Ms. Leo的个人专页

啟德零售館開業，附近嘅居屋公屋雖然未入伙，已經吸引左一眾食客試新野。以食物類型同價位，比起同區嘅Airside 同雙子塔 Sogo 選擇多好多，亦貼地好多。早餐來來去去都係McD、大X樂、大X活，難得呢間Grove 開朝早08：00，簡直係福音！可以一早享受晨光，坐得舒舒服服，望住青年館個景，嘆住個靚早餐靚啡，生而為人嘅感覺真好！All Day Breakfast 份量好合理 $68，加Cappuccino/ Latte加$9，深焙豆味香濃，奶泡綿厚，推！…查看更多

雙子塔II期 （即係寫呢食評呢一刻仲未開嘅 “SNDO三道”） 新開嘅Gelato店，喺G/F 角落位置，亦都係最近民居嘅位置。入店時原本感覺不錯，Gelato 亦有好多獨特嘅口味（店家發源地係沖繩）。至於點解要俾👎🏼：Double $58 / Single $48試晒兩隻味就梗係叫Double ，點知個cup size 只係7-11 dreyer's 最迷你嗰隻size左右。其實味道係OK，當日試左 Orange Vanilla Mascarpone 同 Pineapple •Tankan Mandarin 。但咁掠水，冇下次！！…查看更多

啟德SOGO 新開業，已經冇左最吸引嘅 supermarket ，唯有試試入面開嘅酒樓/ 餐廳同銅鑼灣比較下。“囍雲天” 喺15/F， 暫時必須要喺G/F搭升降機 🛗先上到去。酒樓朝早10點已經營業，到訪當日係星期日10：30，第一輪茶客已經就座。由於茶客眾多，個個都撲去知客姐姐度，其實㩒飛仔等位就得咖喇。喺等嘅時候，見到有客人當日訂左6圍酒席擺百日宴 baby👶🏻🍼，大廳樓底夠高，落地玻璃亦顯得開揚光猛，黎緊我相信一定係區內嘅紅火酒樓；其他茶客被安排喺另外嘅VIP 房飲茶，環境都非常唔錯。講番野食，4個人叫左9個點心，大概$110-120/ 人，輪環境、裝修、點心質素、服務直頭係抵 （香港好嘅酒樓實在所剩無幾），長老們亦表示滿意。…查看更多

突然發現K11 Musea 嘅樓梯底有間中國茶專門店，以往呢間店係fine dining + tea pairing，唔知舊舖close 左轉左去尖沙咀呢邊，定只係pop-up store 呢今次試：獨甜生普洱好鐘意佢一次過俾你試到兩款飲法：先俾2個 shot 係熱飲，飲之前先聞一聞茶嘅香氣；凍飲就係🐻檸茶嘅翻版，普洱冰熊仔🐻浸普洱溫泉，好清香 趕時間飲唔晒嘅話，個杯已經係有蓋嘅外帶杯，非常方便！如果座位舒服D，有多D國風設計就更加令人 immersive了。…查看更多

Nice & cozy french restaurant for celebrations or having a decent meal. Excellent food and service. The 2 starters are made with fresh and high-quality ingredients with a rich taste. We opted for lamb loin as the main and berries yogurt sorbet as the dessert. Very reasonable price for French cuisine lunch at HK$380 p.p.The only minor downside was the volume level of the neighboring table as both parties were arranged in a semi-private room. While I understand that dining with friends/ colleagues is part of the experience, the group was quite loud. But this did not significantly distract me from the overall enjoyment of the meal.…查看更多

啟德區新開酒樓，見母親節已經開左，到而家一個多月，試一試係咪好過同區嘅“豪宴一號”。眼見星期日非常多人，好在事先已book枱留位。強力推介必試點心1：紫薑皮蛋脆蝦筒 （好有心思，紫薑中和左蝦筒嘅膩）強力推介必試菜色2：班頭腩蒸飯 （班頭腩份量幾多，亦唔係一般打隻蛋落去嘅炒飯底，似係用咸蛋黃撈過嘅蛋漿，名符其實嘅金鑲銀）店家話6月24號地下嘅燒味外賣店正式開幕，外賣燒雞（不是炸雞）晚上6點開賣，$98/ 隻，限量供應； 另晚飯堂食有$298 燒BB豬同即將推出 “與別不同菠蘿包”，打算下次試下。…查看更多

同行有8、9位親戚，預訂時冇特別要求廳房，但店家特別安排左半開放VIP房，等我地盡情打卡傾偈，好貼心 💞必食推介：石獅黑麻糕 和牛酥環境、食物質素喺區內真係數一數二，回頭度💯…查看更多

