吉爾多的个人专页

Lunch 時間食叫咗個牛雜麵1 -湯雖然有腩汁，但唔夠香，得鹹味為主2 -麵揀幼麵，但煮得唔夠，好硬下3 -牛雜就幾夠，牛肚比較好，其他就唔夠入味，普普通通店都有廿個位左右，唔算逼，地方乾淨$38蚊碗牛雜麵算係禁上下唔會太高要求…查看更多

是次用餐為外賣時間下午1：40經袋鼠落餐，等咗20mins左右----------------叫咗個角切魚生丼 + 一件墨魚壽司我成日都會喺日式餐廳叫角切魚生丼，雖然依樣野食往往係將其他刺身嘅頭頭尾尾夾埋一碗，但算係最唔洗功夫，如果都做得差，間野好打極有限:)依間算做得幾好表面有飛魚籽，下面有蛋絲 + 紫菜絲，令壽司飯食落無禁單調其他一般青瓜，甜蛋，三文魚粒，吞拿魚粒都算新鮮而且有醃蘿蔔，幾清新美中不足係我諗住佢會有帶子粒或者八爪魚粒可惜無另外單叫一粒墨魚壽司都新鮮，唔會乾蹭蹭幾十蚊算值回票價…查看更多

友拉麵位於昌寧中心由荃豐一路直行就到同場都有好多餐廳，而且隔離左右都係米線, 車仔麵等等要突出又吸引食材實在唔易由於鋪位細，得十個八個位，經過幾次都滿座，今次終於lunch time食倒鋪頭好多裝飾, 貓貓相, 畫, 夠光猛可惜重點係碗麵, 偏偏唔係太好食揀咗蔥山拉麵本身已經揀咗要軟身直麵, 但上菜後麵條依然較硬,甚至稱得上有d彈牙+韌, 我唔太鍾意湯底係豬骨湯,唔夠味,大量蔥嘅清新+辛香,滲入湯入面嘗試力挽狂瀾,但畢竟湯底唔係濃厚,無補於事叉燒又係失望,竟然又係韌,咬唔斷,基本野例如紫菜,蛋,荀,屬正常狀態,不作評論朋友食魚介拉麵, 同樣偏淡整體係唔值8～90蚊, 普通到同茶記d一丁差不多......…查看更多

是日晚飯選擇到小飛象餐廳位於昌安商場地下附近都有數間小菜館，檯櫈都擺到走廊，大牌檔風格地方整潔，餐具亦有用滾水清洗點了馬拉盞通菜，頗有鑊氣，但味略淡椒鹽鮮魷，香脆惹味，鹹味與辛辣適中，但配搭陳醋有點奇怪蒜蓉開邊蝦，質素正常，粉絲蒜蓉最佳拍檔啫啫雞煲上菜時仍夠熱度，乾蔥配料都算入味整體質素中上4碟小菜，3枝啤酒$556不算平，但地點方便，應該會有下次…查看更多

Lunch尼到灣景，揀咗依間係Awon入面台灣野，一般鹽酥雞，肉燥飯，醋肉排餐飲可以叫冬瓜茶/紅茶不過不失D粟米同蘿蔔粒最好食但D粉絲唔係好夾地方比較細，得幾張枱唔算貴可以有下次，嗌外賣可能好D…查看更多

第三次食一鍋堂今次覺得服務麻麻，準時尼到拎位，櫃檯店員粗聲粗氣答覆。我明明係佢面前scan埋安心出行+針卡，佢記錯係隔離幾個客，大聲疾呼我「你未嘟!你未嘟!」真係畀佢吹漲。清清楚楚講咗湯底佢又問返我揀邊款，做野心不在焉講返野食，自助熟食區得幾款，牌上面show嘅野食都欠奉，講緊係7點半左右。冷盤區幾亂下，盤秋葵入面有蕃茄，盤蕃茄入面又有粟米。雖然應該係D客拎野食得衰，但店員fill野食時都可以做多步，撇返走D碎屑/隔離嘅野食火鍋配料尚算新鮮。但海鮮類數量都頗少，5人枱，點蝦得4隻，點蜆就5隻。其中一隻唔開口，基本上鍾意食海鮮嘅嗌幾轉都唔夠喉肉就正常啦，羊就未夠融雪，硬邦邦:(菜算係嫰，亦都無甩皮甩骨。飲品果幾款茶都唔錯，大大樽解渴:)整體質素比以前下降，加上訂位又要用佢個app，少少麻煩。…查看更多

今次試平日晚市火鍋放題餐廳位處舊式商廈樓上，鋪頭細細，大約有六張四人枱，四張靠窗六人枱。裝修普通，枱同地下都係黑色，加上唔夠光，有時d野食色澤都睇唔清楚。雖說任食火鍋，但配料選擇少，相對附近其他火鍋店，得一半種類得一張紙點野食，嗌咗牛骨潮汕鍋+重慶翡翠綠麻辣牛骨湯味道較甜，但好頸渴。重慶湯主要係麻，唔夠惹味八款任點牛肉各有千秋，整體都算軟腍，薄身亦無話有根。可惜其他火鍋配料真係樣樣欠奉，響鈴魚皮咩都無，菜得三款，娃娃菜，西生菜，唐生菜，就連一般丸類都得四款。講緊打邊爐嘅基本野都甚少，夾咗一轉就已經無咩想再揀冬菇有少少噏味，蟹柳就散晒，淨返仲揀倒嘅有萵笋，蓮藕，冬瓜，依D算係比較切得好又企理。無記錯豆腐水魷豬紅都好似無，想話食D平野填飽個肚都無野揀。總之一般酒樓任食火鍋都好過佢五個人，埋單千二銀…查看更多

