casolette的个人专页

一向喜歡日式料理，奈何眼闊肚窄，吃得不多，所以總覺得去吃日式放題不太化算。最近朋友提議去築地番本日式放題，見Openrice有好多好評，而且價位平易近人，就去嚐嚐鮮吧~築地番本日式放題在旺角女人街附近，交通好方便，不同入座時間有不同收費，以日式放題來說一點也不貴!食物的選擇非常多，光是點菜紙也有13張，真是一點也不馬虎! 刺身、夀司、手卷、炸物、天婦羅、烤物等等一應俱全，飲品和甜品的選擇也非常多! 首先點了最愛的甜蝦和帶子，還有三文魚、油甘魚、鯛魚、榮螺片等。甜蝦好新鮮，肉質好有彈性；帶子十分鮮甜，其他刺身都好有鮮味，質素很不錯!另外，每位加$88可升級，無限追加矜貴食材，包括紅蝦刺身、珍寶帶子刺身、池魚王、原隻帆立貝等。$88吃幾隻紅蝦都番本啦，所以我和朋友都加錢升級了~嘩，紅蝦刺身一送到我和朋友都驚呆了(笑)，每隻紅蝦刺身都有手掌咁大，吃下去還十分鮮美和啖啖肉，想不到以這個價錢居然可以吃到這麼奢華的享受!!當然還有成粒墨魚丸咁大粒的珍寶帶子刺身，同樣鮮甜到不得了!!刺身的鮮味完全滿足了我的味蕾~ 光是這碟已經番本有餘啦!吃完上面的刺身後，我們都飽了7成，幸好這裡的熟食份量較小，讓肚子有空位試不同的菜式，不像其他日式放題會用大大份熟食塞飽你呢!海膽豆腐味道清新，一口份量恰到好處，清酒煮蜆不過不失，用來暖胃不錯。黃金焗蠔略帶酸甜，口感豐富。 雞中翼煎得金黃色，好好味~糖心蕃薯味道香甜，我encore了好幾次! 飲品的選擇亦非常多，居然有我喜歡的清涼爽!整體來說，刺身十分新鮮，熟食的選擇豐富，食材質素以這個價錢來說真是超值!就算吃得不多，來這裡也不覺得浪費，因為單是一round刺身已足夠番本。而且座位比起其他日式放題餐廳沒那麼擠逼和嘈吵，值得下次再來!…查看更多

早前看到 Ritz-Carlton Hong Kong 聯乘法國著名甜品品牌 Pierre Hermé 推出情人節限定下午茶，好好彩居然訂到位~於是情人節當日去了high tea!Ritz-Carlton x Pierre Hermé情人節限定下午茶有2款MENU選擇，The Lounge & Bar (102/F) 的主題是粉紅色，Café 103 (103/F) 的主題則是朱古力。研究過2款menu後，決定去 The Lounge & Bar!雖然情人節當日天陰，但從超高處俯瞰窗外美景，情調仍是不錯~(最重要是和什麼人去啦~)The Lounge & Bar的 tea set以傳統的三層架盛載，十分精緻~另外每人可選擇一款茶或咖啡，我和男友分別點了洋甘菊茶和草莓茶(忘了拍照)。Tea set頂層是鹹點，櫻花蜜糖忌廉芝士瑞士卷(右前)：微酸，味道不錯，但不算印象深刻。油封鴨肉慕絲撻(右後)：紫色慕絲通常都是甜的，但這款卻是咸的，感覺好特別。黑朱古力豬肉漢堡(左前)：基本上是朱古力味肉鬆，朱古力味頗濃，甜味比咸味突出，幾新穎。薰衣草煙三文魚三文治(左後)：最大路口味，不過不失，但吃不到薰衣草味。中層是甜點，朱古力千層餅(前)：朱古力味道濃郁，口感好豐富，喜歡朱古力的必愛~玫瑰花瓣 Macaron(右一)：整個 tea set我最喜歡的item! Pierre Hermé出品的確有保證，玫瑰花味道十分清新，不會過甜，小圓餅口感鬆軟，令人回味~開心果朱古力法式蛋糕(右二)：蛋糕有烤過的味道，甜中帶有微澀，幾特別。檸檬薄荷蛋糕(左)：檸檬的酸味頗醒胃，但我不太愛吃酸，吃了幾口便給了男友(嘿)。底層是傳統的英式鬆餅配果醬：英式鬆餅頗鬆軟，果醬不會太甜，味道不錯，但我吃到這裡已超飽，所以男友又要多吃一份了(可憐的他...)。還有粉紅番石榴杯：番石榴慕斯口感細滑，味道頗酸，絕對適合愛吃酸的人，不過怕酸的我就不行了...最後還有黑加倫子朱古力 Macaron：黑加倫子的酸味配上朱古力的甜味剛剛好，一貫Pierre Hermé的水準，小圓餅十分鬆軟可口~吃著說著天色都黑了~晚上的氣氛更浪漫呢!…查看更多

