feederism的个人专页

一入到餐廳見到菜單最下面有一句只有一個人煮，所以可能需時比較耐。雖然我嗰日去係近乎滿座，但實際上都唔係好耐姐，大約10分鐘就有得食。前菜有一個蘑菇湯或者南瓜湯揀，配一份多士。我同朋友都揀咗南瓜湯，有少少稀，但係味道唔錯蟹子意大利飯🦀個飯一上枱見到啲蟹籽已經覺得好滿足，因為真係好多蟹籽！意大利飯唔會太濕，啲飯亦都適中，仲係保持有咬口。 鵝肝野菌意大利飯🦆佢嘅鵝肝好好食，煎得好香，而且亦都冇怪味，因為最怕有陣時食鵝肝會有一啲怪味。整體意大利飯質素都好好，份量啱啱好，唔會太細，整體都好好味！而且之前多啲呢啲小店，將來就會有更加多選擇。…查看更多

有朋友生日，所以去食好啲!期待呢間西營盤同上環中間嘅西餐廳有一段時間，我哋有時經過都會覺得好靚，好想去食，今次終於的起心肝去食！Tagliere Medio - Sharing platter （Medium Size) 🥖因為我哋比驚喜朋友，所以叫咗個小食拼盤食住等🤣🤣個拼盤有四種火腿同埋四種芝士 ，都幾有意大利風味，唔錯！！Ginocchi TaleggioGinocchi係用新鮮嘅薯仔造成咗去嘅意粉，而且食得出佢嘅意粉係新鮮製造，好好味同埋有少少煙韌嘅口感，而同樣新鮮嘅truffle一齊食係超好味！幾香松露味而且個汁撈埋一齊食係超Rich🤤Pizza Funghi Tartufo果然係意大利人做嘅薄餅！因為同喺意大利食嘅可以話係一模一樣，薄底嘅薄餅再加上菇都係天衣無縫，真係好好味！Costine Di Maiale係用豬肋骨來做嘅意大利菜，佢嗰醬有少少似BBQ sauce,整體酸酸甜甜而且好入味，我覺得呢一個係開頭少少食係一個唔錯嘅選擇。Cotoletta Milanese呢個係炸嘅豬扒，係佢做嘅時候你會聽到廚房傳來好大聲嘅揼枱聲，嗰啲聲係來自廚師會即刻幫豬扒「按摩」，被按摩成好大塊嘅豬扒，然後再拎去炸，我覺得好好味因為佢個汁配埋炸豬扒係垂涎欲滴 ，嗰種豬扒未上枱之前嘅期待感已經令到呢道菜生色不少。而佢嘅豬扒口感當然鬆軟，亦都同時保持肉汁！極之推介！我哋都嗌左幾杯酒，當中有cocktail。整體都好好，包括食物同埋服務質素，侍應好好人會同我哋傾吓計，分享佢以前喺意大利嘅時光。…查看更多

夜晚想食好少少於是就入咗元朗搵我嘅朋友，呢條街有好多美食，其中一間就一定包括-小松鼠。小松鼠🐿係一間偏向西式嘅餐廳，細細間，坐得都幾舒服，食物質素又唔錯。今日就同朋友叫咗松鼠二人套餐：頭盤小食 - 蒜蓉包和黑松露薯條🍞🍟蒜蓉包就一定會有嘅，再配上佢嘅黑松露醬，一齊食真係好好味，好夾！忌廉湯都幾好味，份量啱啱好。呢個係幾有驚喜嘅小食，因為佢係用黑松露粒，而唔係用黑松露醬，極有誠意！當然好香黑松露味同埋夾埋一齊食好好味，如果份量可以多少少就好啦主食 - 蟹肉蘆筍Risotto🦀呢個我真係可以比滿分，因為佢嘅蟹肉係遍布成個risotto,而且risotto煮得好好，唔會太淋或者太watery,蟹肉嘅份量一啲都唔吝嗇！超正主食 - 辣肉腸薄餅🍕我覺得佢最出色嘅地方係小松鼠嘅薄餅係偏向薄身同埋脆，因為我本身唔太鍾意食薄餅，但係呢一間嘅薄餅我係覺得幾好味，脆脆哋，有啲似食緊梳打餅加薯片咁。整體真係好味同埋抵食，下次去嘅時候可以試吓佢嘅肉類，因為見到隔離枱食佢嘅BBQ汁燒豬肋骨都好似好正🤩…查看更多

