而且外面望入去好暗終於有一次停低望吓門口餐牌，咦，原來係食粉面㗎喎！仲要有豬什？
一入去原來都唔少人
落單要咗碗白胡椒湯豬什王米粉$63講真一嚟到係聞到浸怪味（我諗係雜都有呢種味）一飲啖湯不得了
好好味！如果可以再辣啲仲好
啲豬什望落去非常乾淨，食得好放心！而且種類好多..最令我驚喜係豬黃喉牛就食得多 第一次食豬嘅黃喉出邊仲有自助拌菜拎只限堂食㗎咋好食到一星期食咗兩次不過始終食內臟都唔太健康
唯有少食多滋味啦！…查看更多
然後又叫我坐第張檯，因為佢地員工食飯要坐我呢張:)我話噤岩岩又話坐得…跟住佢又叫我繼續坐，十秒都無又叫我轉檯，彈出彈入….ok….算啦，轉檯落單瑞士雞翼撈公仔麵配蒜蓉牛油多士炒蛋 $54味道正常，都欣賞佢地唔咸唔多汁蒜蓉多士唔夠味….跟餐叫左檸茶，我覺得幾好飲，係篤好左，都多檸最後想講，食左40分鐘，隔離換左兩檯人都係講佢地態度差
以今日唔洗排隊，餐廳又少人黎講，環境係ok,但因為啲態度唔會再食！…查看更多
提早係openrice訂左檯限時90分鐘, 不過最後都坐左成2個鐘先走~每次黎海之戀行完donki都會經過呢間餐廳, 但完全唔知係食法國菜終於有機會食到
餐廳比較開揚, 但唔會太嘈雜, 燈光幾有氣氛!今次3個女仔叫左個2人餐 $588頭盤我地揀左燒茄子哈羅米芝士拼盤黎到比個份量嚇親, 因為好大份好開胃, 開頭唔知上面白色係芝士
第2樣頭盤叫左蕃茄茴香酒煮蜆份量都一樣係好足!!!個蜆煮得好好食, 有一種pizza既味道...之後我地另外用左優惠價要左6隻生蠔$185因為其中一隻比較細, 所以廚師比多左隻我地
法國生蠔一般都真係比較細, 鐘意啖啖肉既朋友就未必鐘意啦生蠔好清甜主菜方面我地揀左openrice推薦必叫既香橙烤豬腩配羽衣甘藍,薯蓉 (+$20)有些少似食燒腩仔既感覺, 皮好脆, 偏咸而且無咩香橙味豬腩係屬於好肥個種, 我地3個人都係食左半舊左右就無食了但下面既羽衣甘藍同薯蓉就好好味!第2樣主食叫左肉眼牛排配薯條(220克新西蘭肉眼配黑椒汁)(+$30)我地叫左7成熟, 岩岩好 好大塊 , 蒜頭唔夠熟叫個陣驚死唔夠飽仲另外叫左個紅酒牛意粉 ($155)牛肉軟爛, 但肉質比較乾身,個人唔太鐘意意粉不過不失套餐仲有甜品我地揀左肉桂蘋果可麗餅唔知係咪食太飽既關係, 甜品比較失望, 太甜而且皮厚餐飲我地套餐價叫左紅白葡萄酒精選每杯各一(8折, $60-75杯)配上餐酒, 成餐飯都非常滿足, 飲飽食醉
…查看更多
今日終於有機會一試！！上到去滿座，韓國老闆們好似唔多理睬
只係話已經冇位，冇安排排隊同埋拎籌……我哋就坐喺出面睇吓附近有咩其他嘢食，點知突然就安排我哋入座🤣入座即送上六小碟banchan, 味道較為淡口茶係韓國經典的小麥茶，好飲！啱晒我呢啲飲濃茶瞓唔着嘅人
每個人黎到本家都應該必叫既菜式醬油蟹一份兩隻價錢（約$580）非常之肥美 鮮甜 多膏店員仲會隨即幫你用蟹蓋既蟹膏撈紫菜飯
不過個人略嫌飯入面嘅麻油味太重，如果可以少啲就完美喇另外仲叫咗個海鮮煎餅（約$138）用料豐富 而且煎餅嘅粉唔會好厚驚死唔夠食仲叫左個海鮮鍋（約$400）點知分量超多 最後食唔晒裏面除咗有海鮮仲有大量五花肉 越食越辣最後埋單兩個人$1177 滿足回家…查看更多
呢間小店就係平時返屋企嘅小巴站都開咗好多年 有燒烤、酸辣粉、麻辣燙等等內地重口味食物而且新工作就在附近 所以今日中午就決定食佢！由於係自己一個人嘅關係 所以只可以淺嘗..只係叫咗酸辣粉配菜價錢合理由於係第一次食 所以唔敢叫太辣而且都聽到隔離枱小朋友食唔辣都話辣所以今次只係叫咗小辣 另加左炸魚皮 雲吞 雞翼個人覺得小辣都真係好夠啦但略嫌酸味唔夠 所以自己又再加咗醋其他配料不過不失希望下次有機會再食燒烤 因為平時都見到好多人食…查看更多
