Mr. Paul的个人专页

BluyMondey真是好難攪，完全就係無心情工作，所以午餐時都特登去食啲好野平衡返個沉鬱情緒，但食得太多關係，一到晚飯時間就唔食得落太多.....於是女人就捉左我食泰國菜，話食完會開胃返開心返喎(呢個女人真係好體貼)女人係網上搵左一陣後就帶左我來this restaurant，feel so good 天氣真的太熱，安坐後第一時間是抹汗外，就是叫杯凍飲！我就叫左我都幾鐘意同常飲既青檸梳打，微酸中有一點甜，亦都好夠凍，正好為我降溫消暑女人好鍾意飲冬蔭公湯，因此都叫左，味道酸中帶點辣，係好開胃，入面仲有好爽口既大蝦同草菇，確係好飲太熱關係，我倆也叫了酸辣去骨鳳爪，口感凍凍地又酸酸辣辣地，加上當中除無骨鳳爪外，還有不少生菜，讓整體口感大為提高，是做得很不俗的小食食左很多菜後，女人堅持話要食埋芒果椰汁糯米飯先走，咁食就食嚕~這餐廳的芒果椰汁糯米飯是原個上，糯米飯有黑及白，個芒果好甜，糯米飯亦好香軟綿綿，加上濃香椰醬一齊食就更是正爆，女人係咁食，基乎連隻碟都食埋咁滯食完確係開心返D，食物同我女人既功勞真係最大呀~~~~!~…查看更多

啲人成日都話要嚟九龍城食泰菜，講咗n耐，鑒於本人唔鐘意跟風，所以一直無去過。不過最近因為各種嘅機緣巧合，終於嚟體驗一番。發覺味道真係好似傳說中咁，無令我失望。泰式拼盤，味道同我去泰國時食到嘅一模一樣，主要都係以香脆可口為主我最鐘意食嘅就係呢個泰式咖喱炒海鮮啦，海鮮份量多，咖喱味道夠香夠濃，撈飯食真係一流啊！！酸菜煎烏頭味道好開胃，完全滲曬入條烏頭到，魚肉非常入味，再加上豆角、菇嘅配料，俾人感覺真係好大一份，魚肉酸得嚟又鮮，肉質嫩滑西冷牛小排約6成熟左右，加上少少黑椒同燒汁，味道好香，肉質鮮嫩，唔會好老…查看更多

近排天氣又濕又凍咁，落雨落到痴左線，真係好煩！咁話晒都係假期，就梗係點都要出去食吓野先安落喇！而我本人就最LIKE食辣，於是就同捉左妹子走左去食麻辣川~ 因為之前經過已經好想食，今日有時間就梗要gogogo喇~~~睇咗下個menu，除咗有麻辣鍋同米線食之外，仲有好多燒烤小食，齋雞亦就已經有4種唔同嘅口味啦，而我地就叫左個干鍋餐，好期待呀！！！羊腩干鍋，要咗微辣，曬乾嘅辣椒鋪滿成個鍋，食材豐富，羊腩、支竹都有好多！！好夠味吖。驚著辣嘅話最好點翻杯豆漿啦，我就係用呢個方法！順帶講吓個豆漿好有豆香又濃郁又滑口，真係世界級正呀！…查看更多

收工之後直奔Explorer Fusion Restaurant，因為已經有朋友係度等緊，大家已經相識好多年，彼此之間都共同經歷過好多事情喇，所以希望係佢出國工作之前大家好好咁慶祝一下我去到嘅時候朋友已經點好咗beer，因為宜家咁嘅天氣飲翻杯涼茶有助於降火~鬼佬涼茶就最正喇！半杯落肚之後，大家都冷靜咗喇，講起以前嘅趣事，特別係爭食甜蝦嘅醜事，宜家三文魚、牡丹蝦、吞拿魚、甜蝦都擺晒係面前，大家都無好似之前咁，食落好鮮甜爽口，大家都食得好開心。飲得啤酒就當然要食埋枝豆~ 呢碟枝豆味道新鮮爽脆，味道仲好清甜添~~~而我覺得最好味嘅都係呢道慢煮澳洲和牛，因為肉質嫩滑，火候掌握得岩岩好，中途侍應好主動禮貌，因為個人原因問佢要咗幾次餐具，最尾我自己都唔好意思，不過侍應都全程理解同充滿笑容，服務態度十分好，最重要係件和牛確係堅好食…查看更多

