janice3232的个人专页

見到唔少人推介稻成嘅酸菜魚，難得有人幫手湊b，決定同老公快閃圓方！結果！發現⋯口水雞先係呢餐飯嘅主角🤩🤩🤩🐟酸菜魚稻成都真係好良心⋯因為呢份酸菜魚，真係魚多過配菜啲鱸魚好爽滑不過真心要讚一讚為數不多嘅配菜，特別係金針菇，真係好好食呀仲有薯粉，好煙韌，就算浸佐好耐，都唔會爛🐔口水雞啲雞肉真係好滑，俾佐雞髀同雞翼位，最估唔到係連啲皮都好爽口。口水汁嘅調味都恰到好處。好香辣好麻，而且係越食越麻！呢種刺激嘅感覺，就係食辣嘅快感✌️因為份口水雞俾佐好多汁，所以我哋用多餘嘅汁嚟撈薯粉！相當於食多佐一份涼拌薯粉⋯果然⋯師奶的智慧😂🥬金華火腿奶油津白原來⋯某些時候，蔬菜真係好味過肉！雖然佢望落唔夠吸引，但真係好好味，啲汁好「傑」，咸咸哋，有淡淡奶油香味重點係，呢到熱菜居然可以解辣！當我俾口水雞辣到傻傻下嗰陣，一食呢道菜，就舒服返曬 🐷稻成小籠包啲皮真係好薄，我哋為佐「電話食先」就用筷子夾住佢嚟影相📸但我發現，啲皮真係幾乎承受唔住滿滿嘅湯汁同肉餡小籠包嘅皮好爽滑，湯汁好鮮甜，啲肉都好滑好爽口。🥣酒釀桂花丸子我聽到「酒釀」，就覺得有啲驚⋯ 覺得會好伏不過試佐一啖，發現幾乎無咩酒味，而且有好香甜嘅桂花味。啲丸子都好彈牙！Btw 要讚讚服務態度，每一位都好好笑容❤️…查看更多

呢間酸辣米線雖然唔算得上大驚喜但間唔中都會掛住佢雲南酸辣湯底好好味，酸酸辣辣好開胃🤤特別係豬頸肉！呢到嘅豬頸肉係「吉列」豬頸肉脆卜卜嘅皮，包住夠味又爽滑嘅豬頸肉，真係好正蘿蔔都煮到好入味～…查看更多

麻辣串串香嘅串燒真係好正呀唔駛北上都食到好正宗嘅酸辣粉+串燒重點係，價錢都好合理！·酸辣粉薯粉比較粗～啲湯都幾濃下。係好正宗嘅酸辣粉仲可以自由揀餸蘿蔔真係好推薦！萵筍都唔錯👍·串燒係即嗌即燒，真係好好味🤤次次一上菜就忍唔住食，所以次次都無影到相😑🫣🍆燒原條茄子一定要試一下，勁多蒜蓉，雖然食完會口臭😷，但真係好值得一試！🥬娃娃菜娃娃菜上啲孜然粉好正！🐷燒豚腩超正啊，肥瘦相間。啲肥肉燒到脆卜卜！啲瘦肉又唔會「鞋」…查看更多

好耐未食過咁高質嘅doughnut啦！！因為係即叫即整，所以熱辣辣外脆內爆醬真係好正🥳🥸·有得揀regular sugar / cinnamon sugar我哋試佐正常量嘅regular sugar味道剛好，唔會太甜·至於doughnut嘅餡 真係有好多選擇選擇困難症嘅我 揀佐Nutella ,Oreo,strawberry·Nutella唔怪之得佢係招牌，真係好好味呀榛子醬同外脆內鬆軟嘅包真係好襯幾啖就食曬一個，都唔會滯！·Oreo真係好爆醬 記得要兜住嚟食，如果唔係⋯成身都係（唔好問我點知⋯）·strawberry啲講有啲酸，尚算開胃！·記得要趁熱食呀！…查看更多

