WCEHK的个人专页

麵家今次係我第二次回訪銅鑼灣一間「麵家」，呢間麵店嘅牛腩係用慢煮方式，令到牛腩非常軟淋，湯底係每日熬咗最少8小時，招牌湯底都有兩款，有「大地魚雞白湯」同「雞白湯」，麵係用咗超過50年老字號嘅永樂，河粉就用咗超過70年嘅雙喜，2間麵店都堅持香港制造，仲有就係雲吞每一粒都好似拳頭咁大，輪椅人士入去都超方便，呢間麵店嘅門口係用咗嵌入式嘅斜路，唔會介意做少幾張枱，夠哂誠意，愛心滿滿！1.咩都有麵（大地魚雞白湯）（菠菜麵+10）$78（10/10）呢碗咩都有麵入面真係咩都有，唔似出面三拼咁簡單，入面有櫻1大粒櫻花蝦雲吞、1粒墨魚丸、1粒牛丸、1粒魚蛋、5舊慢煮牛腩、1粒貢丸同1片魚片等，慢煮牛腩仲有得揀肥定瘦，當然揀肥少少，今次揀櫻花蝦雲吞真係好香，好食過鮮蝦雲吞，麵就揀咗要加$10嘅菠菜麵，湯底揀咗大地魚雞白湯，完全無味精，食完唔口渴！2.三拼湯麵（雞白湯）（幼麵）$68（10/10）呢碗三拼湯麵揀咗要加$10嘅5舊秘製慢煮牛腩、2粒牛丸同2粒墨魚丸等，慢煮牛腩仲有得揀肥定瘦，當然揀肥少少，麵就揀咗幼麵，口感爽口，湯底揀咗雞白湯，完全無味精，食完唔口渴！3.香脆魚皮（芥末味Shake Shake粉）$22（9.5/10）今次嚟到香脆魚皮有新搞作，多咗Shake Shake粉，揀咗芥末味，呢個芥末味粉係白色，少少辣唔搶喉，如果再辣少少就更好味！4.罐裝零系可樂$10（10/10）正常罐裝零系可樂！5.罐裝玉泉忌廉$10（10/10）正常罐裝玉泉忌廉！2人總共價錢$208個人口味總評分：9.9/10     @mingaa.hk 地址：銅鑼灣登龍街18號V Point地下3號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#麵家 #慢煮牛腩 #新鮮人手包雲吞 #香港美食 #銅鑼灣美食 #銅鑼灣好去處 #hkig #hkboy #hkkol #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

貴緣小鍋米線今次係我第二次回訪大角咀分店嘅「貴緣小鍋米線」，一入到去已經見到痴滿哂所有美食嘅圖片，門口仲有痴咗好多等住領養貓貓狗狗嘅領養資料，無嚟幾個月，店外店內大變身！1.招牌酸辣湯米線$33+大漠烤豬仔髀$38+墨魚丸$9（9.5/10）呢碗招牌酸辣湯米線揀咗少少辣，湯底都幾濃，加咗兩樣餸，墨魚丸同豬仔髀， 豬仔髀真心要叫，除咗好食之外，原來單叫要$56，米線入面加豬仔髀足足平咗$18，豬仔髀有2隻，唔大唔細啱啱好，只係咸咗少少！2.酒煮醉香鮮雞湯底米線$72（9.5/10）呢碗酒煮醉香鮮雞湯底米線個湯底好濃，鮮雞件肉質好入味，大約都有10件雞件！3.巴蜀狂惹雞翼（黑椒味）$33（10/10）呢碟巴蜀狂惹雞翼非常正，黑椒味夠香濃，雞翼外皮好滑，咬落去有肉汁，一共有6隻巴蜀狂惹雞翼！4.貴緣雞絲火山$29（10/10）呢碟雞絲火山一定要必叫，雞絲份量成個山咁高，味道係麻麻辣辣！5.零系可樂$8（10/10）正常罐裝零系可樂！6.雀巢檸檬茶$8（10/10）正常罐裝雀巢檸檬茶！2人總共價錢$231個人口味總評分：9.83/10@guiyuansiuwokmixian  地址：大角咀櫻桃街38號西九匯2樓205號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#貴緣小鍋米線 #大角咀好去處 #大角咀 #大角咀美食 #米線關注組 #西九匯 #香港美食 #hkig #hkboy #hkkol #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

