cherry3516的个人专页

呢個深宵食堂餐廳地理位置非常方便。餐廳地理位置的裝潢同擺設都幾特別。我地坐低左無耐就陸陸續續多人黎，都坐到full house。我地嗌左都有成9樣野。煙肉荔枝卷鹽燒雞翼 冰燒菠蘿 汁燒雞髀菇 日式炒野菜 蘆筍炒柱貝 蒜片一口和牛粒 黑松露炒烏冬 豚肉生薑飯 外加杯麒麟啤酒…wahaha打開menu，見到食物種類都真係幾多，沙津，串燒，燒玉子，炸物等等。我哋當晚都好肚餓，於是就叫咗好9樣食物喇!汁燒雞髀菇好好食同好推介大家去嗌來食！燒汁完全無搶左菇嘅香味。鹽燒雞翼，當店員送來時，已經聞到好香，入口時，一口咬feel到肉質鮮嫩多汁，燒得啱啱好，自己好鍾意食雞翼，呢款雞翼絕對係encore之作。冰燒菠蘿都好ok，酸酸甜甜，燒得幾香口，而且鮮甜多汁香暖，真心好好味!煙肉荔枝卷，幾夠創新，用煙肉包著荔枝肉一齊燒，好得意又好食！燒到脆脆地嘅煙肉，同又甜又多汁嘅荔枝一齊估唔到原來咁夾，一鹹一甜味道幾ok。Overall價錢合理，而且味道都ok，呢間餐廳值得一試。…查看更多

我們的至愛，上年都食咗好幾盒 的奶黃月餅。從陌生到認識，從認識到喜歡，估唔到今年仲正，加埋「奶黃月餅之父」葉永華大師傅唯一傳人、米芝蓮二星大師黎永冠師傅加入，不斷鑽研、不斷調整配方，跟葉師傅一同研發最新的流心月餅系列，試過你會發覺濃郁奶油與鹹蛋香氣，極薄的外皮細嫩酥潤，食落香而不膩，一家人一齊過的中秋節，最緊要食得快樂、食得健康！下次真係要試下黎師傅設計的流心貓山王榴槤月餅，知道黎師傅將果肉融入內餡，我估應該都係好美味，真係Can’t wait to try it!…查看更多

新鮮燒賣，豬肉做餡，足料有味；每天即做。而且肥肉唔多，十分健康。豉油鹹甜味道剛剛好，濃稠適中，豉油令燒賣口感層次更提升。辣油亦香，喜歡吃辣的不妨加入他們自家制的辣油。…查看更多

之前看到介紹 Yoho Mall 最近新開的Food Court有梳乎厘，一直都好想試。今天終於都有機會試到了…..唔知係唔係我個round最遲先起模啦，所以第二件出現了些overcook的黑色，賣相自然會按實際見到的出品打咗d折扣啦~至於口味可能因為星期日比較多人，好忙就比較一般啦~不過都唔緊要，期待下次可以食到真正美味的梳乎厘啦~同場仲有食埋雞蛋仔，價格合理，都ok啦!~同對的人在一起，食咩都ok嘅，補救到…..哈哈~…查看更多

雞蛋仔一直係我喜愛的小食之一，可能因為細個個時媽咪偶爾會買雞蛋仔獎勵我同家姐一些做得好的事情。我地以前通常都係會幫襯一檔木頭車，仍然記得當時我們三人，你一口，我一口，大家都在嘻笑中把雞蛋仔極速食哂。當時我們的確可以為了一底雞蛋仔樂上半天，實在是很開心呢。這一份簡簡單單的快樂，一直放在我心中直到今天。我希望孖寶亦可以因為單純嘗到一口美味食物，一啖好咪的飲品這份簡單的幸福而感到快樂。今次我地跟埋第一次掃街的孖寶出動，掃到去荃灣，去掃咗雪糕雞蛋仔，雪糕格仔餅，仲有用鮮果肉即製的飲品，好耐都無試過掃街掃得咁過癮啦…查看更多

