initio的个人专页

千祈唔好諗住食返以前Brass Spoon嘅味道，完全唔掂，碗粉一上枱已經知道唔對路，湯唔熱，唔係以前嘅味道，失望。問咗店員好多次係咪轉左手，問極都當聽唔到，最後埋單兜口兜面問先死死地氣話係…查看更多

Brass Spoon由佢開鋪已經食，一路都認為係全香港最好嘅越南粉。但係近年少去咗，點知今日一去，咦，點解啲人唔同哂嘅，連剔紙仔張menu都唔同咗。已經好奇怪。order咗生熟牛肉河同香茅豬扒撈檬，一放上枱，個湯已經唔同咗，以前個湯係清依兩係濁嘅，味道只有以前嘅六成，以前食到尾碗湯都仲係好熱，依家未食已經唔熱，唉。到個香茅豬扒，以前係煎到好香同肉質腍滑，依家係好似蒸出嚟同肉質非常之嚡，唉，俱往已。又少一間好餐廳。…查看更多

朋友傳來一張好靚嘅相片，全套Mclintosh加KSR4351, 我哋兩個都係音響發燒友，見到咁嘅設備，已經話要去聽下，畢竟咁嘅設置香港冇乜地方放得落。終於同朋友到咗，一入去，咁細地方嘅，聆聽環境非常窄，音樂播放超細聲，全場得我哋一枱客，已經係坐中間皇帝位，啲聲音都好似係隔住塊布咁，好失望，問可唔可以大聲啲，店員只係開大聲咗少少，咁問佢可唔可以播啲廣東歌聽，店員揀咗隻黃耀明，一開聲我同朋友講已經可以走得，點解？對喇叭放到咁高，個高音同個天花板差唔多零距離，仲要分到咁開⋯⋯唉，結果係敗興而回，原來套Hi Fi係裝飾品嚟。杯酒未飲完已經埋單走人，浪費金錢浪費時間。…查看更多