HlingChan的個人專頁

是晚同大羊一齊去食羊肉火鍋話明係快樂小羊，就梗係食羊肉為主。其實一入店內就感覺好似小肥羊啦我地點左成雙鍋，要清湯同辣湯。清湯原來都好有味，麻辣就刺激過癮😆羊肉片。吾so，幾嫩口，吾錯。👍🏻仲有我至愛既黑松露羊肉滑，呢個幾驚喜，好滑口，而且都食到有黑松露味羊肉串燒，食落口吾會乾，可能有少少肥脂，感覺幾juicy，而且調味適中，味粉不會過量，吾錯，我仲再encore多一串添🤣鬼馬墨魚滑，呢個幾特別，滾一陣索左d湯，加上粒粒脆口既蝦子，吾錯。仲有個土豆粉都好正啊，索曬d湯汁，又彈牙又滑。仲有叫左其他d配菜，質素都吾錯啊，今晚好滿足呀，下次要同朋友來至得。…查看更多

最近都好忙，好耐無同老公去d特別點的餐廳食晚餐了，見今個星期終於有d時間，搵左間餐廳慢慢嘆下放鬆下。老公又話想去波鞋街買波鞋，好自然地地點又係旺角啦...老公話想食呢間，難得佢有建議，我梗係無意見啦。是晚7點未到就買完波鞋來到餐廳啦, 研究左一輪餐單後決定叫2人餐，因為覺得啱食之餘價錢都幾合理。前菜，老公話想食蜜瓜火腿，我就想食肥美既鵝肝....鵝肝甘香肥美.....湯係甘筍湯....好綿滑又不會死甜....仲有個蒜蓉包好好食啊, 好香。炭燒安格斯牛西冷，叫左5成熟，肉質軟又有牛味😋。最後仲有甜品拼盤,是餐非常滿足😊…查看更多

最近打算換下屋企既家品, 於是決定近近地去荃灣既IKEA行下睇下有咩啱買;行完已經係晚餐時間, 於是上OPENRICE睇下附近有咩食, 見到呢間有椰子雞鍋好似吾錯, 兩三年前係深圳食過一次, 於是決定去食呢間....餐廳內裝修都幾華麗哦, 而且都幾大間。一坐低店員送上火鍋調味盤, 都幾特別, 中間係沙薑溝蒜蓉, 同有青檸我地鍋底點左半隻椰子雞, 店員幫我地整, 落雞件後等漏完個沙漏就係雞件啱啱夠熟食既時間, 咁就吾怕雞過熟而孩口啦...時間夠後, 店員好細心幫我地撇走曬D雞油, 之後就建議我地飲個湯先,湯係椰青水, 無添加其他調味, 飲落真係好青甜既椰青味,,雞件食落都嫩滑, 我同老公飲左好多湯先加水烚其他配料...雪花牛....好雪花啊, 烚幾秒, 一變色就食得, 肉質好軟腍....。響鈴呢個算吾錯，無油益味👍🏻手打蝦丸都算新鮮彈牙廣島蠔比預期既大隻好多，未煮已聞到好大陣蠔果陣味😍紫淮山口感粉粉地，幾好下次要帶爸媽來食椰子雞鍋😁😋…查看更多