好快就到農曆新年啦，新年就係一家人聚首一堂的佳節，我地為食一家當然都要四出睇下新年有咩好食，岩一家人齊齊團員過大年啦~岩岩試咗上海姥姥今年首推「金湯全家福」賀年菜，包括：「姥姥金湯全家福」、「年年有餘老壇酸菜魚」、「大紅大紫小籠包」及「吉祥平安八寶飯」，自己最欣賞就係大紅大紫小籠包 ，紅色的小籠包係以香甜火龍果汁取色作皮，既取其「大紅」之意；入面又有鮮甜帶子做餡，取其「大紫」之思，仲有mix埋XO醬和鮮嫩多汁的豬肉，一啖咬落去，湯汁係口中滲出香甜，真係幾好味架。仲有雪梨紅棗茶都係我喜愛的，豐衣足食過後，來一杯熱熱清潤雪梨紅棗茶作總結，暖在心頭，大家來年順風順水（茶）; 紅運當頭（紅棗）; 大吉大利（雪梨）！最後先同大家拜個早年，祝願大家新一年，合家團圓、齊人聚福、來年發財興旺。如果仲未諗到一家人賀年飯局食咩好，不妨考慮一下上海姥姥的「金湯全家福」呀。…查看更多

如果有留意開我地應該不難發現，其實我地係極小會去playhouse，大型親子餐廳等，基於一些理念，加上我們還是喜歡到大自然去探知一切。但今次同表哥一齊去，所以我選了一家比較另類嘅親子餐廳，可能因為我地一直都特別喜歡木製玩具，今次見到這家餐廳入口的高質製滑梯組合，真係深得我心。可能你會覺得無咩特別，一d都唔似其他playhouse OR大型親子餐廳有波波地等。但係我就係喜歡這份簡單，同埋餐廳木製遊樂區嘅天然感覺。但估唔到看上去無咩玩，原來表哥同孖寶都已經玩得好開心，仲玩到人地落場都唔捨得走呢!佢地嘅午餐set都尚算ok，唔係特別貴，而且價格已經包任食Salad Bar。當然素食嘅朋友午餐時段就可以以HK$98 享用沙律吧同飲品。我同婆婆就order咗2個lunch set，已經包埋任食沙律吧啦~表哥就order咗兒童餐，睇上去真係超豐富呢。兒童餐真係份量十足，有意粉，漢堡包，仲有薯條，飲品等。而100cm以下嘅小朋友，仲可以唔洗點餐，免費任食沙律吧，沙律吧嘅食物種類亦都幾多，有蔬菜、麵包和餐湯等。木製嘅遊樂設施係for身高80-110cm嘅小朋友玩，不過大家都係一樣要留意住小朋友，避免發生意外呀! 而係滑梯組合旁邊有sofa，有圖書區比小朋友坐底睇書，亦可以比媽媽們一路留意住小朋友，一面傾計。我地去當日星期一，亦無預先book 位，餐廳有balloon 送比每一位小朋友，亦有high chair提供比幼童。不過如果weekend去嘅記我要預早打去訂枱呀! 最後提一提提，餐廳around 2:30pm就 last order叫我地埋單，而遊樂區好似around 3pm就清場!影底埋晚餐Menu比大家參考。…查看更多

梵高迷揮手區!中秋節當然要食月餅，不過除了月餅的味道重要之外，包裝都是好重要，尤其是送禮用的月餅，更加重禮外表的吸引性。 亞洲首間獲梵高博物館獨家授權在今個中秋推出「杏福團圓」系列月餅禮盒，無論作收藏之用或饋贈親朋，都不能錯過呀。中秋節與親朋好友相聚一首，嚐一口月餅，呷一杯熱茶絕對係賞心樂事。 Van Gogh SENSES梵高藝術體驗館推出「杏福團圓」系列月餅禮盒，讓品味超「梵」、清新脫俗的您獻給摯親無限祝福。呢款「杏福團圓」奶黃月餅盒靚之餘，味道亦夠新穎，奶黃香味滿溢、蛋黃香濃甘香及酥皮鬆軟可口，層次豐富，一試難忘。大家都一齊向摯愛親朋獻上滿滿心意一起歡度「杏福團圓」的大日子。…查看更多

