bonnnnie2569的个人专页

早已聽聞有很多人推介泰玖，看過menu也覺得菜式都很吸引，今日終於約到朋友一齊試被安排坐吧枱，如果菜點得不多，位置都勉強足夠，但我們點得有點多，位置就不夠用了～這家上菜不快，要是趕時間的話，這餐廳就不太合適朋友很喜歡咖喱，有咖喱又豈能沒有蒜蓉包！麵包沾上蒜蓉粒一起炸，外脆內軟，蒜蓉味剛好～青咖喱牛腩：本以為青咖喱會很辣，誰知這家的辣比我想像中少 (像喇沙的辣吧) 不太能吃辣的我也吃到牛腩份量不少，大小剛好，不硬不韌，好入味～ 配以茄子和長豆吸收湯的精華，亦可減低咖喱的辣不管是配白飯，還是蒜蓉包，這道菜都很適合！冬陰公花甲湯：小辣的冬陰公其實都很辣！一上枱便覺得很香，湯底的味道十分濃郁～食材和香料的份量都十足，芫茜愛好者應該會很喜歡 (可惜不是我😂) 開心 有很多菇菇😆花甲沒沙，肉也很大隻的～ 很可惜有一半都沒開，感覺我的錢都浪費在這些死翹翹的花甲上⋯⋯泰式乾炒雞肉河粉：這是我這餐飯的最愛！首先雞肉大大舊，啖啖肉，很嫩滑！配菜份量也不少，有椰菜花、粟米仔、紅蘿蔔和芥蘭～ 他們用的河粉比較似陳村粉，炒得條條分明，每片都很入味，同時亦不會太油膩～ 比普通河粉更有質感～總結：以泰國菜來說，雖然是比較貴，但出品對得上價錢，值得Encore！…查看更多

前排有啲著迷於雞湯米線/麵，經朋友介紹可一試銅鑼灣嘅樂湯雞麵館～今日同屋企人分別嗌咗兩款刀削麵 海蜇手撕雞 加兩杯豆漿本身以為係11:45開門 點知原來係12點 所以係附近徘徊咗陣 到11:55員工開門 佢哋好客氣招呼我哋先入去 態度分Up Up Up涼拌海蜇手撕雞先上，雞絲、海蜇、紅蘿蔔絲同青瓜絲比例啱啱好麻油味很香，味道調得剛剛好～ 啲雞絲仲幾滑添！雖然$58唔算平，但都值得一試～兩碗刀削麵的份量同用料對得上價錢，上枱時滾熱辣，如果係天氣比較涼去食的話會非常暖胃呢間的雞湯有濃濃的金華火腿味，但個人覺得有啲太重，蓋過咗雞味 ⋯⋯屋企人嗌咗花膠雞湯翅加鮑魚，花膠同翅的份量都唔少，雞就剛好俾到雞髀位，肉質嫩滑～花膠大大舊，夠入味的！可惜我叫的花膠雞麵的雞（雞胸位）都幾鞋，有啲扣分另外可能刀削麵比較厚身，未有好好吸收到個湯，食落唔夠味⋯⋯ 下次可能叫米粉米線會好啲…查看更多

想試筲箕河粉好耐好耐，但店舖位置同屋企/公司都相距甚遠，所以一直未有機會試尋晚上完堂終於有機會落深水埗買份河粉做宵夜了～～！嗌咗牛腩筲箕河粉同碗仔翅，碗仔翅唔只足料，仲出奇地大碗！！滿滿的火鴨絲、冬菇片同木耳絲，質地偏杰身，食到底都唔會有越來越稀嘅感覺～一碗碗仔翅已經夠填飽細食嘅我😆😆😆 抵呀！牛腩筲箕河上鋪滿爽脆嘅醃菜 配以相對油膩嘅牛筋腩 口感非常好👍👍見到原來都有牛筋表示喜出望外，牛腩份量都唔少（起碼6件），軟硬程度適中，性價比很高～另上的湯汁係河粉嘅精髓，倒入湯汁後河粉沾滿湯汁，滑口得嚟又入味，食到停唔到口！總結：筲箕河粉極之值得Encore! 下次要試試手撕雞河粉～…查看更多