公司有同事走，我地特登訂左個"果籃"俾佢~色彩繽紛嘅外型已經無得輸，每種生果都好香甜新鮮，尤其朱古力士多啤梨最正，一D都唔酸!最好係佢可以送到上office，收到果個人肯定好驚喜!!…查看更多

夜晚喺中環做完facial，自己一個搵食但求快靚正，於是唸住去食碗雲吞面就算。去到沾仔記門口有人等緊位，但對面嘅麥奀唔使等，我印象中麥奀都係有D名氣嘅老字號，所以就入左去試下。入面都唔多人，我叫左碗雲吞河，好快就有。食過沾仔記都知碗面嘅份量好細(我已經係細食果D)，所以我見到麥奀個"碗仔"我都唔意外。雲吞包得好扎實，蝦同肉都好爽，冇肥肉，但略嫌層雲吞皮厚左D，影響整體口感...河粉偏幼同硬身，但份量實在太少...湯底中規中矩，欠驚喜!講真，以一碗普通嘅雲吞河來說，佢真係合格嘅，但以一間頗有名氣嘅老字號黎講，感覺有點名過其實。…查看更多

同朋友gathering，門口見到有人等緊位，好彩預早book左位，去到唔使等位~入到去環境都幾闊落舒服，幾有情調，唔會好嘈吵，適合傾計!頭盤叫左招牌脆炸單骨雞翼，細細隻食起上黎好方便，唔會好"呢hea"，雞翼炸得啱啱好，外脆內嫩，好juicy，好好味~~另外仲叫左秘製辣肉醬手包粉卷，生菜、粉卷、辣汁同肉醬分開上，自己動手包，我唔食得辣，冇加辣汁，但肉醬醃得好入味，同生菜粉卷包埋一齊好夾，食到唔停口~主菜叫左香草辣椒炒雞肉碎配白飯，個飯有碗湯，個湯咸左少少，個飯D肉碎有D辣，但撈野埋D飯都接受到，飯上面隻煎蛋略為熟左少少，整體感覺普通。另一碟主菜鮮蝦炒金邊粉，D蝦都幾大隻，好鮮味好爽口，金邊粉炒得啱啱好，唔會太林或太濕，酸酸甜甜好開胃，愈食愈停唔到口!甜品叫左Mango Crepe Cake，賣相好靚，芒果好香甜，唔係好酸果D，千層餅唔會太甜，食完成件都唔覺得膩，我覺得好好味~我同朋友仲叫左芒果芭菲，又係好靚~面果層係椰子雪芭，入面夾住椰子肉，好有驚喜!!中間果層係大大粒芒果肉，好甜好juicy~底層係糯米飯，煙煙un un，好味到炸開!!係我嘅必叫之選~最後飲埋杯藍蘭豆甜菊茶，沖出黎嘅茶藍色好特別!自己加糖，味道似菊花茶，好消滯，最正係可以加茶~成餐食完好滿足~食物整得幾好味~最正係我呢D唔食得辣嘅人唔加辣都覺得好好味!如果一D friend想食辣，一D friend好似我咁唔食得辣都可以一齊黎~…查看更多