吃貨麥麥食的个人专页

一直都好想試吓「兩姊妹涼皮」，成日聽人講佢哋嘅涼皮幾咁好食，仲連續幾年攞到米芝蓮必比登推介。今次經過旺角，終於的起心肝去試吓呢間人氣店！入到舖頭，雖然座位唔多，但乾淨企理。我即刻點咗幾款招牌菜，包括招牌兩姊妹涼皮配牛肚、重慶小面配雪花雞絲同雞蛋乾、小食椒麻雞同皮蛋，再加杯Detox新鮮青瓜薄荷汁。招牌涼皮配牛肚 第一啖食佢哋嘅招牌涼皮，真係有驚喜！涼皮出餐時冰涼透心，用木薯粉製成，口感煙韌又滑溜，同一般食開嘅涼皮真係有啲唔同。我加咗牛肚，牛肚份量好足 大大舊 滷得入味又有咬口。醬汁揀咗BB辣，麻辣酸爽得嚟好開胃，加上大量青瓜絲、脆脆豌豆同花生碎，口感豐富又清新。跟住試重慶小面，麵條有嚼勁，湯底香濃。加咗雪花雞絲同雞蛋乾，原來雪花雞絲係拆絲既雞肉 而雞蛋乾則帶有淡淡蛋香同獨特韌感 兩者配合得好好，整體幾惹味小食叫左椒麻雞雞肉嫩滑入味，帶有香麻辣油同麻香，辣辣地好開胃。而皮蛋香辣滑嫩，配上椒麻醬汁香辣好好送麵食完辣嘢，飲啖Detox新鮮青瓜薄荷汁就最正！清新青瓜與薄荷完美結合，一口飲落去去，瞬間清爽又解渴，完美中和辣味。今次終於試到兩姊妹涼皮，果然名不虛傳！食物質素高，尤其係佢哋嘅涼皮同自家製辣油，真係靈魂所在。價格親民，招牌涼皮$34起，絕對係物有所值。如果你都未試過，不妨去試吓，相信你都會同我一樣成為回頭客！…查看更多

前排去左旺角希爾頓花園酒店入面嘅「鷹巢」中菜廳開餐 完全係估唔到咁有驚喜一入到嚟就覺得好恬靜舒適 同出面旺角鬧市係兩個世界 位與位之間夠闊落 坐得好舒服 傾計都私隱度十足 服務又好 一家人嚟食飯成個體驗都好好秋高氣爽 又係食蟹粉既時候 今次我哋叫咗啲時令嘅菜式《八寶芝士焗釀元貝》個元貝大隻好厚肉 面頭層芝士焗到金黃色 一拉開見到入面啲料多到瀉！八寶餡好豐富 芝士味香濃但又唔會搶咗元貝嘅鮮味 太遠正！《蟹肉燒釀滑豆腐》呢個真係考功夫 外面煎到微微香口 入面啲豆腐滑捋捋 加上滿滿既鮮甜蟹肉 清淡得嚟又好味 老人家同細路仔實鍾意《蟹粉扒豆苗》金黃色嘅蟹粉多到呢 每一啖豆苗都掛滿濃郁蟹粉 仲食到一絲絲蟹肉 甘香到不得了！個豆苗又嫩綠冇渣 完美配搭！《原個菠蘿黑豚咕嚕肉》個賣相已經贏晒！原個菠蘿上枱 咕嚕肉用咗黑豚肉 食落特別鬆化 個外皮脆卜卜 個酸甜汁調得啱啱好 仲有陣陣菠蘿果香 唔會得個酸字 好開胃！《生炒臘味糯米飯》呢碟飯夠鑊氣 ！糯米飯炒到粒粒分明 乾身唔油膩 臘味嘅油香同鹹香滲透晒入每粒飯度 食到尾都唔會覺得膩 係完美嘅句號！整體嚟講 呢餐真係冇揀錯地方 由頭好食到尾 服務又貼心 如果想喺旺角搵個地方靜靜地、舒舒服服食餐高質粵菜 鷹巢絕對係一個好選擇！👍…查看更多