游水游到累，當然就要去食野補充體力啦，晚餐我地就去酒店嘅中餐廳南坊食，我地點咗幾個小菜，其實款款菜式都超好味，令人唔捨得剩下，到最後甜品時，我地本來都已經超飽想放棄，但甜品的吸引力超強，令我地一陣風咁就消滅晒所有食物。我地點咗其中一個小菜係潮式清湯坑腩，d牛坑腩質肥瘦適中，有煙韌感之餘又鬆軟美味，清湯不搶牛味，真係令人讚賞。另外，order咗孖寶都岩食的竹笙雜菌燒豆腐，野菌煮南瓜，豉味蝦乾肉鬆炒涼瓜，主廚Bosco梗係想用高超的烹調技巧征服食客的味蕾。而且款款賣相都精緻特別，又好好味，環境優雅寧靜又舒服，服務更加係好好。孖寶無論去邊度食飯都唔肯食涼瓜的，估唔到今次食哂之餘，仲主動再夾涼瓜來食，款款小菜都入口清新，特別適合夏天的胃口。而甜品更係令你無法抵擋的超級好味，面應該係用咗焦脆的爆炸糖，底層有餅底，相當香口，口感好豐富，令人忍不住一口一口吃下去。孖寶的白免仔甜品同糕點更加係香氣撲鼻，2個小人都表示無得頂！其實今晚每個菜式都很有水準，令我地回味無窮，真係心思思想下次再來試下其它菜色，南坊絕對係真係令人有驚喜嘅中菜。…查看更多

酒店hea遊，好多時間都係留係酒店，不過唔係去遊戲室玩，而係飲飲食食，check in個時，職員叫我地join呢個MOP $600的package，包2位大人自助早餐Buffet (6:30-10:30am)，而2兄弟未夠6歲所以自助早餐都係免費嘅，個package仲包埋2位成人Happy Hour任飲的 (5:30-8:00pm)，另外仲有2位成人的 High Tea set (2:30-5:00pm)，都係啦兩位小朋友未夠6歲Happy Hour都係任飲嘅，佢地發達，飲咗好多西瓜汁...LOL。而Tea Set就係fix嘅，無得加，不過佢會提供水比小朋友飲，但係2個到第日的tea time都太累，zZZz。返到香港收到月結單，呢個package就為返港幣HK$671左右，不過都算抵，因為酒店的自助早餐食物真係唔錯，而且好多野揀。當然如果你係飲得之人，任飲嘅Happy Hour就梗係抵啦，佢有哂Cocktail 同Mocktail，啤酒，連列酒都有。我當然係飲小小Cocktail，加Mocktail，同埋飲下茶啦，輕輕鬆鬆一家人坐底休息下，hea下。而且好像7-8pm係有live band的，感覺都唔錯架~…查看更多

玩到肚餓就可以去樂園指定餐廳，原來小食亭食呢d期間限定的海賊王主題美食呀。今次我地真係玩到大肚餓啦，一玩完水就去咗嵐灣茶座食「海賊王航海歷險仲夏大餐」，嵐灣茶座位置好易搵，一出上山方向的cable car，左手邊就係茶座啦。今次呢set海賊王主題食物，真係睇得出係好有心思，入面「Soul King布魯克」頭盤真係整得好精緻，當然味道仲好ok啦，以酥香炸蝦餅大人至愛，而跳躍音符形狀嘅蔬菜當然係小朋友至愛啦。仲有鮮味十足的周打湯。主菜有燴海鮮蕃茄意大利飯的「芬奇轟拳」，仲有炸薯蓉加上肉嫩多汁嘅紅酒燴牛面珠的「我要成為海盜王！」俾你揀。呢個紅酒燴牛面珠仔真係堅好食；食到大家都停唔到口。最後一餐美色梗係要以甜品作結啦，呢個「緝拿路飛」甜品好可愛呀，塊牛油曲奇，印有路飛通緝令，再配埋竹炭朱古力慕絲蛋糕。呢件牛油曲奇真係好好食呀，大大塊2個小人都可以自己清哂佢。樂園其實都有好野食架.....…查看更多

