肥嫲的个人专页

星期日晚上同友人在灣仔食完生日飯後，散步行到銅鑼灣呢間分店試吓佢嘅糖水，去到門口，發現相比對面馬路嘅聰嫂，佢嘅優點當然係唔洗排隊，一入即有得食。一坐低，舖內的環境有點殘舊，枱凳有點像坡口定生銹似的，但裝修唔係特別差，所以我覺得係保養問題。講到食物質素，我叫咗一客榴連西米露，勁香榴連味、仲有幾多榴連肉添，真材實料，味道不錯👍🏻。友人就叫咗芒果豆腐花，可惜店員話冇晒豆腐花，惟有改芒果西米露，友人表示味道都OK！服務態度方面就認真要改善，店員係班年青人，入到舖冇乜人招呼外，店員話冇豆腐花之後就走咗去前枱傾計，一啲都冇打算follow up🙁，要自己再搵店員補叫其他甜品，跟住食食下又拎走我同友人碗糖水，話要我哋讓坐比另外4位新入嚟嘅客人，唔該都冇句，有冇攪錯？食完即刻走人，咁嘅服務態度，一定冇吓次𡀔，Sorry⋯⋯😑…查看更多

响香港地搵食，又要快，又懶得諗食咩，「茶餐廳」永遠係最好嘅選擇，因為夠大路，咩早餐、午餐、特餐、常餐、下午茶餐，樣樣都幫你set好晒，唔洗諗，仲鬼咁快就有得食。話雖如此，當星期六、日，唔洗趕返工返學嘅時候，我都會花點時間，搵自己真正喜歡食嘅嘢嚟食，講求番d生活質素吖麻。一向無菜不歡的我，食素當然是我的首選，可惜香港區都唔係有咁多素食嘅地方可以選擇，「天之源」係我比較喜歡的一間，勝在位置唔太就腳，所以人流唔多，無需等位，亦唔會有响「茶餐廳」食嘢嘅壓迫感，坐得好舒服。而且人情未十足，店員態度甄勤，很有Heart，價錢又合理，食物質素都不錯。特別是星期一至五供應的晚飯2人套餐，約$130左右，有自選兩餸，一個湯／羹，兩個白飯。自選兩餸方面，都有十幾廿種你選擇，特別推介「咕嚕肉」，同「籠仔排骨」，口感好似肉類，但其實係素豆腐製品，造型似模似樣，色香味美。另外，我亦選擇了竹苼XX羹，好野味，好多料，兩個人各吃了3大碗，仲有專人幫你Refill添，非常體貼。白飯方面都好大碗架，總之成個2人套餐嚟講，如果全女班去食，肯定可以食飽3個人，食完仲有優惠券送添。…查看更多