每次經過旺角東站 都見到一間好吸睛既麵包店FRESH FRESH 無論係店舖裝潢定產品都好有特式 今次再經過就決定要買D返去試 原來佢地有好多唔同種類產品 麵包 湯種吐司 蛋糕 扁牛角可頌 糯米糍 自家制奶茶咖啡 充滿香港特式既蛋卷等手信產品 真係應有盡有 當然仲有FRESH FRESH主打既麻薯類產品 有麻糬波波 麻糬曲奇 麻糬QQ球 屋企人都係煙韌控 即時去掃左轉貨返屋企一齊分享先我今次買左糯米糍 扁牛角可頌 麻糬波波 麻糬曲奇 麻糬QQ球 小蛋糕 阿華田蛋卷 仲有姐姐鍾意食既咸脆花生 佢地既糯米糍特別推介榛子脆脆味 外面軟糯 內裡有香濃榛子味加埋脆脆 口感好正 第一次試扁牛角可頌 朱古力同士多啤梨味都好食 士多啤梨味帶點酸味好清爽 蛋糕仔係熊仔盒造型好可愛 細細粒做茶點就最好不過 …查看更多

最近終於同老公去試左人氣高企既小店 黃埔小廚果然係如大家所講 海鮮超新鮮 食物質素高 份量多 難怪平日夜晚都咁多人幫襯 我地經常眼闊肚窄 但今次叫左咁多野都清哂 好誇張呀豉椒炒蟶子大大隻蟶子 肉質肥美、爽口、鮮甜 食落好新鮮 我至愛椒鹽鮮魷 食落脆卜卜 炸漿口感酥脆唔厚 入口又唔油膩 鮮魷肉質鮮嫩 一d都唔韌 加埋喼汁食 好惹味芝麻雞懷舊菜 依家好少地方有得食 雞皮連芝麻炸到勁香勁脆 入面雞肉又保持到鮮嫩多汁 配埋埋麻醬 充滿芝麻香 另外我試過點雞醬都一樣咁好味 脆雞配上酸酸甜甜都好夾黑椒牛仔骨煲鐵板上 一上檯 黑椒香味四散 好有鑊氣 我最鐘意係食d配菜 配菜先係最正食小菜又點少得啤酒🍻黃埔小廚有特式手工啤 老公試左2枝傾城手工啤，ABV 7.2%，麥芽、小麥味道比較濃厚 帶有百香果味 入口甘醇神父衣領ABV 8% 麥味重 有著比利時酵母帶來既香料同水果酯味 口感濃郁但不膩走個時見到隔離檯訂左菲律賓醃仔蟹 大大隻 爆哂膏勁靚 呢個要提早預訂 森爸話下次要黎試…查看更多

雪山冰室個餐牌有好多選擇越南粉麵 撈檬 咖喱 小菜 焗飯等等基本上都有而且價錢合理 味道好今次叫左個干鍋 有好多配菜可以揀我地揀左鮮雞件 海蝦 窩筍 配 寬粉可以加錢轉餐要埋白飯 但因為太飽 所以直接叫咗寬粉冇要白飯 中辣嘅干鍋都幾惹味 味道好濃郁 啲配菜都好食 中辣又未至於好辣 啱啱好另外仲叫咗個海鮮炒油麵 餐牌冇嘅 但係餐廳好好 問佢可唔可以轉油麵 因為小朋友超想食油麵 都專登整俾我地 個炒油麵好足料 海鮮有蟹柳魚塊魷魚青口蝦等等 好有鑊氣幾好味 以冰室嚟講呢個價錢呢個質素好OK 可以encore …查看更多

有時放左工 同老公兩個撐枱腳我地都會去何文田愛民邨既領鮮廚房食小菜食個2人餐 有雞 有魚/蝦 再加1個小菜份量夠之餘亦都好夠鑊氣大排檔風味 但有冷氣 坐得舒適今次都係叫左2人餐 揀左霸王雞 豉汁蒸倉魚 蝦醬通菜炒牛肉 最後因為無哂通菜 變左芥蘭炒牛肉 但都好好味個霸王雞有半隻 夠滑唔鞋口 豉汁蒸魚都大條 幾抵食 唔腥好新鮮 最後個芥蘭炒牛肉 好有獲氣 好惹味 三個餸 兩碗白飯再加兩個汽水 好夠食$288 有雞有魚有小菜 價錢合理 佢地仲有雞煲烤魚 同埋我見好多人食海鮮 下次多人一齊食可以再試個樣好靚 應該都好正…查看更多