老公話發現灣仔有間omakase既餐廳好似吾錯，而且價錢上幾合理。想搵晚去試，其實我都好掛住日本既omakase, 但無假去日本，系香港回味下都好😍是晚6點幾我地已經到左餐廳😊一出lift就望到個門口啦，感覺都幾高級，而且寫住嚴選日本米，啱曬超鍾意食日本飯既老公🤣🤣🤣我地被帶到梳化卡位坐，舒適又闊落👍🏻店內裝修簡潔得來都有高級既感覺我地揀左$580果個餐前菜有两款，日本小茄子，同日本產的海折，好爽口之後到刺身4款有右口魚，呢個我第一次食，食落魚油夠，好肥美牡丹蝦，好大隻啊，肉質好甜，我連蝦頭都啜得好乾淨😋鮮生油甘魚，好新鮮肥美食完呢幾款刺身，成個口都陣陣魚油香。紫菜中拖羅卷，紫菜好脆，塊魚同樣夠新鮮肥美。之後我選左揚物，即天婦羅，外面炸得薄脆，菇仲保持到juicy同菇香味濃。醋物，系三文魚頭餃的軟骨位切片再配冰糖漬而製成，口感爽口幾特別。再來到壽司，有5款，飯質口感lim性剛剛好，果然是嚴選日本米😆刺身都好新鮮，海膽好甜😋😋😋食到呢度已經覺得飽飽地了，但見個吞拿魚蓉都吸引，最後都食得落🤣🙈。最後仲有甜品雪糕作結尾，芝麻味好好食😋。是晚好滿足，下次來要食$880果個餐🤣…查看更多

自從上次同老公食過呢間餐廳後, 老公同我都覺得呢間野吾錯, 於是趁今天是一小小紀念日,所以再去番呢間餐廳食飯當慶祝😊我地6點多D已經到餐廳了, 未多人客住。我地決定食之前未食過既菜式....今晚點左一個SET DINNER 另外再散叫其他野食...SET DINNER有幾款餐前小食揀, 我地揀左日式吉列炸蠔配蒜香蛋黃醬,外面炸得脆, 而且熱辣辣的, 保留到蠔味.餐既主食係脆炸軟殼蟹配黑松露帶子燴飯....飯粒有D咬口, 而且黑重松露味算出...而且帶子數量吾少。跟餐既飯後甜品, 咖啡布甸, 好香濃既咖啡味啊.....又好順滑既口感..我地仲點左香芒甜蝦沙律配甜蝦做沙律感覺得幾清新, 而且有蝦富甜味...仲有三文魚籽...好有鮮味既沙律...燒澳洲M4和牛薄切,我地揀左5成熟, 牛肉肉質吾UN, 有油香 鎮店漢堡😍好大份啊, 中間塊肉扒都可以揀5成熟, 好豐富既肉汁啊, 大滿足薯條都好豐富...仲有漢堡包頂既两塊炸洋蔥圈都好好食，甜甜地又爽口，而且好香口。水果茶呢個系跟餐加+$15就可以轉，都抵飲，D水果好豐富, 甜甜地帶水果香埋單雖然價錢吾算平, 但老公話都值得食😁…查看更多

公司既美食軍頭同事話觀塘有間餐廳有芝士火鍋同朱古力火鍋食，佢食過覺得吾錯。我地幾個同事都話有興趣去食。大家仲極速夾期去食，美食軍頭同事好有效率地bk位了。😂是晚我地一行4人7點左右已來到啦，餐廳裝修簡潔舒適。我地點左芝士火鍋套餐，配料都有吾少款式，有已烹調調味既雞肉，西蘭花，麵包等，d配料感覺幾新鮮，再沾上溶漿的芝士，入口好香芝士，我自已就比較鍾意蕃茄仔😋墨魚帶子意粉呢個墨魚汁既味夠曬濃😋麵條韌度都啱啱好，個個食到成個口鳥卒卒，互相嘲笑🤭🤭我地仲點左個小食拼盤，上菜時好似嘆下午茶咁，幾得意😁薯條脆，熱辣辣，夠新鮮豬肋骨，肉質夠嫩，調味都入味串燒雞豬牛，肉質吾孩，仲有埋個沙爹醬。我地一致讚成叫埋個朱古力火鍋做餐後甜品😂外相望落吾錯，款式有4種哦，格仔餅外面算脆，配上朱古力甜度😋 芝士蛋糕質地幾軟滑。三眼仔之抹茶鮮奶😁整得幾靚哦，飲落綠茶味都夠香👍🏻。美食軍頭果然無介紹錯😂…查看更多