所以今日放lunch唔使等位就食佢啦
門口闊落 但內裏空間比較擠迫 同嘈雜而且光線不足 環境可有好多進步空間:)見其他分店都幾光猛….本身係要咗鮮茄濃湯雙丸米粉餐（$66）點知冇晒花枝丸 所以就轉咗做韭菜鮮蝦雲吞米粉。台灣新竹米粉口感好好 爽口 軟硬適中韭菜鮮蝦雲吞足料 夠大粒比較失望係蕃茄湯底比較稀淡 料唔夠 但唔似加左味精 因食完唔會口渴份量足 有機會會再食其他嘢…查看更多
然後帶佢去新地方食午飯 所以就黎左大公館黎到門口真係好隱世，別有洞天餐館裝修好有氣氛，不過媽咪就覺得唔夠光線可能窗戶較小 感覺比較焗促但係檯與檯之間空間好多 都唔會好逼1.化皮燒腩仔表皮夠晒脆 肥瘦剛剛好2.瑤柱蒸魚型蘿蔔糕$58非常之有特色嘅蘿蔔糕 上菜時以為錯咗味道正常 唔會好重粉睇得又食得！3. 五指毛桃雞湯小籠包 $58又係一度出邊冇食過嘅味道
好香椰子味（五指毛桃）多汁！高質！4. 蟲草花千層腐皮夾$52稍為覺得比較濃味，醬汁較多唔太合我口味但味道係好味的！5.狀元山渣糕$45非常之好味酸酸甜甜好啱夏天食！總括來講非常之滿意因為好多特色食物，唔似出面一般酒樓咁沉悶！不過就茶界略為較貴（約$30蚊位）但都會再幫襯🥰…查看更多
陪媽媽覆診完得知身體健康後決定去看海揀左彩薈軒因為之前同家人食過, 不過今次晏左小小坐唔到窗邊但係都睇得到海 心情好睇咩都好我地叫左4樣野1. 鮑魚燒賣鮑魚比較韌 燒賣肉實 唔係太出色2.花知蝦球炆面面既乾濕度控制得好好 不過辣椒稍辣唔食得辣既朋友要注意3.灌湯餃料多 但味道同用料一般比平價酒樓還要差4.燕窩椰皇成餐lunch最好味既野蛋滑而且好香椰青味 好味！因為上去時間尚早 未洗等位就可以入座但檯與檯之間空間較小 好密集所以成個環境都好嘈好應聲！所以同媽咪急急腳食完就埋單走人了…查看更多
路過呢間好有日本風味既拉面店又唔洗等就決定係佢啦!!入座後店員話是日特選(蝦?)拉面已經賣曬~ 唔緊要~我叫左個C餐人氣餐 (特濃湯、硬面) $98入面有4塊紫菜、粟米、豚肉2-3塊、溏心蛋、荀份量好多! 面度係我想要既硬度, 好有咬口湯頭比想像中唔濃, 自己仲另外加左蒜配料不過不失~ 朋友叫左個B餐肉食者餐(特濃湯、軟面)$120入面有無限多既肉片同埋肉粒+溏心蛋、荀豌面真係好夠睇頭又吸睛, 友人都話好滿足!!另外我地仲叫左章魚丸子$30有6粒, 每粒入面都有唔止一粒既章魚粒…查看更多
係太古廣場行左一陣街之後, 開始周圍既餐廳都座無虛席之後諗起一直收藏住既TRIPLE O係附近, 所以就黎左啦~店舖位於超級市場內, 可能聖誕節大家都去大餐廳食大餐~所以唔洗等位~1. 煙肉芝士牛肉漢堡$72(和牛漢堡扒、煙肉、芝士、生菜、蕃茄)每次探店都總會叫經典款式, 所以叫左無得輸既煙肉+芝士好大個, 一手掌握唔住 非常juicy, 秘制醬汁亦好惹味最畫龍點睛既係上面個塊青瓜(雖然好多人都唔鐘意)但配上上面塊酸青瓜真係令到成件事好爽~ 2. TWO x TWO Burger Combo $153呢個跟左餐 加左個薯條同oreo cookie milkshake個奶昔好味唔會太甜 比起SS黎講都唔會太「杰」整體都好滿足 但分店得番好少唔會專登再黎了....…查看更多
每次食酸菜魚都會飲好多湯
魚都好多 而且好滑~另外仲叫左個川香回鍋肉$88個人覺得唔係好夠辣肉較小!每次食川菜都必定會叫既冰粉$28味道係無咩特別 但就每次都想食最後好驚喜~ 老板送左份紅糖糍粑比我地真係好滿足! 亦都好有誠意 份量好多!但食唔曬呀得2個人, 真係多謝曬啦!…查看更多
