Patrickckng的个人专页

放假路經上環摩羅街，剛巧午餐時候見到一間新開的歐陸餐廳裝修，很有古典風味，便入去幫襯下。剛好見到午餐時間，但原來已經所有位置full Booking。但因為時間尚早，老闆便悉心安排了位置給我，但當然要準時還枱。當我坐下在餐廳坐下時，彷彿回到了舊日的歐洲，店內放滿了歐洲的古董。老闆對裝修一絲不苟，由餐枱、餐桌、燈飾、店內擺設也是由歐洲的古董店收購回來。好像坐了時光機返回了舊日的歐洲。食物方面餐廳用上高水準的新鮮食材。尤其欣賞特別的甜品及香濃的咖啡。最緊要的是服務員態度非常有禮，同一般咖啡餐廳店，比較簡直有天淵之別。很希望下次有機會能品嚐這特色餐廳的晚餐。…查看更多

今日趁放假最後一日，同小朋友一起到深水埗買遊戲game。食飽午飯後，諗住去搵間糖水舖食下糖水。見到糖水佬，其實都好有歷史，細個都有喺度食，所以入去幫襯下。入到去叫咗一個合桃露、芝麻糊及楊枝甘露。嚟到之後就知中伏⋯⋯合桃露冇味，芝麻糊冇味⋯兩碗野杰撻撻，完全係用豆粉水加粉開出嚟⋯仲要$30一碗⋯真係唔識講。食得豆粉多頂住個胃，對身體都唔好。其實做街坊加生意，唔好呃人呃成咁⋯⋯我講出嚟，都係唔希望有下一位受害者。…查看更多

今日行經上環見到一間去咗幾次的咖啡室，諗住入去飲杯咖啡。點知遇到很冇禮貌的侍應生，氣急敗壞地離開。沿路上行落地鐵站便見到呢間新開的咖啡店。我同友人入去，咖啡師及各員工有禮貌地招呼我們打招呼，已經有一份很好的親切感。地方唔係好華麗但感覺很親切、很舒服。點了兩杯ice lattes 及甜西多士。咖啡味道很濃不會被奶蓋過。西多士也出奇地好味。很高興幫襯了一間有禮貌及好味的咖啡店。其實發覺很多咖啡店的年青服務員都很冇禮貌，難得有一間，真的值得推薦…查看更多

難得同家人出街食飯，便到銅鑼灣利園十里洋場試一試。家中有老人家及小朋友更有在外國回流的親戚，我們便一試餐廳中的出名小菜，煙燻松露蛋、煙燻燒雞、龍蝦炒上海年糕，味道一流，不失為傳統上海菜。侍應服務態度一流， 頻頻會幫手換骨碟，裝修及燈光氣氛一流，雞尾酒飲品也出色 ，切合餐廳主題。 當晚有懷舊金曲表演，家中長者非常陶醉， 當然如果你要有寧靜環境、唔喜歡音樂，請不要於表演時段訂枱， 或可以訂走廊的卡位。價錢亦相宜，會再次光臨。…查看更多

今日同友人在朋友介紹下去了一間大角咀小店，因為很想食咕嚕肉，朋友大力推薦下，便去晶輝飯店一試。到了奧運站後，在橫街一直走，不用五分鐘便到。飯店不起眼，但很有一份親切感。 見佢裝修是以打邊爐為主，但今次來是吃小菜 ， 所以便點了三個小菜試一試。兩人坐下後便立刻看自己心水的菠蘿咕嚕肉，之後叫了一個酥炸魷魚絲小炒及金銀蛋波菜。 落單的姨姨態度十分殷勤及親切，還大力推介我食炆鴨，但我一心想食咕嚕肉所以推卻了。總結之下，各小菜味道一流，風味十足，值得推介！…查看更多

好耐冇過天后食飯，今天同老友到新夏龍灣午餐，見餐牌上的火車頭河粉，急不及待叫了一碗。上菜時河粉大大碗，牛肉新鮮，河粉爽口，加上一杯冰咖啡，非常滿意，非常有誠意的小店，下次去試晚餐先。…查看更多