MakPatricia的个人专页

有朋自遠方來 大家都係試新野之人 我地揀左呢間遠離鬧市既餐廳 貪泊車方便同無咁多人可以hea耐d原本諗住order生蠔 但係腸胃唔太舒服 可惜 可惜我地order左兩個主食 同saeser salad order完食物 店家每一枱都會奉上精美餐前小食 麵包條熱辣辣 脆卜卜 啱啱出焗既感覺 點落去偏鹹既中湯度 令兩者balance餐湯係最愛既洋蔥湯一上枱就聞到陣陣洋蔥香 好大期望飲落去口感好rich 但係味道偏淡 加埋black peppers 剛剛好我諗我愛上呢個plPalma hams Caesar salad 新鮮既蔬菜 脆卜卜既麵包粒 再加上鹹鹹地既Palma ham 令我差不多清哂成份沙律蟹肉意粉都好好味 好濃郁既source 好充足既蟹肉 但係食到有d油膩小食炸雞雖然份量不多 辣辣地令人不自覺地叫多杯酒可惜我地巳經食唔哂 呢個set dinner對女仔黎講真係有d多甜品係雪糕 上場時好有派頭 配海鹽&甜酒略甜今晚我地真係捧住滿足既肚皮走 下次要試oyster…查看更多

元朗有數之不盡 多如繁星既日本野 我地幫襯最多既絕對係呢間小小既居酒屋酒田室內有十幾個位 外面仲有三兩張室外枱放工過到去大概7點半 入到去仲有最後一張雙人枱 正今日我地叫左$218既壽司盛內容都幾豐富: 全部x2(三文魚腩,油甘魚腩,帆立貝,海膽,蟹子,劍魚腩,牡丹蝦,厚燒玉子)大部份壽司都係水準之上值得改善既係包住軍艦既紫菜好"林"，要用小小力水先咬得開另外我地仲叫左南蠻雞上枱既賣相值得一讚，影相一流，熱辣辣，source唔係hea你既沙律醬而係自己調出黎 酸meimei 好開胃可惜 雞肉雖然嫩滑但欠缺雞味我地各自食兩件就停哂手光顧左酒田咁多次 發現佢地上菜嘅速度時快時慢好似今晚 只係叫左兩道餸 竟然食左個半鐘返到屋企已經10點…查看更多

可能大家都會試過 係好肚餓個一刻 有一種好想食既食物 我地同鹵家既相遇 就係咁樣開始是日突然好想食叉燒飯 飲食男女推介佢 ---鹵家行到過去 大家都喔左一聲 呢間餐廳開左一段時間 每個星期都經過好幾次 但係完全無意欲入去試 因為1.本小姐唔好鹵味2.外面坐無冷氣為左食叉燒 今次我決定坐低鹵家店面唔大 里面大概容納到10個人 夜晚大家都坐哂外面 帶狗狗人士應該幾中意外面放左部戶外冷氣 但係對於30度既夏天黎講 只可以話有好過無於是我心諗 你最好好食今日我地叫左3個餐 可以選擇跟湯或飲品我地全部都揀左老火湯今日既湯品係霸王花豬骨湯 味道略淡 飲得出無乜落味精 加分主角上場 叉燒既肥瘦適中 燒得剛剛好 有小小燒焦嘅感覺 有別於傳統既蜜汁叉燒呢度當然要用鹵水啦 好味 大家一致應同呢個係人生top3最好食既叉燒再黎蒜汁豬頸肉蒜汁好野味濃郁 加埋爽口豬頸肉 令人不自覺扒多兩啖飯 呢個雞 好勉強俾到雞肉太林 鹽味唔出 就連薑蓉醬都冇乜味總結叉燒真係好出色 我已經推介好幾個朋友黎試雖然坐戶外有d熱 但係望來往既行人 又別有一番風味…查看更多

