芝麻糕味道好,但size細左 坤記糕品專家 2008-06-30琴日買左2件芝麻糕($12),一拎上手,真係輕左喎,正如其他食評所講,好細件,不過唔打緊,最緊要好食.雪左一晚先食,好似仲好食喎,凍凍地,芝麻味好濃,軟硬度啱啱好,QQ地,仲可以一層一層咁食,好得意.$6件,物有所值啦,如果再加價就唔抵食啦!…查看更多以上食记乃用户个人意见 , 并不代表OpenRice之观点。赞好分享芝麻糕味道好,但size細左 坤記糕品專家 https://s.openrice.com/QrLT0oJOT00检举 张贴 评分5味道3环境3服务4卫生3抵食推介美食7cm x 7cm的芝麻糕有9層芝麻糕紅豆糕人均消费$12 (其他)
大碟,味道濃 上海美味齋飯店 2008-06-25經過2次都好多人幫趁,今晚見到有位,就試一試.一座低,唔夠2分鐘,伙計門就好熱情咁行埋黎不斷問我地食咩,我地都拿拿聲叫左平日食開果d. 小籠包:新鮮熱辣,皮厚厚,有小小肉汁鍋貼:比較好的一樣,個皮底幾脆大蔥爆牛肉:超級油,好咸,唔係好掂,而且並唔係用大蔥,只係用平時d青蔥,有d失望. 食牛肉時,其中有幾啖,仲有d碎骨.酸辣湯粗面:酸辣湯d味好怪,好重胡椒粉味,d料仲奇怪,比左d雞肉,豬什,魷魚鬚,個面硬硬地,未夠淋.朋友問我是否叫錯食物,因為其他食客都係叫d小炒,客飯我只好答"唔知呢!",真尷尬:(…查看更多以上食记乃用户个人意见 , 并不代表OpenRice之观点。赞好分享大碟,味道濃 上海美味齋飯店 https://s.openrice.com/QrLT0Ip4T00检举 张贴 评分3味道2环境3服务2卫生2抵食人均消费$76 (晚餐)
椒鹽魷魚鬚 囍囍美食 2008-06-24椒鹽魷魚鬚($10一包)大約有12條,炸得香脆,不油膩,就算返到屋企先食都仲好脆,唔會淋左好味!推介!!$5/4粒炸魚旦就唔係好得,雖然大大粒,不過好硬,無香味.…查看更多以上食记乃用户个人意见 , 并不代表OpenRice之观点。赞好分享椒鹽魷魚鬚 囍囍美食 https://s.openrice.com/QrLT0FJ0T00检举 张贴 评分4味道2环境2服务2卫生4抵食推介美食椒鹽魷魚鬚人均消费$10 (其他)
食物好,服務仲好 越の家越菜小廚 2008-06-22要了個$98餐,有牛油雞翼,越南炒飯,雞絲沙律,2杯飲品.價錢一d都唔平,不過食過之後都覺得低食.最好食係個牛油雞翼,炸得唔油,夠乾身,好脆口,值得一試.雞絲沙律雖然好似好普通,不過加左香葉落去,好味好多,雞絲亦唔少.越南炒飯......大大碟,炒得幾好,不油膩.(料就少左dd)服務超nice,慢慢講無個餐有d咩野,之後叫佢加冰,即刻話好,仲拎左一大杯冰比我地,仲問我地夠唔夠.埋單仲唔駛加一,又開埋門比我地,真係不錯不錯.有下次.…查看更多以上食记乃用户个人意见 , 并不代表OpenRice之观点。1分享食物好,服務仲好 越の家越菜小廚 https://s.openrice.com/QrLT0mYqT00检举 张贴 评分4味道4环境5服务4卫生3抵食推介美食牛油雞翼人均消费$50 (晚餐)
生炸雞比薯條 凱沙茶餐廳 2007-12-19下午茶要了生炸雞比薯條+凍O茶少甜見到隻雞比d皮乾凈凈,比較深色,但..真係估唔到..好好食喎,個皮好脆(唔肥),d肉好多汁有味(無雪味),最後連骨都"損"埋,幾正.薯條就比較淋身,唔夠脆唔夠熱,不過夠多.凍O茶少甜,好大杯,不過d茶好苦,又好甜,唔得.個笑面係比隻雞比架!…查看更多以上食记乃用户个人意见 , 并不代表OpenRice之观点。赞好分享生炸雞比薯條 凱沙茶餐廳 https://s.openrice.com/QrLT09NuS00检举 张贴 评分3味道3环境3服务3卫生3抵食人均消费$20
