餓虫的个人专页

以$189哩個價錢食到哩個質素嘅和牛壽喜燒，性價比真心高湯底都有好幾款，我就揀番壽喜燒，唔好嘥咗啲靚牛🥩 可能因為價錢問題，唔係用壽喜歡慣用嘅煎烤盤，只係火煱上，不過味道都好好👍🏻午市定食套餐除咗自選主食肉類之外，仲跟前菜小食、蔬菜、飯/麵，餐飲+甜品。睇落份量好似偏少，但食下食下覺得好飽😋😋主角終於出場，鹿兒島黑毛和牛油脂紋理分明，非常吸引😍😍😍 目測每份三/四片應該有有100克😋😋牛肉片厚薄適中，拖幾秒就食得、口感嫩滑，超好食😋😋😋午市定食可任點任食雪糕🍧不過今日只有綠茶蛋糕一款，就一杯好了🫶🏻另外一提就係服務，今日客人唔多，服務人員態度超好，真係有向日本用餐嘅感覺👍🏻👍🏻讚…查看更多

看到網路力推就嚟一試究竟！隱世私房菜到底有多好吃🤔提前兩天訂枱尚算順利。但原來大部分嘅菜式都要預訂，否則就無緣了⋯⋯訂座時又冇提示⋯⋯真。菠蘿咕嚕肉$118用真菠蘿做咕嚕肉其實都唔係新鮮事，個人覺得有點強差人意。新鮮菠蘿坊間一係切塊一齊炒，－係用嚟伴碟，出面做法係會燒香菠蘿至5成熱，哩到只輕輕燒過，一口咬下心仍是冷！咕嚕肉炸得唔夠香脆，覺得個脆醬有問題，有陣化學味，肉質鬆軟到完全冇肉味。唔收貨👎🏻黃金蝦球$128蝦球口感係爽口，可惜都係冇蝦味，好在鹹蛋黃外皮尚可，夠乾身唔會一pat水。芝麻雞 $200招牌菜冇預訂都食到，不過唔叫好彩，炸得太乾肉質同外皮都偏硬，哩個價錢，憑咩？豉汁白鱔煲仔飯$200味道唔錯，𡯁其係個飯底係真煲仔飯，火喉啱啱好👍🏻 不過餸就少咗啲，哩個價錢值得落多兩舊囉！不過個豉油就好一般。椒絲腐乳炒通菜$78正常發揮，好味但份量實在太少！…查看更多

哩間老記粥麵向筷子基開業廿年，做街坊生意2024年榮獲米芝連推介，絕對憑實力取勝。連的士大佬個個都讃👍🏻👍🏻無提前訂位，只像搵酒店前臺幫忙打電話去預約，然後搭車過去，竟然搞掂咗，係緣份呀🫶🏻嚟澳門玩，食水蟹粥係必須的，做得粥麵店，梗係要試埋麵啦，仲有其他大排擋小炒，好多出面搵唔到，見到個菜名就知無得輸💪🏻💪🏻💪🏻水蟹粥 （大鍋）$358鮮甜棉滑🦀、足料又新鮮😋😋😋唔係世一，但都打敗99.9% 澳門水蟹粥😌黃金蟹竹昇麵 $418用頂角膏蟹炆麵第一次食，真心推薦🫶🏻🫶🏻🫶🏻蟹膏扎實、蟹肉鮮甜、竹昇麵炆完都仲口感爽彈、唔會一pat嘢、汁醬洽到好處、惹味得嚟又唔會死鹹、除咗蟹味香濃仲帶好香蠔油味，絕對值得2擦💯薑蔥田雞煲 $123哩到嘅煲仔菜亦係超水準、田雞鮮味配勁多蔥，惹味到不得了🐸🐸🐸…查看更多

