ruby_ty的个人专页

8點入到去見一枱客都冇 又烏燈黑火都覺得有少少伏味同朋友被牛骨髓吸引嚟呢間餐廳食味道係唔錯幾得意 但只得一條骨（唔好意思 冇影相）另外叫咗一個意粉同薯蓉份量同樣少得可憐 一上菜見到眼都突埋 兩下就食完（真係冇誇張 請見圖片）問題係價錢唔平 2個人3樣野埋單$460兩個女仔食完三樣野仍然係肚餓仲要轉場食甜品先有飽肚感食物味道正常 冇好突出 價錢高（仲要加一）性價比低 得一枱客出菜速度都係偏慢 全店得一個waiter+一個廚師Waiter都有禮貌 算係唯一可取之處整體唔推薦呢間餐廳…查看更多

睇過食評，知道呢度啲巴斯克蛋糕仲好食過餃子，主要係想嚟試蛋糕，點知8點左右嚟到仲要大排長龍，起碼等咗5-6枱，20+分鐘先入得 入到去先知蛋糕賣晒 都算，餃子都有興趣試吓，但佢啲餃子44蚊得8隻，我雙拼仲要+2蚊，叫咗椰菜同菠菜，喺我等到咁餓嘅情況下都仍然覺得相當普通，唔明點解可以開到兩間鋪，大排長龍。重點係 煎餃煎到燶晒，食落口一陣燶底味，體驗好差，唔建議大家大熱天時排咁耐隊食又貴又普通又唔飽嘅餃子。第一次喺openrice寫食評，真係非常失望，希望大家唔好中伏…查看更多