gigiwong621的个人专页

今日18:45去到想叫野食，收錢男員工態度極度唔耐煩話19:00 last order, 跟住話要幫後面收錢先就唔理我⋯全程態度都好似去左九記咁⋯唔耐煩，惡劣，敷衍⋯本來都諗住叫多啲野可以方便車，但問佢幾樣野都話「無」， 無尾音架，就係「無」！飲品就係得番啡，其他咩都「無」⋯老細其實係咪以為依家經濟仲好好？咁想收工不如唔好做啦⋯大把餐廳Deserve繼續經營但經濟太差無辦法經營落去⋯你地真係覺得自己仲deserve?如果想受氣就去呢間所謂’ cozy’ 啦下次就真係無謂受呢啲趕收工員工氣。…查看更多

餃子的美味程度往往取決於餡料的調味與新鮮度。遺憾的是，我所嚐試的餃子在這方面讓我大失所望。肉餡完全沒有經過應有的醃制過程，導致味道索然無味。吃下每一口，都能感受到那種硬生生的、未經調味的豬肉帶來的沉悶。這種餃子不僅沒有帶來應有的食慾，反而讓人感到難以下嚥。再來說說所謂的海底椰湯。湯頭淡而無味，不但沒有提升整體用餐體驗，反而讓人覺得無論是時間還是金錢都花得有些冤枉。撈麵只係柚子醋拌麵⋯就什麼秘制？總結來說，這次的餃子餐飲體驗極為不愉快。對於那些尋找地道美味餃子的食客來說，這家餐廳顯然不是一個合適的選擇。下回我將會更加謹慎地選擇用餐地點，以避免再次遭受如此的食物失望。至於這家店，我肯定不會再次光顧。…查看更多

首先，我試咗佢哋嘅**日式咖喱豬扒飯**。嗰件豬扒真係乾到⋯嗰個咖喱醬汁又唔夠，食得我好辛苦。我真係努力去搵下呢個餸有咩好處，但最後都係覺得唔喺我杯茶。然後，我又試咗佢哋嘅**韓式炸醬烏東**。呢個麵真係甜到我都驚，其他嘅味道全部被甜味淹沒咗。咁甜嘅味道真係令到我食得好辛苦，都唔知道廚師嘅味蕾出咗咩問題呢？總結一下，我嘅素年食堂體驗真係唔太好。我希望佢哋喺下次嘅餸肴中可以改善呢啲問題，希望下次去食可以有更好嘅體驗。分數：- 日式咖喱豬扒飯：1.5/5- 韓式炸醬烏東：1/5 最後，都希望素年食堂可以重視呢啲反饋，將來可以做得更好啲。…查看更多

見到餐牌講地道越南餐，湯底慢熬⋯一於試一試。又中伏⋯⋯除左個牛肉粉，餐牌上見到午餐可加錢加個春卷小食，好似幾靚喎，有啲香葉同酸蘿蔔做配菜，好似唔錯。點知圖片只供參考到一個點，黎到得兩塊生菜，所有配菜欠奉⋯算了午餐加$15，由佢廢事煩⋯牛肉粉一上，就想問staff拎個越南粉必配甜醬加落支是拉差度諗住點牛肉食啦⋯個staff完全唔知咩係甜醬⋯嗯，既然你標磅地道，無理由無架喎⋯anyways是但啦都係路經事但食⋯但飲一飲個湯，笑左⋯慢熬？ 呢個絕對係越南有得原罐賣個隻牛肉味精粉⋯所謂的慢熬/地道 無一切合到商品說明⋯總之說係hea 牛肉粉一碗好後悔係商場所有選擇中選擇左佢，差差差…查看更多

叫deliveroo見到呢間野新開，即刻order黎試下，好有驚喜喎😍仲記得以前去台灣做展覽，日日做到無停手，中午食個便當就係最輕鬆時候。所以成日都好懷念台灣便當個種豐富幸福感。今日竟然係屋企附近食到 雞卷有大腸包住，外脆內軟。魯肉飯店家用心用到較瘦嘅肉便魯肉，食落無負擔。再加一隻好入味嘅糖心蛋，正！小食都一樣無馬虎，香腸同蝦卷，每一樣食物都睇得出係用心制作。之後應該會不停encore呢間野！💗💗…查看更多