大時大節$258位，起爐$80，任飲任食，圓枱設計方便好多，中間仲有個煲拾菜又得煑麵又得、又或者拾下啲丸先拎去燒，快啲熟又冇咁易燶😆食物一般接受到，味精重手咗少少，返屋企後成晚都好口乾🤔哩餐BBQ個人覺得都ok ，不過要投訴下嘅係啲飲品，汽水機壞壞哋，淨係出糖槳⋯⋯完全冇氣，甜到一個點😢 唔想俾錢買其他嘢飲就唯有飲清水、茶沖茶包飲⋯⋯啤酒$15罐ok啦。另外，入場跟樂園入場一樣玩法、入場人頭俾錢，憑單取食具，遲到嘅話要自己再排隊俾錢入場，唔可以幫朋友一次過俾錢，唔係咁方便囉🤨服務方面唔可以話差，因為真係好爆埸，人手不足好正常，其實要嘅嘢自己都可以拎到，加炭自己都搞得掂。*向大埔墟站坐20C往大美篤方向，見到鴻運燒烤埸個招牌落車行入去，往左手邊停車場入就啱喇！…查看更多

前排見到好多人推哩間放題，又嚟試試啦。午市$268/成人 只係半放題、手握壽司、串燒、和食，同埋火鍋野菜叫做任食、其實選擇好少、A4和牛一客三片午市只可追加一次，廣島蠔、雞肉都一樣、仲要限時90分鐘，算把啦⋯⋯手握壽司🍣⋯⋯唔係話落咗深色嘅醋做壽司飯底就好pro先得㗎！根本就係爭鮮嘅造型嚟囉！A4和牛1客3片，午市每人包兩客即係每人6片，數字其實冇乜義意，哩幾片牛肉完全睇唔出係和牛，切到咁薄、就算6片加埋都冇人哋1塊嘅份量，離晒大譜😠其實小店真係唔好做放題，仲要日式放題，邊夠大集團玩呢！不如老老實實做番a la carte 吧啦🙏🏻…查看更多

午市時間所有人都係12點入場，跟手全世界衝去海鮮檔撈海鮮🦀🦐🦀🦐之後又要排隊等工作人員幫手清潔海鮮⋯👩‍🔬🧑‍🔬 個人認為先食蝦比較好，沖兩下水就乾淨晒，第二輪先撈鮑魚，貝類海產🤔主攻大頭蝦同蟹，夠生猛又夠爽口彈牙，仲要有膏😋😋😋鮑魚就一般般啦，沙白同蜆好鮮甜飽滿多汁，好好味多吃冇防👍🏻👍🏻👍🏻放題仲有其他嘢食，煎鵝肝多士、烤羊架、榴槤都有得食🍖🍗🥓飲品選擇又多，清酒、梅酒、啤酒都係放題🍶🍷🍻🍹🥤🍾…查看更多

今日又約咗餓底特工成員出勤，目標係旺角#御滿屋 周末午市放題12pm 食到3pm，A餐$258/ 成人，B餐$368/成人幫襯時做緊88折，等同免加一🤔今次係睇中哩到B餐有拖羅🐟、魚子醬、長腳蟹🦀、海膽任食⋯⋯清酒、梅酒任飲🍶魚子醬盒上、鹹鹹哋冇乜味、平嘢係咁上下⋯⋯ 三文魚籽或蟹籽仲好食啲，起碼有爆䊢嘅口感😅拖羅切得太薄、其實反正都係任食、切厚啲賣相都好啲啦、不過個人覺得唔係真嘅吞拿魚腩，應該係另外品種，味道偏淡🐟馬來西亞榴槤都係任食😋上湯焗雪場蟹腳味道唔錯，哩個肉質少少霉，冇encore 🤔煎鵝肝有啲薄，反正任食切厚啲咪好囉⋯⋯🪿芝士焗龍蝦🦞B餐每人送半隻，熱辣辣係啲芝士好味⋯⋯其他食物都算中規中距、總括嚟講食番A餐抵啲⋯⋯…查看更多