最近興致勃勃想試法國菜餐廳，係Openrice搵到Le Monde覺得幾唔錯～同朋友約咗星期六食個late lunch～ 地點雖然唔近地鐵站，但都幾易搵到一入到餐廳覺得空間感好好，枱與枱之間距離足夠 裝修簡單但有格調可能因為比較晏，餐廳只係剩好少客，非常適合chill住食 慢慢傾～今日試試焗龍蝦意粉吧～ 食法國菜又點可以唔嗌埋洋蔥湯呢～ 朋友選擇咗飲龍蝦湯表面有層厚厚的芝士❤️ 芝士拉絲，小甜的洋蔥配以吸滿湯精華的法包，味道唔錯啊👍 至於龍蝦湯，朋友表示龍蝦味十足，也很推薦的！唔知係咪趕住休息 意粉係上咗前菜後好快就上埋lol 食得慢嘅我表示個意粉要變涼了⋯⋯相比起龍蝦湯的味，意粉汁的味道就不夠濃厚了，但係有好多蟹肉的，絕對係貨真價實龍蝦的份量唔細，喜歡食蝦頭膏的話應該會表示很興奮，因為有滿滿的膏～但蝦肉係大扣分點，真心韌 -__- 意粉質地剛好的～總結：可能因為期待已久，最後整體感覺只是不過不失，係有啲失望⋯⋯…查看更多

12點前已到登龍街，剛好未到放飯時間所以餐廳有大把位～比起出名嘅燒鵝，會想先試最基本嘅叉燒油雞飯，亦係我去燒味店必食嘅選項好開心師傅俾咗隻油雞髀我😆 溫度剛好，肥瘦比例幾好，肉質嫩滑，骨髓位亦唔會有紅色血水！叉燒亦咁啱俾半肥瘦位我😆 唔會太甜，脂肪同肉嘅比例剛好，外少焦內軟，的確幾唔錯～略嫌唔夠汁撈埋，下次可以叫多汁⋯⋯ 飯可以再軟身啲就好 (不過呢個好睇個人口味)至於嘢飲就好一般，可以唔使嗌…查看更多

前排睇社交平台發現有foodie推介金飯館嘅下午茶，意外發現自己好想試吓佢哋嘅肉餅飯，就即刻搵個大食嘅朋友一齊去試試！知道佢哋第一分店喺牛頭角，但對我嚟講唔太方便，所以試旺角分店吧～適逢假期同踩中lunchtime，等咗大約10分鐘有位 (搭枱)兩條友仔乜都想食，最後叫咗2個主食＋炒腸粉＋每人一杯手搖～ 雖然睇openrice好似無乜人叫炒腸炒，但本身我哋兩個都好喜歡炒腸粉，不妨一試吧！唔係講笑，真係好好食😆😆 每條腸粉都沾滿炒蛋，蛋味香濃，沙嗲牛肉牛肉滑，沙嗲味香濃但唔咸，正！秒清😂下個到場嘅係蔥油肉餅飯～  厚厚嘅肉餅配上流心蘭王雞蛋，性價比算高的肉餅肉質鬆軟，外脆內軟的，味道剛好，感覺似食緊獅子頭⋯⋯ 蔥油撈飯唔錯，個飯底亦唔會好油～ 雞蛋煎得香香脆脆，連肉餅一次過送入口，正！重點推介：蝦頭油炒飯！一嚟到嚇咗一嚇⋯⋯咁大碟嘅 點食😂😂😂 賣相本身已經好吸睛，好足料，一翻起勁香蝦頭油味！啲飯炒得夠乾身，每粒都沾上滿滿的蝦頭油同蛋漿，口感香味十足～配料有蝦、帶子、蠔仔同海量櫻花蝦，啖啖飯都跟到少少配料～肉餅飯同炒飯兩者相比之下，肉餅飯明顯顯得遜色，好彩我哋係先食肉餅😌😌…查看更多