唔熱,唔脆 富久保手打烏冬 2007-12-17星期日下午3:00要了什錦天婦羅飯+烏東$58,6粒章魚丸$23先食一粒"章魚丸",唔熱,個皮唔脆,淋滋滋,成pat粉漿咁,無咩料....講真,真係幾難食,個汁好似咸左d添.什錦天婦羅飯,果5,6件天婦羅全部都係淋架,唔熱架,料還料,粉還粉,真係好差.烏東叫做ok,不過都係硬左少少.全部食物都好似整定晒咁,唔熱,唔脆...=唔好食.…查看更多以上食记乃用户个人意见 , 并不代表OpenRice之观点。赞好分享唔熱,唔脆 富久保手打烏冬 https://s.openrice.com/QrLT0w7mS00检举 张贴 评分2味道2环境1服务3卫生3抵食人均消费$81
炸薯角勁正 紅棉餐廳 2007-12-14下午茶要了一個炸魚柳薯條+凍奶茶原來唔係薯條,係薯角,仲正,而且真係炸得幾好喎,外脆內軟,一d都唔油,食落口仲係熱騰騰,推介,好味.塊炸魚柳都幾好,夠大塊,不過簿左d,少粉,夠脆身,但唔夠味,要自己落d鹽同胡椒粉,咁就好好喇.凍奶茶,好好味,味道都幾似"太興"果d冰鎮奶茶.…查看更多以上食记乃用户个人意见 , 并不代表OpenRice之观点。赞好分享炸薯角勁正 紅棉餐廳 https://s.openrice.com/QrLT0R7eS00检举 张贴 评分4味道3环境3服务4卫生4抵食人均消费$20
好正的豬扒飽 嘉樂餐廳 2007-12-14下午茶要了特大豬扒飽餐,飲凍0茶.個豬扒飽又真係幾好食喎,大大個,個包脆得黎又唔會un,都好鬆軟,塊豬扒唔un,加上生菜同埋沙律醬(個醬應該係佢地自整架,好好味),食晒一個都夠晒飽,正,推介!凍0茶,無叫少甜,不過味道剛剛好,唔會太甜,d茶又唔苦,幾好幾好.地方比較細,不過d枱椅都好乾淨,而且d亞姐好熱情,好好禮貌,唔錯唔錯.…查看更多以上食记乃用户个人意见 , 并不代表OpenRice之观点。赞好分享好正的豬扒飽 嘉樂餐廳 https://s.openrice.com/QrLT0Q7eS00检举 张贴 评分4味道3环境4服务4卫生4抵食人均消费$20
味道一般 榮發餐廳 2007-12-14下午茶要了個全翼西多士+凍0茶少甜雞翼同西多士都係返炸,雞翼個皮比較乾,不過都幾夠味.西多士就爭d,勁多糖漿(佢地落).凍0茶少甜,但係都好甜,重手左d喎.見到隔離枱食"豬扒包",嘩...勁大個,好似好正咁.…查看更多以上食记乃用户个人意见 , 并不代表OpenRice之观点。赞好分享味道一般 榮發餐廳 https://s.openrice.com/QrLT0OteS00检举 张贴 评分3味道3环境3服务3卫生3抵食人均消费$20
一餐開心的晚飯 福來居(牛記)海鮮飯店 2006-07-11爸爸媽咪過黎太子揾我食飯,我開心到不得了,就帶佢地黎福來居試下(其實我自己都未試過架).點了:陳皮蒸斑腩球$120~好香陳皮味,d魚肉又好滑,好爽,正.清蒸鮑魚3隻$165~彈牙唔韌,好香鮑魚味,每隻都有成3寸大,算不錯啦.薑蔥雞半隻$80~好嫩滑,雞味好重,老闆仲走過黎不斷講:走地雞黎架,好好味架!有d搞笑,不過真係好食.腐乳炒通菜~味道一般,咸左少少.星洲炒米~味道剛好,唔會太辣,係d料少左d,得幾條青椒,洋蔥絲及叉燒絲.一家人都食得好開心,而且爸媽都讚"掂",仲要係我比錢,仲開心... :)…查看更多以上食记乃用户个人意见 , 并不代表OpenRice之观点。赞好分享一餐開心的晚飯 福來居(牛記)海鮮飯店 https://s.openrice.com/QrLT0RRy0W0检举 张贴 评分5味道3环境4服务3卫生3抵食人均消费$160
