gary007的个人专页

假期七點幾打電話問有冇位，估唔到有位就同朋友過去。已經留咗張枱係埋邊。地方細細，但係都ok，但唔係話好舒適嘅，始終係細間嘅居酒屋格局。食物方面總體嚟講係中上，最掂係個牛舌，每人都叫多次。我哋叫咗乜？牛舌之外，有白鱔，豚肉露筍，翠玉瓜，雞髀菇，雞翼，明太子雞翼，蜆，雜菜，雞泡魚乾，雞蓉串，銀雪魚⋯⋯ 唔記得啦，無影相😅。味道方面，真係唔錯，主要係食材好。當然亦有啲唔得，好似個蜆，有啲沙。個銀雪魚要百五蚊，太細塊同有啲散。但味道都係得嘅。服務方面就要扣分，雖然好好人幫手留坐。但係啲妹妹仔做嘢唔掂。係後面唔出聲，放碟嘢埋嚟，用隻碟推我手，點解唔開聲叫聲小心，我咪知道要讓位俾你放囉。另外唔知點解，炒雜菜會等到所有串燒食曬，追兩次至出到。…查看更多

今晚唔煮飯，出去石門食，選咗呢間，點知伏伏伏。去到攞枱，叫我哋去另外一邊，咁照去啦，係一個細廳，ok嘅，不過地毯都無嘅。疫情下無地毯可以仲好。但係啲枱就偏密。講返食物，我哋見佢哋好似推片皮鴨，就叫咗隻，另外仲有炒芥蘭，薑蔥蠔，上湯虎蝦伊麵底。蠔俾炸粉包到死實實，好厚，扮大隻。蒜蓉炒芥蘭無乜味，我當佢無落味精。重點嚟，虎蝦唔大，計埋頭，約一隻手掌左右，無乜味，上湯？唔係囉！蝦痴殼，仲唔爽唔彈，最慘係無挑蝦腸，黑色一條段開一段段都唔知點好。啲伊面一樣無乜味要叫攞辣椒油。再講埋個片鴨，一隻鴨片出嚟份量咁少，但又鬼咁大塊一件:(。一啲就大嚿肉，好似燒鴨斬件咁，一啲就得塊皮連住啲肥膏:(。跟兩籠皮，但又無蓋，係咁吹冷氣。鴨片有蝦片伴碟，但係奀嘅:(，唔知炸起咗幾耐。有啲位油淋淋，淋嘅。好，講服務，唔係話佢唔好，但係唔得囉。無水睇唔到，要叫。水唔夠熱。可能唔係主廳，攞碟辣椒油要好耐。埋單要好耐。有時叫侍應，佢應一應你，但又去咗第二枱。佢個廳本身好多落地鏡，但係就用啲白色膠貼貼咗一大半，相信係以防撞爆，搞到好核突。三個人食五六百蚊，唔係貴，但唔合格囉！…查看更多

之前有事又去河畔，入咗去德美。去嘅時候比較早，剛過十二點，唔係好多人，所以無訂位都有位坐。我地坐咗係大門口的屏風後面。 一坐低就放咗碗沙律同茶，沙律味道都Ok。之後落order, 麵豉湯同蒸旦好快就上，旦Ok，湯一般。個牛肉得d洋蔥煮埋，味道一般，比吉野家失色。咖哩吉列豬扒⋯⋯ 豬扒好多筋，d咖哩入面有嚿不明物體:(。 我地食到一半，熱到出晒汗，佢地至開番個冷氣:( 。 仲有個餐未到喎⋯⋯ 追咗回覆話條魚要燒⋯⋯ 咁又等等等，由order到上枱要大半個鐘。中間仲有插曲，就係廚房入面炒大鑊，聽到鬧交掟爛玻璃。全店d客都靜晒。之後店員不停講唔好意思。跟住就出我地最後個餐。好啦講番d食物，呢塊豬好d，無咁多筋。但條魚呢就失敗咗，劏的時候應該割穿咗個膽，搞到d魚肉有苦味。最後未食完就上三粒雪糕糯米滋，仲想收走d食物😔。 其實如果你係一齊上菜，就唔使咁去趕客。咋咋林食咗就走，唔好咗其他人。最後想提提間鋪，個屏風好多麈。…查看更多

今日星期四，去開港島，原本去食泰國嘢，後來亞媽話不如去試下呢間，咁就上咗去。平日大約六點左右上到去，無訂枱可以wall in. 先頭部隊前菜，包括六個月的黑毛豬火腿配麵包、兩款莎律、仲有兩款湯。即係蘑菇湯同龍蝦湯，兩款都好濃，而個龍蝦湯仲有酒香添！主菜有香煎比目魚丶五成同七成熟的羊扒同安格斯牛＋鵝肝。而我覺得成晚最最最正的係甜品，有柚子蕉糖蛋，酸酸甜甜，好得！雲尼拿蘋果批，佢批係超薄身，有d似餅乾，配個雪糕又係一絕。個布丁平平無奇的賣相，但食落口個感覺又出奇咁得。三樣都非常出色。…查看更多