Prompt 的自助早餐。食物嘅種類多樣化，而且又好味，原來每日早餐都有不同的選擇供應，我今日就有最愛肉骨茶，想不到吧！？每次去星馬都必食的早餐食物。仲有呢個廚師親自請每一位食客品嚐的烘麵包布丁，大家都表示好喜歡呀!加上有佢地至愛的乳酪同芝士，真係大滿足呀! …查看更多

今次同孖寶約咗朋友仔去石門玩，發現石門真係變得好玩咗好多，又多咗好多好野食。聽朋友介紹佢地食日都會去呢間西餐廳食野，皆因未有得食野前可以比小朋友畫下畫，打發時間。到最尾又有得比小朋友玩扭蛋，開心下。佢囡囡話真係一次過可以滿足哂佢幾個願望呀! 所以次次經過都話要去食咁話。估唔到孖寶未知道我地想去呢間西餐廳前，經過門口就已經表示要入去呢家餐廳食...lol!同埋如果你之前已經試過Casa Pennington 同　CasaFina 就不難估到水準都應該唔差，因為今次呢間Su Casa係同銅鑼灣呢2間同一個group架，而石門呢間就裝修雅緻，環境簡約清新。今次食過果然真係無令我失望，首先我地order咗佢地招牌蠔湯，飲得出係用鮮蠔去打成湯蓉，啖啖鮮甜的蠔味，配埋洋蔥包真係一流。孖爸就試咗佢地的炭燒紐西蘭肉眼扒，大男人食都表示份量十足！賣相吸引之餘，仲保留到啖啖肉汁，肉質岩岩好！而我就清清地order咗個帶子菠菜忌廉天使麵，帶子煎得鮮嫩甜美，配埋醒胃清新的醬汁，味道濃郁爽口，加上意粉煮得啱啱好，有咬口之餘又唔會覺得乾，真係可以自己清哂成碟呀！仲有個小食都係好正，煎焗柚子雞翼Juicy得來又啖啖肉，大愛呀!孖寶各自order一份兒童餐啦，未有得食之前，佢地都用餐廳供應的畫筆來畫畫，乖乖地坐定定等野食。3款兒童餐價格都好優惠，仲有2兄弟至愛的車車造型。今餐唔洗叫呀，2個都自行波好快就已經食哂，2兄弟都表示好滿意呀！完美的晚餐當然要以甜品作結啦，呢度件件甜品都好精緻，好有藝術感，咁出色的甜品真係令人一試難忘。最後仲有2個第一次接觸的扭蛋玩呢，小朋友玩得開心，大人又食得開心！ 今次呢間真係性價比高的西餐廳，而且好岩一家大小去食。…查看更多