海膽仔今次係我第二次回訪呢間性價比高叫「海膽仔」嘅日本菜餐廳，呢度刺身非常新鮮，每次經過新蒲崗都會幫襯佢哋，餐廳門口有一級，輪椅人士如果要食呢間餐廳就要自備斜板啦！1.海膽雜錦魚生丼 跟麵豉湯及沙律$168+哈密瓜梳打$7（10/10）呢碗海膽雜錦魚生丼飯真係正到不得了，海膽非常鮮甜，海膽係用咗墨西哥海膽，而丼飯入面仲有赤蝦、帶子、三文魚同金目鯛等時令刺身，所有丼飯入面嘅刺身都切得好厚身同非常新鮮，定食仲跟咗麵豉湯及沙律，揀埋飲品仲有優惠，我揀咗哈密瓜梳打只係加$7，佢哋嘅冰入面都好特別，係加咗少少火龍果汁，所以會見到粉紅色！2.汁燒雞扒丼 跟麵豉湯及沙律$58+橙味梳打$7（9.5/10）呢碗汁燒雞扒丼飯個雞扒肉質非常嫩滑，雞扒外皮都有炸過，就算汁燒都脆身，個汁甜甜地，定食仲跟咗麵豉湯及沙律，揀埋飲品仲有優惠，我揀咗橙味梳打只係加$7，佢哋嘅冰入面都好特別，係加咗少少火龍果汁，所以會見到粉紅色！3.燒雞腎$28（9.5/10）呢串燒雞腎燒嘅時間啱啱好，雞腎唔會好韌，咬落去有嚼勁，掂！4.燒雞腿肉串$28（10/10）呢串燒雞腿肉燒嘅時間都係啱啱好，咬落去雞皮脆卜卜，入面雞肉肉質嫩滑，好掂！2人總共價錢$296個人口味總評分：9.75/10地址：新蒲崗衍慶街2-32號新蒲崗大廈地下Q號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#hkig #hkboy #hkkol #新蒲崗 #新蒲崗美食 #新蒲崗好去處 #海膽仔 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfood #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

祝大家中秋節快樂🌕🌕🌕今日特登去長沙灣諗住買18蛋黃月餅，點知賣哂啦，呢間係有42年老字號嘅餅店，買咗三種月餅，最好味係五仁肉月餅，寧舍香，好味過大牌子！1.陳皮豆沙月餅$38（8/10）無咩陳皮味，紅豆沙好甜！2.五仁肉月餅$42（10/10）買咗兩個，最香最好味！3.蛋黃白蓮蓉月餅$40（9/10）蛋黃唔乾又唔油，甜度啱啱好！總共價錢$162個人口味總評分：9/10@meikiheung_bakery地址：長沙灣興華街27E號地舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#美其香餅家 #42年老字號 #香港美食 #長沙灣美食 #長沙灣好去處 #中秋節快樂 #中秋節 #hkig #hkkol #hkboy #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

ADO洋食屋今次要介紹喺荃灣一間人氣日本菜餐廳叫「ADO洋食屋」，雖然餐廳細細，大約得十張枱左右，店員都好樂意幫我搵適合位置比我坐，輪椅人士如果要入去食嘅話，記得要帶斜板，餐廳門口係有一級，同埋最好打電話book枱，最後想講佢哋嘅「蛋包飯」一定要必叫，真係好好味！1.紅酒燉牛肋條$88+（前菜）$27（9.5/10）前菜有粟米餐湯、蓮藕漬物及飲品（蜂蜜柚子茶+$3）呢個紅酒燉牛肋條個牛肋條都幾軟淋，一共有4大舊牛肋條，其他配菜有3舊西蘭花、2舊紅蘿蔔同2舊薯仔！粟米餐湯食到一粒粒粟米粒，而且加咗炸過嘅麵包粒，粟米湯都幾濃稠！飲品揀咗蜂蜜柚子茶，甜度適中！2.經典日式牛肉醬汁蛋包飯$86（前菜）$27（10/10）前菜有粟米餐湯、蓮藕漬物及飲品（日本蜜瓜梳打雪糕+$10）呢個經典日式牛肉醬汁蛋包飯真係超級好味，蛋包飯個汁有少少似淡味版咕嚕肉個甜酸汁咁，飯入面有冬菇碎同紅蘿蔔粒等，至於主角個蛋切開就包住飯，蛋好滑，大家一定要試下啦！粟米餐湯食到一粒粒粟米粒，而且加咗炸過嘅麵包粒，粟米湯都幾濃稠！飲品揀咗加$10有日本蜜瓜梳打雪糕，雲呢拿雪糕都有一球，淡淡蜜瓜味，梳打唔會太多！3.香甜炸雞（4件）$38（10/10）呢碟香甜炸雞唔會好甜，每1舊炸雞個肉質都好juicy，炸得好脆，一共有4大舊香甜炸雞！2人總共價錢$287個人口味總評分：9.83/10@ado_yoshokuya    地址：荃灣享成街8號香城大廈地下5A號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#hkig #hkboy #hkkol #ADO洋食屋 #荃灣好去處 #荃灣美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