最近好喜歡食韓國菜，見social media咁多人推介韓式刀削麵就約埋朋友嚟一齊試～6點3左右到，前面都有兩三枱客等緊，等咗大約30分鐘⋯⋯ 由於我極喜歡牛骨湯，今次首選牛骨湯刀削麵！朋友們叫咗花蛤刀削麵，再加雙拼餃子share雖然openrice食評好多人話佢湯底太淡，但可能我哋口味算淡 (?)，其實覺得個湯底味道係啱啱好如果牛骨湯刀削麵可以再多兩塊牛𦟌就好⋯⋯ 刀削麵好大份，一開始食落係爽口嘅，但因為個湯好熱，要放涼啲先入到口，個麵就冧了牛骨湯底清淡唔油，我個人係好喜歡呢個味道的～ 所以其實平日晚餐係唔食澱粉嘅 今晚都照食晒花蛤刀削麵係真足料，好多花蛤，啲花蛤都無清甜的，亦唔會食到有沙～ 湯底就係淡淡嘅海鮮味，朋友表示恰到好處雙拼餃子 (泡菜＋豬肉)：都真係幾大隻😂 皮薄餡多⋯⋯ 豬肉餃子一切正常嚕～泡菜餃子嘅辣真係唔係講笑😂😂 食落去嗰下還好，咬落去先慢慢feel到佢有幾辣，但都OK嘅不過因為麵好大份，餃子又好大隻，下次再去的話就唔會嗌餃子了～令我哋最驚喜嘅反而係跟餐的泡菜！酸辣度剛剛好，泡菜好爽脆，食唔停口🥹🥹 可以無限添食～…查看更多

同朋友去大圍睇戲，係附近搵openrice多好評的餐廳試試～由大圍A出口行到餐廳大約10分鐘左右，大約6點3到達。由於時間尚早，我哋唔使等位直入，坐喺地下嗰層。略嫌地方淺窄 (太近廚房，走廊很窄)，但都明白小店位置有限～第一次嚟先試試飽肚嘅麵食＋一款小食～ 本身都叫齊魚仔醬啦啦&咖央，但怕兩位女士食唔晒，所以揀咗魚仔醬啦啦⋯⋯蜆肉本身無任何調味料 (當然有啲海水味)，純粹靠魚仔醬吊起個味～雖然menu上有隻辣椒，但唔食得辣嘅我表示只係BB辣，值得一試的魚仔醬本身好香口，幾足料有唔少魚乾仔，夾少少配蜆肉一齊食很不錯！檳城福建蝦麵非常足料，3隻蝦都唔細隻，雖然煎得有啲乾，但其實非常香口～兩件腩肉亦煎得香香的～為咗想試老鼠粉，特登揀一個比較濃味嘅蝦湯，個粉會比較入味。湯底蝦味很濃，老鼠粉亦好入味，辣味比魚仔醬啦啦少⋯ 值得翻兜😂如果想清淡啲，舊街白咖哩麵係唔錯嘅選擇！咖哩味淡淡的，椰汁味十分濃厚～配料上同蝦麵差唔多，腩肉變咗豆卜。下次再嚟的話，要試試咖央同肉骨茶🤓…查看更多

見網上有評論春水堂新出嘅珍珠奶茶火鍋，雖然感覺有啲伏，但都忍唔住要約朋友去試～ 唔試點知伏唔伏😆😆嗌咗珍珠豆乳鍋＋雞髀肉＋手工麵$158呢個價配呢個份量係預期之中，雞髀肉比我預期大份的材料方面都幾滿意：蔬菜種類多，索晒啲湯汁幾好味，雞髀肉都係滑嘅一開始以為份量唔多會食唔飽，點知食落原來都幾大份⋯⋯我細食，麵同雞肉都食唔晒（朋友幫手食）火鍋嚟到係純豆乳湯底，茶包同珍珠自己落，建議一開始先落茶包珍珠試試湯底⋯⋯就算將個茶包一直放喺湯度滾，茶味始終唔太出，有啲可惜～ 可能本身豆乳湯都好濃，好快就覺得越食越膩，所以試吓係OK嘅，翻兜就不了…查看更多