暑假流流長，家長都絞盡腦汁安排唔同節目同小朋友一齊過暑假，加上呢排天氣氛圍都咁悶熱，今年可能未必帶小朋友出遠門，但又好掛住東南亞美食，不如近近地去港島區一次過食哂唔同國的的美食呀。今次我地係同一個地方就可以食到哂濃郁惹味香濃美味的馬來西亞肉骨茶，足料的滋補中藥配埋油條，好正宗呀! 仲有充滿住南洋風情風味獨特的斑蘭椰漿飯。不得不提的就係即叫即製的娘惹叻沙，以蝦頭、辣椒乾、馬拉盞、乾蔥蓉、蒜蓉、薑蓉及椰漿等熬製而成，濃郁的湯底散發着芬芳的椰香味，加上精選配料如鮮蝦、魚片、豆卜、芫茜及豆芽，吸附湯汁後，飽滿香滑，讓人回味無窮。我最愛的台灣地道美食，就係每次去台灣都唔可以錯過的梗係台灣牛肉麵啦。最喜歡的就係馬來西亞海南雞飯，飯以雞油、香茅、南薑、斑蘭葉及檸檬葉煮成；大廚更利用不同的香料製作白滷水浸雞，使雞肉皮滑肉嫩；配上三色蘸料有薑茸、黑豉油及辣椒醬，大廚以馬來西亞辣醬加以獨門秘方調製，混合薑、蒜、乾蔥及辣椒令其更出色惹味。仲有馬來西椰香咖喱牛筋腩、什雜錦沙嗲串燒，有牛，豬、雞、獅子狗等多款選擇，師傅燒到外脆內軟，表面微焦，內裏多汁，加埋d沙嗲醬真係好惹味開胃呀。除咗台灣牛肉麵係我最愛之外，台灣美食仲有清涼解熱的白玉苦瓜燉唐排、香脆鮮味的台式蚵仔煎、台式滷肉飯等，大量台灣烤香腸！大家可以一次過可食盡波波腸、糯米腸、原味腸、墨汁腸及黑椒腸呢。台北胡椒蝦、濃香的九層塔三杯走地雞、酥香的台式鹽酥雞、香葱脆餅、香脆鮮味的台式蚵仔煎、香氣撲鼻的台式滷肉飯等等都係每次去台灣必食的，今次可以係香港一次過食到哂真係好正呀! 配埋解暑清熱的台灣地道冬瓜茶，細味樸實無華的古早風味。而甜品都好正架，有幼滑濃郁的甜心紫薯慕絲蛋糕，大廚選用台灣甜心蕃薯，蒸煮後磨成蓉然後加入慕絲當中，伴上開心果碎，口感豐富。當然有去台灣必食的奶香芋圓仙草凍，仲有清新口味的台灣鳳梨乳酪蛋糕，餅底用忌廉芝士製成，而頂層鋪上炒製過的鳳梨。呢個菠蘿造型的蛋糕，除咗賣相吸引，入口都幾特別呀，加上琳琅滿目的甜品，講到甜品我最愛的非斑蘭芝士撻莫屬。加埋任食的Häagen-Dazs雪糕真係令人回味無窮！唔止大馬滋味台灣風等食物，仲有大量冰鎮海鮮比一眾海鮮愛好者大擦一餐呀。仲有即製的班蘭雞蛋仔，由師傅即場焗製，孖寶都好有耐心等食喔！同場仲有小朋友至愛棉花糖，現場即製的菠蘿椰漿液態氮雪糕，煙霧瀰漫真係令大小朋友都十分期待呀!又有香港特色中式糖水，呢個車仔檔有香滑豆腐花和芝麻糊湯丸呀!留係香港就可以一次過食哂各國的地道風味菜式，重溫返當地獨特的風土人情! 同樣大愛的就係新鮮水果車仔檔。好多唔同種類的水果可以比大家食飽肚之後慢慢品嚐。今個夏日，港島太平洋酒店<中西‧環>餐廳推出全新「大馬滋味台灣風」自助晚餐，雲集多款地道的馬來西亞佳餚，以及台灣街頭特色小吃，絕對係港島區 CP值超高的自助晚餐呀!  [西營盤站B3出口]…查看更多