之前天氣凍，突然想懷舊下。。。老店真係老店，勁足料👍🏼牆上面嘅手寫menu咩都有：鱷魚尾湯、燉山瑞湯、龍鳳煲仔飯勁足料蛇羹土茯苓蛇龜湯薑蔥灼蛇皮 （真係一試難忘，once in a lifetime)…查看更多

📍近戲院; 北京樓、La Vache同層🍤🍲 艇皇煲仔飯 有不同大細、不同種類嘅蝦干，飯粒乾身分明，飯焦平均香口！（唔鐘意咸香同咬硬野嘅朋友，可以考慮試下佢個黑松露牛肉煲仔飯）🍜 油撥麵伴叉燒 （辣）油撥麵嘅口感好得意，厚身有嚼勁，叉燒 X 溏心皮蛋有驚喜，估唔到皮蛋起到解辣緩衝作用🫚🥬老薑炒芥蘭煲仔飯加油菜，正！😋😋😋🤤🤤🤤…查看更多

📍啟德地鐵站 C出口 Airside cafe後面文青好去處，餐廳空間感強。個人認為Airside 入面嘅餐廳之中性價比算高。 座位設計、分區安排都幾有特色，有齊 1人面壁bar 枱座位、2人撐檯腳座位、3-4人歡聚座位同 6-8人派對長枱座位。晚餐沙律/ 餐湯 + 自選主菜 （連加一平均約$230 - 250/位）主菜試左：慢煮酒浸法式鴨脾意大利飯慢煮醬油燒春雞配炒野菜烤薯上菜熱度、調味、擺盤都不俗，weekday夜晚人少少都幾chill …查看更多

Lunch menu is sooo good!!Yellowfin tuna + Iberico pork rack + cappuccinoprofessional and caring service❤️ All served with heart ❤️…查看更多

健身、瘦身中嘅朋友，擔心出街食野油膩又冇營養， Pickabowl 幫手完美解決。開頭以為只係唔太飽嘅salad 🥗， 估唔到每碗嘅potion 之大同食物種類之多，成為今期推薦俾同事、朋友嘅愛店。有魚蝦、雞肉、豬肉、豆、豆腐、菜類唔同嘅mix俾你揀，個底仲可以揀飯/ 烏冬/ 沙律菜/ 薑黃椰菜花。見到好多男士幫襯，仲可以加配湯/ 健康特飲 （火龍果/ 紅菜頭/ 羽衣甘藍），所以一定夠飽！✅ Giants' Bowl✅ Lazy Ginger…查看更多

After visiting 永 Wing restaurant 2 years ago, I have much expectations on VEA.The open kitchen concept allows you to witness the culinary magic unfold before your eyes and the amazing teamwork.Step into a world where culinary traditions from France and China blend harmoniously, creating an exquisite fusion of flavors 🇫🇷🥢Love their creativity: sauce made of Chinese herbal 當歸, hawthorn 山楂 sorbet....Most memorable dishes:- 🦪 Japan Iwate oyster with Chinese almond 南北杏 sauce - 🍷 Lightly deep fried sea cucumber with 20 years Xiaoxing wine 永利威紹興酒- 🥥 Traditional candy & coconut wrap 糖蔥餅 (coconut/ durian flavor) …查看更多

店家只做 sukiyaki 同omakase兩款dinner set，星期五晚座無虛席，建議坐bar枱位，日藉廚師喺你面前烹調都係視覺享受。🥩🥚壽喜燒牛+蛋漿始終係最高組合！店家仲有好幾款蘸醬配料：☁️雲朵蛋白+蛋黃、黑松露醬、柚子醬、wasabi、辣椒絲任君選擇。壽喜燒牛總共2大片：京東姬牛 - 店家介紹為女仔牛♀️🐂，夾雜牛脂牛筋，牛味充足，一咬即化👍🏼香川橄欖牛 - 牛嘅纖維更嫩滑細緻，店家話係食橄欖長大嘅牛，油脂分怖均勻，heavenly taste 😌如果咁岩係生日/ 紀念/ 慶祝， 店家都會幫客人喺甜品寫上祝福語句，仲送你一張polaroid ，好貼心嘅安排💖CP值頗高，回頭度💯…查看更多

🏮 “燈籠滷味” 由朗豪坊、銅鑼灣，開到中環、九龍灣，分店愈開愈多，鐘意佢一路播住台灣歌嗰種 gǎn jué。分量好大，menu超多野食揀，珍奶/ 冬瓜茶又大杯，性價比超高！☑️滷味選擇多，有巨脾/滷肉飯，想清清地可以揀台式車仔麵組合：鹵味 + 冬粉（粉絲）/ 王子麵（口感、味道似公仔麵）☑️台灣野點會少得蛋餅，最好有三幾個人開心share啦，試多D野嘛☑️甜品D芋圓都幾好食，只係略甜每人埋單唔使$100，lunch嘅話最好12點前黎就快D有位，唔想等嘅夜晚黎食dinner又得…查看更多