ohmylosy的个人专页

間間食店午時都忙, 呢間可能D野食特別矜貴, 中午12點打去叫外賣, 隔3條街, 下午1點3都未送到, 打去3催4請, 如果送唔到可以直接話唔做, 唔係要D客咁樣等…查看更多

有日行街發現流尚坊原來有為數不少既餐廳，上開飯就搵到呢間越南菜。睇評價好似幾好，就決心去試。首先要描述一下個first impression，上到去並非寫住味佳居，而係「新西貢」，大堂好多雜物，出面望入去係得2個客，第一個印象係佢未開舖，之後就係覺得「不如走啦」。但係望下店出面個餐牌又真係寫住味佳居，咁就算啦。店面唔大，最多坐到20幾人，已經講左裡面有2位客人，但係有7,8個員工。。。我地就揀左窗口位，對係海港城。我地叫左香茅豬扒金邊粉同埋蟹肉湯檬，可惜蟹肉未有，轉左蝦餅。豬扒係ok既，但係蝦餅個質感有d奇怪，唔係平時食開果d。整體都合格，不過坊間有間越南連鎖店會更好，相信佢地應該只係做附近返工既客為主。…查看更多

對上一次黎係黎飲野睇波，有上層，好似可以飛鏢定篤波。今次就真係黎食飯，餐廳氣氛其實幾好，幾舒服。唯獨係度門有d問題，每逢有客人推門就有d好陰森電影開門既聲。有個2人套餐，內容都吸引，無咩特別諗就order左。頭盤有個沙律同湯，中規中距。小食有鵝肝多士同埋煙肉蜜瓜，兩者都幾好，鵝肝岩岩好！不過多左dd油。主菜就係一份rib同埋意粉，唔係唔好食，不過就無果種一定要再轉返轉頭既感覺。rib有d乾，但係個調味都ok。意粉就配料略嫌過少。總括黎講係可以既，試下無妨，同埋價錢合理，工作人員服務都好好。…查看更多

食唔到樓上間餐廳，就落黎試下，見都多人等位，又米芝連推介，就試下啦。2人入座被分配到4人檯，之後無安排搭檯，呢樣野就係抵讚既，不過始終黎食野，叫左一個粗面，一個幼面，一客單骨雞翼，一人杯飲品。上菜時間都ok，碗面黎到已經聞到d怪味，食落去仲有藥材味，可能係正宗啦，但係我真係唔識欣賞。面條既質感真係完全唔掂，咬落去只係一pat漿，無其他既描述可言。牛，不過不失。雞翼，夠大味，勁咸。。重口味食客應該會喜歡。飲品，甜。。。得滯。。簡單黎講，就係唔使再去。。。…查看更多

見好多人share，就特登貢上黎試下，始終唔係就腳，今日仲咁死熱。。店面好易miss..總之行過一間門口好多太陽眼鏡就係。入面都幾多人，地方淺窄，好彩有張空櫈坐下，都唔使諗就直接order，好快就有得食。得一隻味-菠蘿椰絲($68)賣相唔錯，一食就覺得自己當初期望太大，就係好普通既雪糕，加兩塊餅咁。個餅底就係唔錯既，不過兩者無咩synergy。食一次夠了。。…查看更多

成日行過都想試，今日終於同女友睇戲前黎呢度食次晏。女友話夜晚好夠人，不過今日可能係大雨關係，上到黎得3,4張枱有人，所以等都唔使等就入得。環境都幾舒服，氣氛幾好，可能只係因為無咩人既關係。不過餐廳本身座位與座位之間都算闊，空間感都算高，唔會手袋撞手袋。而我地就安排係窗口位，望住出面雨紛紛既景色，別有風味。一出低工作人員就端上一大樽水，好周到，唔使我地叫完餐先俾水。食物選擇適中，我地叫左all day breakfast同埋fried chicken benedict, 仲有hot chocolate. 上菜時間都算快，睇相啦。除左難處理之外，味道都十分好，蛋汁令炸雞無咁油，幾好既配搭。份量都幾大，一個人未必食得晒，不過每樣都幾好食，尤其上方中間果個沙律，係勁開胃。整體黎講都係一間唔錯既餐廳，黎食飯傾計都應該會好relax。…查看更多

因為要陪大人睇醫生關係，黎到沙田，就食好耐無食過既School Food，平時係cwb根本無可能等到位，估唔到沙田只係要等4張飛就入得，不過侍應姐姐話用餐時間只有75分鐘，ok啦😐餐牌好似轉左排版，個人認為唔太好，容易令人誤會，不過無所謂，反正係食食物唔係食餐牌，叫左一客壽司，一客炸雞，一客年糕同一jar士多啤梨飲品。上菜時間都幾快，好驚要食到趕頭趕命。。先黎既係炸雞沙律，沙律可以唔理，反正只係一堆加左調味既葱花，炸雞幾好，唔太厚粉，唔會有口渴既感覺再黎係韓小姐，sorry..我真係唔為意自己叫左，佢上菜果陣只係講「韓小姐」三個字，我以為隔離枱有位女士姓韓。裡面係泡菜黎既，略嫌泡茶味唔夠，所以入口口感覺般。最後就係卡邦尼年糕，未有wow一聲既感覺，不過都可以一試。整體都ok，服務都好好，工作人員都好nice，唔使點排隊係最好既賣點。…查看更多

食過一次，終於都要返黎再食過！是日早收工，去到未夠7點，有位，2個鐘用饍，夠晒啦上次2個人叫左一隻炸雞，今次醒水喇，叫半隻，加個壽司同海鮮湯面，同埋1pint啤酒。野食都上得幾快，炸雞唔錯，略嫌炸粉厚左dd，整體都ok，壽司都ok，海鮮湯面就真係爭d喇，食落去湯還湯面還面，下次可以食第2隻面…查看更多