太子地鐵站出口果間分店 凱施餅店 2006-07-11買左2個面包(綠晶靈$6.5一個),食食下先至知原來係2個唔同饀o既面包.外形似一條長毛毛虫切開一件件,賣相唔錯,幾靚幾得意.先食第一個,入面有"生菜絲,火腿,吞拿魚沙律及蝦肉",口感真係正,好豐富,好多饀,而且d生菜絲食落口仲有d索索聲,好新鮮,吞拿魚沙律入面有幾粒蝦肉,咁樣o既配答好好味喎....我估d蝦肉係雪藏蝦,不過絶無雪藏味,幾好.....整體黎講,味道very good架!另外一個d饀原來係...:"生菜絲,火腿,肉鬆+蛋沙律",因為呢個係"肉鬆+蛋沙律",所以比較乾,我就覺得之前果個好食dd.…查看更多以上食记乃用户个人意见 , 并不代表OpenRice之观点。赞好分享太子地鐵站出口果間分店 凱施餅店 https://s.openrice.com/QrLT0Uhy0W0检举 张贴 评分5味道3环境4服务4卫生4抵食人均消费$13
蜜瓜味雪糕 雪寶兒 2006-07-10要了"蜜瓜味",口感唔似軟雪糕咁滑,似亞波羅果d雪糕多d,鞋鞋地,不過都幾香蜜瓜味,而且每啖雪糕都有d cookie碎,幾得意,味道ok好味.不過$16一個雪糕黎講,貴左少少,一試無妨.…查看更多以上食记乃用户个人意见 , 并不代表OpenRice之观点。赞好分享蜜瓜味雪糕 雪寶兒 https://s.openrice.com/QrLT04hu100检举 张贴 评分3味道3环境3服务4卫生2抵食人均消费$16
平平地的選擇 日船章魚小丸子 2006-07-10通常都係幫趁"築地",但見咁多人讚"日之船",當然要一試!其實$12有6粒黎講,算抵食啦,而且味道都唔錯,如其他食評所講,夠熱辣辣,大大粒,雖然八爪魚粒唔算多,但每粒丸總有1,2粒o既,食落口又唔會覺得成舊粉漿咁,ok架,還有,個汁o既味道都做得好好呀...不錯喎! …查看更多以上食记乃用户个人意见 , 并不代表OpenRice之观点。赞好分享平平地的選擇 日船章魚小丸子 https://s.openrice.com/QrLT06Bu100检举 张贴 评分4味道3环境4服务4卫生5抵食人均消费$12
收多左錢,仲要咁態度 山崎麵飽 2006-07-04晚上8:00...向返屋企途中經過面包店,就買定幾個面包第二日食.(店內當時無客)買了$11三個的蛋糕仔(紅莓x2+芝士味x1),香腸包$7;比錢時見可以加$3.5有一盒維他奶,就要了2盒.行到半路(約5分鐘),發現收多了$3.5(一盒奶的價錢),咪回去同佢講返啦,樹不知,佢望一望張單,向收錢機取返$3.5出黎,掉落枱面,對唔住/唔好意思都無講句,當時我幾嬲,好似我做錯咁,如果唔係因為朋友向度,我實鬧佢.其實都唔係第一次,所以各位向呢間分店買包時,記住要check單!!!~~~紅莓包面頭好多紅莓粒粒,但味道怪怪的,好難食~~~芝士包係無芝士粒,不過真係好香芝士味,就算第二日先至食都仲好鬆軟.…查看更多以上食记乃用户个人意见 , 并不代表OpenRice之观点。赞好分享收多左錢,仲要咁態度 山崎麵飽 https://s.openrice.com/QrLT0KRm100检举 张贴 评分3味道4环境1服务3卫生3抵食人均消费$25
水準依舊+夠大碟 萬發海鮮菜館 2006-07-04星期日晚7:00去到,好彩仲有位,唔駛等.4個人點了4個餸:避風塘炒蟹(例牌$80)~ok喎,齊齊埋埋應該有2隻蟹,都幾大碟,不過就炒得乾左d,同埋好似無咩肉食,味道一般.粟米斑塊($60)~價錢比起其實食店好似貴d,不過物超所值,因為佢地用左新鮮魚塊整,好新鮮,d魚好嫩滑,又無"聲"味,加埋d粟米汁送飯不錯.豉汁蒸魚雲~大大碟魚雲,仲好多肉,味道就調到好似媽咪整嗰d咁,好有住家feel,好味.琵琶豆腐~大約有10粒+5條菜心,味道就好鬼咸,可能師傅重手左少少,味道一般.…查看更多以上食记乃用户个人意见 , 并不代表OpenRice之观点。赞好分享水準依舊+夠大碟 萬發海鮮菜館 https://s.openrice.com/QrLT0Jhi100检举 张贴 评分4味道2环境3服务2卫生3抵食人均消费$65