NelsonLee4364的个人专页

話說朋友揀了這裡聚舊，攞枱時才話90分鐘用饍，但apps訂枱時又無提限坐90分鐘，已有少少不滿，算吧！睇佢都吾慌多人幫襯嗰款，跟住之後發生嘅事就離哂譜，個帶位帶到坐位，我哋就對正個大門口，外面可以食煙，以為它不會開的，但原來不是啊，衹要每次有人出入這門便要打開，而頂位又沒有裝閘風機，當日外面熱到近30度，每當一開一關熱風便撲面而來，我哋未點餐已食飽呢幾浸熱氣，點可能有人會坐呢個位咖，即時揾侍應要求換枱，他還要跟我解釋呢樣嗰樣，我也理解不是他問題，有問題的是他老闆，咁有智慧就吾好開飲食啦！後來都換了枱給我們，被安排坐到餐廳外走廊，其實本人憎咁樣食飯，比人行過就望下，還有啲食物都喺呢條走廊來來回回，但係侍應無把食物蓋好，一點衛生常識都不懂，不過沒辦法，衹好難為一次，因為絶無下次。至於食物……相信乳豬不會是餐廳自己燒吧！埋單幾錢吾記得了，cp 應該是負了，應該有更好選擇，例如 food court 嗰層。…查看更多

這個下午茶餐188蚊供兩位用，包括茶壼松茸竹笙清湯（偏鹹），及明閣四小碟（真的好細），當中包括至尊蜜汁叉燒兩小舊（口感吾夠冧又無掛汁）、龍帶玉梨香（食完吾知係乜）、芹香馬蹄海蜇頭及松茸金菇蟲草花；今次給我感覺好似食自助，個餐吾使五分鐘上齊，食完不用半小時，為了再坐一會嘆下茶，唯有加單，相信餐廳都係咁諗，點了隻鮑魚酥，炒菇菌豆腐煲，魚湯脆米，麻辣龍蝦湯烏冬，都係自己點嘅好食好多。整體來講：10分滿分食物 ：八分服務：四分環境：舒適度高…查看更多

何解叫佢做老作呢，事緣今次是第二次食，第一次食覺得好鹹可能係個厨手震，俾多次機會佢啦！點知就伏咗第一次食龍蝦湯鯛魚配脆米，印象中全是脆米，鯛魚肉幾爽脆，當時估佢個湯係罐頭龍蝦湯，較濃味同好鹹，佢哋龍蝦原隻上何來蝦殼淆湯，吾同攞人哋食完後攞去淆湯咁恐怖；第二次食龍蝦湯紅蝦泡飯，收98蚊就諗住cheap cheap 哋都有兩隻阿根廷紅蝦啦，因為兩隻都係十幾蚊，點知原來係隻“紅色”蝦一隻，喺街市賣70蚊斤嗰啲，真正紅蝦個蝦頭嘅蝦膏鮮甜味比較其它蝦係吾同，呢隻蝦頭根本無膏，真係到爆，咁揾笨，睇你幾時執，跟住食一口覺得吾多妥，個湯好鬼死鹹，完全無蝦湯嗰浸鮮味，一定係溝水放鹽，另外一些是飯一些是脆米，兩溝咁都得，完全不知所謂，餐牌寫名配脆米，做到咁求其，同上手一樣無運行，嗰個位諗住做理工嘅學生，坐低到走都吾覺有乜街坊去食，可能大家都領過嘢；呃到咁都無乜負評，又易揾位，你懂的。…查看更多

無嗱嗱吾知邊度見到酒店攪星馬套餐，見到相片影得好靚，電話訂枱無人接聽，最終要經電郵訂枱；未坐穩個外籍侍應就話1：45要交枱即時嚇親，因坐下已是一點多，後來又話兩點，因為下午茶好full，本來你好生意係開心事，但喺我訂枱時無講清楚，令我失預算，那就儘快點餐，餐牌內主菜有三款選擇，一款海鮮湯粉免加錢，另外兩款額外要加150，做白老鼠就梗係揀免加錢試下先，上菜時見有三隻蝦頭，但係得兩隻蝦身，另一隻不知是否去咗隔離枱，我在猜測個厨師煮法大dou亂炒埋一碟，蝦和粉一起煮，蝦肉過熟，收三百蚊一位都吾用新鮮海蝦，味道係可以嘅，串燒鷄肉好乾，應該吾係即點即燒而係一早燒定備用，至於甜品甜味適中，呢個厨好自為知；就係俾呢張相呃左。…查看更多

