Hyggee的个人专页

講真，食物係幾好，質素唔錯，雖然偏貴。起初想買HKD 2000 月票，最後都無買，就係因為佢係同隔離間 Gym 房相連，驚頂唔住肺炎會執粒，結果俾我估中。不過都希望佢第日開返，畢竟D食物都好健康，唔似茶餐廳果D食物咁多油、多味精。…查看更多

上次食魚，今次食雞，估唔到塊雞肉咁人塊，真係有D飽。呢日試左同上次唔同既菜，全部都係熟的，幾好食，肯定比茶餐廳健康好多，Fete Up 提供既菜式組合做到好平衡，肉唔會偏多，飯都好食。不過我見菜類選擇唔係好多，我怕去多幾次會開始無新鮮感，希望以後選擇多D。…查看更多

平時唔會去 Pacific Coffee，但手上有張禮劵，唔用太浪費，所以叫左杯 hot chocolate。佢唔太甜，幾好，本來想搵個位坐，但非常多人，最後自己帶走。不過價錢偏貴，值唔值得花4十幾蚊去買杯飲品，就睇你有無錢。…查看更多

呢間第一次光顧，我特登由上環信德走過去，不過唔遠，有別於其他生食素菜 salad lunch box，FETE 既蔬菜都經烹調，油鹽糖都少，合哂我要求，清啖得泥帶出食物獨有味道，菜款暫時都OK，下次試下唔同組合。份量亦剛剛好，可以食哂又唔會太飽，唯一不足係唔包飲品，餐廳有兩層，樓上好少人，今日唔洗同人逼，地方都好衛生，個盒好堅固，就咁拎返公司都唔會漏野。整體來講，我好鍾意呢類主打健康既餐廳，健康得泥又唔洗同人逼，因為多數人都鐘意其他重口味既茶餐廳，因我就最憎，又多油又多味精，又多肉，所以我諗我會多來 FETE試下其他菜式，睇下佢既口味係唔係可以 keep 住令我繼續幫襯佢。…查看更多

去左呢間都有一段時間，原因係近我公司，呢間餐廳一定要中午去到，否則會好多人迫、有D餸會俾人搶哂，D 餸比起其他食店係好似健康少少，但始終係多油，連西蘭花、耶菜花都加左糖，跟本無必要，夾左唔係好多餸，就已經成 83 蚊，跟本唔值呢個價，貴到飛起，D 湯日日都係一樣，又唔出新款。上次見到有客人食完飯，佢將D餐具連個底盤放入你地個洗碗兜度，之後有個洗碗工就即刻大力抽起個底盤，再將個底盤掟落下面個兜度，我先知原來餐具同個底盤係要分開放，但你地又無指示，但態度都唔洗咁樣，請你地改善下。本身附近都有其他素菜餐廳，但未去過，價格好似更貴。上環呢區D餐廳都係又多味精、又貴又唔健康，之後都係決定帶飯算。…查看更多