同女人行完銅記正煩記食咩好之際，突然被我諗起之前去大坑食飯時發現到有間新既火鍋店，天氣又凍凍地咁就一於去打邊爐~間店既面積唔大，同個位置係近天后多少少，裝潢設計都係較簡單，坐位就係有少少迫女人揀左麻辣&豬骨鴛鴦鍋，鍋入面有豬骨同有好多香料，豬骨湯底好鮮甜， 麻辣湯底則夠晒辣，味道合乎預期之上食得邊爐，我就一定要叫牛肉食，這火鍋店的安格斯肥牛都唔錯，燙熟後都食得出牛肉本身的鮮香，肥瘦比例都算平均，都幾好食！而這碟青筍條就係最特別好食！爆爽甜爆嫩，仲好滑同軟，唔係隨便搵間火鍋店就食到，好彩我叫左黎食啫，堅堅堅"正"！！另一吸湯神物凍豆腐都係我既最愛！豆香濃郁，又可以吸晒湯底，每食一口都覺得係享受！小店食材新鮮，服務好，味道帶點港式左的川味，較合港人口味，好食的同時價格都唔算貴，可以再幫襯…查看更多

天氣凍凍地除左係張床外，最好就係打邊爐或者韓燒，今晚我同小b就去左食韓燒~~~是夜去左呢間係尖咀既韓燒，店舖分室外同戶外區域，室內係電爐，戶外係炭爐，各有各好喇，我就怕凍就揀左室內坐低後就一輪旋風式點點點想健康就可以好似我咁，先食沙律菜，咁就無咁大罪惡感，呢度既沙律都算新鮮多汁，菜咬落好脆，口感好清新！個醬係日式芝麻醬黎，甜中帶微咸，好開胃緊隨就係主角開場時間，燒燒燒肉開始喇，燒羊架、牛舌就係我既最愛，放在爐上輕燒兩吓就食得，一陣後就已經滲出濃濃肉香；肉質鮮嫩，口感豐足，脂肪比例恰當，食在口中很是滋味~食過燒肉開左個胃後，就到食刺身時間，咩都鍾意食既我就揀左三文魚、八爪魚、帶子、北寄貝、甜蝦等，食在口中很是鮮味又爽甜後黎仲追加左伊賀盛盒拼盤，牛小排雪花分佈適中，每口都好juice，啖啖肉啖啖香！爆LIKE食海膽既我最後都係忍唔住叫左板海膽來食，份量正常，色澤金黃而有彈性，口感QQ又滑，用紫菜捲包著來食就是好享受~最尾再食埋Movenpick 雪糕真係大滿足呀~~~~~…查看更多

北角個頭係少去d既，今日因為要去個邊見客，所以就去左，見完客都成7點，所以就係附近食埋飯先返屋企，係同事G的帶領下就去左佢口中話幾好既餐廳呢間餐廳樓底高又大，感覺好舒服，客唔算多，座位都好闊落，一點都唔迫，第一感覺幾良好餐牌上都好多野食，揀左一輪後，我就揀左紐約頂級牛柳大蝦，全因我好Like食牛同蝦，個樣大大碟好靚，呢個時候當然相機食先件牛都唔細，好厚肉，口感嫩之餘，更全無雪味，廚師確係處理得幾好，點埋個汁食就更香，食完一啖已經好想食第二第三啖隻蝦好大隻！好爽口，又多膏，質感彈牙，食得出係靚貨！而薯角也炸得金香脆口，合乎預期，總體上非常之滿意！…查看更多

月頭去開紅磡拜神，之後就同阿媽去左呢間韓國炸雞店食埋Lunch先返歸~一睇出邊同入邊嘅環境裝修就知新開無耐，裝修走年青風格，好有活力，而顧客亦係較多後生仔咁一場來到炸雞店，咁就當然要叫炸雞喇！我地叫左半份既韓式香蒜炸雞，有5件，蒜蓉味道好香，皮脆肉質嫩滑無得彈，幾好味~ 跟住仲叫埋個泡菜餅試吓，泡菜同粉既份量都好適中，唔係好油，煎得外脆內軟，口感具層次感，愈食愈想食食咗咁耐，整翻杯紫薯牛奶咖啡先，味道咖啡味比較重啲，不過都系可以品嘗到紫薯嘅香味，奶香味亦都有夾雜其中，我個人覺得好好味。由於我地2條大食鬼仲想食多少少下，就叫埋個韓式花卷拼盤 ，份量都好多吓，分有3個味道，而且飯質軟香溫熱，紫菜就很是脆口，味道好夾又好食食畢後同阿媽都飽到上頭頂，好滿足，又好食，真好~~…查看更多