茶大椰「茶大椰」甜品茶飲店終於開喺荃灣愉景新城2樓，呢間甜品茶飲店係以泰國新鮮椰子做主題，用咗純天然嘅椰子做椰凍、椰子茶、鮮椰乳、鮮椰咖啡等甜品飲品，佢哋強調一定係低卡低脂，食完飲完完全唔覺得有負擔添！1.椰皇貓山王$58（10/10）呢個椰皇貓山王入面椰子味奶凍，奶凍好q彈，上面仲鋪滿咗貓山王榴槤果肉，榴槤果肉上面就鋪滿咗椰絲同脆脆，估唔到椰子同榴槤果肉係咁夾嫁，最後連椰子入面嘅椰肉都食埋，好味到不得鳥！2.抹茶生椰乳$42（10/10）呢個抹茶生椰乳個抹茶味好香濃，抹茶帶少少苦澀味，生椰乳好q彈，可以用吸管吸嚟飲，又可以用匙羹食，真係正！3.芒果小椰凍$25（9.5/10）呢個芒果小椰凍個芒果果肉都唔少，椰凍好q彈，唔甜唔錯！2人總共價錢$125個人口味總評分：9.83/10 @teadayehk @dparkhk 地址：荃灣青山公路 - 荃灣段398號愉景新城2樓2020號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#茶大椰 #荃灣好去處 #荃灣美食 #dpark #愉景新城 #甜品店 #茶飲店 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

番尋味今次喺我第二次回訪「番尋味」，呢間餐廳呢排做緊下午茶優惠，全部迷你下午茶都只係$42，你以為好迷你，其實都幾大碟，仲跟一碗例湯同免費升級各式特飲，迷你下午茶只供應下午1400-1700，免費升級各式特飲優惠做到9月30日，$42嚟講真係性價比好高！1.原條燒汁鰻魚炒飯 跟蟲草花節瓜煲雞腳湯+凍咸檸檬七喜$42（10/10）呢碟原條燒汁鰻魚炒飯個鰻魚都幾大條，個炒飯以為會好咸，點知唔咸，仲炒到粒粒分明，炒得好香！是日例湯係蟲草花節瓜煲雞腳湯，個湯好足料，入面有蟲草花、節瓜、豬骨紅雞腳等！特飲揀咗凍檸檬七喜，檸檬加入咗鹽醃漬，再將七喜倒入去，飲落去少少咸，唔錯！2.洋蔥汁炸雞脾飯 跟蟲草花節瓜煲雞腳+凍咸甘桔蜜$42（10/10）呢碟洋蔥汁炸雞髀飯個雞髀非常大隻，炸到外皮好香脆，雞肉嘅肉質好juicy，個飯都好多，完全唔似下午茶迷你餐！是日例湯係蟲草花節瓜煲雞腳湯，個湯好足料，入面有蟲草花、節瓜、豬骨紅雞腳等！特飲揀咗凍咸甘桔蜜，飲到少少咸甘桔果肉，再加入少少蜜糖，唔會好甜，唔錯！3.紅豆沙西多士$38（10/10）呢個紅豆沙西多士完全唔洗落蜜糖都得，鍾意甜少少落蜜糖亦得，西多士個餡勁多紅豆，無一粒紅豆係生，好好食2人總共價錢$122個人口味總評分：10/10地址：觀塘開源道55號開聯工業中心A座2樓28號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#hkig #hkboy #hkkol #番尋味 #觀塘好去處 #觀塘 #觀塘美食 #無障礙餐廳 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