沙田有幾多選擇，都係嗰幾間。呢編食評主要是呢一次的體驗。幾個星期前去食晚飯，坐得舒舒服服，食物又唔錯:)。所以琴晚又約咗親戚去試佢個優惠。上到去原來有幾家人擺酒，要由橫門入去，今次座位空間細小咗。無法啦。點餐叫咗上次個套餐(六人餐)加個孖寶(龍蝦伊麵+雞一隻)。無耐樓面返轉頭話兩個優惠只可以二選一。最後改咗要另一個六人龍蝦套餐加兩個餸菜。(我地八個人）第一道菜上枱，我地就叫可唔可以上咗個荷葉飯先，唔想叫白飯食完又食個荷葉飯⋯⋯ 龍蝦伊麵上枱，咪食住先，個上湯好清，應該無加味精，無雞無火腿亦無鹽去煮出嚟的滾水燙伊麵，重點係碎上。:(個燕窩羮都唔失色，夠白，一樣都係無乜調味。好過個伊麵的。其他雞呀炸蟹鉗⋯⋯都算可以，不過不失。大大話話都食咗七道餸菜⋯⋯ 個荷葉飯呢？ 追佢就攞出嚟，可惜係凍咗嘅。要番叮。好喇，終於有得食飯。點知就係你，推動我寫呢編食評。有人擺飲宴要坐板間房，訂枱你唔提，無所謂。兩個優惠，唔可以同時享用，亦明白。樓面去晒做飲宴，忙，叫咗汽水無咗回事，個飯無人手攞出嚟放到凍咗，我都明。但一間收$24罐汽水，兩碟前菜百幾蚊的酒樓，點解出品咁低裝？米好貴咩？碟荷葉飯要用d荷葉放係碟中間，頂到個飯無咗一大半，可以令個飯香d？…查看更多

今日有事入大埔，咁就去試下呢間齋鋪。入去環境平民化，張張枱都有人，咁我就背大門坐係佢張大枱。大枱有圓櫈同有椅櫈，我就坐張有椅櫈，點知收銀亞哥就唔高興，要我坐過d。一，我無阻到人出入。二，好聲好氣d或者加句唔該。我都會感覺似番個客。OK，坐好無人理，自己叫亞姐落單。叫咗個怡香茄子飯。無耐d碟齋就出嚟。但明顯係裝出嚟，d餸菜係煮定加熱。仲要係唔夠熱。味道就一般，入面茄子放面，生菜做底，加上有雜豆小許。另外仲畀我揾到半粒草菇同一又三分一條麵根。唔係難食嘅！不過⋯⋯ 其間有枱客咳咗幾下，我係客都未覺得有問題，但個亞哥又怨起上嚟自己口噏噏。講真人地咳兩下啫，唔使俾面色人睇㗎！$42有湯有飯有碟餸其實唔可以要求d乜。但係大埔，大把餐廳可以選擇，我唔會再去。完。…查看更多

其實係沙田多年，食咗咁多年津津。每次都更失望。今日因為一d事係火炭。就再去睇下有無改善。叫咗雞粥小窩，炒面，大腸，炸豆腐，西蘭花牛肉。雞粥依然無雞味。聽佢講叫細窩話一人有兩碗，點知一人碗半唔夠食。炒面，d燶咗的面碎都上碟，仲要放係面。大腸，炸到乾晒的又有，有d成塊肥糕又有。炸豆腐不過不失，但我覺得大圍油站強記的香d。西蘭花牛肉，d牛肉好難搵到間比佢做得更差的，又鞋又咸。三個人食，三百五。仲衰過茶餐廳。…查看更多

今日下晝兩三點係九龍城行過，見間鋪頭普普通通無乜裝修，啱我。入去見幾個姐姐準備緊，並無其他客。應該係完咗午市。姐姐見我坐低咗就示意我等等。無耐就過來俾個menu同水我。我心中已經有心水，叫咗個鴨肉湯河粉，之後至睇餐牌。我當然有其他嘢想試，不過得自己一個，怕食唔晒，又未試過，唔知得唔得。所以都只係繼續坐，等碗河粉。粉到。賣相可以，落少少辣粉，河底更香濃。河粉係粗身的，夠滑，唔油。鴨肉嫰，皮下少許肥，啱啱好。$33，一碗肉嫰湯濃的鴨河，值！…查看更多

上星期用Coupon買咗個芝士蛋糕，去到見到一盒二盒放晒係枱面無放入雪櫃，，之後佢地攞咗其中一盒有個M字的話係呢盒啦，睇都無得睇。返到屋企打開盒，得個細細的餅。食落麻麻，一d都唔滑唔香。細都係好事。今日攞埋另一個蛋糕（Tiramisu), 一樣係無雪，味道仲難食過之前嗰個，面頭d粉有小小味，個餅一d味都無，好似蛋白架Cream咁，個底就好似濕水麵包咁。原全唔掂。…查看更多