missyummyyummy的個人專頁

又係嗰種唔老實、唔友善嘅經營手法: 掛出嚟好靚，跟住畀啲好差嘅你，買叉燒，白賴曬! 好似冇燒過咁，拎返去同佢哋講，睇都唔睇自己畀咗啲乜嘢食物客人，就收銀串人一句、斬叉燒嗰個又串人一句，自己出品唔得仲要鬧人，離譜! 同區大把燒臘舖，搵間有信譽去幫襯。街坊生意，都幫襯過唔少次，間中都有遇到燒得唔靚，人工手造嘅食物，明白呀，間中會失手不出奇，但起碼態度唔會好似今次咁差囉，今次真係好離譜，唔換貨咪算數啦，自己睇都唔睇下畀咗啲乜嘢個客，仲要鬧客人，而家係真金白銀付款消費，唔係免費派㗎，畀啲咁差嘅食物個客，仲要鬧人，真係好離譜。點唱好香港故事都冇用啦，有啲咁嘅舖頭! …查看更多

一入門口有全身消毒機，君綽軒位於五樓， 升降機分區域，有點複雜。這中菜廳值得推薦， 除了燕窩魚翅羹太鹹太鹹太鹹(重要的事講三次)外，其他都做得很出色，不過炒飯有點太乾太硬，但仍吃得很高興。服務也非常好，由廚房到樓面每個員工也要給他們一個like。上甜品的時候我不在座位，服務員隨即用蓋子蓋上保温，十分細心。 任何查詢都細心回答，服務出色，值得稱讚。要提出改善的話，就是主動多些幫客人斟茶吧，服務員不會主動斟茶，有些少失望。…查看更多

食物每況愈下，一次比一次差! 今次最離譜，炒伊麵是室溫近乎凍的，其他食物也大不如前。炸點不脆，炒的沒鑊氣，就連燒賣也有硬又實 ; 分量控制也很投其，下單寫二人和四人份量都是一樣大， 吃不完似乎有罪惡感，但是明明寫了二人分量卻給了四人份， 來享受食物不是求施捨，寫二人就應只給二人份， 點心紙上明明寫著不要浪費食物，無語。 甩單漏單仍然是指定動作，不過提醒後也很快補回。 服務方面，仍然不合格， 每次去都只是遇到「一位」有禮貌的侍應，其餘的不要有期望，大XX的服務培訓還更出色。整體上，只會推薦給從未去過的朋友， 打卡相影一次就夠，已經去過的話不用再去第二次了。…查看更多

作為新界人帶著幾位港九同事去吃海鮮, 就選了流浮山, 去已吃過幾次的歡樂, 之前都沒寫過食評, 今次吃得特別開心就開筆寫一篇啦。照例點了招牌菜式「麻香癩尿蝦」, 今次叫了少鹹, 果然恰到好處, 酱油和芝麻很香, 沒有蓋过蝦肉香味, 煎得脆脆的蝦殼九成都可食埋, 蝦肉亦夠厚身, 非常美味,必食! 每人半隻有點意猶未盡, 下次應可一人一隻! 但老闆説先每人半隻留些「空位」吃多幾款, 又啱嘅, 咁快填滿個肚點試其他好嘢, 哈!之後上的是蜆, 老闆推薦油鹽水煮! 原來簡單的煮法才可帶出蜆的鮮甜味, 拌著粉絲和湯都很美味, 粉絲吃光光, 湯也飲了一半(因點了海鮮魚湯, 留肚沒飲光), 在家中怎也煮不出這種鮮和甜, 推介大家一試。再來是蒸扇貝, 一人一大隻, 大滿足,同樣地粉絲一條也不剩,全吃光。接著是重皮蟹, 這是季節性的, 不是時時有, 所以一有都會點, 簡簡單單的油鹽焗已很美味, 蟹肉豐厚, 殼下面能見到一層嫰皮, 果然是真的重皮蟹, 吃得得開心。到了我特別推薦俾同事的「蝴蝶蚌」, 亦是時令海鮮, 冬天才吃得到! 因想食其鮮甜、同樣用油鹽水煮, 論肉地, 比蜆更豐厚, 冬季見到必試!之後是豉椒炒「聖子皇」, 開頭點菜時有點肉赤, 幾十元咬一口聖子, 但同事話一場嚟食海鮮沒所謂。 上菜時帶着幾十元咬一口的期望夾了一隻聖子, 嘩! 皇即係皇, 原來一隻是挺大和長的, 比想像中大很多, 吃幾口才吃完, 重點是第一口咬落去是很爽很爽的, 加上惹味的豉椒香, 超正, 物有所值, 下次都要對自己好D、繼續點聖子皇! 最後是今餐的亮點: 酥炸生蠔! 入冬後蠔本身肥美不少, 加上師傅今晚特別有水準, 酥皮鬆脆得不能形容, 令平凡的蠔变身成難忘的主角, 超正! 我和同事吃過很多食肆的酥炸生蠔, 高、中、低檔次都有, 今晚的酢炸生蠔特別出色, 齒頰留香!最後中的最後是糖水, 合格! 但可惜沒有生果盤, 飽吃一頓後沒有吃片水果總是像缺少了些甚麼似的漏了寫個魚湯和菜心, 哈哈, 都0k嘅, 下次會再點! 這裡是食海鮮不是食小炒, 吃了幾次青菜要求不高都算合格嘅, 但不要揀過時過節, 㕑房出得切都偷笑, 莫談做得好不好。呵呵, 我今次挑平日晚上來吃, 食得很滿足啊! 服務也很好, 像飲宴般換了好幾次碟, 服務很好啊! 可能是平日晚餐自點吧! 我也見到日間跟團食圍餐的劣評, 所以我不跟團很久了。食好D, 對自己好D, 花些交通時間、花些金錢也值得, 今餐平均每人五佰幾, 真材實料冇抽水, 食得又開心, 值回票價啦…查看更多