今日lunch去左企業廣場嘅Coti the Bristro3個人叫左3個set一齊shareLunch set 有包湯/沙律 + 飲品我地要左湯 湯係羅宋湯味道都夠濃幾好飲 另外要咗杯少甜走冰嘅蜜桃茶對於唔鍾意飲甜嘢嘅我覺得好好 真係唔甜講返野食辣茄汁蟹肉扁麵呢個辣辣地幾開胃 同埋冇咁膩 如果蟹肉多少少就好啦芝士蘑菇燉意大利飯呢個芝士有dd帶酸 味道都唔錯 一個人食哂就太 heavy share食岩岩好鮮茄牛肋腩珍珠飯呢個鮮茄味唔錯 牛肋腩都夠腍 不過不失食完先見到周圍嘅人食嗌滑蛋雞扒飯 個樣好靚下次可以試下…查看更多

九龍灣二期Foodcourt食過幾次之前通常都係食粉麵為主 包括酸菜魚麵 冬蔭公豬扒檬同台灣麵今次就同同事一齊想試兩餸飯 每人叫左3個餸 $49之後再一齊shared餸食叫左鎮江骨、蕃茄炒蛋、節瓜甘筍肉碎、蠔油冬菇豆卜、菜莆蒸肉餅、椒鹽洋蔥豬扒鎮江骨 - 完全唔推介 無酸甜味 完全唔似鎮江骨 好失望蕃茄炒蛋 - 個芡汁勁厚 無蕃茄既酸甜味 好淡口 蛋亦好老節瓜甘筍肉碎 - 呢個反而出奇地惹味 好餸飯蠔油冬菇豆卜-呢個都入味好食既菜莆蒸肉餅- 完全唔掂 個肉淋到無牙都食到 無口感 有啲奇怪 仲要無咩味椒鹽洋蔥豬扒 - 呢個係算最好食既一個餸 夠惹味6個餸入面得椒鹽洋蔥豬扒 蠔油冬菇豆卜 同節甘筍呢3個餸好食 其他個d真係不了 可以唔使試 不過勝在個間門面比較乾淨衛生…查看更多

今日同同事慶祝生日 去左德福既茶木食Birthday Lunch我最鐘意食佢既三文魚茶漬飯 呢個茶漬飯真係超好味 三文魚厚身 煎得甘香 有鰹魚片 炒米櫻花蝦乾 成個餐感覺無咁油膩 我好鐘意叫呢個餐另外叫左微辣豬軟骨手拌麵 呢隻麵質彈牙好食 味道適中 仲有半粒糖心蛋 唔錯之前佢地既午餐set有墨魚鮮蝦藜麥飯同手作麵係包野飲 見衣家set lunch無左 只有散叫 覺得性價比唔高 所以無叫 但其實呢2個都好好食最後 我地叫左個士多啤梨磚做生日甜品 但我覺得無之前咁好食 個飽唔太脆 反而之前食既可頌窩夫仲好食…查看更多

現代潮味係我係九龍灣返工既飯堂主打馬來西亞風味 有飯 有喇沙 有粉麵 有沙律 有素食 同同事食飯總會揀到岩野食 好方便所以我地已經食過好多次 我最鍾意食胡椒豬肚排骨米線 大大舊排骨配有鮮辣椒粒嘅豉油 好正湯底亦充滿胡椒味 米線硬度適中 推介同事今次食左雞扒天婦羅飯 個雞扒煎得幾香 有d椰菜同2件天婦羅蝦 佢話味道都唔錯另外 佢個豬扒酸辣米線都好好味 我間唔時都會叫 仲有喇沙同肉骨茶又係好味 份量足 價錢又合理 所以一到lunch時間都幾多 每個餐仲會送薏米水 喺附近返工嘅可以一試…查看更多

係油麻地附近做完野口痕 又未到食飯時間就諗起通達過下口癮我鍾意食魚肉翅 雖然好多人都話啲魚肉係麵粉整魚肉含量比較少 但我就係好鍾意食呢種有啲咬口嘅質感 碗仔翅 有肉絲同木耳絲仲有d仿翅 加多啲醋同胡椒粉真係超好食 因為今日得一個人食唔到小食拼盤 次次同朋友嚟都係食小食拼盤 有齊腸粉魚蛋同燒賣好正 今次自己食掙扎咗好耐要魚蛋定係要腸粉 最後我都係揀咗腸粉 因為好想食啲混醬 通達嘅腸粉係好滑 值得一試其實佢嘅辣魚蛋係好好食 但因為真係唔肚餓所以食唔到咁多 有人share的話 小食拼盤係一個好唔錯嘅選擇…查看更多

