極難吃 嚮和風料理 2024-03-02昨晚和家人兩個人諗住去食烏冬,叫左一個咖哩豬軟骨烏冬,一個雞扒烏冬,另加炸魷魚鬚,蘿白牛肋骨沙律 。鷄扒烏冬的鷄扒ok,但湯頭似白開水加鹽,加小小鰹魚味粉,極咸, 烏冬煮過籠,吃兩啖已經吃不了。家人說咖哩太甜,豬軟骨似煲完湯再炆無肉味,吃了兩口吃不了。最後我們只吃哂沙津菜和魷魚,拿走了未吃完的萝白牛肋骨。吃完感到味精太多,成個口感覺奇異。真係試一次夠哂,無回頭。…查看更多以上食记乃用户个人意见 , 并不代表OpenRice之观点。赞好分享極難吃 嚮和風料理 https://s.openrice.com/QrLT0yoceW0检举 张贴 评分--味道4环境3服务4卫生--抵食用餐途径堂食
食物、衞生和環境都令人 好失望 Soul9+ 2019-01-02今次係我第一次喺Openrice寫食評,因不吐不快。見到Openrice咁多人畀咁高評分俾呢間餐廳 ,所以就特登嚟呢間試下, 點知完全中伏。叫咗食評盛讚的海膽risotto,燒羊架,海鮮意粉, 仲有一個唔記得叫乜嘅starter。其實,食物賣相係幾吸睛嘅 ,但係食品個combination都好古怪 。首先starter好普通,跟住risotto啲奶味好重,海膽又好一般 , 分開食都ok嘅 ,夾埋食就各不相讓,blend唔到,好古怪。 千祈唔好用張紫菜包住嚟食,因為啲飯熱,張紫菜包埋啲飯度就淋pat pat, 包唔到兼好難食。一個 想做fusion,但又fusion失敗的食品。燒羊架,只有雪味無調味,更無羊肉味。見到pat 薯蓉,已看出是現成薯粉加水開出來,不是真薯仔做的。我朋友即刻面燶,食落果然是。一個三、四百元的主菜,side dish竟然cheap到用現成薯粉開水做薯蓉奉客,使唔使咁懶,薯仔好貴咩,賺到咁盡呀。海鮮意粉是 唯一我哋覺得好食嘅。份量是意大利 餐廳嘅antipasto份量, 但收你一個 main course嘅價錢。 又係一句,使唔使賺到咁盡呀。最後要comment嘅就係衛生程度十分不理想,枱面污糟。經過個廚房見到入面 啲污糟碗碟堆到 亂糟糟,好恐怖。 個廚房面積好細,只能夠容許最多兩個人一齊喺入面工作, 仲要好難轉到身嗰 隻,完全解釋到點解間餐廳出菜咁慢 。其實最初點四個dishes,覺得好食嘅話會叫多啲嘢嚟食。但係食完之後,我同朋友決定唔再order任何食品,因為間餐廳只得裝修、但環境極擠迫,食物衛生不合格,卻收中高檔西餐廳的價錢。結論,只適宜到此餐廳吃set lunch的pasta,因pasta簡單又幾好味,百多元就有交易,食完就走。P.S.餐廳極細,坐得好迫,完全不適合静靜的聊天。隔離枱四、五個人飯聚,佢地D老朋友對話聲聲入耳,想唔聽都唔得,好有茶餐廳搭枱feel。…查看更多以上食记乃用户个人意见 , 并不代表OpenRice之观点。1分享食物、衞生和環境都令人 好失望 Soul9+ https://s.openrice.com/QrLT0UyOOW0检举 张贴 评分--味道2环境2服务1卫生--抵食用餐途径堂食人均消费$600