#彩虹村 #金碧酒家 聽聞大名好耐，不過未有機會幫襯，哩到除咗出名好食，亦出名難訂枱，話說哩餐飯局已經約咗大半年，真係超誇張😅#杏汁豬肺湯 🐽#炸蟹鉗 🦀#錦鹵雲吞 🥠#蠔豉生菜包 #蜜汁脆鱔球 #茄汁大蝦 🍤#紅燒班尾 🦈#茘芋香酥鴨 🪿#馬拉糕 🥧哩個湯真係超正，飲咗咁多年豬肺湯哩個超濃郁，陳皮勁香，真材實料😋😋見隔離枱枱都有叫炸雲吞，我哋都唔執輸，我哋即埸叫都冇問題😉 酸甜味啱啱好，配合料有肉片魷魚，係最傳統嘅做法🥠炸蟹鉗賣85蚊一隻係有啲貴，記得好細個去飲一定有得食，不過唔知由幾時開始就冇再出現過⋯⋯實在令人懷念🥹 札實彈牙，外脆內軟，佔少大紅浙醋食就係哩個味道👅不過最期待嘅香酥鴨反而有少少失望，芋頭唔夠香，差少少🤔其他幾個餸都好好味，我唔太鍾意蠔豉味，都覺得哩個生菜包好味😋😋 不過可以的話加多少少爽口嘅材料應該會更好🙃茄汁大蝦🍤 合格以上、但未至於勁好食。紅燒龍躉尾 魚皮唔會靱骨膠原滿滿，肉質彈牙，不過略歉醬汁少咗啲，不過都係清晒底😋😋😋蜜汁脆鱔份量超大，我估應該用咗成條白鱔，肉質爽口彈牙，不過唔夠酥脆，差少少，有機會試吓豉汁蒸盤龍鱔🐍馬拉糕就一般啦⋯⋯可以試其他餸埋單連小費每人都係$450，好抵食👍🏻👍🏻7點半到達已經坐滿人、超好熱鬧，又多老人家一家大細，有啲似去左舊式酒樓飲長輩生日宴咁，事關席間仲有餘興節目，就老闆巡唱生日歌😅😅😅 之後仲有客人現場唱歌🎤娛賓⋯⋯氣氛超好笑😂彩虹村🌈2028年開始進行第一期從建計劃、金碧都會拆，訂枱要趁早、想食起碼等半年⋯⋯⋯…查看更多

睇到介紹話九龍城有正蟹黃拌麵、仲要係一百蚊好似好抵食，咁一於試下啦！平日晚上幫襯、下層食大閘蟹放題，二樓食麵餐，都算幾多客。賣一百蚊嗰🦀蟹粉餐，真係唔好有太高期望，落茶餐廳食個晚餐都要80蚊起標啦⋯⋯餐廳寫明蟹粉有180g，真實都算大份，顏色都似模似樣，不過蟹粉味好一般，醬汁比例多過蟹好多。可配上海麵或白飯，再跟一隻🥟蟹粉小籠包，同小菜一碟🥬，送黑糖薑茶☕️…查看更多

星期五晚市幫襯竟然得四枱客，香港地今時今日生意真係難做。哩間餐廳位於灣仔區地鋪易搵，裝修ok，坐得都舒服。晚市套餐$498 包前菜、餐包頭盤或餐湯+主菜+甜品+餐飲是日前菜係風乾火腿、細細片都算甘香、餐包微熱、自家調味牛油有特色，幾好味😋頭盤鵝肝多士份量都算幾大方、味道👌🏻、賣相還好牛肉Tartar 有別於坊間嘅賣相，哩到用小焗批裝起、面頭再加芝士粉、方便進食、味道中規中矩，頭盤都係－客兩件，兩個人嚟都可以交換品嚐😋主菜揀咗唔使加錢嘅牛扒🥩同枱幾個人都揀牛扒、但係size就有大有細⋯⋯⋯ 火喉都ok嘅。不過個人比較喜歡自己切，唔使碎上⋯⋯有朋友揀食油封鴨腿duck confit ，賣相唔錯，味道都唔錯👅，外皮香脆，肉質都唔會死實，亦唔會太鹹😋套餐每位仲配一款side order，薯條、Caesar Salad、炒露荀、炒蘑菇⋯跟餐仲有甜品、今晚有Tiramisu 千層🍰，唔太甜係要讃嘅，不過味道好一般啫⋯⋯最最最後⋯最想講嘅係佢哋嘅服務，當晚有四枱客，五個服務員，但係我覺得跟本冇服務，唔係服務差，而係冇人提供服務⋯⋯😑 幾個waiter圍埋吹水，大廚坐咗出嚟同人吹水嘆紅酒🍷，之後waiter們企埋一邊完全離開大家視線😔 當佢哋嚟服務你嘅時候，雖然都好生手不過都好有禮貌⋯⋯好好工作吧！#Forkers🏣 灣仔駱克道33號萬通保險大廈地下A號舖⏰ 12:00~15:00 ; 18:00~22:00…查看更多