星期日晚叫左個外賣難食程度簡直嘆為觀止！唔個店係咪無諗過呢個餐係要送去第二區，個意粉overcook再焗一焗，碎濕濕淋到盡的口感認真嚇人。想食都唔係容易⋯難食度100分，直頭畀屋企人試左啖評為7-11叮叮意好食過佢⋯個buffalo wings又不禁令人懷疑到底個廚食過buffalo wings未呢？ 搶喉式酸再加d話梅味⋯好唔掂其實呢個價位絕對唔係貴，可惜如果連7-11食物都比唔上，絕對可以話係性價比低選擇。無下次了。…查看更多

紅磡區間間糖水都試過，因為冬至好多間網上外賣平台都無送，所以試呢間⋯點知沒有最伏，只有更伏⋯一打開「生磨」合桃糊見佢半透明棕色，心知不妙⋯食落無合桃味，似粉加糖加水⋯到底我食緊咩⋯好難食呀「生磨」芝麻糊加合桃糊情況一樣難食⋯一向惜食嘅屋企人食左兩啖放棄⋯可能係全紅磡最難食⋯由網上外賣平台送，加湯圓都成40幾蚊碗完全唔係話抵食⋯但係畀啲咁嘅透明合桃粉糊客人食，實屬過份得好緊要。不了，再無下次…查看更多

因為入join左呢個集團個membership有張呢間餐廳嘅coupon,所以就走左去試一試。踏入深秋，夜晚坐係室外坐位真係好舒服。完全唔會覺得熱鬧的銅鑼灣有一個咁寧靜嘅地方可以畀人靜靜地飲杯野，傾吓偈⋯above and beyond expectations...Service方面都十分值得一讚。基本上已經係去到六星酒店嘅服務。Staff個個都貼心有禮，impressive.食物方面，個lobster sandwich 幾正。因為用cream sauce做主，細心地放番d pickles係旁邊幫客人清清味蕾。…查看更多

首先入到去坐低其實都幾驚訝。不同群組客人以一塊膠板隔開本來唔係問題，但因為每一位客人只有兩隻筷子長的空間，同隔離唔認識嘅人接近肩貼，椅貼椅。多次隔離都撞埋黎，完全可以語係零距離。塊膠板簡直係自欺欺人。本來作為居酒屋，有小小迫係無問題。但係只有兩隻筷子的闊度，唔單止好唔舒服，係疫症期間咁樣坐法（留意左邊隻腳已經係隔離檯）好快就有mokumoku群組。另外就係呢個地方嘈同雜到一個想像唔到嘅境界。後面檯一台4位國語人飲大兩杯大吵大壤，企上張椅度大叫大聲講野好幾次，完全無staff制止。騷擾其他客人程度簡直係難以致信。 呢餐飯食左$1000/位，又點會expect到差過茶餐廳座位，雜過廟街嘅環境。不過公道d講食物質素係唔錯，其中有啲好creative嘅菜串燒，例如豬腦卷，皮蛋豬肉卷都好有驚喜。可惜係呢個價位配呢個環境，不了，有大把好選擇。…查看更多

因為飲咖啡會手震胃唔舒服，所以就選擇左一杯凍春果花茶同chestnut cake⋯首先個cake黎左個紫色cake...我就同佢講我叫Chestnut喎⋯好換番無事⋯轉頭佢拎個熱花茶上檯⋯我話我要凍喎⋯佢再轉頭番黎同我講花茶無凍⋯指住d coffee話不如走咖啡⋯我話下？咖啡走咖啡？會唔會有decaf呀？佢又話無⋯咁請問點咖啡走咖啡？你明明menu上面寫明tea有凍或熱⋯我畀哂錢夾硬上杯熱畀我係咩玩法呢？無下次…查看更多