探魚烤魚今次要介紹一間喺觀塘apm商場有一間川菜餐廳叫「探魚烤魚」，上年已經係沙田食過，呢間最吸引之處就係任食冰粉，上年係$1一位任食冰粉，今年已經去到$9一位，夏日炎炎$9真係唔算咩野，有冰粉任食解暑，今次仲坐喺冰粉自助吧前面，我哋兩個人搞到差唔多食咗5碗，哈哈！1.香辣味烤魚一人餐$98（10/10）最近多咗一人餐，咁樣可以試下唔同味道嘅烤魚，每一個烤魚一人餐都會跟一碗白飯，而呢個香辣味都算大辣，入面有有豆皮、娃娃菜、一條無骨嘅魚等等，份量絕對夠一個人食，正！2.醬香味烤魚一人餐$98（10/10）最近多咗一人餐，咁樣可以試下唔同味道嘅烤魚，每一個烤魚一人餐都會跟一碗白飯，而呢個醬香味有微少嘅甜，入面有有豆皮、娃娃菜、一條無骨嘅魚等等，份量絕對夠一個人食，正！3.棒棒麻辣口水雞$58（9.5/10）呢碟麻辣口水雞唔算好辣，大約有10舊雞件，做一舊雞肉肉質都好嫩滑，唔錯！4.易燃易爆小食天團$68（9/10）呢一盤小食份量都好多，入面有炸椰菜花、炸紫蘇葉、炸蟹柳、炸酥肉、炸蓮藕片等等，啱哂多人一齊分享！5.囂張巨峰葡萄桶$88（10/10）呢桶巨峰葡萄改個名真係無錯，叫做「囂張」，「囂張」到幾乎每一台都會叫，我估容量大約3L，「囂張」入面有提子同青檸，當然唔少得巨峰葡萄果汁，上面仲插滿了薄荷葉，解辣一流！6.凍低糖黑豆漿$19（10/10）呢枝黑豆漿黑豆味香濃，仲要係低糖！7.無限探索（1份）每份$9（10/10）出面有任食冰粉自助吧，有蜜桃冰粉、冰沙、寒天晶球、桃膠、紅糖汁、白珍珠、桂花蜜、葡萄乾、山楂片等等...夏天入嚟真係透心涼，我叫咗兩份，兩個人差唔多食咗5碗！**出面仲有熱茶任飲，茶有兩款，菊花茶同荷葉茶**2人總共價錢$492，其他有加一服務費！個人口味總評分：9.79/10  地址：觀塘觀塘道418號創紀之城五期(apm)3樓L3-13號舖…查看更多

夏麵館今次要介紹一間喺樂富廣場A區3樓有一間上海菜餐廳叫「夏麵館」，呢間以自家製麵條聞明，係1999年喺上海創辦，一坐低就會有一壺烏龍茶，最近佢哋推出好多蟹粉菜式，午市仲有三重奏優惠，有一款前菜+兩款美點+一款主食，只須$168（星期六日及公眾假期加$10），鍾意食上海菜嘅你，不妨試一試啦！1.鮮蟹粉河蝦仁撈麵$128（9/10）佢哋新鮮蟹粉真係人手拆肉同拆蟹膏，仲有好爽口有少少咸嘅蝦仁，將三樣嘢一齊同麵撈埋一齊，幾乎每一條麵條都沾滿了蟹粉同蟹膏，味道好鮮甜，麵質夠彈牙，唔錯！2.蟹粉小籠包（4隻）$70（10/10）呢一籠蟹粉小籠包一共有四隻，每一隻蟹粉小籠包個皮都好薄，蟹粉同豬肉都好多，咬落去爆汁，味道好鮮，正！3.花雕醉雞（10/10）呢碟花雕醉雞大約有10舊雞件，花雕酒酒味香濃，每一舊雞件都全部滲入咗花雕酒，雞肉肉質好嫩滑，仲有加咗杞子添！4.高力豆沙（3件）（10/10）呢碟高力豆沙一共有3件，每一件高力豆沙入面嘅紅豆沙都滿滿，甜度適中，夠哂大件！5.蘿蔔絲酥（3個）（10/10）呢碟蘿蔔絲酥一共有3個，每一個蘿蔔絲酥咬落去都非常熱，精明咗即叫即炸，入面好多蘿蔔絲，幾乎每一啖都食到蘿蔔絲！6.香辣牛腩麵（8.5/10）呢一碗香辣牛腩麵只有好少好少辣，牛腩都幾韌，牛筋就好軟淋，麵就好彈牙！以上四款係午市三重奏優惠，每份$1682人總共價錢$403，其他有加一服務費！個人口味總評分：9.58/10  @xiamianguan.official地址：樂富聯合道198號樂富廣場A區3樓3125-3126號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#夏麵館 #樂富美食 #樂富好去處 #樂富廣場 #上海菜 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

