tangoeyes的个人专页

上星期六夜晚出去買外賣，想食壽司，行到千之壽見佢開始收擋，咁行返去酒泉，路過呢間見到個牌支持香港人咪打算試吓，入到去個店員態度已經麻麻無咩禮貌，叫咗個芒果軟殼蟹卷$59外賣，等左10至15分鐘有得拎，拎上手極輕，睇睇原來得三小粒，味道一般水準⋯⋯呢個價錢咁嘅食物唔值，以後都唔會再幫襯，黃店都咁話，其實佢可以參考下附近嘅壽司店，同樣嘅食物咩質素，我唔知佢其他丼食係點都唔會想試了，大家唔信可以去試吓！…查看更多

中午未決定到邊度食，見間間都好多人，呢間無咩人唔洗等位就入去試下，叫咗個蕃茄牛肉烏冬同埋紅酒繪牛肋條，個紅酒繪牛好入味，個汁撈飯一流，牛肉亦好淋，值得推介另外個蕃茄烏冬湯都好濃好重蕃茄味，牛肉好滑，只係烏冬麵差少少唔夠爽滑，但整體都不錯，睇得出用心煮理價錢唔太貴，如果可以包飲料就更好啦！…查看更多

因為買左團購所以去試下，點知原來同walkin 價錢差不多，店鋪主打磯燒但我覺得麻麻，一黎到送上海鮮一盤，蝦大隻，但有一兩隻D肉梅既，蜆仔有少少沙都係無味，帶子要自己加野先有味，蟹蓋我覺得喊咗D，不值加單，刺身無腥味但又無咩鮮味，壽司返而不錯，紙菜仲脆的！試下D熟食，要讚嘅係佢嘅燒牛排同牛舌，肉質林夠味！天婦羅都炸得唔錯！芝士焗蠔都ok但蠔好細，仲有個辣酒煮花螺都煮得幾入味。整體熟食好D！飲料夠多選擇，甜品都多！…查看更多

見到openrice咁多讚，父親節就去買咗個草莓流心蛋糕試下，食之前要灘10分鐘，之後切開果然係流心，一家人一人一件，流心的有D淡，餠底蛋糕底無咩特別，上面草苺好酸，成個蛋糕講唔上好食，一家5人都只食咗一半...真係唔會買第二次…查看更多