mimmim527的个人专页

外賣自取午餐酸菜魚，拎到返公司仲係超級無敵熱，好好食！魚片份量都夠，又多酸菜，好惹味。但個白飯真係好難食，一pat pat但又生哂骨，食兩啖都頂唔順。。。上兩星期外賣過四季豆餐，啲白飯好好食㗎，希望下次係正常返。…查看更多

39蚊一個飯卷，响中環嚟講係好平。外賣咗辣豬肉飯卷，好少豬肉，飯無咩調味，好淡口，有麻油香。整體來講算合格，因為夠平。其他涼菜賣相一般。可以再試其他飯類，大概$50。…查看更多

。。。抱住好大期望去。。。多士最好食 ，炒蛋幾好又滑，沙爹夠味，但豬肉味好淡。個通粉好味精，湯又唔夠熱，加埋現在勁凍冷氣，我食完個炒蛋，碗粉已經凍哂:(:(:(:(:(加6蚊轉coffee latte ... 咖啡機沖，奶味唔夠唔值得加錢轉。服務滿分！！…查看更多

上網搵到little bake, 食評唔多唔係好夠膽訂貨, 但係俾佢自家的website吸引到, little bake的website有好多圖可以睇到, 我見佢連菠蘿包都整到100%似,西多士造型一定難唔到佢, 於是放心落訂。十月中已經email聯絡little bake, 蛋糕十一月中要的, 但回覆比較慢, 令人一再擔心, 可能他們太忙了。因為轉了鋪, 取貨地點一定是kwun tong, 有點不便, 遇到收工時間交收...mtr太多人好混亂, 但係姐姐的態度是100分的。味道不錯, 不會太甜, ,可以連外層糖衣一齊食。如果另跟保冷劑會更好, 本身我的西多士cake係有糖漿係牛油上面的, 但到我切果陣...糖漿已經不見了。…查看更多

今晚點了兩個小菜，跟白飯，送油菜連飲品兩杯。蠔油白菜，免費。全餐飯最正常好味，菜新鮮。白飯，米質素很差，散開一粒粒兼冇飯味。＂馳名鎮江骨煲＂落了色素。厚獻汁很似很橙紅，但食落淡而無味，唔入味之餘肉質勁鞋。$48It should be called"馳名難食骨煲＂"川辣肉碎茄子煲＂冇辣味，肉碎主要是肥膏粒，有少量草菇伴碟，但不明為何有薑絲吊味。茄子似乎是外族，走油後全啡但完全冇融入煲中。厚獻汁、色澤深但死咸。$46COT正常。+$2熱好立克 竟然半透明，好立克粉很貴？喝了一茶匙放棄了。我來是因為每次經過也見老闆很努力sell客，點知.。。。還是搞好廚房質數先啦。 翠華價錢，一半質數都冇，點有下一次？希望老闆改進下。…查看更多

因為妹妹九龍返學, 一直都係去長沙灣分店食, 果間平好多! 今次葵涌店食 , 試左酸辣湯底, 麻麻地...酸味太搶, 都係妹妹的清湯好味好多!叫了3個送,再連食品,都要35喇! 其實出面食係差唔多...不過食開一間一樣水準的價錢又平好多, 你就會覺得唔抵啦!…查看更多

友人唔食肥叉, order瘦叉, 點知連我的叉油雞飯都係瘦叉!!不過...瘦叉都好腍, 加埋d 熱飯~wow, 唔肥都幾難!!下次會叫埋叉骨食!staff好有禮貌, 做事又快手! 又平又超好味, 灣仔冇幾多地方有。…查看更多

今日買了奶油墨西哥包($4), 沙爹牛肉包($6)。奶油墨西哥包剛出爐, 一啖咬落去,嘩~好香軟!! 再咬多啖...嘩!d 奶油"必"出來的, 又滑又暖。不過食完成口都係油, 男朋友話d 奶油咁樣"漏"出來, 應該係用左好多豬油的。回家叮埋個沙爹牛肉包, 其實飽飽地, 所以要同媽咪share來食, 重牛肉味但冇沙爹味, 不過個包面都係又鬆又軟。…查看更多

魚肉春捲係次次必叫的!6蚊條。岩岩食完一個小窩米線加辣, 有腐皮,肉醬,雪菜,芽菜,好足料!!都係21蚊咋!另外加左腩肉, 唔膩又超入味!呀姐做野快手!!…查看更多

平平平！生牛肉粉１７蚊，有水準！牛肉味鮮唔”ｕｎ”炒通菜１１蚊，但真係炒得幾正，多ｄ腐乳就最好！蝦餅大大件２６蚊，再彈牙ｄ就最好！春捲．．．１８蚊，麻麻地。豬扒mon<<< 我唔食唔知好唔好味。椰汁涼粉冰, 15蚊, 唔太甜, 再多d 涼粉就100分!2人埋單105...好平。坐得好唔舒服, 因為張枱太高。…查看更多