爆辣冷麵今次要介紹元朗一直食開嘅小店依家終於衝出元朗，第一間加盟店喺長沙灣美居中心，味道辣度同份量一樣無變，同總店元朗一樣，依家開喺長沙灣簡直超方便我，佢哋果日開張我都有嚟撐場，加盟店嘅老闆都好玩得，又好靚仔，大家經過長沙灣就要搵下佢哋啦！1.爆撈特選海鮮$88（10/10）呢盒爆撈特選海鮮入面真係勁多海鮮，我叫咗小辣，海鮮包括有魷魚、鮑魚、帶子、帶子裙邊、螺肉、蜆肉、蝦仁、泡菜同中華沙律等，小辣唔會食到流鼻水，都幾啱我食，夠哂惹味，大家除咗叫招牌菜爆多蟹籽冷麵之外，記得要叫呢個爆撈特選海鮮啦！2人總共價錢$88個人口味總評分：10/10@very_spicy_cold_noodles2.0地址：總店：元朗西菁街9號富盛大廈地下89號舖加盟店：長沙灣元州街213號美居中心地下39A號舖Please follow me🙆‍♂️ @wheelchaireatinhongkong如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#爆辣冷麵 #元朗美食 #長沙灣美食 #長沙灣 #長沙灣好去處 #元朗 #元朗好去處 #相機食先 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

薔紅宅急便今次要介紹一間喺紅磡崇志街有一間開咗差唔多有五個月嘅排隊王餐廳叫「薔紅宅急便」，入到餐廳入面見到人山人海，門口就有好多等著禁點餐機嘅人，呢間餐廳最出名就係金牌脆皮燒雞，幾乎每枱都會叫一隻嚟食！餐廳門口有一小級，輪椅人士如果要入去食嘅話，要自備斜板，入面大約有50張枱，只要有時間等入座嘅話，就會有啱你嘅枱坐低食啦！1.金牌脆皮燒雞$68+日本米飯$10+凍奶茶$13+羅宋湯$8（9.5/10）呢隻金牌脆皮燒雞係原隻上，一切開入面肉質流哂出嚟，佢哋係用咗三斤重嘅三黃雞，平時出面買一隻三黃雞差唔多都要接近$60，仲要係未煮，依家燒埋比你真係抵好多，咬落肉質非常嫩滑，仲可以加$10配埋日本米飯，加$8一碗羅宋湯，羅宋湯入面牛肉非常多，味道唔會太酸，只係牛肉有少少韌，飲品揀咗加$13一杯凍奶茶，奶茶好滑，茶味濃咗少少！2.香脆豬扒炒滑蛋豬仔包$30+凍紅豆冰$15（10/10）呢個香脆豬扒炒滑蛋豬仔包入面配料真係好豐富，入面有豬扒、炒滑蛋、芝士、蕃茄、生菜、酸瓜等等，飲品揀咗加$15一杯凍紅豆冰，紅豆冰冰識食一定食紅豆淋唔淋，呢間餐廳煮紅豆煮得好夠淋，無一粒紅豆係生，非常正！3.雪花六口西多士$28（10/10）呢碟有六口西多士都幾脆，入面係搽咗花生醬，整體每口西多士唔會好甜！2人總共價錢$172個人口味總評分：9.83/10   @rosefooddelivery  @take_turn_to_do_kol地址：紅磡崇志街28號地舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#薔紅宅急便 #紅磡好去處 #紅磡 #紅磡美食 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

