少, 係都要我叫多樣. 我話唔係喎, 你話兩碗麵就送o既? 我宜家兩樣野都貴過兩碗麵啦! 佢先至話頭先阿姐先送完外賣, 又大風又大雨體諒下啦! 我即刻望出窗口, 冇錯係大風o左, 但真係好細雨咋喎. 我好堅持一定唔加野, 最後佢都係死死氣幫我落order.我想講如果返o左風有d毛毛雨就唔送外賣, 咁夏天成日落大雨咁你地唔洗接電話外賣啦? 冬天大風過今日大把日子都係啦, 咁又唔送喇喎? 仲要你講明叫約2樣就送, 宜家2樣又要求我再加? 你點解唔直接話我知你唔想送外賣, 唔想接我生意呢?其實兩個月前都有件好激氣o既事, 果次我係落舖頭食野, 一入去已經好多人, 阿姐問我地幾位我話5位, 佢話執緊等陣, 就帶左我地去一張4人table佢話坐5人冇問題o架, 雖然5人坐迫d但側邊係可以加一張凳o既, 咁ok啦. 就坐低o既時間另一個阿姐話我mami(側邊位)阻住佢條路入去唔可以坐呢個位, 我望一望真係block左, 但佢行多2步有另一個位可以行到入去送餐比人囉, 仲要我mami即刻起身. 我即刻發火鬧佢地有冇搞錯, 我話5位又係你地帶我地黎呢張table, 宜家又要我mami起身, 仲睇住佢企係度無位坐都冇話安排坐位, 話宜家冇位都冇方法, 服務態度咁差o既食肆你d野食再好都冇用呀!!!!我係唔會再幫襯佢地喇, 因為我受氣受夠喇, 各位小心呢間舖d阿姐, 有d真係好冇禮貌比氣d客受o架.…查看更多

老公生日又唔想出街食，於是就買壽司刺身外賣返屋企~$330套餐，有三文魚刺身40塊 + 什錦壽司30件。刺身新鮮，切得厚身；壽司大件夾抵食，用料都好新鮮，唯一略嫌D飯太大件同硬o左d，少梗d醋味~但全家人都食得開心，最緊要冇肚痛，證明都係新鮮貨~老公Happy Birthday~!!…查看更多

已經唔係第一次飲dark chocolate，真係好正好好味，集濃、滑於一身，如此便宜可以嘆一杯令人回味的凍飲，相比起躺於凍櫃各款精緻的chocolate，真的無話可說！…查看更多

尋日Family day，本來諗住食返滿泰雞粉，好可惜勁多人爆晒仲要有人等緊位，我地唔耐煩(因為趕住bbq)下見到松記有位就入裡面醫o左個肚先買野bbq~好可惜我係唔食牛o既....所以試唔到牛肚牛筋腩....豬手原本想試~但怕左豬手層皮所以覺得好可惜~老公: 牛腩牛肚豬皮米線我: 雞翼貢丸3寶米粉工人: 牛筋腩油麵我地3個都話d湯底好正，老公話d牛腩肚好入味，very good~我d雞翼+ 3寶都好好味...又估佢唔到喎~唯獨係地方淺窄d.......d阿姐惡d囉~…查看更多

呢間元氣係比較有heart o既一間....用料新鮮，三文魚都算肥美，火燒三文魚係咁多間分店中最好味o既一間(一入口就有油脂o既口感)，overall都比他分店好...以前會覺得太子始創前d果間最好味，但宜家坑口分店係No.1心水元氣店~大家不防試下....p.s.唔好以為坑口唔洗點排隊....未夠7點都開始排o架喇....想食就早dd喇^^…查看更多

情人節前一日O黎食8點半果round，今次係第一次試觀塘分店~真係好ok wor~刺身: 三文魚新鮮又大件，甜蝦細隻o左d，北寄貝ok但味淡，珍珠帶子都新鮮熱盤: 可樂骨、炸軟殼蟹、炸蠔、帶子、雞翼...都勁好味天婦羅蝦都好味都算大隻~整體o黎講都好滿意，d waitress都冇black face又會自動添茶，一定有下次呀~…查看更多

尋日工人姨姨放假，我地一家3口唯有出街覓食~本來已經搭緊火車去田心村食潮州野，結果去到kln tong就卻步，原因老公突然諗起要食大大件壽司...我地帶埋個未食晏o既肚皮，差唔多5點入到酒泉，好彩仲食到下午茶最抵食o既時間~約埋朋友o黎食3大1bb，叫o左好多壽司，因為平...tea time只係5蚊至18蚊件:3文魚ok...帶子鮮甜...北寄貝一般....鰻魚就最正喇~仲有吞拿魚同油金魚我冇食~老公話新鮮wor，仲叫o左38蚊o既3文魚刺生(有8片厚既)同埋甜蝦刺身(15隻賣18蚊)~今餐好滿足，都不枉長途拔涉咁入o黎老遠食…查看更多

尋日媽咪生日，幾經波折終於都係去泉章居食飯！8個大人2個BABY(兩個都係1歲幾咋喎)，竟然叫o左個6人餐+ 4人餐=10人餐！最恐怖係竟然食得晒~鹽焗雞：招牌貨雞夠滑肉夠彈牙，唔錯~瑤柱肉鬆蒸水蛋：咸o左d，但d瑤柱唔少，幾足料京都肉排：麻麻地，不過夠瘦粟米斑塊：件頭夠晒大，咸o左少少但都ok蟹肉扒西蘭花：好味，真係比蟹肉你仲唔少粉絲中蝦煲：唔係咁掂，粉絲好乾d蝦仲要係雪藏貨蒜蓉帶子蒸豆腐：都係咸，帶子細粒但豆腐滑花膠海参(菜芯墊底)：just soso，我只係"了"到少少蒸紅鮪：d鱗刮得唔太乾淨，but條魚都ok o架~冬瓜盅：另加80蚊轉個湯，我覺得同出面48蚊冇分別~老黃瓜煲豬肉：是日例湯....味精野~salty今餐係咸o左d，不過無損味道o既，下次輕手少少就好喇~雖然好多人食要等位，但我地一早訂o左所以唔洗等，仲要7點半坐底8點9先入單叫野食都冇怨言，最後我地食蛋糕仲主動幫我地清晒枱面同比碟我地分蛋糕，唔錯~今晚消費900蚊，唔係我找數o既，今餐食老豆o既~…查看更多