晏晝去食呢間舖頭真係非常之抵食，因為佢嘅午市套餐係超級平！今日帶咗個朋友食呢間台灣嘢，既然近排冇得去台灣，🇼🇸就食下台灣野懷念下。我哋都嗌左午市套餐同埋加咗一份小食，午市套餐係一份煮食加兩份小食同埋一杯嘢飲。午市套餐 - 魯肉飯🍚我個人好鍾意食魯肉飯，如果喺台灣每日都會食一碗，呢間嘅魯肉同台灣簡直係一樣風味，因為食其他香港舖頭嘅魯肉飯都係好港式，冇咩台灣味道，但呢間我會比好高好高分。佢有落到紅蔥頭，而普遍香港人都唔會落。午市套餐 - 台南鮮蝦卷🍤因為未去過台南，所以呢樣我冇得比覺，但係呢個蝦卷我覺得好好食，佢個下好爽同埋有鮮味唔會因為炸咗而冇咗鮮味，值得推介。 午市套餐 - 古早味炸雞捲🐔佢用咗雞皮包住嚟炸雞卷，我會話極之邪惡，但真係好好食，因為個雞唔會因為炸過而變得韌炸咗，唯一美中不足嘅係舊雞本身冇咩調味。 午市套餐 - 一口鹽酥雞🐥呢個鹽酥雞都係會令我回憶起台灣嘅夜市，新鮮，即炸，好味！ 午市套餐 - 椒鹽四季豆🍡唔會吸左過多油份，而且調味啱啱好。呢個都好好味。 午市套餐 - 冬瓜茶🍐佢嘅冬瓜茶都係好好味，甜度啱啱好。非常開胃，應該會好啱夏天飲。雪糕綜合芋圓（二人份量）🍨好彩同朋友嚟食，終於可以試吓呢一個二人份量嘅芋圓，佢嘅芋圓好好食，既有咬口之餘又keep到芋頭或者番薯嘅香味，而且佢選擇嘅配料都好好味，包括小丸子、仙草、紅豆黑、白珍珠同自選雪糕。整體都好好味，絕對同台灣嘅水準比得上！如果掛住台灣但又唔得閒去嘅，你呢度絕對係一個好好嘅選擇，因為食物整體水平真係好高！！👍👍…查看更多

平日放假梗係趁冇咩人去沙灘玩下啦，入去石澳之前就係筲箕灣食lunch先，搵食去東大街是常識吧。由於好耐冇食海南雞飯，於是就去呢間泰國餐廳試吓。🇹🇭海南雞飯🐔第一次見海南雞飯有豬紅，都幾得意。雖然豬紅只係配角，但係好爽口！搞到我想叫返碟豬紅。 講番啲雞先，肉質鮮滑，仲有少少「啫喱」（其實係膠原蛋白），而且肉質當然唔會老啦，嫩口到不得之了！想食海南雞嘅朋友絕對可以一試。雜薈金邊粉（清湯/冬陰功湯底）🐷🐮🦐🐟另外兩個朋友分別帶咗一碗清湯同埋冬陰功湯嘅雜薈金邊粉。雜薈嘅配料包括炸魚皮、泰式扎肉、泰式蝦卷、泰式魚蛋同埋豬紅。啲配料好好食喎，比較出色嘅係個蝦卷，而且冬陰功湯底都好味，辣辣地好開胃。泰式滷水無骨豬手飯🐽✊🏻另一個朋友就叫咗豬手飯，佢嘅滷水係酸酸甜甜咁，同港式嘅有少少唔一樣。同豬手一齊食又幾夾，而且份量都幾多，啱晒食肉獸朋友。豬手都幾嫩口，炆得夠哂時候。泰式炸肉河粉（冬陰功湯底）🔥🐷泰國嘅炸肉真係好好味！當然同港式嘅燒腩仔唔可以比較啦，但係泰國嘅炸肉係比較有咬口，同埋塊皮厚少少同埋脆多啲。呢個炸肉做得幾好住筲箕灣嘅朋友就好啦，因為呢間泰國菜絕對係高質嘅！口痕嘅朋友可以唔使山長水遠去九龍城🤣🤣順帶一提，侍應超好人！同我地傾偈又同我地講吓笑。…查看更多

