dolphin0079's Profile

今日第一次post相到OR, 因為我要介紹一下燉奶佬對食物嘅新定義, 如果大家接受到呢個"Change"嘅, 大家不妨黎試下。但, 我真係接受唔到!首先為大家介紹嘅係: 飯後甜品- 泰式黑糯米( Hot Thai's sticky rice )我印象中既泰式黑糯米應該係: 一團黑色黏稠既飯團, 配上椰汁嘅甜品。唔知大家睇到呢個名係咪都係諗到呢樣? 我都順便問一下同行嘅友人, 大家都係咁覺得。點知!!! 侍應哥仔遞上來既竟然係一碗「紫米露」!同印象中咁大分別, 我當然即刻問下個哥仔呢個係乜, 佢仲好愕然咁同我講「咪係黑糯米囉」。吓? 你有冇講錯? 定係個餐牌寫錯係「中式」黑糯米呀? 如果都唔係, 應該係我錯, 錯在我唔知燉奶佬嘅泰式黑糯米原來係咁樣...跟住係: 飯後甜品 - 海帶綠豆沙大家可以睇下張相, 就可以知道咩係「飛沙走帶」。當湯飲都會嫌佢稀。定係燉奶佬嘅綠豆沙=熟綠豆+水?當晚主菜其實係: 巴基斯坦咖哩雞飯, 酸辣水餃米線。因為只想快啲吞完佢, 早走早著, 所以相都冇影到... 不過請容許我介紹一下呢2樣怪獸! 巴基斯坦咖哩雞飯: 如果閣下係睇餐牌叫野食的話就要小心啲, 可以話大家知, 餐牌上既相同上碟既野差十萬九千里!! 呢個巴基斯坦咖哩雞, 先唔講佢餐牌上個樣呃得下人, 而且佢仲大大隻字咁寫埋係榮獲xxx獎 (如果佢話冇偷工減料的話, 大家自己衡量有冇做假之嫌啦...)。好啦, Promote到咁嘅樣, 我地當然上當啦。等左10分鐘都未到, 上菜! 黎到嘅係一潭咖哩水, 裡面有一啲白烚既蔬菜, 真係做到「出汙泥而不染」既效果: 夾上來可以不沾一點咖哩水, 勁! 而啲咖哩, 當然同食開嘅唔同啦, 完美地做到「食、香、味俱缺」嘅地步! 一碗餐牌上嘅咖哩汁, 起碼可以分到10碗上菜嘅咖哩水!! 只有辣沒有香, 咁同食辣椒雞有咩分別?酸辣水餃米線: 酸辣來自浸到冇味嘅酸菜&幾圈紅椒。無論視覺上或者味覺上都同清湯米線一樣...而水餃就很有特色, 如果喜歡吃榴槤的人應該很喜歡呢個。一咬落去就有一陣榴槤味擁來, 夠特別! 不過有人話我知如果啲肉有榴槤味係咪即係壞咗呢?其實今次既慘痛經歷前都試過佢「laksa」同鹿兒島豬軟骨, 當然貫徹燉奶佬既風格: 稀! 呢間野, 越來越不勘! 當初開舖時同而家相比, 落差太大了。如果閣下還對呢間咁既野有希望的話, 都係奉勸一句: 去街市食都冇咁嬲...垃圾…Read More

一直好想試呢間滇家菜, 但每次去到新城市都係夜晚, 因為夜晚就得番「叫餸食飯」,想食少少試下就唔得lu. 咁啱今日2點幾黎開, 第一時間去搵呢間! 一去到, 見到門口個餐版寫住「下午茶」, 都有幾多麵餐揀, 都係~$30! 二話不說都衝左入去啦!! 先講環境: 咁啱呢日店內無咩人, 環境十分清淨。四周牆上既裝飾都幾特別, 至於關唔關「滇家」事, 我都唔知lu~ 座位舒適, 檯呀, 地面呀都好乾淨。總之感覺好relax~再講服務: 一入去就有2個哥仔帶路 (應該係暑期工, 因為聽到一個似manager既女人教佢地餐廳生存之道XD) 阿哥仔雖然似係暑期工, 但都算幾有禮貌. 可是落錯左單...不過叫佢改單時手腳好快, 即刻去篤機改, 餐到時都唔係好覺黑面, 呵呵, 很好! 不得不提既係嗰位女manager, 佢行過時見到地下有啲牙簽套碎, 竟然會踎低執左佢 很好很好!!!!*註: 啲牙簽套碎唔係我特登架>.<到講食物啦!!! 我點左個豬軟骨小鍋米線+凍荔枝紅茶。非一般既下午茶餐份量豬軟骨小鍋米線 (小辣): 米線熱辣辣送到, 一黎到就聞到好香又帶點微辣既香味, 胃口已經大增! 第一眼望去, 以為得2舊豬軟骨, 不過心諗下午菜餐得2舊都ok既, 但係原來食下食下仲有d細舊少少既響底, 勁有驚喜 食麵既, 第一時間緊係要試下啲湯先啦~ 湯底唔算太濃, 但加上呢個小辣既口味, 鹹度、辣度啱啱好, 平時唔太食得辣既我, 都一路食米線一路飲湯直到幾乎飲晒為止 其二就係試米線啦, 佢呢度啲米線比平時街市買到既幼身, 軟硬度又啱啱好, 之所以一口米線一口湯, 好快就KO了!跟住都係試佢d豬軟骨, 骨軟、肉腍、味香! 最香口既其實就係佢痴住既「肥膏」, 但係真係過唔到自己個關, 有啲都咬走左, 唔係既話滿足度將+10%! 隨餐仲附有飲品一杯, 我揀左凍荔枝紅茶, 一開頭諗應該都係嗰d台式餐最興俾既人工糖水, 點知!! 又有驚喜!!!!!!! 原來呢杯野真係有粒荔枝響底架 成杯野淡淡既啡色, 未放到咀邊都已經聞到淡淡荔枝既清香(其實我都唔知有冇人工香料架~)。糖水係另上既, 咁特別既一杯野, 當然要試下佢個真味先啦! 記得飲之前要攪勻, 未加糖水前既荔枝紅茶已經有輕輕既甜味, 如果大家係飲開COT少甜既話, 其實可以唔加糖水都得。就算唔加糖水, 成杯野都好清香。由於我唔係點走甜既人, 所以落左少少(~10ml), 跟住就有啲後悔...太甜了......所以勸大家少少咁落, 試下先^^"2個驚喜+舒適既環境+回味無窮既食物 = $30 = 一個愉快的下午下次會再來!!!…Read More