今日公司lunch 慶功宴揀左沙田既Alva自助餐 專登由九龍灣call under過後 真係好有誠意午餐黎講 有長腳蟹有蝦有翡翠螺有青口 冷盤都算多另外刺身亦都好新鮮 特別係阿根廷大蝦 encore咗好多次 日式熟食款式都唔錯 串燒燒得幾靚 有大蔥雞翼豬軟骨等等 天婦羅炸物亦都有好多唔同款 包括我鐘意食嘅芝士年糕 印度美食我食咗咖喱雞配薄餅 另外食咗一碗喇沙 喇沙個樣好香濃 食落味道我覺得還好 食落味道我覺得還好 未至於好驚艷 其他熟食包括燒味 粉麵同少量嘅中菜 甜品區亦都有唔少選擇 雪糕有哈根達斯 配埋pancake好正 總括嚟講 不過不失 性價比未算好高 …查看更多

朋友介紹話樂富呢間鱻鮮城食海鮮好正就帶左屋企人去試 去到一睇價錢表 d海鮮都幾唔平 最後決定叫左個圍餐再另加個個都講到必食推介既椒鹽鮑魚同小食燒鵝上枱熱辣辣 皮脆肉滑 好得卡邦尼龍蝦伊麵 我自己個人就比較鍾意食芝士焗龍蝦多啲 卡邦尼個感覺好似相對冇咁夾香煎墨魚餅 呢個好好食好彈牙又香口濃湯雞包翅 呢個係加錢upgrade 好值得食 個湯勁濃 亦都有好多翅 好好飲椒鹽鮑魚 嚟到先知點解個個都咁推介 個鮑魚清洗得好乾淨 一啲都唔韌 炸過都咁軟滑香口 真係好好食 好值得叫另外都係菜 蒸魚同埋炒小菜 味道都好好 甜品係馬拉糕好鬆軟好味 我諗呢度飲茶嘅點心應該都好唔錯 …查看更多

Weekend帶小朋友同狗仔去梅窩玩水由朝玩到晚 最後決定係梅窩食埋飯先搭船出中環諗住熟食中心近碼頭 方便趕船所以去到熟食中心是但揀咗一間多人食 見d野食個樣都唔錯就坐低 有個大海景 好舒服我地3大1小叫左5樣野 全部都好有鑊氣 色香味俱全 正雜薈炒麵第一次叫 其實都唔知雜薈會有啲咩 感覺好似咩都有啲都幾好 有菜、鮮魷、肉片、叉燒、魷魚、豬潤等等 都幾豐富 個面底又脆脆哋小朋友鍾意食京都豬扒個汁較得好好 酸酸甜甜好開胃 而且豬扒唔靭好味紅燒乳鴿上枱熱辣辣外皮脆入面仲有肉汁 咖喱牛筋腩煲呢個好惹味 送飯一流 牛筋腩都唔少 因為呢個餸食咗好多飯椒鹽鮮魷標準大排檔水準 正食飽飽就搭船返中環 好滿意今次梅窩之旅 下次可以再encore…查看更多

好耐無食陳根記 之前食已經係禾輋個陣今日去左馬鞍山探朋友 之後晚飯想食大排檔Search OP先知原來禾輋已經無左 搬左去石門揸車去到6:00鬆d 最後一張唔使等位 即刻入得全場爆滿Wasabi手撕雞 每次黎都必食 出面好少有 天氣熱好岩食 見幾乎附近台台都有叫紅燒乳鴿 上枱熱辣辣阿仔食到舔舔脷椒鹽鮮魷大排檔水準 好食wasabi沙拉骨呢個係我至愛 Wasabi溝埋沙律醬好好食 好特別薑蔥雞煲 份量比想像中少 但味道係ok南乳雜菜煲 我無特別好鐘意南乳 但朋友鐘意 不過不失豉油王炒麵呢個好食 有鑊氣 成碟清光光最後阿仔仲食左香蕉船真係好滿足好飽👍🏻…查看更多