ching0325的个人专页

兩個字：失望：-湯底完全唔夠濃（我係第一次食揀咗正常，應該要揀特濃先得，但無下次了）-叉燒肥膏多過肉-溏心蛋係我食過有史以來最淡嘅😂真係夠哂驚喜……一路咬一路點解可以整到咁……服務方面都認真麻麻：一去到叫我坐吧枱，都明嘅一個人坐吧枱都唔緊要。點知食咗冇耐，佢就安排咗五個人入嚟坐我隔籬，而中間一塊板都冇。仲要好迫係一唔小心手踭就會撞手踭嘅闊度。感覺似係去咗茶餐廳（次等嗰種，唔係好食嗰種），但係收緊日本餐廳嘅價錢🤷🏻‍♀️最後臨走嘅時候其實我都拎緊口罩準備起身啦，但個阿姐都等唔到嗰2秒，係都要過嚟執走我個碗，明白想翻枱嘅但洗唔洗咁誇總結：食完完全無滿足感，當醫肚係OK嘅…查看更多

之前喺美樂食過，覺得係好用心既餐廳，選擇多，質素有保證。而家搬左去景峰附近，舖頭大左，坐得舒服，但人流似乎因為地點問題變少左，而我覺得比以前更好食！叫左個lunch set，揀左明太子櫻花蝦帶子意粉，好味！！食到一條不留哈哈。…查看更多

正因為係黃店，更加想寫番個真實評價。喺openrice見到評價唔錯野食又幾得意咁就book左，雖然預先已經知價錢唔平，但諗住cafe坐得舒服啲同埋好味既話都值得。點知上到去兩個人都要搭枱，d枱放得好密，環境嘈雜，絕對唔係坐得舒服既cafe。叫左個泡菜煎餅，真係人生食過最難食既泡菜煎餅.......超厚粉，無咩泡菜，淨係食到濃濃既麵粉味，我食到第二舊頂唔順lur番出黎.......homemade都好食過佢......最後食剩左，真係第一次會剩泡菜煎餅......另外叫左炸雞，算係最正常同好食，但～$150黎講呢個質素同份量（大概8-10細舊），都唔係幾推介。黎到甜品，叫左個窩夫，睇圖都幾靚，真實賣相見到係差一截，食落窩夫係韌既.....而且一副超市味道，個朱古力醬係幾大兜，不過係類似金幣朱古力既味.......唔算好難食，但絕對係唔會令人滿足既甜品。整體黎講好失望，埋單三百幾但唔知食左d咩落肚，唔會再幫襯了，定價同用料差距實在太大。有待改善。…查看更多

叫左個咖喱雞+薄餅同菠菜芝士，咖哩雞同薄餅都好食，菠菜芝士就唔係好岩我口味，食落好似有羊奶嘅味道（但其實係牛奶），非常濃，鍾意超濃芝士味既人應該會鍾意。後尾店員見到我地唔岩食個菠菜芝士，非常友善咁話可以幫我地換過另一個餸，不過由於我哋已經食左幾啖有口水又食到尾已經飽，加上唔係太好意思就婉拒左。之後店員好有心機咁講解每個餸係點食法—例如同薄餅一齊食定係同飯一齊食好啲。最後仲送左兩粒印度湯丸俾我地試。非常友善同好客既餐廳！…查看更多

抵食兼好食$62一個小菜包埋白飯，仲有埋例湯添而且係無味精！！男友表示椒鹽排骨好食我叫左個沙爹牛米，$30，牛肉都幾多又大塊Bonus係電視播緊既係viutv而唔係某嘔心台～～～～～～～～呢樣野茶記黎講真係好少見，要特別一讚！！！如果唔係好一路食一路睇到d垃圾真係會背脊骨落架～見到好多人食煲，都係6十幾蚊，真係幾抵～～～～～～～Menu選擇都多👍🏻👍🏻侍應都好有禮貌，唔會西面/鬧人tone，茶記黎講算係好脫俗…查看更多

每樣野都好味，睇得出係用心製作，幾有台灣果種溫暖感覺。珍珠奶茶比出面果d算係少甜。要特別一提係蛋餅好好食，好食過其他台灣餐廳。唯一唔好係食得比較趕，不過一坐低就有講有用餐時間，職員都有禮貌，至於用餐時間係幾耐就無講。然後我發現好似係見你食哂野就會同你講唔好意思有人排隊要埋一埋單先。都明白既因為真係有人等，又係黃店，有好有唔好啦。不過我一路食都一路睇住時間，食左40分鐘，差半杯珍珠奶茶未飲哂，佢就叫我地埋單了🙈飲得有d辛苦如果講明係幾多分鐘會比較好…查看更多