詩意嘅環境同舒適無爭嘅生活一直系我好嚮往嘅，不過作為凡夫俗子一個都系免不了系世上忙忙碌碌、庸庸碌碌喇，為咗一日三餐而將自己置身於哩個大都市之中，最近又重新拜讀咗五柳先生嘅桃花源記，出街恰逢陶源酒家，見到佢塊牌匾都好似古色古香咁，決定入去試一下，情之所至不能壓制吖環顧咗一下周圍嘅環境，裝潢飾品等都系好岩我胃口。我同我朋友就叫咗侍應推薦嘅百里香雪花牛肋排，牛肋排上既醬汁好濃稠，而且色澤鮮亮，睇得出係新鮮野黎！而意粉就煮得剛好，有咬口一啖意粉加埋牛排一齊食真係正點！總體上味道咸淡適宜，性價比高！我地係肚餓到死既狀態下，食完意粉都唔太飽，所以我地立即叫左個黑松露帶子蛋白炒飯，唔好以為係普通野黎~因為入面加左好多黑松露係入面，而且仲有頗多帶子，加上飯身炒得軟香又唔油，真係爆好食！食完2個主食下因為太飽就叫唔到其他食物，真係有d可惜...唯有下次再來食過喇~…查看更多

女友今日話要食打邊爐，於是就係網上搵吓有無咩新店，搵左一陣就搵到行一陣就到既呢間樓上火鍋，係唔想再搵之下就第一時間拉左她入去！這火鍋店環境好舒適，加上裝修又新，女友同我都感覺良好；之後細看點菜紙，發覺種類都幾多，我們隨後就叫左好幾樣野~第一樣送來既就係呢個瑤柱白玉滑雞鍋，個鍋好大，入面有一個小型冬瓜盅，入面有鮮雞、紅棗、瑤柱等，味道清甜中帶點鮮，女友都話好好味打得邊爐就當然唔少得牛，今次我就揀左安格斯雪花肥牛(例牌)，單睇個樣已經無得輸！雪花紋分佈均勻，不會太肥，咬落肉香四溢女友最愛既油麥菜同蟹子墨魚滑都係好新鮮！前者份量頗多，而且好新鮮，口感爽甜清新；後者墨魚滑打得極膠，中間更夾雜著粒粒墨魚肉，蟹籽都份量都好多，更不會好多味精，層次十足鮮味無窮！食得我地食完一嚿又一嚿，好快就被我地KO左~食得邊爐都一定會叫吓d餃咁，今夜我地就揀左食黑松露餃及南翔小籠餃，由於係逐粒計，所以我地就叫左少少，咁就可以試多幾樣黑松露餃︰皮既厚度適中，入面既餡係有豬肉同菜，更有濃香既黑松露混在其中，每咬一口都極為滋味！南翔小籠餃︰餃皮有咬口，但唔會好厚，當中的豬肉更是好鮮甜，食得出唔係便宜貨，伴著清甜的湯底食用，味道更感好食~食完一話埋單，侍應仲送左2碗花生麥米粥俾我同女友食，雖然我本身唔太鍾意食糖水，但呢碗真係好食，唔太甜又滋潤，仲有多種煲得軟軟的豆，充滿嚼勁，好食！…查看更多

同阿陳踢波後見有少少餓，於是我地2條佬就走左去食D野先   行左一陣後見富臨已經有宵夜特價時段，仲有新野推出咁，跟住我地好自然咁就行左入去坐低後就叫左做緊宵夜時間特價既部隊鍋，份量唔大唔細，都夠我地兩條友食，煲入面有好多料，又蟹又蝦又青口，仲有大大件午餐肉同菜呀年糕咁，食落都唔錯，係韓國個種微辣咸香既泡菜味，海鮮都OK鮮甜好味，如有個白飯伴著來食就會更正！而呢個部隊鍋同韓國既部隊鍋係唔太相同，除左無左個韓國公仔麵外，就係好左好多海鮮，我覺得更好味更合我口味！而且跟煲仲送大大碟肥牛，份量都好足，都真係幾食得過~最後我地仲叫左個雙皮奶食，即於係即叫即做，所以都等左一陣，口感滑溜帶微甜，份量又大大碗，食完超飽又滿足！總括來講真係做得幾好，下次踢波後都可再食過！…查看更多