感受到疫情下香港市民係咪喪失哂理智，一窩蜂九衝消費，消費是對，但都應該懂得選擇吧！吃到呢間美式連鎖扒房真係對佢完全絶望，不過扒房應該吾入流，衹能話係比快餐店高級一啲，因為你哋見過扒房啲櫈同商場foodcourt一樣嗎，無背ban，唯一可取就是侍應仔態度，懂執生打圓場；到精彩一part了，就是食物，點了兩樣，一款是沙律菜，另一款是豬鞍扒，這個扒等了後久，以為會好好味，點知同啲前菜嘅鷄肉一樣，又乾又鞋又無肉汁，想問點樣可以俾客人食咖，呢啲質素應該食過嘅客人係吾會返轉頭再食，唯一係俾佢哋揾老襯入咗會，有五折，本應都吾想出這食評，因為佢執笠，員工就會失業，衹能俾餐廳負責人知道除了服務員態度，食物質素都很重要，最終逃不過被淘汰。…查看更多

做了會員幾年都想來食，可惜每次星期六都訂不到枱，今次的起心肝訂枱，因為有張現金券快到期，點知星期六要訂到六月份，佢哋話閒日多數有，唯有食閒日。先讚下侍應態度非常好，符合五星級應有質素，有機會一定再去，來前做定功課，前菜衹有洋蔥湯或沙律 bar，主菜揀了牛肝菌意粉和當天signature，老婆點了洋蔥湯，我下次先試；兩碟前菜飽了五六成，都係例牌嘢，火腿食落油脂甘味；牛肝菌意粉份量適中當日 signature 肉眼，薯蓉好幼滑，點些薯蓉+岩鹽+芥末，這個配搭超正到無朋友； cappuccino 完美結局。…查看更多

疫情嚴峻都沒心情寫食評但點都要俾自己記得，下次再下次不要來，碰啱餐廳周無人爭係有原因的，好耐無嚟都有少少期望，可惜啲食物味道遠遠不及這個價錢，茶位連加一近三百蚊一位，雖則物價通脹，食餐好些少都要三五百蚊，但都要俾心機做好啲，不應被人感覺到粗製濫做，前面的幾款點心好一般，係隻鮑魚算大隻，口感煙煙un un，魚湯燉海參，食吾出魚湯嘅鮮味，甜品陳皮紅豆沙，無陳皮味無甜味，致於服務就更不堪，一般高級食府應該有的服務全部沒提供，整體來說，這餐飯衹值30分，還是算把啦！！…查看更多

上次試過晚飯，今次就試下點心，先點半份叉燒，睇下係咪好似食評講得咁好先，好冧滑，個汁又好味蠔油豆再冧啲就可以攞滿分了罐湯餃放滿竹笙，粉皮薄，餃料豐富芋角比較一些酒店中菜還要高汁，外面鬆化，咬落無油”益”味蝦腸皮薄，蝦肉彈牙；牛肉腸正常，腸粉豉油係有煮過好食馬拉糕，係細舊咗啲，可以用到個”薄”字來形容佢，翻食機率超高。…查看更多

對上一次來已是幾年前嘅事了，可能没什么菜式點心較特出，能夠令我記住她存在，哈哈！某日見食評有優恵做七折就致電訂枱先，今天先安排去到附近shopping，夠鐘便行上去，先讚下這裡服務員好有禮貌，最近經常在不同食肆點這個焗蟹蓋，餡料都算豐富，可能材料太雜，導致吃不出蟹肉鮮味；罐湯餃又是一定會點的，餡料普通，全部已攪碎哂，粉皮打摺位較厚，湯頭一般；叫了一份牛肋條，味道正常，如果可以炆冧一些就完美，切成兩大舊碟上，或許切成一片片口感或好些，但$168就有點不值；叉燒包正常，無乜特别；馬拉糕又是一定會叫的，好軟熟甜度剛剛好，有七折情况下可以再來試下其它款式。…查看更多