Green Monday 同同事去左食呢間都出名嘅素食店，平時都有食開呢間，但今日多啲人，所以可以叫多啲嘢食試不同菜式。香脆甜薯條🍟用番薯整嘅薯條係好多素食店都會見到，呢間炸得幾香脆，唔會好淋，因為番薯嘅水份相對薯仔高，所以要炸得趣唔係咁容易。但kind kitchen嘅甜薯的確係炸得好出色，而附送嘅汁都好開胃。泰式炒雜菜🥦🍆分別用咗泰國茄子，椰菜苗同埋紅椒黃椒；味道好泰式，有少少似避風塘嘅味道，黃椒同青椒嘅清甜同呢個炒雜菜微妙配合得好好。香辣雞柳炒意粉🍝辣意粉一向都好開胃，再加埋佢自己獨有嘅雞樓一齊食，真係好好味，又唔會太膩或者太飽，份量啱啱好，而且雞嘅份量都幾多。白汁雞皇飯🐔佢個白汁真係好出色！入面應該冇忌廉，但係都好creamy，同平時嘅白汁都好似，雞柳同意粉嘅一樣，配白汁食別有一番風味，配飯食好似更有雞味！Beyond all-day🌞用beyond meat做嘅肉腸同真肉腸嘅味道，質感都好似！！如果啱啱接觸食素嘅朋友可以試吓食beyond meat嘅產品，因為一定唔會反感。另外仲有車厘茄、雜菌炒蛋、多士、半個牛油果同沙律菜。多士用嘅牛油當然唔係普通嘅牛油啦，但係呢食落去我覺得比真嘅牛油更加香，而雜菌炒蛋都好好味，夾埋多士食一流！驅寒椰糖老薑桃膠糖水🍵呢個係冬天特飲，雖然冬天已經就嚟過去不過我都幾鍾意食桃膠，不過呢個桃膠同我想像中有啲唔一樣，通常糖水舖嘅桃膠都係有一個硬幣咁大粒，同埋有啲咬口，但係呢度嘅桃膠就煲到好溶好細粒，將啲營養注入杯中，而且好重薑味，飲到底有好多薑碎，鐘意重薑味嘅朋友絕對要試吓!呢間餐廳真係好適合啱啱接觸素食嘅朋友，因為佢嘅調味同埋beyond meat/新豬肉omnipork可以以假亂真，素食嘅好處我就唔使多講啦，大家記得至少一星期食一次素，對健康有顯著嘅改善㗎😉…查看更多

要食碗靚牛腩其實真係唔容易，一係呢就貴得冇道理，一係呢就韌過條命，一係就冇牛味，就算係所謂出名嘅牛腩都強差人意，但係呢間荃灣嘅生龍清湯腩就真係好味啦，佢嘅牛腩真係好出色。🐮咖喱清湯腩🐂🥘因為想食咖喱飯，所以就揀咗咖喱清湯腩飯，唔好諗住咖喱會埋沒左牛腩嘅清香，兩者可以話係配合得天衣無縫，牛腩本身好香牛味，而且軟腍度適中，咖喱都唔錯，辣辣地，唔會好辣。薯仔都炆得夠淋。清湯腩河粉🍜都係同一樣嘅清湯腩，就咁食就可以獨享牛腩嘅味道，如果怕重口味嘅就可以唔要咖喱揀呢個湯麵一齊食。口水雞🌶🐔口水雞唔算好特別，亦唔麻辣。而且雞肉比較少，用咗比較多背部嘅位置，下次反而可以試吓炸雲吞。生龍嘅牛腩絕對係冇得挑剔，想食碗靚牛腩嘅朋友記得去食，絕對唔會失望。…查看更多

行完電腦商場，就喺附近搵間茶餐廳食下，好耐都冇食過茶餐廳，唔係因為太貴，就係因為扮懷舊扮冰室。呢間以前都有食開，水準都keep得好。干炒豬扒一丁去到茶餐廳就梗係要食炒出前一丁啦，炒一丁就最試到廚師真功夫，配埋豬扒啱哂。份量啱啱好，唔會太細份又唔會太大，豬扒唔韌！ 仲炒得好香添，推介想食炒一丁嘅可以去試吓。吞拿魚三文治下午茶餐由於朋友唔係好肚餓，所以食份三文治餐，吞拿魚三文治都唔錯，沙律都幾好味。吞拿魚同沙律醬撈埋一齊食又幾新鮮。順帶一提，佢啲碗碟洗得好乾淨，可以睇吓凍檸水個杯，啲餐具唔會黃咁咁，食都食得放心啲。…查看更多