丼燃食堂今次介紹喺旺角一間食丼飯店叫「丼燃食堂」，呢間丼飯店除咗有丼飯之外，仲有刺身、壽司、小食同炸物等，呢間小店門外有一級，輪椅人士如果要入去食嘅話，要自備斜板或外賣拎走！1.乜蟹都有丼（明太子醬）$138（10/10）呢個蟹丼飯真係叫得無錯，蟹入面真係乜野料都有，除咗蟹殼同蟹蓋唔食得之外，有蟹棒、蟹肉、蟹膏、蟹鉗同蟹籽等,揀咗明太子醬，食落非常鮮甜！2.虎燃四皇丼（海膽醬）$118（9.5/10）呢個虎燃四皇丼飯揀咗海膽醬，全部刺身都有3舊，唔鍾意食生冷野嘅你，呢款丼飯就啱哂你，入面有左口魚邊、三文魚、蟹棒、赤蝦同蟹籽等，同海膽醬都幾夾！3.金龍卷$68（10/10）一見店員拎住火槍，就即刻舉起手機拍片，一點火金龍卷就被火圍住，即刻靚哂！金龍卷上面竟然係炸鰻魚，入面應該係番薯，幾特別！4.日式炸雞（3件）$28（10/10）呢碟日式炸雞炸到外脆內嫩，一共有3件炸雞！5.忌廉蟹肉餅（2件）$28（8/10）呢個忌廉蟹肉餅都係炸得好脆，如果蟹肉能夠多返少少，味道就更好味！6.可樂$10（10/10）正常罐裝可樂！7.無糖可樂$10（10/10）正常罐裝無糖可樂！2人總共價錢$440，有加一服務費！個人口味總評分：9.64/10@donyin.diner  地址：旺角花園街3-5號鴻威大廈地下6號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#丼燃食堂 #旺角 #旺角好去處 #旺角美食 #香港美食 #hkig #hkboy #hkkol #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

MATJEOM今次要介紹一間喺中環街市嘅韓國菜餐廳叫「MATJEOM」，佢哋最出名係「招牌蒜泥豬腳」，依家凡惠顧招牌蒜泥豬腳中份(港幣280元/2人份)，即可享免費升級至大份(原價港幣320元/3-4人份) -  優惠期到9月30日。仲有大專院校學生優惠，凡惠顧單點招牌蒜泥豬腳，即可享6折優惠，優惠到10月31日！1.招牌蒜泥豬腳（中M）$280（9.5/10）呢個鄰份量招牌蒜泥豬腳真係份量好多，豬腳上面鋪滿咗蒜泥，蒜泥唔會搶喉，有少少似芋泥添，估唔到味道好夾豬腳，食完豬腳旁邊仲有勁多沙律菜，簡直係必叫！2.甜辣醬炸雞（半份）$98（9/10）呢碟半份甜辣醬炸雞甜甜辣辣，份量大約有10大舊炸雞，雞肉外脆內嫩，如果可以辣多少少就更好！3.白飯一碗$15（10/10）呢碗白飯唔係非一般白飯，仲加咗黑白兩種芝麻粒，香上加香！4.菠蘿果汁$21（9/10）呢罐菠蘿汁係不加任何其他成分，入面係100%菠蘿嘅汁，健康好飲！5.啤酒菠蘿特飲（8%）$68（8.5/10）呢杯啤酒菠蘿特飲飲落菠蘿味淡咗少少，反而倒入少少菠蘿果汁就好飲好多！2人總共價錢$482個人口味總評分：9.2/10  地址：中環皇后大道中93號中環街市地下G10號舖…查看更多