細細個已經食, 出名係鹽焗雞, 幾年前食要160-190一隻, 今日去食唔知點解會平左, 120一隻。隻雞的確好味, 不過...點解d肉會冇左一忽忽呢? 原因係偷雞, 老牌飯店最叻偷雞, 偷偷埋埋一碗鹽焗雞飯真係可以無本生利!! 呢d都係呀婆婆教我睇。點了西x花帶子, 哈哈...帶子好多, 有d唔合比例。另一個送係椒鹽肉排, 個味夠濃香口, 不過肉排唔夠乾身。例湯好甜, 煲到骨都散哂油都出埋, 不過又係味精累事。最後奉送紅豆沙, 呀.....!!! 煲燶左的紅豆沙, 老闆行過見到冇人食, 笑笑口行開就算, 街坊生意, 差唔多啦。裝修換左, 環境衛生好左好多!呀姐服務好好!! 勤快換碟上菜。…查看更多

D 野係幾平, 但係真係唔好味囉! 如果係咁, 我不如食CHEAP 少少, 上樓上茶餐廳仲好, 再唔係食麥記!今日LUNCH 去食, 因為遲到...朋友多手幫我ORDER左上海粗炒, 嘩!! 2 個月之前食過一次, 印象中係好難食的, 炒到一PAT PAT咁, 點知今日"有進步", 唔再一PAT PAT, 變左"水LAU LAU", 點解呢? 上海粗炒...D面"林", 冇料, 得個喊字, 想要辣油但竟然俾Tabasco 我...好唔match喎!!今次已經係LAST CHANCE, 下次唔會再食, 寧願食麥記。友人的扒餐仲不滯, 雜菜有臭青味, 扒就一定唔好講啦... 好過冇得食啦。最保險係食果D 餐旦面, 牛肉通果D, 正常唔會難食得去邊囉! …查看更多

夏天口乾乾，特別掛住松記糖水！松記呢個名好多人用，試過荃灣有間叫”新松記”的，Ｄ款式名同呢間松記好似，都唔知係唔係舊人跑出來自立門戶，”新松記”價錢貴一成，但品質味道差九成呢！講返呢間正宗松記，昨晚２人叫左SUMMER, HELLO, 奶黃湯圓, 味道依舊正呀! HELLO 就好似"咋咋" 的現代版, 好清新!其實好想食"幻彩明珠", 不過我個人太想食SUMMER上面果D 椰子糕粒粒喇!SUMMER 就冇乜特別, 自己係家中用雪糕, 西瓜,蜜瓜, 西米加花奶, 再加"黑白配"就係啦! 最最最好味就係奶黃湯圓, 皮薄之餘唔太甜, 個薑湯好濃味, 如果食完太甜野, 飲幾啖薑湯先, 都可以清清個口先, 咁就食到最完美/原味的湯圓喇! 不得不提D呀姐, 大大聲其實好玩得! 如果渣車的話, 可以單聲佢知, 如果有人抄牌佢會大大聲講GA!!…查看更多

男朋友話呢間食過好多次有水準, 今次帶我來。叫左沙爹粉絲牛肉保, 好有鑊氣, 不過牛肉太多梳打用左之故, 林得來冇味! 粉絲又碎濕濕咁...不過味道好濃。仲有豉椒炒聖子, 賣相幾好, 因為大大隻同埋份量多, 聖子幾滑但係味道有d腥, 最慘係一d都食唔出有豉椒味, 唔辣又唔香口。最好味係果兩個"靚仔", 唔係一般的"一pat pat"飯, 有咬口兼粒粒分明!會再去! 因為見到隔離的"炸雞件", 黃金蝦"都似係好好味! 另外服務好, 又乾淨, 價錢好超值!!…查看更多

飲茶的流沙包係最好味的, 不過而家出左名, 已經變左做大點, 有d貴。食左兩次晚飯, 餐牌選擇唔多, 多就係多d新派菜, 但老人家唔好玩新野嘛!! 叫乜冇乜, 連揚洲炒飯麵冇!?態度差, 叫人沖水起碼要叫5 次! 漏單又唔肯cancel, 不斷拖拖拖, 其實係重新入單要等過, 迫人等又迫人食, 淨係講"來緊,來緊"一來到, 其他飯送食哂, 全家人淨食一個送, 幾難睇!! 冇飯送口...咸到不得了! 唉。茶市我俾90分!晚市得返10分!都叫有100分。…查看更多