同朋友係天后行去銅鑼灣搵食，經過銅鑼灣地帶忽有奇想：不如重溫中學的味道吧！以前放學後都會係銅鑼灣搭車/等補習，所以久唔久會同同學食HeSheEat。時間耐到已經唔記得上一次嚟係幾時了～ 週日的lunchtime都不用排隊，我哋各自嗌咗一個紅花海鮮燴意大利飯，再加一個抹茶黑芝麻Soufflé Pancake。我哋一致認為Risotto好有水準，首先擺碟整潔亮眼，顏色配搭夠吸引。飯的軟硬度適中，燴飯的汁完全唔會有膩的感覺，輕輕鬆鬆食晒一碟～ 海鮮煎得剛好夠香，份量適中，整體都好好👍 本身梳乎厘的味道幾好，但講鬆軟程度就比不上嗰啲日本過江龍。抹茶味唔濃，所以喜歡重抹茶味的我有少少失望，而朋友就覺得紅豆太甜。整體而言，我哋認為呢個梳乎厘一般，唔特別。話雖如此，佢嘅Main都係好值得再嚟試，或者可以試吓其他甜品😌…查看更多

為咗避開由鴨洲過嚟嘅大量旅客，加上吉澳只有呢一間餐廳，我哋係島上閒逛一陣，差唔多12點就衝去食飯。時間尚早，所以唔使等位。餐廳入面嘅枱分兩行，因為係白飯任裝，所以餐廳留咗條好寬敞嘅走廊俾大家裝飯，枱同枱之間就迫，真係背脊對背脊咁。兩個人嗌咗3個餸，朋友嗌米粉，我就揀白飯。同朋友一致認為蒸魷筒銀魚仔係最出色嘅菜式！非常有驚喜！係好多地方買過銀魚仔番屋企食，都覺得幾咸，但呢個銀魚仔完成唔會，夠鮮甜，有少許海魚該有嘅海水味。再加上個豉油，唔咸唔淡，味道剛剛好。既食到銀魚仔嘅新鮮，個汁嘅味道亦唔會蓋過本身魚嘅味，太正😆 反而，魷筒就真心咸，質地係幾好咬口，但無飯送住食的話就真係咸過頭。送飯一流嘅客家炆豬肉🥰  豬肉有啲鞋，但肥瘦比例適中，煮得好入味。豆卜索晒啲餸汁，當然好食。係有啲油同少少咸咗啲，但只要有飯，要消滅呢個餸絕對無問題 。減肥這回事。。。聽日再講😎😎朋友形容為墨魚版嘅山竹牛肉球🤣  見評論推薦所以一心想食，但因為銀魚仔意外地出色，所以呢個菜相對地無咁吸引我哋。的確有一個有特色嘅菜，出面食唔到。做法應該似牛肉球，但由牛肉變成墨魚。墨魚味好香，個丸打得好爽口，記得要趁熱食！整體全部菜式份量都唔少，兩個人食得晒都算係咁。估唔到小島都有好西食！…查看更多

上次嚟巴依食飯已經係2018年，5年後終於再有機會親臨光顧。今日同朋友大約晏晝一點半到餐廳，等咗大約5-10分鐘就有枱，不過要搭枱。成間餐廳坐滿人，枱與枱之間都幾迫，但環境都算整潔。好明顯係太旺場，伙記唔夠，都真係要舉一陣手先有人理。見評論話服務唔好，但今日侍應阿姨態度都算客氣，起碼我唔覺得有問題。我哋兩個女仔叫咗一個細嘅新疆手抓飯 ($60)，一份烤羊肉串，同兩杯原味酸奶。上菜等得唔算耐，第一道先上手抓飯。個飯有淺淺嘅羊油味，雖然油，但有紅蘿蔔伴住食，唔會覺得膩。羊肉本身煮得夠淋亦唔太膻，面頭有啲孜然粉剛好，所以無蓋過本身嘅羊肉味。如果係重口味可能會嫌太淡，但我覺得唔錯。 果然期望越大，失望越大。本身羊肉味唔夠 (膻味都太少)，expect佢孜然粉係已經灑上羊肉度，可惜係要自己點嘅，咁樣個羊肉亦無乜孜然味。多年前曾到烏魯木齊街邊食過當地正宗嘅烤羊肉，相比之下今日嘅真係好失色。食完飲番杯酸奶解油膩，剛好。酸奶質地夠濃夠杰身，唔錯。最驚喜嘅係臨走時，隔離搭枱嘅夫婦叫咗羊肉湯，嚟到發現太大鍋，主動請我哋每人飲咗半碗。飲咗一啖馬上後悔點解要嗌羊肉串😂 個湯好清甜，有香濃嘅羊膻味，但亦唔係會令我呢個怕膻味嘅人入唔到口嗰種。我會形容係該有的羊膻味❤️…查看更多