午市蕯摩牛套餐$199起、晚市$398起用餐時間限70分鐘必須預訂仲要一個定俾按金💲💲今時今日仲可以堅持咁嘅服務態度、真心佩服！正常嚟講、應該執咗⋯⋯除非勁有料🤔準時到馬上安排入座、環境尚可，空間感十足，唔會枱貼枱，不過四人枱有啲細、佢一次過上晒所有野、跟本放唔到三/四人份。⋯⋯⋯⋯⋯⋯⋯午市特上· 蕯摩牛套餐$249霜降A5蕯摩和牛 110g （兩片）前菜野菜盛盒米飯 及漬物（日本產）蘭王蛋⋯⋯⋯⋯⋯⋯⋯個人覺得份量女生食都偏少、男生應該唔夠。純粹回味下日本滋味，還可以啦⋯⋯都冇謂加$$追加喇！A5和牛論色澤差少少、唔夠鮮明、口感尚可未至於入口即溶。醬汁味道都唔錯，唔會太鹹或太甜。服務員會幫你將啲料放入個鍋、不過如果你之前有體驗過壽喜燒，建議你自己嚟、其實佢哋都唔係好識、覺得有啲亂。當然又唔可以同日本比較⋯⋯對佢哋都唔公平🙏🏻上次向今半銀座店、個室全程有專人服務、都係賣13000円（～HK$700) ，三大片肉又刺身又甜品⋯⋯食過真係好難返轉頭🥲回頭率 25%…查看更多

先講下環境，旺中帶靜，交通方便，不過生意太好所以啲枱排到密質質，好在部份有張乾淨透明膠隔住、感覺好啲😉 不過客人太多冷氣差少少，兼夾對住後門，唔知點解成日有人行出行入⋯⋯真係好熱🫠🦀 糯米炒膏蟹 $598最期待嘅一道菜、賣成六百蚊一隻蟹、真心貴、不過哩隻蟹堅爆膏、好食嘅😋不過本人覺得咁樣煑嘥咗⋯蟹嘅鮮味膏嘅甘香味似乎被其他調味料蓋過🦀🦀🦀🦐 星洲麥皮蝦 $278急凍中蝦鮮味欠奉、同新馬嘅口味頗有出入、原本做法係油泡蝦撈錬奶加麥皮同炒、味道偏甜，不過哩到嘅做法有啲似避風塘，但又唔夠惹味，麻麻哋啫⋯⋯🪿黑松露玻璃燒鵝 $238雖然話係黑松露啫，但係點解會咁黑嘅呢？真係黑人問號？哩個餸要提前訂、外皮有少少黑松露味、點埋個醬、－定有黑松露味啦！不過又唔會over，唔錯嘅但又未至於好正，同出面坊間燒鵝差唔多，勝在走晒肥膏👍🏻👍🏻 賣二百幾例排，得咁少，真係有啲貴💲💲💲🥬啫啫芥蘭煲 $128唔知係個煲太大亦話份量少🤔 味道方面都係一般般，唔夠惹味⋯小食「琥珀合桃」$25誠意小食、收$25都合理😋茶$15/位回頭率：49%…查看更多

