Charlotte.kn的个人专页

今日突然之間好想食蕎麥麵，就搵下附近有冇地方有得食，然後就見到樂富廣場有呢一間日式餐廳有，「Wakayama 和歌山」裝修都幾簡潔舒服，座位都寬敞舒適，睇咗餐牌叫咗野菜拼海鮮天婦羅抹茶蕎麥麵定食+粉紅葡萄柚玫瑰茶；朋友就叫咗鮮果焦糖雪糕多士+鮮萃白桃烏龍。天婦羅都有六款：蝦、魚柳、紫蘇葉、茄子、秋葵、南瓜，欣賞佢嘅天婦羅好脆，食完唔會覺得好油，粉紅葡萄柚玫瑰茶甜甜地，玫瑰味都好香。朋友就覺得七十幾蚊一個下午茶有少少貴，不過佢就滿意叫咗微甜鮮萃白桃烏龍，真係淡淡嘅甜味，唔會叫咗少甜都仲係覺得好甜。總括而言，我會再約朋友去食。…查看更多

今日去咗荃灣行街，經8咪半商場見到入面有呢間手作意粉，就諗住去試。環境幾光猛舒服，我同朋友叫咗2個set lunch， 1.宮崎柚子胡椒三文魚意大利飯，2.茄子牛豚肉醬意粉，可以配沙律或湯再+飲品，我地再加咗個小食炸莫扎里芝士條。沙律有啲海藻同生菜，個汁咸咸地，幾有趣，好少食咸嘅沙律汁，但都好食嘅；茄子牛豚肉醬意粉，個茄子有煎過個面幾香，意粉口感都唔錯；至於宮崎柚子胡椒三文魚意大利飯，朋友話味道比較特別，食到柚子味但食唔到胡椒味，有山葵係入面，感覺唔太夾。炸莫扎里芝士條，外脆內軟，好味！…查看更多

係西貢碼頭行咗5-6分鐘終於搵到餐廳，簡潔風日式裝修，感覺明亮舒服，係平日下午入去坐咗7成滿，店員話可以隨便坐，入面有好適合打卡的榻榻米座位。坐低掃咗電子餐牌，叫咗卡邦尼烏冬、鯛魚白湯烏冬配日式雞肉串子、凍嘅煎茶玄米茶鮮奶、一壺焙茶，最後叫咗和風玄米茶班戟。我同朋友都覺得嘢食都唔錯，鯛魚白湯烏冬配日式雞肉串子味道適合我，唔太濃；朋友就覺得卡邦尼烏冬味道濃啲會更好。焙茶係原片茶葉沖，茶香味甜甜地；煎茶玄米茶鮮奶，聞到玄米茶味，入口先是鮮奶味道然後有啲茶味！和風玄米茶班戟是一個唔錯嘅甜品，有紅豆同cream，旁邊有糖漿，對我來説有點點太甜，朋友覺得ok。店員仲好好人幫我地壺焙茶添熱水。題外話：係户外座見到有客人帶住可愛嘅小狗同有一座客人帶埋貓咪都可以入去餐廳入面。…查看更多