每次經過4月17都會諗 4月17日對呢間餐廳有咩意義 諗下諗下 好多天馬行空浪漫情節湧現7月既炎夏 我地走入4月17既春天呢間小店deco以冷色調為主 open kitchen可以清楚見到大廚既工作 枱數不多 大概最多可以容納二十幾人首先上場既係跟餐既雜菜湯，有d油我叫左7成熟既西冷扒配意粉呢個係全餐廳lunch set最貴既餐 但係牛扒煎得太韌 淨係切呢個動作已經成身汗成塊扒大概7成係呢個狀態 只有3成係可以一切就斷撇除太韌呢個問題 成塊牛扒嘅味道其實唔錯我會俾先生叫左青魚，一直以黎我都覺得青魚要食日式，西式通常都煎太乾但係今次又無呢個問題 配合creamy既牛油source 呢個青魚十分之醒胃 …查看更多

聞說遲d會有一條連屯門-機場既公路 雖然公路未起好 屯門南呢d鬼地方樓價已經破左幾次頂今日我地勇闖屯門視察今次食呢間小店係商場一樓 行出幾步就係海邊 可惜夜晚超級大雨 我地打消左坐outdoor既念頭生熟牛肉河牛肉份量足夠 大大碗 但總括而言只屬作品腸仔雞翼飯對於呢類碟頭飯 唔會抱太大期望 但係試完真係有驚喜 有別於普通既燒汁 蒜汁 呢個source多左一份越南香料味 令人耳目一新我會俾人情味位 話說小店計埋老闆有3個人:老闆/大廚，老闆娘同一個老到可以做我亞婆既亞姐人多既時候大家都忙到踢哂腳 好多野出唔切有幫襯左好多年既食客亞姐幫手傳菜 而街坊食客亦都好體量只有小店先會出現既人情味 串，如果呢個情節出現係外面既餐廳 只會媽聲不斷總結雖然不是食過最好味既越南野，呢類型既小店好值得大家多多光顧將來公路起好 唔知大業主又要加幾多倍租呢…查看更多

作為一個沙嗲牛麵迷 四出搜尋好味嘅沙嗲牛肉麵係每個星期六日嘅工作自從遇到永順我哋嘅搜尋工作停頓落嚟 因為呢度嘅沙嗲牛麵真係好好味 星期六朝頭早如常去永順排沙爹牛麵 lunch前通常排五分鐘就可以入到去 永順係一間好有歷史嘅餐廳 餐廳嘅佈置枱櫈都好舊 好有人情味 除左例牌嗌沙嗲牛麵之外 今次我地仲試左鮮牛肉麵兩個麵都轉咗蟹王麵底 蟹王麵底煙煙韌韌 比傳統公仔麵更襯得起沙嗲牛鮮牛麵牛肉好嫩滑 沙爹醬非常濃郁 牛肉嘅質感就冇鮮牛麵咁突出同場加映 永順招牌炸豬扒 因為不嬲都唔太好煎炸嘢覺得豬扒只係屬於不過不失類別作為一間茶餐廳永順嘅沙爹牛麵其實一啲都唔平因為麵同飲品係分開嗌 兩件事加埋要50幾蚊一個餐好食嘅沙嗲牛麵一麵難求 所以我哋都會每個禮拜幫襯…查看更多

住元朗嘅朋友同我講 真正元朗人唔會幫襯b仔涼粉喺未食過大飯糖之前我唔明呢句嘢箇中含義試過之後你就唔會再去b仔啦大飯糖喺洪水橋對於我哋呢啲冇揸車嘅人其實係有啲隔涉又要轉西鐵又要轉輕鐵不過一切都係值得嘅黑馬王子涼粉清甜 曲奇雪糕味道好濃厚 紅豆又甜又林 成件事加埋 三個字好 好 食 楊枝甘露配3.6雪糕楊枝甘露好食不在話下唔會太甜唔會太酸3.6雪糕有濃厚嘅牛奶味 仲好味過出邊食到嘅乜乜北海道軟雪糕 值得加分同場加映 燒賣 魚蛋 咖哩拼盤三樣都好出色 咖哩拼盤仲有豬皮蘿蔔炆得好林好入味 百五蚊食到咁高質素既糖水 再遠都值得…查看更多