放假梗係去大圍踩下單車啦，喺踩單車之前要好好食返餐先有氣力㗎嘛，經過呢一間主打韓國三文治嘅小店，做運動之前補充啲蛋白質就啱晒啦。🍳牛油果蛋沙律厚切三文治🥑作為牛油果控，加落三文治同埋蛋入面，當然唔可以錯過啦。牛油果好新鮮，熟成度啱啱好，而且炒蛋都好香蛋味，唔算好油。招牌三重芝士滑蛋盒子吐司芝士味好濃郁！放落去同炒蛋三文治一齊食真係不得了，入面嘅芝士溶喺口，三文治上面嘅芝士又香，簡直天作之合。🧀🥚附近嘅居民返工前可以買份早餐走，好羨慕大圍嘅居民呀！！…查看更多

呢間餐廳喺我心目中係美孚no.1 ，佢嘅厚豬柳實在無與倫比。前菜 - 粟米湯🌽每日嘅湯都唔同，上次係忌廉南瓜，今次就係粟米湯，佢哋嘅湯都好有心機，因為都係自己煲，好味兼且誠意爆燈。🤪🤪香煎英國厚豬柳配薯菜🐷呢個豬柳係我食過最好味嘅煎豬柳，煎到油脂啱啱出嚟好香，好juicy,肉質鮮嫩，又唔韌。而且佢唔會鞋颯颯，肥瘦都仲啱啱好，比例大概係2份肥，8份瘦，肉質可以話係齒頰留香。🥔薯菜都唔錯，薯仔應該係用咗澳洲嘅薯仔，細細粒嘅薯仔用嚟烤焗就啱啱好。老闆好好人，會同你傾吓計，亦都好有禮貌，會同你解釋今日嘅餐湯同埋有咩好食。如果下午茶去仲可以坐低慢慢傾吓計，幾舒服。餐具同埋鋪頭入面都有啲裝飾係金色嘅，我估老闆好鍾意咁金色🤣🤣不過價錢就有少少貴，所以冇得成日去食🤦🏻‍♂️…查看更多

由於晏晝出去做嘢，所以同同事去咗深水埗區食飯，去到已經係2:00 ，所以少咗好多人排隊，大概等左10分鐘就入得。餐廳唔算大間，但係食物選擇都唔少。檳城亞參叻沙蘇媽蘇媽嘅招牌菜，一想已經聞到好香，配左一碟蝦醬。喺未放蝦醬之前，試咗一啖湯都幾鮮味，落咗蝦醬之後變得更鮮味，。（P.S. 呢啲係馬來西亞蝦醬唔同香港嘅蝦醬㗎）麵底都好好味，有啲咬口，配料包括有生菜菠蘿洋蔥，夾埋一齊食都幾新鮮，如果配有豬肉嘅應該都好好味。檳城白咖喱油麵第一次食白咖喱嘅湯麵，白咖喱味冇想像中咁濃郁，亦都唔算太辣，相比其他屬於較清淡嘅湯底。豬紅都新鮮，冇怪味;魚蛋都彈牙嘅。整體不過不失。檳城福建蝦麵我認為呢一個係最好味嘅，因為湯底鮮甜，蝦同埋豬肉都好好味，夠入味。而且個麵會落去都好夾，難怪係招牌菜。咖央多士多士烘得啱啱好，脆卜卜，入面嘅餡適中，唔會太甜，推介大家去試吓呢一個多士。白咖啡同奶茶都係第一次試飲馬來西亞嘅白咖啡，咖啡味唔算好香，係偏甜嘅咖啡。奶茶都唔錯，茶味香濃。整體都唔錯，下次可以試吓肉骨茶先！…查看更多

放工同同事嚟食飯，因為近近地公司，所以就揀咗呢間，環境幾好，唔會太嘈細細間幾好坐。Smoked salmon spinach spaghetti 通常菠菜意粉都係冇菠菜味，但係呢一個嘅菠菜意粉係有淡淡的菠菜味！同煙三文魚一齊食係出乎意料地夾！整體味道好新鮮。 Meatball spaghetti肉丸好好味！唔會太膩而且有肉味，不過如果可以多幾粒就好啦！意粉酸酸甜甜都幾開胃。整體環境真係幾好，嘢食同服務質素都好好，而且地點方便就腳，推介大家如果放工喺附近又諗唔到食咩都可以試吓！…查看更多

