奀芝芝的个人专页

兩位老闆應該冇請人，得兩個人做，手腳非常~~非常~~慢，唔係做大排檔嘅料，所以如果想幫襯就應該以café嘅心情去等候，佢哋係慢工出細貨，所以唔好見多人排就覺得好好食，普通野嚟三文治、公仔麵、通粉，咖啡奶茶個啲… 我等咗超過半個鐘，坐低再得多半個鐘，都仲未有野飲擺響枱。店家都帶晒頭盔話人手有限，係慢㗎喇，等得就等個款，所以有好多時間先好去幫襯。…查看更多

由關閘落車，誤打誤撞行到去黑沙環附近，呢區屬於工業區，好多工廠大廈，感覺好似去咗新蒲崗咁。 因為離旅遊區相當遠，周圍嘅食店唔多，透過Google搵到呢間坐落響住宅區嘅區神父街，對住聖保祿學校嘅一間Fusion餐廳。餐廳裝修好簡樸，燈光昏暗，有情調氣氛 (如果加埋蠟燭會更正)，當時我哋早到，所以未有客人，原來嚟呢度食飯嘅人，多數都會打電話預約訂枱，好少我哋呢款walk-in客。原本以為係一間好貴嘅餐廳，但睇餐牌後發現價格親民，女仔嘅話份量係啱啱好，唔多唔少，但男仔去食可能要額外加個白飯 (所有菜式唔會跟薯菜、飯、意粉)先會夠飽。點咗個熱桂花薑茶，幾好飲，加上呢種情調更令人放鬆。 職員服務非常好，會好注意每枱客人嘅需要，部份職員可能係葡國人(戴咗口罩以為佢係華人)，所以餐廳需要用英語交談。 但接待嘅男經理應該係本地人，所以可以講廣東話。整體嚟講，餐廳係唔錯又安靜，係地點比較難搵，對遊客嚟講，需要搭的士或者搵架巴士先可以到呢度。…查看更多

太耐冇去日本食野，成日就望住YouTube啲職人烏冬店整烏冬，個肚就係咁餓。 朋友見我咁想食，帶咗我嚟呢間烏冬製麵所照顧下個胃喇~~ 呢間烏冬店有自家工場做烏冬，粗、幼都有得選擇，我地揀咗一粗一幼，粗身嘅口感係好彈牙，幼身嘅就比較滑，個人喜歡粗身多啲。朋友嗌咗骨付雞烏冬，塊雞扒超大，見到好多枱都有叫。 而我點咗天婦羅烏冬，炸物有蝦、多春魚、冬菇、茄子同小牛鰍魚，佢將啲魚炸得幾好食，再加埋滿滿嘅烏冬，個肚超飽 下次有機會會再試佢哋嘅冷烏冬，期待翻桌 …查看更多