聽說她是福臨門姊妹店，喺黃埔海福樓算是其中一間好食中菜，當晚二人晚飯試下，叫了兩個煲仔菜，枝竹龍躉腩，枝竹份量都算多，枝竹好入味，送飯一流，燒腩仔唔太鹹，恰到好處，龍躉腩又爽又彈牙；北菇遼參煲，好足料好味，翻食機會好大，下次試下點心。…查看更多

打開openrice即刻彈出$488黑松露套餐，二話不說致電訂枱，懷着期盼心情，衹因松露是我最喜歡的菜式，坐低後待應好清楚介绍套餐资料，除了湯和甜品是位上外，其它都是些牙，先來個黑松露野菌湯，不creamy，見不到有松露，衹見到兩滴油，一看就知係味精油啦！立時什么期望也不想了，前菜點了沙律菜，没有另外送上橄欖油和黑醋，問待應，跟住回答我衹有白醋，係咪想趕客啦:(，其中一款主食是小雲呑，個雲呑皮又厚又無味，豬肉餡一點味道也没有，另一主食係pizza，有幾片薄薄的松露片，可惜一點香味都没有。…查看更多

食完晚飯有七成飽，友人提議食埋甜品才回家，朋友帶路，行到去太子近地鐵站附近，好彩吾使排隊，可能未夠夜，點了三款，合桃芝麻，杏仁芝麻和大良燉鮮奶，我食了杏仁芝麻，好香杏仁味，不太甜…查看更多

社會趨勢令到不少大排檔消失，偶爾發现深水埗都有吾少大排檔，大部份都係做晚市，做小炒的，碰啱路過見到有間茶檔，四圍望下有乜好食，一般都係豬扒牛扒雜扒飯＋蛋咁上下啦，也有些午飯套餐，今次就點了個葱油豬扒飯配上煮過豉油，忘了影相，豬扒冧冧的，吾柴皮，個汁吾係死鹹嗰種，36蚊包熱飲，抵食到不得了，下次再食會補返相片。…查看更多

先在這裡多謝兩位靓太太，安排這餐生日飯，訂枱原因完全因為呢度個厨係之前喺天寶閣榮休嗰位大厨，呢度侍應有禮，先安排坐位再講解一下餐牌，最重要係有75折，今晚點了太多點心了，多到啲名稱都記吾到，但都試下啦！鮑魚酥撻，魚子蝦多士，搽均在多士上，鹹味十足，魷魚鬚，有咬勁，煙煙韌韌，少少辣味，蝦子燒賣，份量十足，千層糕，现在外面好少有啦！有都未必整得好食，這裡算吾錯，甜度適中，鹹蛋黄吾太鹹，一鹹一甜好夾，辣椒九肚魚超正，high 少少汁撈飯一流，所以加了個北菇雞飯，哈哈！靓太為我點了個蓮蓉壽包，内有一小塊蛋黄，個包皮軟熟，多謝哂，倫教糕即白糖糕，吾太甜無酸味新鮮滾熱辣，放底時出哂煙，雞肉軟滑，飯正常。…查看更多

減肥過後都要補充一些骨膠原和脂肪，留待下次大量消耗，這個豬手炆得不過火，未至于好似煲完湯撈上來嗰種，冧哂，佢可以食到豬手嘅筋位煙煙韌韌，皮肉又軟又冧，講下個汁覺得個有點兒過濃和過稠了，點解咁講，第一淡食落好鹹帶點甜味，食到第三四件豬手時便覺得個汁有點兒苦了，不知道點解。至于價錢，以今時今日豬價暴升下，整過上不用半百就享用到四件豬手，都算係好抵食了，又飽肚又有骨膠原，事後没口乾情况，至少應該無乜味精加上去啩。…查看更多