辛苦左一個星期，星期六夜晚梗係食好啲同埋玩夜啲啦，去咗呢間都算隱世嘅小店居酒屋。細細間，啱晒同朋友傾計，唔怕太嘈。因為揸車嘅關係，所以冇叫酒嚟飲。醬油湯底叉燒拉麵先飲一啖湯，湯底鮮甜，好香醬油味。叉燒都好好味，入口即溶。而麵嘅質地都好煙韌，軟硬度適中。吉列豬扒日式咖喱飯豬扒炸嘅程度啱啱好，而且豬扒唔會太乾或者太硬，有少少脂肪，所以整體好好味。咖喱都好香濃，入面有好多蘑菇，有少少甜，蘸吉列豬扒一齊食係perfect match。燒墨魚餅塊皮烤到脆脆地，香噴噴。第一舊食覺得好香墨魚味，亦都好彈牙。朋友同我講上面有啲薑蓉，夾埋一齊食會將成個鮮味提升。當我再食嘅時候，就加咗啲薑蓉，味道真係唔同，墨魚嘅鮮味立即大大提升，好有驚喜！年糕豚肉串燒豚肉又係烤到有啲脆脆，薄薄嘅一片豚肉包著煙韌嘅年糕，又係意想不到嘅好味，因為年糕真係特別煙韌，豚肉嘅陪襯令到年糕唔會太膩。海蝦天婦羅天婦羅水準唔錯，炸粉唔會過厚，份量都唔少，啱晒送酒。如果想搵個地方同朋友飲下酒傾吓計，呢度就啱晒啦。…查看更多

喺中上環附近行吓街，就最鍾意去PMQ行下，做下文青。呢間係PMQ入面我最鍾意嘅Cafe，值得推介嘅係，每一日都有當天限定蛋糕，啱晒有選擇困難症嘅朋友🤣🤣。同埋佢有自家製嘅果醬賣，啲味道比較罕見，鍾意果醬嘅可以睇吓。店舖唔大，但係職員好好人，會肯同你傾計，同埋細心介紹蛋糕同埋茶嘅味道俾你知。士多啤梨伯爵茶蛋糕呢個係當天限定嘅蛋糕，士多啤梨味食得出係新鮮嘅，而且唔酸。伯爵茶加士多啤梨同埋cream係出乎意料地夾！！ 伯爵茶嘅清香加上士多啤梨同cream嘅甜美喺口入面交融，超好味！！白味增焗芝士蛋糕呢款芝士蛋糕口感好厚實，芝士味香濃，食得出係自家製嘅作品。唔好睇佢冇cream好似好平庸咁，實際上都係好好味，唔使太多花巧嘢，都凸顯出芝士蛋糕嘅美味。而佢落咗白味增令到芝士味更加突出、濃郁。洛神花茶我鍾意佢呢個洛神花茶落得比較少糖，作為一個健康人士，少糖係必須的。洛神花好新鮮，亦都有用來做果醬，買咗一樽返去試🌺行PMQ行得攰就啱哂坐低飲杯茶食件糕。…查看更多

間唔中都會見到朋友分享呢一間餐廳，俾佢嘅裝修同埋餐牌吸引咗，睇得出設計者好有創意🤘裝修好靚，用咗好多歐美名人嘅海報或者名畫二次創作，加咗啲好抵死嘅標語。個餐牌都搞笑，設計得靚之餘，菜名都好吸睛。唔好抱咁大期望蒲燒鰻魚蛋包飯（原條版）既然餐廳叫我地唔好抱咁大期望，就即管試吓有幾冇期望啦。鰻魚真係原條上，大大條，兩個人分一半啱啱好，咁先唔會太飽膩。炒蛋炒得好滑，蒲燒汁都好好味。整體唔錯辣㗎傻豬豬豬頸肉泰式肉碎日本蛋包飯 都係有炒蛋嘅蛋包飯，質素保持得好好。我比較鍾意食呢個，佢好香辣，豬頸肉好大嚿，好厚，有少少韌，但係夠入味 。泰式肉碎少少辣，唔會太辣搶咗個味，用嚟撈埋啲飯一齊食簡直絕配。蜜糖芥末炸雞翼小食我非常推介呢一個小食，因為係第一次食蜜糖芥末係有芥末味道！佢嘅蜜糖同芥末嘅層次好鮮明，唔會搶咗各自嘅味😋平凡到冇得再平凡嘅洋蔥圈菜如其名，嗰份有少少厚，不過份量都幾多，係抵食嘅。情侶或者三四個朋友可以嚟呢度食，影下相傾吓計，幾適合慢慢坐。…查看更多