catherinelamlam的个人专页

呢間野之前試過早餐都不錯，今日收夜冇時間自己煮，於是再去試試晚餐，咁啱佢地有新野-重慶雞煲。見價錢幾抵，半只雞都只係$118，於是揀個少辣試試，雞煲到左，個賣相同份量都不錯，煲滾左一陣就食得，D雞肉都算入味和辣度ok,幾啱我，味道都幾好，好野味。最後忍吾住仲叫左支可樂，真係好邪惡。另外配多個瑤柱蛋白炒飯都不過不失。吾錯吾錯…查看更多

今日途經旺角購物，突然好想食咖哩，於是去左沙嗲王，因為有白咖哩，坐低左人不太多，叫左白咖哩香茅豬扒飯，豬扒份量依然足夠，入味又夠淋，有好多白咖哩汁，佢D白咖哩汁真係好夠味，又特別，送飯真的一流。 食完仲有汁剩，真想叫多個白飯嘅衝動。不過最後都冇叫因為怕肥。白咖哩始終是我最愛，有空會再來幫襯…查看更多

今日難得過黎西貢，終於可以試試朋友介紹嘅呢間車仔麵，因為我地比較早，去到已經有位，叫左個三拼麵，不過價錢都不便宜，成$50大元，但份量算多。叫左豬皮，豬腸同雞亦，個湯底就真係好正，有膠質，D豬皮就不過不失，但豬腸就好正，好入味，又爽口,最後是雞亦，大大只，又好味都真係幾正，見到隔壁左右個個食豬手，都幾吸引，期待下次再來…查看更多

昨天難得放假，睡到10點幾先起身，一個人又吾知食乜好，見呢間野網評級都不錯，於是過去試下，落到去見間野都幾full, 好彩剛剛有張單人台，吾駛同人搭台， 坐低左叫左個午餐肉配炒滑蛋出前一丁，因為隔左右都食，（即管試試）配牛油厚多士，跟絲襪奶茶。 先黎厚多士，仲烘埋底，多士都幾香牛油味， 可以。還有個餐蛋一丁，餐肉煎得有少少蕉，仲脆脆地，幾香口，配埋個滑蛋，都幾滑同幾夾。 最後是杯奶茶，一飲落口都幾滑同有茶味，係呢條街都算是較出色的一間，難怪隔壁左右班師拉個個都飲啦。 埋單都只不過是$31蚊咋，都幾抵食！…查看更多

今日到老友家gathering,路經彬記,見好多人幫衫，又肚餓，於是即管入去試試午餐，叫左個沙薑雞飯，包例湯，飲品加五元，沙薑雞另上，仲熱辣辣，有菜底，賣相不錯，食落口口感不錯，有雞的鮮味，肉質算滑，很重沙薑味，好味，另外叫杯凍檸茶，味道不過不失，茶味不夠。想不到呢類的茶餐都有驚喜， 見到晚飯D小菜都幾好，期待下次有機會可以試試。…查看更多

今朝相約朋友在彩虹邨吃早餐，之後去西貢行山。相約係呢間較懷舊嘅冰室，坐低左，裏面環境比較簡單，保留以前懷舊格局，座位較逼，這是舊式冰室特色。叫左個沙嗲牛肉麵配奄列方包同熱奶茶，沙嗲牛不過不失，牛肉較外面冰室少了點，味道可以，奄列方包都可以，如果烘底會好食一點。不過杯奶茶都幾好，有茶味同算幾滑，睇出師傅有番咁上下，不錯。 整體來說都收貨，呢類冰室買少見少，值得支持，有機會會再來…查看更多

平日返屋企經過附近，常常見到好多人排隊，因為怕等位，最後都冇去，今天難得放假，一個人單拖去試試，坐低左環境較迫同小，叫左個酸辣乍醬雞亦米缐，叫左一陣就到，個米缐份量都不少，唯獨欠一點裝飾，但個湯底都真係吾錯，酸酸甜甜，好開胃，仲有乍醬，炒得好香好野味！最後雞亦，只是普普通通吧。但係個湯底我真係好鐘意，下次會多D來食。 …查看更多

今日老豆生日，知道佢鐘意食潮州菜，於是我地一行5人6點鐘到雄興等位，但已經坐左大半客人。 叫左鹵水鵝片，煎蠔餅，豬紅，咸雞同蠔仔粥。 首先係鹵水鵝片，都幾滑同有香味， 煎蠔餅都幾爽脆，份量也算多，豬紅同咸雞就不過不失，尚可以。最後是方魚芥蘭同蠔仔粥，方魚炸得好香口同爽脆，味道都不錯，個蠔仔粥就好出色，D蠔仔都幾肥，同埋方魚都不少，仲有D湯奶白色的，好鮮甜。整體食物質素都幾好，價錢又抵，加埋飲啤酒，平均每人都是百零蚊，下次有時間會再來的…查看更多

今天經過大角咀，專程來試試呢間嘅墨魚餅，以前係HSBC 中心樓下，不過現在搬左去埃華街。叫左個墨魚餅拼煎蛋飯，塊墨色餅同蛋都煎出來熱辣辣，程金黃色，個蛋就普通啦，不過墨魚餅就好出色，金黃爽口，裏面有墨魚肉，正啊啊，配埋豉油汁都幾夾。 另外叫左杯凍奶茶，不過普普通通啦。 墨魚餅不錯，值得再來！…查看更多

今日難得到灣仔上課，第一時間唸起再興，以前在附近讀書日日都幫襯，今日12點黎到，已經full 在，好迫，冇計啦，要食好野就係咁！ 叫左肥叉油走翼，叉燒仲係熱辣辣的，好香。 仲有油雞，仲係好滑好有鮮味，真係食過番尋味！ 下次有機會一定再來！ …查看更多