都一段時間無去食了，星期六入到去驚見有1/3座位係吉的，睇黎生意大不如前。一坐低，滿心歡喜想點野食，點知侍應放底張單，寫住要dl app先點到野食，一係dl Ricepon App，一係就用微信。點餐電子化減省人手唔係問題，環保左亦值得支持，但一般餐廳要行電子化都會提供埋ipad俾你點餐，就算用app點餐/購物，都係optional，用優惠作為incentive等你用。而大喜屋呢招就係compulsory迫你用，唔用無得叫野食，唔知以為係拎緊佢d免費著數。Ricepon個app，去到app store睇interface第一張圖就係簡體字......微信更加唔洗講，我一早del左唔想比佢拎我d資料。過左無耐，有兩個新客，侍應安排佢地同我同友人搭枱（4人枱），而明明餐廳有1/3 area係無人坐的......友人出到聲叫侍應安排新客坐第二度佢先搬人.......另外侍應放低野食都係一野掃落黎😓有個細微位，我覺得好重要，就係wasabi，本來喺度搵刺身盆上面點解無，原來係用包裝wasabi......食爭鮮、明將/外賣用包裝當然無問題，但作為一間堂食既日本餐廳，定位亦唔係超低價果種，呢個細微位就令我幾失望，成個experience一d都唔日本餐廳......衛生方面，枱周圍都係油跡，幾個位痴住d蟹籽，出面裝野飲既杯亦洗得唔太乾淨......食野隻碟未用已經見到明顯油跡。味道方面，比以前差左少少，刺身無咁靚，壽司細件左，有好有唔好啦。食物選擇比以前少左。花膠好食！天婦羅蝦好厚粉，隻蝦超細......總括而言，二百幾蚊黎講，單講食物係ok，但講埋各方面既質素，而特別唔係大食既話，咁去番間正常既日本餐廳會更加滿足。…查看更多

幾年前食唔錯，今日再去食好失望.....唔平又唔好食，態度又差。一入到去d侍應同廚房佬喺度鬧交咁，超嘈。menu望落好多選擇以為唔錯，到點菜話無哂炒野，另一個侍應又話只係無炒河。加油菜，又話無哂，另一個侍應又出黎話有小棠菜.....原本個侍應仲要好唔耐煩藐嘴。福建炒飯，頹。牛扒意粉，頹，白烚咁。普通茶記40蚊好食過佢5x蚊多多聲。油菜一滴油都無。食m記或者食貴供野會有保證d同無咁嬲。難食到未飽都啃唔落。…查看更多

見openrice正評多得黎唔算太誇張，相又幾靚，就諗住試下。去到主場氣氛的確唔錯，靚靚地既cafe，點知唔俾坐主場，雖然明明有好多位，反而被帶到隔離既一間房。同主場比可以話係天堂與地獄，成陣up味，梳化殘舊有污漬，牆上有黑印，唔講你唔會覺得似餐廳/cafe，以為係時鐘酒店😓😓氣氛詭異。因為陣味太勁坐得太唔舒服，及時走左無叫野食。講真呢個價錢咁既質素真係好唔得。睇番先前d食評點讚個副場真係......…查看更多

Description寫有電話訂座，但打去話兩位無得訂，三位或以上先有。寫得唔清楚，有誤導成份，而且似乎唔太歡迎兩位去，可能嫌兩個人錢太少唔想做佢地生意🤷🏻‍♀️…查看更多

上一次來這間餃子館是吃下午茶，第一次去嚐到豆腐鍋貼這樣特別的食物是有點驚喜的，亦覺得豬肉鍋貼、紅油抄手各樣也不錯，於是，今天滿心歡喜帶友人去品嚐午膳，人稍多就原形畢露！我倆坐下了極久也沒人招呼，我們舉手想點菜，卻被他們三番四次當作透明，大概是人太多吧，樓面只有兩三個夥計，但最少也能說句「等等」吧?然後，終於有人走過來，她說:「兩個人?點菜?快點。」我也來不及反應，就馬上點菜，好像怕得罪了她似的!今時今日的服務態度，怎行呀?不久，我們被告知沒豆腐鍋貼供應，極度失望。青瓜麻醬拌面，不過不失，不是特別好吃，又不是難吃。鮮茄豬肉餃，看進去蠻多蕃茄的，但吃下去蕃茄味不突出，連上的上海面亦淡如無味，湯底太淡。豬肉鍋貼仍是不錯的，我喜歡它菜夠多。結賑時，站在櫃位前，一直沒有人理會，我們首先向那位早前要我們快點的夥計說要結賑，但她高超地像看不到我們一樣，去了另一角下單，我們再向另一位剛傳完菜的夥計說要結賑，神奇地，她也像看不到我們一樣走開了，真有默契!最後我們放下錢就走了。總括而言，食物不錯，價錢相宜，但吃得一肚子氣咯!沒下次!…查看更多