經過門口見到有個海鮮丼做promo好似好吸引。我都明白圖片只供參考可以方便店家有時某一類食材無貨可以換番同價值食材落去，但係就絕對唔係用急凍吞拿魚醉去換走兩件圖片中的Toro囉，價錢牌都顯示兩者價錢相差$20以上，我朋友叫Toro又唔係無貨喎⋯即係好有心地以錢質低價食材誤導客人啦？本來都算，最慘係其他魚竟充斥著濃厚的雪味⋯呢個魚生丼真心無下次⋯⋯垃圾之中的垃圾。老實講呢個質素同你係超市買垃圾魚生丼係無分別，最小人地明買明賣無誤導無雪味先。下次都係行多兩步去幫襯隔離大廈間有質素魚生飯算⋯…查看更多

第二次幫襯不過一定係最後一次。第一次幫襯係試業時，沖杯野飲用左15分鐘（前面無人）見佢地對住份野一件一件水果放落杯⋯但味道尚算可以⋯所以隔一個星期再去一次⋯今次位黑面女staff快手左⋯但係杯野近乎無落糖（我無叫小甜）完全無茶味⋯飲落似有百香果味同檸檬味的酸水⋯即時送落垃圾桶⋯講真我都唔想浪費，但真係極品難飲第一位。講真，真係無下次⋯呢個質素⋯開親係呢個位的都好快要搵人頂手，睇黎呢間都逃唔過呢個命運。…查看更多

其實我入去之前真係知道呢間野近全負評，但見到評價已經好耐之前，見呢間野咁耐仲未執即管試下啦⋯其實我真係應該相信openrice....先黎一杯凍檸茶⋯飲落去介乎檸茶同檸水中間⋯真係好奇怪呀....我真係未試過一杯檸茶可以難飲到呢個地步下午茶個餐無麻辣，所以都係加多十蚊試下佢個麻辣湯底啦⋯⋯所謂的麻辣，原來係清湯加一匙辣醬⋯大佬會唔會太hea呀⋯⋯米線完全無味，煮到baby food一樣糊哂⋯個醬骨勁硬勁鞋⋯真係覺得食樹皮咁⋯⋯我已經食過好多好多間米線⋯真係未食過一間可以難食同hea到呢個地步⋯我好好奇佢點可以生存到⋯埋單$74⋯⋯永不回頭呀…查看更多

本來想入西貢食burger,無奈排隊熱店唔知咩原因已結束營業，只可以在附近尋找更好的選擇⋯選擇左呢間都有burger提供的西餐廳⋯諗住滿足下想食burger的欲望～點知竟然係意外收穫。我地叫左一個鴨肉risotto 同一個和牛burger,兩個都係意外地出眾。鴨肉risotto加入左大量雜菌落去浸，味道非常濃郁，但係又唔會如一般risotto般油膩，真係好正⋯講起都即刻想入西貢食多次。老闆個人好nice,見到我地隻狗仔，主動同我地傾狗狗經。感覺好溫暖的一間餐廳。一定會再黎。…查看更多

每個星期日都會選擇一間銅鑼灣的日本餐廳食個晏～今次openrice見到呢間全好評新衰廳，又見佢評價好高，即刻決定黎試下。可惜伏到一個點⋯⋯其實裝修同服務都好好～可惜食物質素份量都係同區偏低好多。首先係A5佐賀和牛，我都明白A5係畀隻牛唔係畀件肉，但係食到成口筋可以話係第一次令人最失望可以話係個魚生飯⋯薄薄的幾片魚生，淡而無鮮味，三文魚子同蝦都屬於一般平價剌身貨色，佐賀直送？難以置信。可能老闆真係要用心research 一下，附近餐廳offer緊咩質素同選擇。我真心寧願你收貴d...畀番d似樣d嘅野客人食⋯這樣高不成低不就的質素，難以在呢區充滿日本餐廳的地方生存。對我黎講，食評總比食物好，無下次～…查看更多