兩草今次要介紹一間餐廳喺尖沙咀叫「兩草」，呢間餐廳門口係有一級，輪椅人士如果要入去幫襯嘅話，一定要自備斜板或叫外賣！我敢講呢間港式餐廳應該係尖沙咀平靚正唯一一間餐廳，「幾草野」就可以填飽個肚，仲唔係事事旦旦無料到果d餸，勁多打工仔中午過嚟食，旅客都唔少，簡直係尖沙咀排隊人氣餐廳，我推介香煎脆邊蛋肉餅飯，蛋一篤就穿，膽汁流去肉餅同飯度，肉餅超大塊，有驚喜！1.香煎脆邊蛋肉餅飯（多蔥）$42（10/10）呢碗真係唔好睇小佢，個碗細細，份量勁多，有個蛋開始講，太陽蛋蛋白邊係脆嘅，中間太陽黃一篤蛋汁就流到飯同肉餅果邊，米飯唔係求求其其，我會推薦大家食呢個「香煎脆邊蛋肉餅飯」！2.香茅雞扒飯（走豬油）$40（9.5/10）勁鍾意佢哋可以走油（豬油），就算走入雞扒都唔會鞋同硬，雞扒肉質並嫩滑，連外面雞皮都煎得好脆身，好掂！3.咖央多士$25（9.5/10）出面咖央多士無呢度咁脆，入面無出面咁甜，一共有4塊咖央多士！4.招牌炸雞翼$27（10/10）呢碟招牌炸雞翼已經寫明含有蝦成份，一咬真係同出面炸雞翼超唔同，外皮好脆唔洗講，原來蝦成分係味道，呢個炸雞翼係有少少咸香味，一共有4隻炸雞翼！5.脆香魚餅$27（9/10）呢碟脆香魚餅有少少似鯪魚球，食落去連少少魚骨都無，外皮如果脆多少少就最好！6.樽裝奶茶$25（9.5/10）呢個樽裝奶茶唔會好甜，都算幾滑！7.樽裝咖啡（無糖）$25（10/10）呢個樽裝咖啡算係黑咖啡，無糖之餘，有少少苦甘味！2人總共價錢$211個人口味總評分：9.64/10  @two.greens.tst地址：尖沙咀棉登徑7號地舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#兩草 #尖沙咀 #尖沙咀美食 #尖沙咀好去處 #香港美食 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多

多多雞大排檔今次係我第二次嚟元朗食呢間大排檔叫「多多雞大排檔」，每次嚟到一定會叫佢哋招牌菜炭火靚雞，係用大瓦缸高溫碳即場燒制，大約要等半小時，輪椅人士如果要入去食嘅話，連我都無辦法，呢間大排檔門口係有兩級，好彩門口可以放枱，無論天氣幾熱都好，門口放張枱，食隻靚雞，飲飲酒，幾熱都唔記得哂，依家有新優惠就係用$48可以堂食飲38支啤酒，仲可以叫大支藍妹，只要求其叫一碟小菜就可以用呢個優惠，今日買明天就可以用，每次只可以叫2支啤酒，六人以上可以叫4支啤酒，有效期兩個月期要用，非常抵飲！1.招牌即燒炭火靚雞$198/隻（9.5/10）呢隻炭火靚雞係用大瓦缸高溫碳即場燒制，大約要燒半小時，靚雞真係靚雞，大大隻燒到好靚，外皮好薄脆，一剪開肉汁流哂出嚟，雞肉好嫩滑，好新鮮！2.沙嗲金菇牛肉啫煲$128（10/10）呢個沙嗲金菇牛肉煲個沙嗲味非常正，粉絲完全吸收哂沙爹汁，牛肉肉質非常嫩滑，大約都有10片牛肉，金菇都幾多，仲有三色椒同洋蔥等等！3.乾炒牛河$108(9.5/10)呢碟乾炒牛河唔會太油，牛河上面落咗好多芝麻粒，牛肉肉質非常嫩滑，大約都有10片牛肉，仲有芽菜同蔥等等，加埋辣椒醬更好味！4.罐裝忌廉$12（10/10）正常味道，果晚起碼35度，凍飲已經唔係凍飲！5.罐裝可樂$12（10/10）正常味道，果晚起碼35度，凍飲已經唔係凍飲！6.大支藍妹$32（10/10）正常味道，果晚起碼35度，有冰桶都好似飲緊熱啤！2人總共價錢$490個人口味總評分：9.83/10  @duoduojifoodstalls  地址：元朗又新街37-51號富祐閣地下14號舖Please follow me🙆‍♂️ @wheelchaireatinhongkong 如果鍾意我嘅分享，麻煩請follow我，仲有記得Like同Share！🙏🏻🙇🏻‍♂️#多多雞大排檔 #元朗美食 #元朗好去處 #香港美食 #無障礙餐廳 #hkfoodie #hkfoodblogger #hkfoodpic #hkfoods #hkfoodshare #dessert #hkdessertshop #food #hkfoodstagram #hkfoodpic #hkigfood #foodiehk #yummy #delicious #foodie #hkfoodieblogger #hkfoodies #wheelchaireatinhongkong…查看更多