今日放工突然好想食日本嘢 係元朗行下行下 就入咗去啦 見佢平時都算坐無虛席應該都唔會伏掛首先出場既係壽司盛 size偏大味道就中規中矩啦 值得一讚嘅係壽司飯唔算好大粒可以過口癮 未至於會返check之後上場既係牛肉豆腐鍋同明太子雞翼 因為太肚餓唔記得咗影相 味道可以接受啦牛肉豆腐鍋略嫌有少少油膩最有驚喜係雞泡魚乾 其實我好怕雞泡魚乾燒到柴皮咁 咬到牙教軟都未咬得爛但係呢個雞泡魚乾燒到煙煙韌韌非常之好食令人忍唔住想嗌杯啤酒送一送佢總括而言呢間餐廳嘅壽司只算3粒星貨仔 熱食為佢地加分唔少 為咗雞泡魚乾我甚至會返check…查看更多

今日誤打誤撞去左呢間新開既台灣餐廳午餐。喺葵涌石屎森林裏面 竟然發掘到一個令人心曠神怡嘅森林有一種喺石屎森林執到寶嘅感覺去地叫左兩款午餐我既係西門町雞扒小腸飯雞既肥瘦恰到好處 唔會太肥亦唔會太鞋上菜嘅溫度剛剛好 令人可以馬上品嘗到啱啱 台灣腸永遠係我嘅最愛 一啖咬落去真係有一種去咗西門町嘅感覺飲品珍珠奶茶就中規中矩啦朋友叫左鹽酥雞滷肉飯佢話滷肉飯唔黐牙 鹽酥雞炸得好好味我地12點05分到 啱啱好唔使等位之後就座無虛席啦總括嚟講大公雞係一個唔錯食lunch嘅好地方 葵涌有可以考慮下…查看更多

正確嚟講係天水圍b出口最快 !榮少喇沙係一間隱藏喺天水圍街市嘅小食店 今日我哋叫咗兩款喇沙 :魚片魚蛋喇沙喇沙味好濃郁 魚片魚蛋彈牙 分量好足 個蛋仲有少少流心非常好味魚蛋墨丸喇沙 墨魚丸新鮮爽口 油面有油麵味 銅湯底配合簡直一絕 少甜檸檬薏米水食完熱辣辣嘅喇沙再配檸檬薏米水 簡直令成個晚餐昇華 …查看更多

永旺係我搬入元朗呢一年以來食得最多嘅茶餐廳 每個禮拜嘅例牌係沙爹牛麵 如果11點前到仲可以食到沙爹牛麵早餐今日嗌嘅係午餐 洋蔥豬扒芝士腸飯 38蚊大大碟 汁夠濃 豬扒夠鬆軟 簡直無得輸…查看更多

今日帶兩位澳門朋友係中環行下，觀光下，平時好小黎中環，到晚飯時段，都唔知有咩餐廳好食，就搵左呢間餐廳，因為有85折，同見到食評都話ok。黎到餐廳地方唔大，裝修普通，服務態度好。呢間餐廳d價錢中等，唔算貴，侍應介紹左個廚師推薦Scampi 帶子Tartar，Scampi 唔係周圍都有得食，所以就叫左一客黎試下，之後仲有蟹餅，鵝肝，意粉，羊架同牛排。Scampi 帶子他他，好鮮甜， 帶子落左檸檬汁同唔知咩汁，酸酸地好清新，仲有牛油果係中間，Scampi都算大隻，好甜，好好味，由於3個人份真係唔夠食，就叫多左一客。我地叫左一客蟹餅，得兩粒，廚師就幫我地分做4粒，幾細心。蟹餅好多蟹肉，蟹味濃郁，不用點醬都好食，初時以為係4粒椰菜花。鵝肝，2百多元有兩大塊，外脆，內軟，入口即溶。鵝肝味好香。個班cake就正正常常。不咩特別。沙甸魚扁意粉，由於相機食先既我，去左洗手間，返黎見朋友已經食到停唔到口，沙甸魚蓉整既意粉，每條意粉都有沙甸魚蓉，味道非常好，而且材料好多，連蒜片都好食，好爽，無咩蒜味。食完無口嗅。哈哈牛排係頂級個隻，比安格斯再高級d，牛味非常濃郁，肉汁豐富。好味羊架係BB羊，無蘇味，好嫩，2支骨但好大嚿，我比較喜歡食生小小。重點，兩個肉類既汁，真係食得岀自己整，好好味，好有心機，因為整汁用好多時間。個意大利飯飯餅，外面脆，黑松露味，好香口，食落好似薯餅，好好味！…查看更多