米線愛好者終於試佐九頭鳥啦雖然友人覺得呢間同譚仔三哥差唔多但個人覺得「重慶麻酸辣」真係好正！而且仲有少少酸豆角，個湯底真係幾惹味😝「雲南酸辣」比較酸，怕酸嘅人，唔建議呀～·米線都算滑～唔會好硬身·除佐湯底，啲餸都算精彩個人好鍾意魚肉春卷～無聊的我，發現其實嗌一個餸好似抵啲😂單拼有5條但如果雙拼，同樣嘅價錢，得3條🥸··下午茶時段去，鋪頭無咩人，坐得好舒服見到我哋帶住小朋友，姨姨仲俾佐一隻用熱水沖過嘅碗，好窩心！…查看更多

係東涌想搵一間好味嘅火鍋放題真係唔容易🥺好彩呢間牛氣都中規中矩晚市5點前入座，仲有優惠。最平個餐每位連+1，都只係185$🥸湯底嘅選擇都多，我覺得個黑蒜豚骨湯最正。肉類嘅選擇都多，但係自助區嘅丸真係麻麻，除佐品種比較少，啲丸嘅味道口感都一般般·不過！牛氣最大驚喜係每一期都會有唔同味道嘅軟雪糕🍦最近幾期有試過栗子、綠茶、🍓每一次去都會覺得好驚喜·而且自助熟食區啲嘢真係幾好味😂特別係個豆腐花，真係每次去都忍唔住食幾碗！…查看更多

見過錦麗好多次，但一直以為連鎖餐廳出品嘅越南河，味道一定唔夠正宗🥶但自從搬佐入東涌，「無得揀」嘅情況下試佐一次！🤩真心好大驚喜，個湯好清好好味，啲餸都好大份好正🥳·🐮霸道總裁粉雖然個名⋯好奇怪⋯但真係勁多餸，好適合食肉怪牛尾超驚喜，仲有⋯啲油炸鬼好好食，好脆，又唔會成口油！·🐮安格斯火車頭安格斯牛小排好正呀，如果真係好鍾意食牛，一定要試下！·🐮錦麗牛肉丸粉係爆汁牛肉丸呀。一啖咬落去，就勁彈牙，唔係啲「粉粉」肉丸。如果唔知道食乜好，試下牛丸一定唔會錯！·🐷香茅豬扒雞湯金邊粉炸豬扒超好味，醃得好入味，豬扒表面都炸得夠乾身，但啲肉都係好嫩！推薦仲有，個雞湯都好好飲，無牛肉湯咁「甜」。·🐔雞絲扎肉雞湯金邊粉唔係太推薦本身想食扎肉，但得兩塊😢🥺啲雞絲有啲「鞋」重點係，隻碗好細，所以得好少湯。到最後要勁尷尬咁問店員攞多碗湯，先食得曬啲粉😂…查看更多

最近天氣真係好適合食燒肉咁啱係銅鑼灣，發現hysan新開佐一間佐賀燒肉谷呢間嘢啲燒肉咁出名，一定要試下啦·呢到有唔同等級嘅牛、豬、海鮮揀有放題同定食兩樣都可以係自助吧任食超過40種美食✌️·我哋今次揀佐定食🐂殿堂澳洲和牛盛合逢禮拜一至四晚餐時段，兩位進食，仲會送一條封門柳✌️·🌟封門柳肉質好嫩滑，甚至唔駛特別調味，加少少鹽就超好味 🌟牛胸腹每次吃燒肉必點，肥瘦相間，一啖咬下去，有很香的牛味～ 🌟特上牛肋肉鍾意油脂香味嘅朋友一定唔可以錯過。 🌟牛小排之前食牛小排成日擔心好「鞋」不過呢到嘅牛小排肉質好嫩滑，同燒肉汁絕配。 🌟梅花肉真係諗唔到，呢間嘢連豬肉都可以咁好食。燒到脆卜卜嘅同時，啲肉質都係好嫩。 🌟多春魚真心感動，係燒肉店可以食到咁肥美嘅多春魚！ 除佐咁多肉，呢到仲有自助吧。可以自助燒蔬菜食～仲有雪糕機！抹茶軟雪糕太好味。忍唔住食佐幾碗～仲有好多日式小前菜和嘢飲譬如螺肉、八爪魚⋯我哋係自助吧食佐超多嘢，絕對值回票價！…查看更多