是晚舊同事約食飯聚會吹水，呢排天氣持續寒冷，大家都一致諗同打邊邊十下十下.....同事揀左呢間火鍋放題，因佢價錢幾抵食，而且上OPENRICE睇過提供既食物都好多元化。另外地點都放便大家....我地7點左右來到餐廳，已見餐廳內好多人了。揀個火鍋湯底先，好多款選擇，都吾知揀邊個好，大家諗左一輪，決定揀蒲頭鍋，配番間餐廳，應該比較特別....點配料紙，好多種類提供。由於是放題，我地都狂點，當然最後係食得曬既，吾會浪費食物。WELCOME DRINK, 好COLORFUL, 好吸睛...出去行一轉睇下有咩飲時見到，原來左少少熱氣提供....自助配料區，菜類同一D菇類.....自助飲品區.....蒲頭鍋湯底....有一大隻8爪魚同豐富紫菜, 湯底夠紫菜味, 仲有青口。湯底味道都幾夠，其後D配料吾使點豉油都可以....羊肉片....無SO味....肉質吾會硬..豬爽肉.....真係幾爽口喎.....精選美國肥牛.....呢個牛肉有牛味而且嫰滑, 推介....仲有好多款既手打丸，平時手打既丸一般都係得1,2款提供，呢度有5款咁多，有心之作, 而且D手打丸質素吾錯，算彈牙.....仲有海鮮, 蝦雖然吾係大隻，但味道都算鮮....響鈐.....呢個平時出面食好多時候都有油益味，呢個無.....鬼馬蝦膠....呢個幾特別，第1次食, 油炸鬼索曬湯汁, 吾錯....我地仲食左好多其他配料....個個都食到好飽....…查看更多

自從上次去台北旅行時食鐵板燒後，都成年無食過，趁今日两公婆都咁啱早放工，決定去輕鬆食個鐵板燒回味下台北之旅😌老公話要去旺角換野，所以上openrice集中搵旺角有得食鐵板燒既餐廳。我地6點多d就來到啦，一入店就見到長吧台，前面就系師傅烹調食物既鐵板位套餐都有吾少選擇，我地揀左大蝦套餐😁🦐🦐好快店員就送上刺身，三文魚都算新鮮。緊接著系沙律沙律菜都新鮮好爽口，仲有粒粒卜卜脆蟹籽。仲有熱辣辣既麵豉湯。我揀左要三文魚外面煎得幾香脆，有鹽同黑椒調味，茄子同翠玉瓜煎得好味之後到主菜啦大蝦啊，蝦肉好彈牙爽口，平時吾食蝦頭既老公都食個蝦頭😆再來系安格斯肉眼扒開始煎啦，廚師落左少少酒，牛扒快速被燒起了，有得食又有得睇😆我地要5成熟，肉質啱啱好，夠嫩😋。食完個牛我俩已經飽飽了，仲有炒飯😆最後仲有個炒菜埋單6百幾蚊两個人，食鐵板燒來講呢個價錢幾抵，我俩食到捧住個肚走😝😂…查看更多

自從上次係尖沙咀山林道食過一次蠔之後, 就一直念念不忘果種鮮味.前兩日行經銅鑼灣珀麗酒店時, 發現呢間相信同上次係山林道食蠔間餐廳係姐妹店...於是同老公講要快d搵日來食蠔.....是晚放工就來擦蠔,  新鮮生蠔, 產地直送😋我地決定一於食豪d，揀左最底果三款, 各4隻😍哇！哇！果然系珍寶，超大隻啊好肥美, 店員建議由JUMBO食起, 之後到IRISH, 最後Gillardeau, 我最喜歡係Gillardeau, 入口好鮮甜，超正😋海膽多士海膽醬份量都吾少, 多少都幾脆口黑松露芝士焗菇呢個我上次都有食, 今次encore, 同樣好juicy同香菇味..壓軸登場既係....慢煮西班牙厚切黑毛豬由於慢煮的關係, 呢個要等耐d...但食過後我認為都值得...豬份量勁....外面整到金黃色 (睇色已覺好吸引), 切開肉質粉嫩, 肉只作輕微調味, 食到豬本身肉味, 肉質好爽口吾um, ..伴碟的仲有果醬, 帶果香及微甜....食落都幾夾....如果下次再來食蠔，要食埋個慢煮牛😋…查看更多