好快又到父親節啦，當然要諗下點考敬神隊友，公公，爺爺等我地尊敬嘅男士，向偉大嘅爸爸們致敬啦!我呢就選擇用美食向他們致敬，最近去咗一間高質自助餐，都咪話唔正，有鮑魚、海參不特止，仲要係用威士忌去煮，岩哂好杯中物的爸爸們。而且又有啤酒全晚供應任飲。今次主題係以威士忌入饌，所以有一款充滿住有機蜂蜜香的香煎鴨肝配威士忌蜜糖燴野莓都好值對推介。仲有款「慢煮澳洲和牛面頰威士忌汁配扒龍蝦蜂蜜芥末汁」，一口咬入去牛肉鮮味同醬汁配合得真係岩岩好。另外，2款甜品都好正，可以話係酒香及蛋香兼備的「草莓蜜糖威士忌沙巴翁」，同埋「蜜糖威士忌提拉米蘇」。當然出面的自助餐亦有好多唔如種類甜品同食物供應係岩小朋友食啦，仲有好多無酒精飲品，大人細路都會搵到自己的心頭好。成家人一齊食野的幸福滋味，絕對可以令爸爸甜入心頭呀。最正係酒店為咗向偉大的父親們表達敬意，只要係6月16日 的星期日去食自助晚餐，每檯都可以免費獲贈APIVITＡ父親節清爽蜂膠禮盒乙份，有好野食又可以有禮物向爸爸送上窩心驚喜，真係一個唔錯的選擇呀~最重要的就係只要係最少１日之前係網上訂座及繳付全費，仲可以有65折優惠呀。柏景餐廳 甜「蜜」父親節自助餐 訂座諗返起個「蜜餞砂鍋鮑魚海參配紅燒威士忌汁」真係正到一個點: 鮑魚海參經多個小時熬煮後，鮑魚及海參軟腍入味，盡吸湯汁精華，鮮味十足且散發淡淡酒香。而「意大利風乾火腿配黑松露蜂蜜」，風乾火腿沾上有機野花蜂蜜，散發怡人芬芳，份外滋味。咁有特色的菜色，大家都真係要一試呀~當然佢地今期主題「我♥日韓台」三重滋味自助餐都好值得推介: 滿載日本、韓國、台灣三地地道佳餚，無限添飲滋味台式奶蓋茶，還有一系列色香味俱全的優質冰鎮海鮮、惹味烤肉及環球美饌。就好似有: 有炸廣島蠔、韓式泡菜芝士焗龍蝦、人蔘雞湯、麻辣烤沙巴龍躉、韓式泡菜芝士焗龍蝦、日式清酒芝士扒扇貝、避風塘廣島蠔 ，唔止清蒸海鮮，仲有冰鎮海鮮有龍蝦鉗、長腳蟹、翡翠螺、青口。壽司刺身，就連冰鎮鮑魚都有得任食呀~真心，食物選擇真係好多，就算係一家人的不同需要都一定可以照顧到呀~特別提的就係台式芝士奶蓋茶；出面飲芝士奶蓋茶最少都廿幾蚊杯啦，而家自助晚餐有得任飲！甜品選擇多到一個點呀~ 我最鏜意的就有特式就有珍珠奶茶奶凍、人參焦糖燉蛋、日式豆腐芝士蛋糕等!大家都可以選擇晚上去酒店細嚐矜貴美味的「蜜糖威士忌魚子醬盛宴」，讓爸爸享受尊貴的餐飲體驗，精選菜式: 魚子醬三重奏、經典傳統蜜糖威士忌龍蝦湯、慢煮澳洲和牛面頰威士忌汁配扒龍蝦蜂蜜芥末汁、慢煮澳洲羊架配蜜糖焗根菜及威士忌羊肉燒汁、燴野莓芒果蜂蜜威士忌沙巴翁等，只要另加港幣$128可無限添飲指定意大利氣泡酒、白酒及蜜糖威士忌雞尾酒，於璀璨的維港景致下與爸爸舉杯慶祝，以美酒佳餚報答父親厚愛。唔止爸爸開心呀，一家人係咁好的環境下品嚐美食都係人生一大快事呢~更多詳情可以去皇家太平洋酒店網站睇: 預祝大家都有個愉快的父親節!…查看更多