好耐之前吖思就已經話要請我食飯啦，不過兩個人嘅timing成日都夾唔啱，搞到哩個約定過咗好耐都實現唔到，搞到我都差啲唔記得咗啦，喺哩兩日咁啱傾起食飯先醒起，佢仲差我餐飯！就係今日！餐廳環境好別緻，啲檯同凳都系偏深色系列，燈光嘅顏色好warm。An then墻上嘅掛飾好復古。坐低之後以為哩度會系偏西式嘅餐廳，睇完個menu先知道，除咗西式之外，仲有台式嘅野食！品種仲有好多添，一個個套餐都唔貴。先上嚟幾樣小食··有炸洋蔥圈、薯角&蒜蓉包。三樣嘢都系裝系個鐵桶仔入面，醬料有兩種，一種應該系辣醬，另外一種味道似蛋黃醬。可能三樣都係炸物，所以都好香好脆。食完之後覺得炸物未食夠，之後又點多個甜辣燒春雞。雞嘅味道好香，絕對系啱啱新鮮出爐嘅，熱氣仲喺上面飄~~！雞肉好嫩好香。…查看更多

最近係FB見到有飲食專頁介紹大快活的即刨肥牛火煱，所以同女皇及家人一試，點知....首先去到先排10分鐘購票，買左4個火煱，之後回座位等，一座就座左20分鐘都無任何動靜，咁我就出去檯面問下，店員只係講左句“等陣，未得”, 如是者等到40min都無野送過黎！今次忍唔住去左收銀要求退錢，點知收銀極不禮貌咁去左櫃檯大叫“個客要退錢呀，快d做呀”，之後20分鐘又過去.....終於見到食物，做左幾十年人真係首次到快餐店食野竟然要等1小時！而且所謂手刨肥牛，只係一早刨定而且完全唔挺身既肥牛，完全無牛味！真係第一次食飯食到咁嬲！希望大快活既管理層可正視這個問題，否則拎幾錢去做廣告都無用！…查看更多

早已聽朋友說過Goobne在尖沙咀的分店很好味，現終於開到來荃灣了！我跟家人一行三人約了幾次，終於成行。晚上7時到達，已經很多人等位，還好我母親大人6點多已到達拿位，最後7時15分亦人已經可入席1)   Deep Cheese Chicken (HK$188)Goobne的Deep Cheese Chicken色香味俱全，肉質口感和味道都十分突出，芝士味極濃！如果你係芝士控，絕對推介你一試，絕不後悔。我夠膽講，係我在香港食過最好味的炸雞！而且份量十足，三個人都欠些食不完。2）BBQ醬燒豬肋骨 (HK$ 188)醬燒豬肋骨也是十分美味，而且份量足，每條hibs都有很多肉，不像美式餐廳般，食醬多過食肉而且hibs下亦有濃濃的芝士鋪底，相比較之下價格就顯得很超值。3） SOMERSBY APPLE RITA (HK$88) & SHARK BLOOD RITA (HK$88)兩杯飲料除了外觀十分新穎和獨特之外，味道也令我們留下深刻的印象。如果比較之下，我還是推介SOMERSBY APPLE RITA。因為SHARK BLOOD RITA的味道有點像波子汽水，純粹個人不太喜歡。4）埋單HK$ 704人均消費每人約HK$225，不算便宜。但在香港不用舟車勞頓飛到韓國已可吃到正宗韓式炸雞，絕對值回票價。最後都要講多次，芝士控絕不能錯過這餐廳的Deep Cheese Chicken…查看更多

最近比較忙，終於有時間給這炸雞店送個好評！早兩三個月在公司附近看到有間新開的韓式炸雞店，特意約屋企人一嚐。1）前菜三碟 （免費）到店內一坐下，服務生馬上送上前菜三碟，醃蘿蔔非常開胃2）餐牌品種非常多，想了很久都決定不了3）芝士撈拉麵（HK $ 68）濃濃的芝士搭配拉麵（即公仔麵），是芝士味很濃，而且帶很香的creamy感覺。4）海鮮餅（HK $ 45）這個略為普通，如果海鮮材料再加一點會更好！但以這價錢想說，只可以說性價比高5）香脆芝粉雞5件（HK $ 68）香脆芝粉雞也好味，芝士味很濃，炸雞完全沒有油油的感覺！只是炸雞上菜排盤更加細緻會再加分6）蜂蜜脆片炸雞5件（HK $ 68）一如芝粉雞，沒有炸到很油的感覺，而這蜂蜜脆片炸雞居然沒有太甜膩的感覺，如果可以的話，我還想加甜 （再去真的要跑去馬拉松了）7）花卷雙拼（牛肉及蟹肉各8件，HK $ 58）不知是否之前幾道菜太出色了，這個花卷顯得普通一點，如果炸雞吃不飽，可以點個花卷醫肚8）埋單＄344三人吃晚飯，平均消貴115／人，以這個價錢想說，絕對值得一試…查看更多