三十幾度竟然走咗去旺角食烤魚、好在冷氣夠涷、涷飲又夠大杯仲要唔貴👍🏻我個人就唔鍾意用烤魚打邊爐、打邊爐都係港式有好多海鮮🦞嘅先最正🍲重慶麻辣烤溝江魚 $298陀地燒生蠔 $12/隻孜然蒜茸豆皮串 $12/串哩間烤魚味道正宗、價錢就係香港價錢、還可以啦！除咗烤魚、仲有串燒食、串燒價錢唔貴around十幾蚊串、食多幾串都冇問題、味道都真係唔錯👍🏻𡯁其喺燒豆皮串、好惹味又酥脆🍢🍢可以回頭😋 服務都幾好、問有冇用餐時間限制，佢哋話一般2小時，不過如果冇客人等位，可以繼續坐，哩到收00:00啱晒圍爐吹水😅…查看更多

雖然叫#彌敦左岸 不過並唔係開正#彌敦道 ，而係位於尖沙咀酒吧街#赫德道 ，有嘢食、有酒飲、有水吹、仲有歌聽添！地點就腳、價錢唔算貴、坐得舒服、又唔限時間、仲有live band、唔嫌嘈嘅都係一個幾唔錯嘅選擇😊 食物方面都有啲水準、份量同味道都唔錯，值得一試😋 彌敦左岸 (尖沙咀)烤黃油雞$308+油飯$88賣相同presentation 一流，打卡嚟講，味道呢🤔隻雞算係烤得幾好，胸肉都唔會鞋，不過加$$配嘅飯真係嘥$$，非常硬好似粒粒鍋巴咁⋯而且非常油⋯⋯⋯烤豬手 $328外皮脆脆份量挺多，適合大伙兒分享，味道中規中距，算幾抵食😋炸薯條🍟$98好大份、配松露芝士粉，好好味，吹水送酒一流😋😋避風塘炒粟米🌽$98哩到嘅下酒小食絕對比主食更出色，份量又足，抵過向中餐館食哩個菜👍🏻👍🏻👍🏻八爪魚沙律🥗 $168份量唔少，嗰汁醬唔錯幾清爽、八爪魚🐙夠大方，以冰菜為主配菜，口感特別好，夠心思亦肯落本👍🏻👍🏻👍🏻雖然叫#彌敦左岸 不過並唔係開正#彌敦道 ，而係位於尖沙咀酒吧街#赫德道 ，有嘢食、有酒飲、有水吹、仲有歌聽添！虎蝦配多士？虎蝦？太細仔啦⋯⋯明明係點左魚子醬牛肉他他？點解變成哩款？不解🤔…查看更多

今日去咗灣仔一問隱身於巷弄嘅法國小店，位置其實好好但就係隱藏向後巷入面、所以人流唔多、不過都幾有水準嘅！餐廳𥚃裡內內設計都有心思、不過3courses set lunch賣$198算係好進取、同區大把選擇！Starter x 1吞拿魚牛油果tartare以set lunch嚟講份量都足夠、調味唔錯、就係俾少咗兩片多士囉⋯⋯話時話哩間餐廳好似唔興俾餐包？法國餐廳嚟講都比較少有，須知道法國餐份量都比較小、餐包是有必要的🤭八爪魚🐙沙律 +$23算好多料份量尚可、調味唔錯😋八爪魚又唔會靱、加$23 好似又唔係好多$⋯⋯ 哩到嘅策略就係乜都加少少$，唔覺唔覺一個lunch 埋單就變三百🤫Main x 1龍蝦芝士波浪意粉 +$28聽講係招牌菜、加$28啫⋯⋯又唔係唔試呀🤔真係好味喎、龍蝦醬汁好濃郁、配波浪寬條麵夠晒掛汁🍝、都有幾舊龍蝦肉🦞、又唔可以話佢貴🤔法式奶油白酒燉雞 +$38哩個係白汁雞皇飯啲friend 、個醬汁做得幾出色🐣、不過配菜用嘅紅蘿蔔粒、感覺有少少流、起碼切嘅方法唔夠pro，而家好似急凍雜菜粒粒⋯⋯西冷牛排配炸薯條 +$58煎得幾好味正常發揮，不過而家係medium well唔係medium🥩，不過都好好味😋Dessert x 1Tiramisu 正常發揮、唔會太甜、份量尚可👍🏻Cream brûlée 賣相不錯、口感順滑、略甜少少😋整體嚟講、值得一試、換成dinner 應該會更好feel 😉😉…查看更多