是日下午老公突然話想食魚生丼, 於是放工我地兩個來銅鑼灣搵食....我地約左係SOGO門口等, 一見到佢時佢話下午已上OPENRICE搵左間餐廳，而且已經BOOK埋位............😆👍🏻我地6點半未到已來到餐廳, 餐廳裝修簡潔明亮, 感覺尚算舒適,睇左下餐牌, 選擇都吾少, 有生有熟既老公揀左三文魚親子丼 ($148) 再加$20就可以轉成套餐, 有沙律菜同味噌湯, 即刻好豐富,我都有食左塊三文魚刺身, 幾富油香, 好豐富既三文魚籽, 粒粒都漲bo bo通透我就點左呢個都幾新穎既配搭, (好邪惡, 但好好味)鵝肝丼 $198, 都加左$20配埋沙律菜同湯,沙律菜都爽口算新鮮, 味噌湯熱辣辣, 鵝肝好甘香, 都好厚身,仲有茄子有經過調味, 口感軟腍…查看更多

表姐話公司出左幾令人滿意既花紅，要請我食飯，適逢呢幾日天氣轉凍，佢話同事介紹佢銅鑼灣有間質素掂，又豪既火鍋店，佢做東佢話事啦....😝😋表姐bk埋位，是晚我地6點幾已到餐廳啦....餐廳裝修講究有特色而且仲可以望住個靚景食享用美食.....未開餐已覺得好正😍店員送上調味盤，根據個人喜好混醬.....我地揀左呢個火鍋湯底.....個名好特別...叫行酒江湖....$298故然裡面有酒既成份啦....有4種湯底....原來湯入面有好多料....分別有雞、牛尾、魚塊同芋絲等等我地仲揀左個海鮮拼盤 $368用料幾新鮮特別聖子好大隻....烚一陣剛剛熟好爽口...頂級安格斯牛頸脊 $188擺盤好特別啊....掛住一塊塊.....夠牛味而且好軟腍.....即炸手工紫菜嚮卷 $58呢個幾脆, 都食到紫菜味..蜂巢豆腐 $38索曬D湯汁, 正...黑啤熊 $88呢個熊本熊既造型好特意啊, 原來係墨魚丸來的....造型有新意...蔬菜拼盤 $68呢個幾好, 點一份已經食到吾同既蔬菜....都幾新鮮....cucumber & LimePeach on the beach味道幾清甜😊 要來配打邊爐啱曬...埋單呢餐價錢都吾平，但都值得一試，我同表姐两個食到捧住個肚走，是晚好盡興😁…查看更多

好耐無約家姐兩個獨自食晚餐, 是晚放工落左元朗約左家姐食晚飯再行街....來YOHO MALL食近年好興既韓式炸雞,  我地食半自助式既炸雞餐原來除左炸雞同年糕鍋之外仲有好多其他野食架.有熱食, 有關東煮, 仲有好多配料比你放入年糕鍋度食....有D似打邊爐放題咁...HAHA我地點左招牌炸雞同韓式甜辣炸雞....無骨的雞件炸得幾脆, 啖啖肉, 肉質吾會乾, 調味都適中...甜辣炸雞外面淋上個韓式甜辣醬, 甜中帶點辣, 韓式年糕鍋--炸醬口味的一端上個鍋時已見到配料都豐富, 自助吧位仲有吾同配料任君選取....呢個熱食好食, 芝士蛋, 香香的, 熱熱的, 我都食左兩件..仲有其他熱食, 麵類同關東煮...…查看更多