好耐未食過拉麵🍜今日行yohomall一期見到新開嘅多賀野係門口見到米芝蓮推薦，價錢又唔算好貴。決定試一試🍜多賀野醬油拉麵雖然賣相比較普通但呢碗拉麵嘅湯真係好好飲，好鮮甜。配上蔥花，我真係好想encore一碗湯😂講返啲拉麵！我覺得啲麵粗過一般拉麵店，好有咬口，唔會太硬。食完一啖，忍唔住再食一啖！流心蛋同叉燒都好正，特別係流心蛋，個流心蛋黃好吸引呀。🦀️極上蟹黃沾麵沾麵比拉麵要粗啲，口感更煙韌。個蟹黃汁？蟹黃湯？哈哈😆真係好精彩，佢唔會太滯。食到好鮮甜嘅蟹膏、蟹肉味。齋飲會有啲啲鹹，夾埋個沾麵，簡直完美。食到一半，店員會問需唔需要加湯。加湯之後，當拉麵食，一麵兩食，成件事好抵🤣🤣個餐仲有天婦羅軟殼蟹，脆卜卜食，好好味跟餐嘅兩碟小食都好好味，唔會太鹹。🥔自家製蟹肉薯餅唔好睇佢細細一粒，裡面有一半係蟹肉！真材實料呀～薯蓉唔會太鹹，加上脆卜卜嘅炸皮，值得一試！食完炸嘢太滯？呢份小食仲配佐沙律🥗好窩心！🍇提子汁唔係糖漿味，又唔會太甜。俾小朋友飲啱曬！🍂環境我哋今次坐佐係窗邊，一路食一路傾計，再望住個天慢慢變黑，好愜意🧡…查看更多

每次經過都忍唔住望多兩眼，今次終於帶住bb一齊嚟佐啦❤️🇰🇷Terrace in seaside🍊店內每一位員工都戴佐柑橘🍊帽，非常可愛😆店面裝修係以橙色同木色為主好適合打卡📷但因為我哋湊住調皮bb 所以無緣打卡😂btw.店內有bb凳👍·🍊韓國蜆肉紫蘇飯呢個飯真係必食❕太太太推薦‼️咁大一隻碟，有一半都係蜆肉🤤蜆肉有啲微微酸辣，好開胃，有啲似中式美食「炒花甲」✌️蜆肉比較「重口味」而紫蘇飯帶有獨特嘅香味，飯粒煙煙韌韌將紫蘇飯同蜆肉撈埋一齊，一啖飯一啖蜆肉，真係好享受·🍓士多啤梨窩夫華夫餅🧇真係好鬆軟空氣感十足，外脆內軟，唔會太甜。美中不足嘅係，我覺得鋪係華夫餅上嘅奶油太多啦，好易滯😭不過奶油怪魔們肯定好鍾意😂·🍊柑橘乳酪因為怕滯，嗌佐呢杯賣相有啲可愛嘅乳酪…結果…好失望💔佢真係太酸了😭不過呢杯柑橘乳酪好真材實料，可以食到好多柑橘肉.📍Terrace in seaside…查看更多

每次經過旺角都忍唔住去買返一碗酸辣粉🥰雖然次次都要排隊，但好在姐姐們動作超快～·酸辣粉旦王啲薯粉真係好煙韌！就算拎到返屋企先食，啲粉都唔會爛曬。再加埋啲肉醬真係超正！有一次我仲加佐酸豆角，9蚊一份，姐姐俾佐超多！開心子！重口味人士每次連湯都唔放過～建議大家外賣嗰陣要分湯👌·魚蛋係我最愛嘅陳皮魚蛋呀～旦王嘅調味真心唔錯，辣度適中！·豬大腸一開始見到啲白色豬大腸嗰陣⋯真心覺得唔開胃😂但食落又覺得真係好好味，而且洗得好乾淨～推薦！·…查看更多