星期六，兩點幾，荃灣四圍都較多人雖說該區美食處處，但天氣酷熱，唯有揀選就近愉景新城食店鳥山名鋪頭不算大，分內外兩區，外面座位靠於扶手電梯，有欠舒適，今次選擇落坐吧檯下午茶時段，餐點選擇有限，點了赤蝦三文魚腩芥辣八爪魚定食配以麵豉湯，沙律，前菜，燉蛋，甜品，份量堪比正餐刺身新鮮，蛋幼滑，其他食材正常點餐時亦可更改三文魚為火灸版本，即便個別更改一片亦可，選擇非常靈活敗筆在於飯粒太硬，而基本醬料如豉油及芥末竟然出奇地淡而無味，拖累整體表現整體不過不失…查看更多

牛陣牛角牛氣通通都未食過只不過今日一行人選擇困難又唔想食太頹嘅快餐於是走尼朗豪坊對面嘅牛氣6:15已經入座無乜人上菜好快，追加幾次牛同豬肉，轉個頭就到肉類都比較薄，入口軟身菜亦算新鮮，大路款式熟食無乜試過，不外乎春卷之類，興趣不大反而沙律以及冷盤類唔錯無話吹乾哂或者一陣拎出尼嘅雪氣味算係熱食以外另一bonus,不至於打邊爐太寡…查看更多

新裝修嘅名星金閣，樣樣陳設都比較新，亦算坐得舒服最重要係晚市特價優惠星期一至五就最抵，六日就貴少少最受歡迎係幾十蚊就有嘅1.片皮鴨2.bb鴿仲有白灼蝦，薑蔥，蠔，龍躉兩食依類特價野都係限量，每種只可叫一份，但其實份量唔細，如果三四人食，叫上述幾款海鮮加碟菜都夠飽但要注意，有d食品二選一，例如鴨同鴿星期五晚兩個人叫咗四個菜算係剛剛好，海鮮亦夠新鮮高度推介…查看更多

晚上6:45左右，附近餐廳開始多人放題雞煲通通無訂位一行人唯有試試依間“茶記”叫咗肉餅，魚香茄子，炸蠔餅，炒通菜，生炒骨肉餅正常，不過不失魚香茄子太油，但又唔夠味炸蠔餅太多粉漿，炸到棉花糖分禁蓬鬆，咬都好難咬通菜算唔錯，有鑊氣最後生炒骨甜酸味亦算平衡，無話炸到乾哂奉送嘅冬瓜餐湯無咩味精，算過得去整體算抵食，畢竟附近街不外乎泰菜串燒，中菜又想平平地都算係選擇之一…查看更多

Running燒好細間，如果無訂位walk in就有排等事實上，紅肉尼講大部分選擇都係好普通而且牛類都偏靭，好難咬雞類嘅調味都麻麻，太辣又太鹹反而海鮮值得試，主打嘅虎蝦同蠔都唔錯蠔仲可以自己加調味落錫紙兜滾下佢，入味好多至於扇貝同其他海鮮就正常水準留意其他熟食就無乜，不外乎年糕同麵野飲都係荔枝`菊花茶唔建議食lunch，因為lunch唔提供海鮮…查看更多

星期五晚6:30食放題依間大本瀛算細間，座位唔多格局偏暗，放飲品雪糕嘅凍櫃直頭係大門口仲有門對面，非常不便走廊亦偏窄整體上坐得唔太舒服:(野食方面選擇多刺身都係例牌幾樣幾新鮮，上菜都快串燒同部分泰式小食好似炒蜆都做得唔錯侍應都幾主動，keep住換碟收野，問我地仲有無野食未上不過優惠贈送嘅生蠔就好差，又有沙又污糟海膽就正正常常…查看更多

綠楊坊都幾多餐廳，今次見euro gogo有位坐低就拿拿林買野食時為中午12:00剛開始繁忙嘅午市叫咗個粟米肉醬意粉，菠菜魚柳麵，焗薯皮，pizza(忘記係咩餡)整體尼講味道平衡，茄汁夠酸，肉醬唔會太乾，其餘麵條夠淋，pizza都算薄…查看更多

食過好幾次今次人多可以叫多幾款9:00入座叫咗冬蔭功，夠酸夠辣炸軟殼蟹拼盤，夠香脆，夠惹味椒鹽豆腐，內裏太淋，見仁見智咖喱魚柳，夠香脆，唔會太乾飲品係藍色，但我完全唔記得叫咩總之甜嘅特飲簡單總結多人就叫多幾款小食唔錯的…查看更多