姐妹叫我放工陪佢系灣仔買d野我放工6點左右到灣仔，剛好佢都準時收工，我地拿拿林去買佢想買既野，之後就近食埋個晚餐佢話見隔離街有間幾日本風既餃子餐廳想試下，於是就去食餃子啦😁餐廳格局同日本d餐廳格局相似，令我諗起日本之旅😌😌回味啊😆餐廳主打系餃子，種類真系好多，而且好多口味都好創新🤣Puri Puri海老餃子 $45外皮幾薄, 入面蝦肉幾豐富而且夠彈牙, 幾好蟹肉海老特長豪華餃子棒 $42店員見我地兩個人點一份，好細心幫我地切開兩份我幾鍾意呢個, 真係食到好多蟹肉CHAO CHAO餃子 $42呢個的的式式細細隻一口一隻, 底煎得有層簿脆除左餃子我地仲點左鰻魚飯 $68呢個都可以，仲有好多蛋絲…查看更多

今日放假同老公一齊落元朗去探佢兄弟剛出世既BB,離開兄弟屋企時都差不多6點, 我都覺得少少肚餓😌於是決定搵餐廳食個晚飯先行經呢個"台灣私房菜", 另我諗起台灣旅行時的美食, 決定入去回味下..😍..餐廳門口其中一個餐牌....我地揀左呢d。。。三杯雞，好惹味，餐廳好細心用明火爐一路保持熱住的，食到後期仲有菜，可以清一清👍🏻。雞肉幾嫩滑新鮮，份量好好多😆 老公話食極都仲有咁，真系好抵食鴨舌我地點呢個時店員細心提醒是辣的，我地都想食😋 一入口幾香滷水味，慢慢就滲出辣，味覺夠豐富，吾錯香酥炸豆腐老公幾鍾意食豆腐，伍話呢個好好食，佢食左3件，外皮簿簿一層又夠脆，內面好滑😍皇牌牛王麵呢個麵超足料啊😆 牛筋，牛𦟌，牛肚都夠入味夠軟肉燥豬手拌飯呢個$48，我估吾到系咁大份同咁足料真系超抵食，豬手超軟綿👍🏻乳酸飲品酸酸甜甜，吾錯食物質素都吾錯，都好抵食😁而且店員都好熱心服務又有禮貌😊…查看更多

小妹話好耐無約我食飯傾心事, 所以約左今晚放工過尖沙咀hea行下再食飯.....小妹仲好有誠意搵埋餐廳BOOK埋位...吾使我煩😝我地約係isquare門口等，我6點左右已到啦，好彩小妹都好快出現，我地行左一陣就過去餐廳啦。餐廳環境氣氛一流👍🏻我地諗左一陣點左。。。黃金蟹餅配菠蘿莎莎外面炸得夠脆口，入面一絲絲的蟹肉好豐富😋....菠蘿都幾新鮮....烤豬肋骨配蜜糖薑汁醬油🐖食西餐豬肋骨都係我幾經常會點既一個主菜......今晚都不例外, 呢個豬肋骨好JUICY，烤完D肉質都仲好嫩滑，有D部位仲連住D豬軟骨...仲有個蜜糖薑汁醬油另外分開裝，可以隨個人喜好淋上，我覺得呢個汁好特別，好啱我口味...😍😋極黑海膽意粉一見餐單已知呢個"強勢回歸"既意粉係必食---->對我來講...😜因為海膽同三文魚籽都係我好好喜歡的食物....而且量都好豐富..原來佢地配上墨魚汁味既意粉都幾夾，好鮮味....小妹都好鍾意雜莓乳酪呢杯賣相一流，我飲左幾啖，微甜配上果肉，好飲...洛神花茶通常只飲熱飲既我揀左呢個健康D又養顏既花茶....無加糖幾健康....埋單共7百幾，價錢吾算平，但質素真係吾錯，下次可以帶老公來食一齊撐台腳☺️…查看更多