星期日同朋友特登約係小西灣，試下呢間既黃又聽聞係好食嘅西餐小店。平日行過都見外面長期有條人龍，所以12點正就到餐廳睇下可唔可以趁佢剛營業有得即時入座，可惜已全滿😂 最後等左半個鐘。雖然店很小，只有十幾個位，但都坐得唔算好迫。我同朋友都各自加咗餐湯同野飲。佢哋上菜速度都幾快，可能因為外面有太多人等位吧😂 今日餐湯係甘荀忌廉湯，甘荀味夠特出，幾好飲，不過我更喜歡佢個麵包，香草味剛剛好🤤 如果個麵包係乾身啲嘅就完美了我嗌左南瓜蟹肉意大利飯，份量都唔細，我比較細食所以都食唔晒。佢啲食材都無hea客人，佢上面嘅芝士好啱我口味，蟹肉都唔少亦真係有蟹味😂 成個意大利飯都煮到夠入味亦唔會覺得膩，再加上價錢相宜，整體係真係性價比高！我朋友嗌左吉列豬扒蛋包飯拼白菌忌廉汁，忌廉汁唔會俾人膩嘅感覺，吉列豬扒都炸得幾好，但略嫌啲飯太硬。總括而言，呢間小店係小西灣來講絕對係高質。雖然預咗一定要排隊，但都值得再光顧👍🏻 …查看更多

今晚男朋友揀餐廳，佢話之前有朋友介紹老街好食又平，所以放工搭車過嚟試吓。一出地鐵站過馬路就見到間餐廳，位置都幾方便。雖然地有啲滑，但裝修都算有花心思。一睇Menu見啲嘢食嘅價錢都OK，主食平均都係$50-60，加杯特飲都係$12。我嗌咗鐵路雞扒滷肉飯，本來預份量細，點知原來都幾大，差啲食唔晒。雞扒都煎得幾好，啲肉幾滑，個滷肉飯滷肉唔算好多但味道夠，以$58嚟講算幾唔錯啦～ 加$12多杯珍珠奶茶，奶茶味都夠，珍珠偏細。整體都算唔錯啦男朋友嗌左鹽酥雞滷肉拌麵，加香芋珍珠奶茶，都係$67。滷肉拌麵幾爽口，鹽酥雞唔會炸得太老，個酥皮又夠薄，佢都食得幾開心。…查看更多

平日同屋企人多數係東區食，今晚就諗不如出cwb試下新野⋯⋯早有聽聞飲茶d野食唔錯，造型又特別，所以就預先訂左3位8半。我地早左10分鐘到都即刻有位，剛好坐左係一張對住Times Square的枱。環境都ok，落地玻璃對住Times Square, 客人都唔多所以唔嘈～上菜的時間都算適中，餐具都算比較精緻有特色。先到的係翡翠豆腐，用的是玉子豆腐，感覺都幾清新。我地每人嗌左一杯野飲，個人覺得一般，無咩特別。本來睇menu以為櫻花蝦飯同炒河（例牌）的份量係大約一人份量鬆d，點知原來有3人量。呢3個菜味道都幾好，個人最喜歡係滑蛋蝦球河。一開始最期待的就係快樂農莊，但食落反而無太大驚喜。略嫌包點上枱時唔夠熱，包的外皮好快變硬，所以就算個餡味道ok但因為個皮太硬而失色。總括而言，野食的味道係真係ok嘅，但價錢的確偏貴。好偶爾食一次都可以嘅…查看更多