每次黎都只會叫呢一頁今次就叫左下面個餐 $52一個番茄濃湯通粉配牛乳炒蛋再配左吉列魚柳扒 + 熱菜蜜記得以前有得揀螺絲粉 唔知點解依家無左 好可惜:(但湯頭依然係好濃 唔會好多味精 食完唔口渴魚柳就炸到好乾 麻麻地~ 以前一般都會叫招牌瑞士雞脾/雞翼都超好食! 之後應該都會專一D唔試新野…查看更多
一向都覺得香港既拉面 就算係過江龍都無去日本食噤好食..所以已經好耐無係香港食過拉面, 一黎味道麻麻 二黎比日本貴好多一幻拉面開張既時候都有好多活動同好多人排隊朝聖可能係大年初一既關係, 所以唔洗排隊就可以直接入去食。同老公叫左個壬寅年二人套餐 $2481.特濃蝦汁叉燒拌面非常之香既蝦味 可以話比起好多馬拉野既蝦面既蝦味仲濃裡面有叉燒粒但比較乾身 最特別係有D脆脆, 令到口感豐富左好多不過食到一半有少少漏
2.黑蒜叉燒蝦湯拉面都係好濃既蝦味 加上黑蒜油 更加帶出成個湯頭既鮮味但唔會過咸 最後有少少節制 所以先無飲曬D湯跟餐揀左一個糖心蛋薯仔沙律、青瓜木耳、味荀沙律份量足 味道不過不失…查看更多
是日去左呢間好多人推薦既屯門cafe, 1點幾去到拎位都等左成個鐘先有眼見唔算好多人 只係位置不多, 不過食美食就係要等待啦餐牌係好英式既風格, 菜式亦都好多選擇限聚2人一檯 我地4個人相隔一塊膠板分享美食1. 蟹籽蟹肉明太子忌廉意粉$89首先當然係叫我最愛的明太子意粉啦份量好多 見隔離檯2個妹妹都無食曬每條面都掛滿曬醬 好濃郁濃稠 非常好食!!! 必叫!!!2.Green Breakfast素素地早餐 $108牛角窩夫/菠菜芝士薯仔皮/黑松露炒蛋/牛油果/大啡菇/芝士蕃茄/沙律呢個係無肉既 都已經十分豐富 岩曬唔太鐘意食肉既朋友飽腹感好夠!! 牛油果唔會太軟又唔會太硬3.A Big Breakfast 盤子大早餐$118牛角窩夫/菠菜芝士薯仔皮/黑松露炒蛋/熱狗腸/香脆煙肉/大啡菇/芝士蕃茄/煙三文魚/沙律係素素地早餐既基礎下 多左肉, 每款都好香 都係份量好足!4.巴馬臣芝士煙肉碎碎沙律$60 +牛油果$20份量都係好大5.羅勒菠蘿梳打$40好香菠蘿味 酸酸甜甜 不過略細杯出奇地個塊菠蘿乾係好好食既!!!!!!6.姜B奶奶(GINTO MILK) $48好老實講 為左姜B而叫架不過我覺得麻麻地好飲....文青小店份量、味道100分!!!不過就真係店舖較細 等既時間長, 希望你地生意好 可以擴張
唔洗等噤耐啦! 會再幫襯!…查看更多
齊人入座限時90分鐘 其實時間都好充足~1. 冬蔭功(大) $138食泰菜必叫 料豐富 都有幾隻蝦香料多 但唔會太搶,亦都唔會太辣, 偏酸多連怕辣既朋友食都唔覺得辣!!2.大拼盤 $218有春卷、蝦餅、魚餅各4舊, 同埋生菜包炸物不過不失, 不過除左配有經典雞醬,仲有另一款酸酸果醬配上炸物 減去油膩感 大讚生菜包不同於出面食, 唔會太咸 配有青檸汁 食落酸酸辣辣好過癮!!3.泰式生蝦$98一份5-6隻, 味道正常 唔會太唔新鮮4. 燒原隻魷魚$98比較失望既菜式, 基本上唔覺佢有燒過質感較淋, 亦有生生地既感覺, 色水亦都唔吸引:(5. 面包焗咖哩軟殼蟹$208食泰國菜無可能唔叫咖哩啦 呢間餐廳既咖哩偏向甜, 椰味都重 個人黎講好鐘意面包完全入曬味 軟殼蟹份量都多, 5個人食都好足6.蒜蓉炒貴妃苗$75略為有少少咸 但好嫩~ 7.蝦醬炒飯$88蝦醬味唔出, 飯入面有好多台灣腸, 肉鬆,腰果友人平時好少食飯 都食左2碗 就知幾好味啦!另外飲品叫左 龍眼冰$38, 青檸梳打$38,咸檸七$38最後5人埋單合共$1182, 係尖沙咀黎講算係性價比高既整體都唔錯, 限時90分鐘都唔係問題, 但上菜真係偏慢而且會漏單 反覆叫人都係無落到單 最後催交檯時先落成功如果改善下呢個問題就100分啦! …查看更多
